Ислам Жанұзақов: Басты мақсат – тұлға тәрбиелеу

Мемлекет басшысының халыққа биылғы Жолдауында да білім беру саласына жете назар аударып отырғанына тәнті болдым. Расында да, келешек кілті білімді ұрпақ қолында. Елбасы тәуелсіздігіміздің бастапқы баспалдақтарында-ақ осы мәселені ерекше көтеріп, арнайы жолдамамен жастарды шетелдерде оқытқан-ды. Қазір түлектердің алды өндіріс тұтқасын ұстай бастады. Игіліктің нәтижесі – осы.

Егемен Қазақстан
27.03.2018 507
2

«Төртінші өнеркәсіптік революция жағдайындағы дамудың жаңа мүмкіндіктері» атты Қазақстан халқына Жолдауында Ел­басы ұсынған 10 міндеттің жетіншісі «Ада­ми капитал – жаңғыру негізі» деп аталып, білім берудің жаңа сапасына қалай жетуді нақтылап берді. Елбасы: «Білім беру бағдарламаларының негізгі басымдығы өзгерістерге үнемі бейім болу және жаңа білімді меңгеру қабілетін дамыту болуға тиіс», деп білім беру саласындағы дара даму, ерекше оқыту сапасы, білім бәсекелестігін арт­тыру жолындағы өзгерістер мен жаңар­тыл­ған мазмұны туралы нақты қадамдарды анық жеткізген.

Елбасы мәдениетіміз бен идеологиямызды одан әрі дамыту да «Рухани жаңғырудың» маңызды екенін: «Өзінің тарихын, тілін, мәдениетін білетін, сондай-ақ заманына лайық, шет тілдерін меңгерген, озық әрі жаһандық көзқарасы бар қазақстандық біздің қоғамымыздың идеалына айналуға тиіс», деген сөзі арқылы білдірді.

Елбасы мұғалім мәртебесін көтеру мақсатында қосымша 67 миллиард теңге бөлу қажеттігін айтып, білім берудің жаңартылған мазмұнына көшкен ұстаздардың лауазымдық жалақысын 2018 жылдың 1 қаңтарынан бастап 30 пайызға көбейтуді тапсырды. Мемлекет басшысының дәстүрлі Жолдауларын жүзеге асыруда біздің оқу орнымыз да өзіндік үлес қосып келеді.

Облысымызға аса қажет маман кадрлар дайындайтын агротехникалық колледжде 1500 астам студенттер білім алуда. Оқытудың ҚТ СТ ISO 9001-2016 «Сапа менеджменті жүйе­­лері. Талаптар» жүйесі оқу-тәрбие проце­­сіне толықтай енгізілді. Колледждер арасын­­да республикада алғашқылардың бірі болып инс­титуттық аккредитация куәлігіне ие болуы­­мыз халықаралық дәрежедегі кәсіби білікті ма­­мандар дайындауға мүмкіндік беріп отыр.

«Қазақстан Республикасындағы білім беруді да­мытудың 2011-2020 жылдарға арналған мем­лекеттік бағдарламасының» басты мақ­саты – білім сапасын көтеру. Осы орайда, кол­ледж әкімшілігі облысымыздың 70-тен астам өндіріс мекемелері және шетел ком­па­нияларымен тығыз байланыста болуы­ның нәтижесінде оқу-өндірістік, техно­логиялық, дипломалды тәжірибелерін ба­залық мекемеде өткізген студент жастардың өндірістік тәжірибе жинақтауына және оқуын бітіргесін мекемелерде мамандығына сәйкес жұмысқа орналасуына мүмкіндік жасап отыр. Бұл жұмыс кәсіби білікті маман дайындап қана қоймай, сонымен бірге білім сапасын көтеруге мүмкіндік береді. Осындай бағыттағы жұмыстарды халықаралық дә­ре­жеде де іске асыруды бастадық. Ресей Фе­дерациясының Астрахань қаласында орналасқан Теңіз және өзен көлігі Каспий инс­титуты базасында біздің «Кеме жүргізуші» мамандығының студенттері тәжірибеден өтіп, халықаралық сертификатқа ие болады. Бұл осы мамандық түлектерінің толық мамандығына сай Қашаған кеніші сынды басқа да өндіріс орындарына жұмысқа орналасуына мүмкіндік береді. Сонымен бірге кадрлар дайындаудың дуалды жүйесін оқу-тәрбие процесіне енгізу бағытында біршама игі шара атқарылуда. «Жұмыспен қамту-2020», «Дипломмен – ауылға!» мем­ле­кеттік бағдарламалары жоспарлы түрде жүзеге асып келеді.

Білім және ғылым министрлігінің тапсырмасына сәйкес, «2011-2020 жылдарға арналған білім беруді дамытудың мемле­кеттік бағдарламасы» аясында оқу-тәрбие жүйе­сінде электронды оқыту жүйесінің қанат­қақты жобасы іске қосылды. Техника­лық жағынан толықтай қамтамасыз етілді. Кол­ледж базасы мемлекеттік бюджет есебі­нен электронды подиум, 30 моноблок, 20 ком­­пьютер, 17 ноутбук, 3 интерактивті проек­­тормен толықтырылды. Сонымен бірге кол­ледж есебінен оқу кабинеттеріне арнал­ған 12 интерактивті тақта алынды. Коллед­жі­міз бойынша барлық моноблок пен ноут­бук­тер сымсыз интернет желісіне (WiFi) қосылды.

Электронды оқыту жүйесі платформасы оқу процесін басқаруға, яғни кадрлармен білім алушылар контингентімен жұмыс, оқу, іс қағаздарды жүргізу сияқты үдерістерді автоматтандыруға мүмкіндік береді. Арнайы электронды портал жасақталып, порталға кез келген адам кіріп, мәліметпен таныса алады, сонымен бірге колледж студенттері мен ата-аналарының өздеріне берілген жеке логиндері арқылы оқу барысын қадағалап отыруына мүмкіндік жасалған.

Әлемдік деңгейдегі саяси оқиғаларды, заман талабына сай болып жатқан рухани-әлеуметтік өзгерістерді ескере отырып, Отанын сүйетін, өз тілі мен әдет-ғұрпын сыйлайтын, әртүрлі ұлт өкілдерінің салт-дәстүрін құрметтейтін білікті, мәдениетті жастарды тәрбиелеу жұмысы осындай оқу орындары қабырғасында жүзеге асырылатындығын баса айтқым келеді. Бүгінгінің талабы тек білікті маман дайындау емес, адамгершілігі мол, адами қасиеттері танылған тұлға тәрбиелеу.

Ислам ЖАНҰЗАҚОВ,
техника ғылымдарының докторы, профессор

АТЫРАУ

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу