«Дэвис кубогы». Хорваттардың жұқарды жүйкелері

Хорватияның Вараждин қаласында өтіп жатқан теннистен «Дэвис кубогының» ширек финалдық кездесуінде Қазақстан құрамасы корт иелерінің жүйкесін әбден жұқартты. Әлемдік теннисте көшбасшы қатарда жүретін шақпақ жейделілер Қазақстан құрамасы таразы басын теңестіргенде тықыршып тынышы кете бастады.

Егемен Қазақстан
08.04.2018 5975
2

Ал жалпы теке тірестегі алғашқы матчты атақты Марин Чилич пен Дмитрий Попко бастады. Бұл екі теннисшінің деңгейі жер мен көктей еді. Ойын басталмай жатып болжамшылар жеңісті хорват теннисшісі тойлайтынын еш шүбәсіз айтты. Әрине, әлемнің үшінші ракеткасы Марин Чилич жас теннисші Дмитрий Попкоға көжек көрген қасқырдай атылды. Матч басталысымен жойқын соққыларымен бірден қарсыласты тықсырып алғысы келген Мариннің бұл ойы іске аспады. Қазақстандық теннисші Чиличтің ауыр соққыларына төтеп беріп, тіпті реті келгенде шабуылға да шықты. Бірақ, бұл жағдай бірінші сеттің 5 гейміне дейін ғана жалғасты. Одан кейін бір брэйк жасап, қазақстандықтың геймінде жеңіске жеткен Марин, матч тізгінін өз қолына алды. Бірінің артынан бірін эйстер жасап гейм артынан гейм, сет артынан сет жеңді. Нәтижесінде 6:2, 6:1, 6:2 есебімен Чилич алғашқы жеңісті тіркеп, Хорватия 1:0 есебімен алға озды.

Араға сағат салып кортқа Хорватияның тағы бір мықты теннисшісі Борна Чорич келді. Оның да ойы тек қана жеңіс болатын. Қарсыласы Кукушкинде кеткен есесі бар. Мадридте өтіп жүрген турнирде 2 мәрте жеңілген екен. Бірақ, жас теннисші одан бері бұғанасы қатып, білегі сомдала түскен. 2018 жылдың басынан бері 2-3 жарыстың жарытылай финалына жетсе керек. «Тұлпары озған елдің тайы да озар» деп Чиличтің ізін Чорич жалғауы керек деп хорват жанкүйерлері алақан соқты. Бастапқыда бірінші сетті Борна 6:3 есебімен жеңді. Бірақ, одан кейінгі сеттерде сенімінен айырылып, ракеткасын жерге ұрып, өз-өзінің құтын қашырды. Жас жігіттің желігіп кеткенін көрген Кукушкин тәжірибиесінің арқасында Чоричтің әлсіз тұсын қайта-қайта көздей берді. Михаилдың бірде жоғары, бірде төмен, тіпті кейде қысқа тастаған доптарының барлығы ұпайға айнала берді. Қалған үш сетті ол 7:6, 6:4, 6:2 есебімен ұтты. Таразы басы теңесіп, алғашқы жарыс күні Қазақстан құрамасы үшін сәтті аяқталды.

Ертесіне жалғыз ғана ойын жоспарланды. Жұптасу бәсекесінде біздің құрамада Александр Недовесов пен Тимур Хабибуллин өнер көрсетті. Бірінші сетте бұл екеуі Никола Мектич пен Иван Додигтің дегбірін қашырып, корттың түбіне тығып бақты. Үлкен жылдамдықпен берген соққылары алаң иелерін әбігерге салғаны рас. Тай-брэйкте Недовесов өз тәжірибиесіне салып, есепті 7:6 қылды. Алайда, Хабибуллиннің жастығы, мұндай ірі қарсыластарға қарсы көп ойнамағандығы көп әсерін берді. Қазақстандық жұп қалған үш сетте жеңіліп, ұпайды уыстан жіберді. Кездесу аяқталысымен Хабибуллин сенімді ақтай алмадым деп көзіне жас алды. Енді қалған екі кездесуде Кукушкин мен Попконың қалай қимылдарын көреміз. Жұптасуда жеңілген соң, келесі кезеңге өту мүмкіндігіміз күрт төмендеп кетті.

Хорватия – Қазақстан теннис матчындағы есепті теңестірген Михаил Кукушкин тілшілер сауалына жауап берді.

– Бірден айтайын, «Дэвис кубогында» рейтинг деген ескерусіз қалады. Борна Чорич рейтингте менен әлдеқайда биік тұр. Алайда, бұл – жеке сын емес, бұл ұлттық құрама ойыны. Мұнда маған көмектесетін адамдар көп. Бүкіл ел болып жолыма қарап отырғанда, ешкімді жерге қаратқым келмеді. Осы ой мені бүгін алға жетеледі.

– Жеңіске жетуге не себеп болды? Қарсыласыңыздан күткендей күш көре алдыңыз ба?

– Әрине, ойынның бастапқы бөлігінде ол өте агрессивті ойнады. Бірақ, кейіннен құм төсенішіне жылдам бейімделмегенін байқатып алды. Борна екеуміз бір-бірімізді жақсы білеміз. Оның үстіне осы ойынға АҚШ-тағы жарыстан бірге келдік. Ол жақта хард төсеніште ойнадық. Ал мұнда жағдай басқаша. Көбірек жаттығып, қол үйретіп алдық. Шамасы, құмға мен жылдам үйреніскен секілдімін. Онымен қоса екінші сеттегі тай-брэктегі жеңісім маған психологиялық жеңілдік жасады. Одан кейін үшінші сеттің басында тіпті әрбір ұрған соққым ұпайға айналып жатты.

Баспасөз мәслихатына Михаил Кукушкинмен бірге Диас Досқараев та келді.

– Екінші сетте Михаил бір геймде брэйк жасады, алайда қайтадан өзінікін беріп қойды. Дегенмен, бұл оқиға екінші рет қайталанып, қарсыласының геймінде жеңіске жеткен кезде біз жеңіске сендік. Қарсылас та шамамен сол тұста сынып қалды ғой деймін.

– Бірінші сеттің 8-геймінде қатарынан көп қателесе бастаған Михаилге қандай ақыл-кеңес айттыңыз?

– Бірден байқағаным, Михаил қарсыластың топ-спин (шиіріп тастаған соққылар) соққыларын қайтара алмай жатты. Одан кейін сол бұрышқа қатарынан екі рет ұрып, оңға қарай бір мәрте ұр деген секілді ақылдарымды дер кезінде айтып отырдым. Менің негізгі жұмысым сол еді. Корттың түбіне қарай, яғни тордан кейіншектеп барып соққылар жасауын сұрадым. Сырт көз сыншы ғой, Михаил көрмеген қателіктерді айтып тұрдым.

Ермұхамед МӘУЛЕН,

«Егемен Қазақстан»

Вараждин (Хорватия)

СОҢҒЫ ЖАҢАЛЫҚТАР

13.11.2018

Egemen Qazaqstan алғашқылардың бірі болып Chartbeat құралын пайдаланады

13.11.2018

Жаңақорған ауданында 116 бас қой белгісіз аурудан қырылып қалды

13.11.2018

Қызылордада қауіпті аймақтар анықталып, даярлық мәселелері күшейтілді

13.11.2018

Ақтөбеде жоғары жылдамдықтағы интернет желісі ұлғаяды

13.11.2018

Елбасы Астана клубының төртінші отырысына қатысты

13.11.2018

Нұрсұлтан Назарбаев Ауғанстан Республикасының бұрынғы президенті Хамид Карзаймен кездесті

13.11.2018

«Айша бибі» мен «Ақыртас» әлемдегі ерекше туристік нысандардың тізіміне енді

13.11.2018

Павлодарда Португалиялық профессор студенттерге дәріс беріп жүр

13.11.2018

Т.Сүлейменов ел өңірлеріндегі жылу бағасының әртүрлілігін түсіндірді

13.11.2018

Тайваньда таеквондодан Президент кубогі додасы аяқталды

13.11.2018

Елордалықтар 14 қарашада жалпыхалықтық диктант жазуға қатысады

13.11.2018

Үкіметте 10 айдағы әлеуметтік-экономикалық даму қорытындылары қаралды

13.11.2018

Б.Сағынтаев өңірлердегі халықтың нақты табысының көрсеткіштеріне ерекше көңіл бөлуді тапсырды

13.11.2018

Тұрмыстық қатты қалдықтар адамдардың қажетіне жарай бастады

13.11.2018

Шымкентте 5 000 000 теңгеге бағаланған көгершін көрмеге қойылды

13.11.2018

Қызылорда облысында газ құбыры құрылысы басталады

13.11.2018

Елбасы Еуропалық комиссияның бұрынғы төрағасы Жозе Мануэль Баррозумен кездесті

13.11.2018

Венгрияда синхронды жүзуден жасөспірімдер құрамасы бірінші орынды иеленді

13.11.2018

Тарифтерді көтерген монополистер заң алдында жауап береді

13.11.2018

Алматыда мектеп оқушылары арасында шешендік өнер байқауы өтті

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

Сұңғат ӘЛІПБАЙ, «Егемен Қазақстан»

Zaman talqysyndaǵy qazaq

Feısbýktegi paraqshamdy ashyp qaraımyn da oılanamyn. Feısbýkti men ádette merzimdik buqaralyq aqparat quraldarynyń nazarynan tys qalǵan oqıǵalar men jańalyqtardy jáne oǵan degen qoǵamnyń kózqarasyn bilý úshin ashamyn. Meniń paraqshamda úsh jarym myńnan astam jazylýshym bar. Olardyń 95 paıyzdan astamy – qazaqtar.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу