Бізге де бір Комаровский керек еді

Іш ауырса да, тіс ауырса да жұрт жапа-тармағай кеңес сұрайтын, айтқан­дарын бұлжытпай орындайтын бір әмбе­бап маман бар Комаровский деген. Балалары түшкіріп-пысқырып, температурасы сәл көтерілсе аналарының жалма-жан ғаламторға үңіліп, әлгі әйдік медицина маманының ақыл-кеңесін оқып жататынына өзіміз де куә болып жүрміз.

Егемен Қазақстан
16.04.2018 198

Денсаулыққа қатысты ақыл-кеңестеріне жалпақ жұрт құдайдай сенетіндей Кома­ровский деген кім екенін білуге тырысқанбыз. Өз ісін терең білетін кәсіби маман, педиатр, украиналық жоғары категориялы дәрі­гер екен. Емдеймін деп елді алдап, алаяқ­тықпен ақша тауып жүргендерге үш қайнаса сорпасы қосылмайтын білікті маман көрінеді. Балалар ауруханасында талай жыл еңбек еткен, түрлі қызмет сатысынан өткен, бірнеше ғылыми еңбектің авторы. «Клиник» деп аталатын жеке балалар клиникасы да бар. Оншақты жыл бұрын ашылған «Доктор Комаровскийдің мектебі» деген медициналық бағыттағы телебағдарлама жүргізушісінің көрермендер арасында кеңінен танылғаны соншалық, бағдарлама бірнеше жылдың ішінде Украинаның ғана емес, Ресей, Беларусь, Молдова телеарналарын жаулапты. Ол аз десеңіз, Канада, Германия, Израиль сынды елдердегі орыс тілді арналардан көрсетіледі. «Доктор Комаровскийден сұраңыз», «Микстура-шоу» деген де бағдарламалары бар.

Комаровскийдің бала денсаулығына, тәрбиесіне қатысты айтқандары қанатты сөзге айналып, халық арасында кеңінен таралып кетіпті. «Бақытты бала – денсаулығы жақсы бала, оның жақсы оқуы мен скрипка тарта алуы екінші кезекте», «Бала үшін шетелдегі курорттан – ауылда жалаңаяқ жүгіріп, күнге күйген артық» деген сынды сөздері де қолайымызға жаға кеткенін жасырмаймыз.

Украиналық педиатрды не үшін сонша әспеттеп отыр дерсіз. Жақында жур­налистік жұмысымыздың барысымен бір топ әріптесіміздің қатарында Денсаулық сақтау министрі Елжан Біртановтың қабыл­дауында болған едік. Е.Біртанов осы кездесуде министрлік тарапынан қолға алған жұмыстардың біразын ортаға сала келіп, қоғамда саламатты өмір салтына үйретуге күш салынып жатқанына көбірек тоқталды. Қазіргі таңда медицина саласына бөлінетін қаражаттың 14 пайызы профилактикалық жұмыстарға жұмсалады екен. Саламатты өмір салтының қыр-сырын қоғамға егжей-тегжейлі түсіндіріп отыру халықтың денсаулығын жақсартуға ықпал ететін бірден-бір жол екені әлдеқашан дәлелденген. Өкінішке қарай, біз­дің елімізде неше түрлі шоу-бағдарламалар көп болғанымен, медициналық бағыттағы бағ­дарламалардың аз екені, халық жаппай құлақ асатын медицина маманы әрі медиа­тұлға жоқ екені де осы жиында ортаға салынды.

Шынында да, республикалық телеарналарда «Денсаулық», «Бірінші байлық», «Ұлт саулығы» сынды бағдарламалар болғанымен, олардың танымалдық деңгейі аса жоғары емес екені рас. «Қазақстан» арнасындағы «Шипагер» бағдарламасы тіл ұшына оралып тұр. Алайда, эфирге аптасына бір-ақ мәрте шығатын 20 минуттық бағдарлама аздық ететіні түсінікті. Ал көрермен жазбай танитын, айтқан ақыл-кеңесін тұрақты түрде тыңдайтын кәсіби медицина маманы әрі тележұлдыз атанған адам Қазақстанда болған емес.

Танымдық бағдарламалардың арасында денсаулық сақтау туралы 10-15 минут айтылып, бірер сюжет көрсетілетіні болмаса, көрермендер асыға күтіп, үздіксіз хабарласып жататын бағдарлама есімізге түспеді. Қазір­гідей дәрі-дәрмектің бағасы аспандап, емделу құны қымбаттап бара жатқан кезеңде біздің халық «денсаулықтың – бірінші байлық» екенін жақсы түсініп отыр. Мәселе олардың қызықты әрі пайдалы ақпараттарға деген сұранысын жеткілікті деңгейде өтей алмай отырғанымызбен байланысты.

Енді басқа елдердің мысалына көз жүгіртіп көрейік. Мәселен, Ресейде медициналық бағыттағы телебағдарламаларды айтпағанда, «Здоровье», «Первый медицинский канал» сынды жеке телеарналар бар. Ол аз болғандай өткен жылы «Доктор» деген жаңа арнаның тұсауы тағы кесіліпті. Аталған арналарда танымал медицина мамандары денсаулық сақтауға қатысты түрлі салаларды қамтитын бағдарламаларды жүргізеді. «Медиктер» эфирде науқастарды емдеудің жолдарын көрнекі мысалдар арқылы көрсетіп, керек болса жеңіл-желпі операция да жасайды. Көрермендердің олардың айтқандарына шүбәсіз сенетіні сол.

Исі қазаққа танымал медицина мамандары біздің елде де аз емес. Олар туралы айтқанда Тағамтану академиясының президенті, академик Төрегелді Шармановтың есімі тіл ұшына бірінші болып оралады. Ақсақал жасы тоқсанды алқымдаса да салиқалы сұхбаттарымен, шымыр тұлғасымен-ақ саламатты өмір сүрудің жарқын үлгісіндей көрінері хақ. Әйгілі академик, елімізде балалар хирургиясының іргетасын қалаған тұлға, халық алтын қолды адам деп ардақтайтын Камал Ормантаев та осы қатарда. Ендігі кезекте білікті дәрігерлердің арасынан халыққа танымал медиа-тұлғалар қалыптасып, денсаулық сақтаудың қыр-сыры туралы телебағдарламаларды көбейту керек сыңайлы. Дәрігер мен пациенттің арасында тартымды диалог орнатуда, саламатты өмір салтын насихаттауда телевизияның рөлін сол арқылы күшейтуге болар еді.

Арнұр АСҚАР,

«Егемен Қазақстан»

СОҢҒЫ ЖАҢАЛЫҚТАР

22.07.2018

Білім гранттарының 70 пайызы «ІТ» мамандықтарына бөлінеді

22.07.2018

Қызылордада 18 ауылшаруашылық кооперетиві құрылды

22.07.2018

Шемонаиха тұрғындарына баспана кілті тапсырылды

22.07.2018

Бүгін ауа райы құбылмалы болады

21.07.2018

Денистің дара жолы

21.07.2018

ЖСҚ-ны әзірлеу ісі сылбыр

21.07.2018

Атыраулықтар Денис Тенмен қоштасты

21.07.2018

Тараз қаласына Денис Тенді еске алуға арналған баннер орнатылды

21.07.2018

Денис Тенді еске алу шаралары Өскемен мен Семейде өтті

21.07.2018

АҚШ-тың атақты хореографтары Астанада шеберлік сыныптарын өткізеді

21.07.2018

Қостанай облысында жыл басынан бері қылмыс азайған

21.07.2018

Астанада Денис Тенмен қоштасу рәсімі өтті

21.07.2018

Алматылықтар Денис Тенді ақтық сапарға шығарып салды

21.07.2018

Қостанай облысында жаз басталғалы 12 адам суға кетті

21.07.2018

Астаналықтар Smart Astana мобильді қосымшасы арқылы жұмыс таба алады

21.07.2018

Қызылордада «Ауылдық елді мекендерді ауыз сумен қамтамасыз ету» атты республикалық семинар өтті

21.07.2018

Қостанайда Дениспен қоштасу рәсімі өтті

21.07.2018

Қостанайда Ұлы Отан соғысының ғасыр жасаған ардагері ұлықталды

21.07.2018

Денсаулық сақтау министрлігі алты айдың жұмысын қорытындылады

21.07.2018

Денис Теннің өліміне қатысты екінші күдікті ұсталды

ТАҒЫ ЖҮКТЕУ
КОЛУМНИСТЕР

Анар ТӨЛЕУХАНҚЫЗЫ, «Егемен Қазақстан»

Атақ қымбат па, абырой қымбат па?

Бүгінде қандай жолмен келсе де атақ үшін есі кете, есерлене қимылд­ай­ты­ны­мыз­ды бәрі біледі. Айта­лық, жуырдағы бір мереке күндерінде орден сатылыпты. Бұл орденнің атауы қандай дерсіз – «Қазақстанның құрметті азаматы».

Сұңғат ӘЛІПБАЙ, «Егемен Қазақстан»

Ауыл шаруашылығын цифрландыру болашақтың баламасыз жолы

Әлем елдерінде қазіргі уақытта ауыл шаруашылығын цифрландыру қарқынды түрде жүріп жатыр. Уақыт өткен сайын бұл салада неше түрлі жаңа технологиялар пайда болып, олар жедел түрде өндіріске ен­гізілуде. Мәселен, Еуропадағы компания­лар енді егістік жағдайын зерттеумен ай­на­лысатын дрондарды да шығара бас­тады. Бұл машиналар фермерлердің егіс шы­ғымдылығын алдын ала болжап бі­лу­леріне жағдай туғызуда. Осы үдеріс ке­ңі­нен қанат жая келе, бүкіл ел бойынша әрбір егіс алқабының шығымдылығын күні бұрын анықтау мүмкіндігі пайда болатын көрінеді. 

Ермухамед Мәулен, «Егемен Қазақстан»

Аяқдоп аламаны аяқталды

Әлем чемпионаты – тағатсыздана күткен футбол тойы еді. Енді барлығы аяқталып, той тарқасымен біз де алған әсерімізбен бөлісе кетсек. Бұл біріншілік несімен есте қалмақ?

Думан АНАШ, «Егемен Қазақстан»

Биографиялық фильмдердің бәсі биік болуы тиіс

Кейінгі кезде «Еуразия бірінші арнасынан» әйгілі кеңестік манекенші-модель, сән әлемінде «Кремльдің ең әдемі қаруы» және «Кеңестік Софи Лорен» атанған Регина Збарская туралы сериа­л көрсетіліп жатыр. Былай қарасаңыз, сән әлемінің кіндігі саналған Парижді тәнті еткен өмірі жұмбаққа толы сұлудың сол кездегі кеңестік қасаң қағидаларға сыймаған ғұмырын өзгеше қырынан бейнелеген қарапайым, бірақ кемел түсірілген Ресейдің кезекті киноөнімдерінің бірі. 

Бекен ҚАЙРАТҰЛЫ, «Егемен Қазақстан»

Халық әнінің тоналу тарихы

Елбасы Нұрсұлтан Назарбаев «Бо­лашаққа бағдар: рухани жаңғыру» атты бағ­дарламалық мақаласында, жаңғыру елдің ұлттық-рухани тамырынан нәр ала алмаса, ол адасуға бастайды», деді. Елдің ұлттық-рухани тамыры дегеніміз не? Ол ха­лықты сан ғасырдан бері адастырмай, алып келе жатқан салт-дәстүрі, фольклоры, әні мен жыры. Осылардың ішінде әннің ұлт руханияты үшін орны айрықша. Дана Абай атамыз, «Ұйықтап жатқан жүрек­ті ән оятар, Үннің тәтті оралған мәні оятар» дегенді бекер айтқан жоқ.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу