Сондай-ақ жастардың сапалы білім мен баспана алып, тиімді несиеге қол жеткізуі – Төртінші өнеркәсіптік революция дәуірінде өте сәтті қадамдардың бірі. Мәселен, соңғы жылдары Еуропа, оның ішінде Польша қоғамы Қазақстанды жас буынның білім алуына ерекше жағдай жасаған бірегей ел деп таныды. Бұл үдерісті президенттік «Болашақ» бағдарламасы бойынша қазақстандық жастардың шетелдерде білім алып, тәжірибелерін шыңдап жатқандығының өзі айғақтайды.
Қазақстанның соңғы жылдардың өзінде жүзеге асырған ауқымды бастамаларын тізбелеп шықпай-ақ, тек болашақтың энергиясы тақырыбындағы ЭКСПО-2017 халықаралық көрмесін өткізуі, Сириядағы шиеленісті реттеуге арналған бітімгерлік ұстанымы арқылы Президент Нұрсұлтан Назарбаев әлемдік деңгейдегі реформаларды жүзеге асыруда көрегенділік танытты деуге болады. Ал «Президенттің бес әлеуметтік бастамасын» осынау істердің заңды жалғасы деп есептеймін.
Аркадиуш ЯКУБЧАК,
Поляк дипломаты, «UNICASE CONSULTING» компаниясының Еуроодақ бойынша басқарушысы (Польша)
