Александр Винокуров: Шетелдік мамандар «Астананы» әлемнің ең үздік велокомандасы деп мойындады

«Астана» Президенттік кәсіпқой спорт клубының құрамындағы «Астана» велокомандасының өкілі Михаэль Вальгрен үш күн Нидерландыда өткен «Амстел Голд Рэйс» біркүндігінің жеңімпазы атанып, еліміздің велоспорт жанкүйерлерін бір серпілтіп тастағаны жасырын емес. Осындай айтулы жеңістен соң команданың бас менеджері, Лондон Олимпиадасының чемпионы Александр ВИНОКУРОВПЕН әңгімелесіп, команда үшін сәтті басталған маусым туралы пікірін білген едік. Бір қызығы, осыдан 15 жыл бұрын дәлі осы біркүндікте  Александр өзі де жеңіске жеткен-ді.

Егемен Қазақстан
17.04.2018 5087
2

– Әңгімемізді бірден даниялық велошабандоз Михаэль Вальгреннің жеңісі және өткен жарыстан бастасақ...

– «Амстел Голд Рэйс» біркүндігінің өте жоғары деңгейде өтті. Себебі оған әлемнің ең үздік деген велоспортшылары қатысты. Біздің бұл жеңісіміз «Астананың» әлем велоспортындағы алатын орны ерекше екендігін және деңгейдің жоғары екендігін тағы бір дәлелдеді. Кешегі турнирде біздің команда сауатты тактика құрып, спортшылардың күш-қуатын 100 пайыз дұрыс пайдалана алды деп айта аламын. «Амстел Голд Рэйс» біркүндігі жанкүйерлердің есінде ұзақ сақталады.

– Велоспорт жанкүйерлерінің есінде шығар, сіз де осыдан 15 жыл бұрын Арденн классикасының жеңімпазы болған едіңіз. Сол кездегі әсеріңіз, қуанышыңыз есіңізде ме?

– Қарап отырсам, бұл жеңісіме де 15 жыл өтіп кетіпті. Тіпті арадан мұнша уақыт өткеніне де сенгім келмейді. Әрине, спортшы болған соң,  әрбір жеңісімізді естен шығару мүмкін емес. Бұл жеңісті дәл кеше жеңіске жеткендей есіме аламын. Велосипед әлемі осындай ірі жеңістерді ұмытпайтыны мені қатты қуантады. Біркүндік жарысының алдында әріптестерім қоңырау шалып, сол жарыстың суреттерін жіберіп, жеңісімді есіме салып жатты. Уақыт бір орында тұрмай, зулап өтіп жатқанында байқамай қалады екенбіз. Міне, бүгін біздің қол астымызда велоспорттың жаңа бір буыны өсіп келеді. Төрт айдың ішінде командамыз осымен оныншы жеңісіне қол жеткізіп отыр. Бұйырса алдағы уақытта да еліміздің көк туын биікке көтеріп, кәсіпқой спортта жанкүйерлерімізді жеңіспен қуанта береміз деген ойдамын.

– «Астана» велокомандасы үшін маусым қалай басталды? Қазақстандық велошабандоздардың нәтижелері көңіл көншіте ме және олардың болашағына қандай баға бересіз?

– Біз үшін маусым өте сәтті басталды деп сеніммен айта аламын. Қаңтар айындағы дайындық жиындарында жақсы жұмыс істедік. Нәтиже де көп күттірген жоқ. Бұл команданың, бапкерлер штабының, спорт директорларының, спортшылардың нәтижелі еңбегінің жемісі деп айтар едім. Осыдан екі ай бұрын Қазақстан велоспортының түлегі Алексей Луценконың «Оман Турындағы» жеңісін тойлап едік.

Қазіргі таңда жоғары деңгейдегі жарыстарға елімізде туып-өскен спортшыларымыз қатысып келеді. Таяуда ғана Руслан Тілеубаев Малайзиядағы жарыста өзін жақсы қырынан көрсетті. Командаға жаңадан қосылған Евгений Гидич Малайзиядағы сол жарысты Азияның үздік велоспортшысы киетін жейдемен аяқтады. Луценко мен Андрей Зейц қазір «Джиро д’Италия» Гранд-турында ел намысын қорғауға дайындалып жатыр. Осындай жетістіктеріміз бен елімізден кәсіби велоспортшылардың шығуы – мемлекеттің көп жылдан бері велоспортты қолдауының арқасы деп ойлаймын. Командамыз Президентіміздің тікелей бастамасымен жасақталғананы барлық жанкүйер біледі ғой. Сондықтан бізге мемлекет тарапынан, жанкүйерлердің алдында үлкен жауапкершілікті талап етеді. Қазіргі таңда командамыздың спортшылары әлемдік беделді пелотонда өздерін жақсы қырынан көрсетіп, елге медаль сыйлап жүрген оншақты қазақстандық кәсіпқой велоспортшымыз бар. Сонымен қатар фарм-командаларда жаңа буын өкілдері де тынымсыз жаттығып жатыр. Елімізде әуесқойлар арасындағы велоспорттың ерекше қарқынмен дамып келе жатқаны, әрине қуанарлық жайт. Осының бәрі – тұтас механизмнің жемісі. Командамыздың әлемдік деңгейдегі жетістіктері – «Астана» Президенттік кәсіпқой спорт клубының, Велоспорт федерациясының, Ұлттық Олимпиада комитетінің қыруар еңбегінің арқасы.

– Жанкүйерлер арасында «Астана» велоспорт клубында шетелдік легионерлердің саны өте көп деп сіздері жиі сынап жатады. Бұл туралы не айтасыз?

– Білесіз бе, кәсіби спорт – космополитикалық әлем. Велошабандоздарды командаға ұлтына қарап емес, спорттық қасиеттеріне қарап таңдап аламыз. Мысалы, олар – спринтерлер, талуы кезеңінің спортшылары, классиктер және тағы басқалар болып бөлінеді. Біздің командамызда жыл сайын он қазақстандық велошабандоз жарыстарға тұрақты түрде қатысады. Салыстыру үшін айта кетейін, осы маусымда британдық «Sky» командасында тек сегіз британдық шабандоз бар. Бірақ бұл команда бір кездері Лондон Олимпия ойындарының алдында жаттығу базасы ретінде құрылған болатын. Бельгияның «Quickstep» велоклубында жеті бельгиялық спортшы болса, Біріккен Араб Әмірліктерінің «Emirates» командасы сапында Әмірліктердің бір ғана шабандозы бар. Бахрейн елінің велоклубында бірде-бір бахрейндік шабандозы жоқ. Тіпті, толық испандық команда саналатын «Movistar» сапында 14 испан велошабандозы ғана бар. Бұл кәсіпқой спорт әлеміндегі қалыпты жағдай. Элиталық пелотонға тек ең мықтылар түседі. Өйткені бәсекелестік болмаса, спортшылар арасында өсу, нәтиже болмайды. Қазақстандық шабандоздар мұны өте жақсы біледі. Сондай-ақ олар сол деңгейге сәйкес болу үшін әрдайым талпынады. Ал біз өз кезегімізде велошабандоздарымызбен тұрақты жұмыс істеп, олардың спортшы ретінде өсу үшін барлық мүмкіндікті жасаймыз. Сондай-ақ олар үшін ең қолайлы жарысты таңдап беруге тырысамыз. Сондықтан кәсіби даму – нәтиженің кепілі.

«Астана» командасының жарқын жеңістерінен кейін бүкіл әлем Қазақстанның велоспорт мектебін таныды. Сондықтан велоспорт жанкүйерлері мен шетелдік мамандар «Астананы» әлемдегі ең үздік велокоманданың бірі деп мойындады.

– Әңгімеңізге рахмет!

Әңгімелескен

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

19.09.2018

Елбасы көрмесі – Атырауда

19.09.2018

Таразитану қарлығаштары

19.09.2018

Қазақстан мен Гамбия екіжақты ынтымақтастығы дамуға бағытталуда

19.09.2018

Қылқалам шеберінің дара жолы

19.09.2018

Президент көмекшісі - Қауіпсіздік Кеңесінің хатшысы тағайындалды

19.09.2018

Сенат Төрағасы Бразилияның жаңа елшісіне тілектестігін білдірді

19.09.2018

Шыны зауытында 4 нысанның жұмысы жүріп жатыр

19.09.2018

Жанат Шаймерденов  «Сырбар» Сыртқы барлау қызметі директорының орынбасары болып тағайындалды

19.09.2018

Алматыда «ANQ 2018» XVI Азия Сапа Конгресі өтуде

19.09.2018

Мәулен Әшімбаев арнайы сапармен Алматы қаласына барды

19.09.2018

Білім жарысында болашақ экономистер

19.09.2018

Петропавлда жылу беру маусымы басталды

19.09.2018

Астанада әлемдегі бастапқы денсаулық сақтауды дамыту декларациясы қабылданады

19.09.2018

«Барыс» Омбының «Авангард» клубынан 3:4 есебімен ұтылды

19.09.2018

Қостанайлық  спортшы қыз Азия мен Океания чемпионатынан қос алтын медаль әкелді

19.09.2018

Көп көрсеткішке көңіл толмайды

19.09.2018

Елбасы Есеп комитетінің төрайымы Наталья Годунованы қабылдады

19.09.2018

Аралдағы жатақхана туралы ақпарат негізсіз

19.09.2018

Оралда Құрманғазы Сағырбайұлының мерейтойы аясында республикалық конференция өтті

19.09.2018

Өскеменде Қазыбек би даңғылы ашылды

ТАҒЫ ЖҮКТЕУ
КОЛУМНИСТЕР

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

Александр ТАСБОЛАТОВ, «Егемен Қазақстан»

Tо́relik qyzmetke tо́r qashan beriledi?

Abaı atamyz: «Burynǵy qazaq jaıyn jaqsy bilgen adamdar: «bı ekeý bolsa, daý tórteý bolady» dep aıtypty», deıdi. Rasynda, bul sózdiń ómir tájirıbesinen alynǵanyna esh kúmán joq. О́ıtkeni bul arada hakim bıdiń sany emes, sapasy daýdy azaıtatynyna mán bergeni anyq. Al endi bul búgingi kúni de elimiz aýmaǵyndaǵy tórelik qyzmet prosesinde týyndaıtyn qoǵamdyq qatynastardy sheshýde eń basty eskerer jaıt bolyp tur. Sebebi azamattyq daýlardy qaraýda qara qyldy qaq jaratyn ádil sheshimge qol jetkizý áli de arman.

Бақытгүл САЛЫХОВА, педагогика ғылымдарының кандидаты

О́mir súrý salty

BUU aqparatyna saı, áıelder arasynda eń joǵary ortasha ómir súrý uzaqtyǵy boıynsha 86,8 jaspen Japonıa aldyńǵy qatarda tursa, er adamdar arasynda 81,3 jaspen Shveısarıa birinshi orynda. Al keıbir elderde ortasha ómir súrý uzaqtyǵy tipti 60 jasqa da jetpeıdi. «Nege?» degen suraqqa túrli faktorlardy keltire otyryp jaýap berýge bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу