Елеусіновтің екпінді жеңісі

Рио Олимпиадасының чемпионы Данияр Елеусінов кәсіпқой бокстағы тұңғыш жекпе-жегін сәтті бастады. АҚШ-тың Нью-Йорк қаласында орналасқан «Барклайс» аренасында өткен кездесуде отандасымыз америкалық боксшы Ноа Киддті үшінші раундта техникалық нокаутпен жеңді.

Егемен Қазақстан
30.04.2018 6260
2

Жартылай орта салмақта жұ­­ды­рық­тасқан Данияр Елеу­сінов­тің жекпе-жегі Геннадий Головкиннің экс-қарсыласы Дэниель Джейкобстың қатысуы­мен болған бокс кешінде өтті. Алдын ала мәлімет бойынша Елеусінов-Кидд айқасы 6 раунд­қа жоспарланған-ды.

Жекпе-жектің бірінші раундында екі боксшы бір-бірін барлаумен өткізді. Десе де Елеусінов реті келгенде қарсыласын соқ­қының астына алып, біраз тық­сырып бақты. Екінші раундта қандасымыз басымдықты өз қолына алды. Қарсыласына мүл­дем соққы жасауға мүмкіндік бер­мей, ринг үстінде өз билігін жүр­гізді. Ал үшінші раундқа келген­де Елеусінов айқасты ұзаққа соз­бай, осы ранудта-ақ аяқтап тастауға бел буды. Америкалық боксшы соққы жасамақшы болып, қолын алға созғанда қорғанысы ашық қалғанын байқаған Данияр, сол қолының ауыр соққысымен қарсыласын есеңгіретіп тас­тады. 10 секундтан соң Кидд кез­­­­десуді жалғастыра алатынын айтып, орнынан тұрғанымен, қандасымыз оны қайта соққының астына алды. Алайда америкалық боксшының жұдырықтасуға қауқары қалмағанын байқап, төреші жекпе-жекті тоқтатуға мәжбүр болды. Осылайша Данияр Елеусінов кәсіпқой бокс­тағы мансабын жарқын жеңіспен бастады.

Кездесуден соң Ноа Кидд жер­гілікті БАҚ өкілдеріне жеңілісінің себебін айтып берді. «Білесіздер ме, менің қар­сыла­сым екі Олим­пия ойындарына қатысып, бір рет чемпион болған. Ол өте мықты және тә­жі­рибелі боксшы. Жалпы жекпе-жекке дайындығым өте аз болды. Тағы үш аптаға жуық дайын­далғанымда бүгін басқа ай­қасты көретін едіңіздер. Менің жаттығуымның көп бөлігі салмақ қуу­мен өтті. Сондықтан күшімнің бі­разын сарқып алдым десем де болады. Бұл – ақталғаным емес. Жеңілісімді мойындаймын. Карьерамда бірінші рет үшінші раунд­та жеңіліп қалдым. Енді жат­тығу залына тезірек оралып, дайындығымды екі есе арттыратын боламын», деді америкалық бокс­шы.

Ол бүгінге дейін төрт кездесу өткізіп, үшеуінде жеңіске жетсе, біреуінде тең түскен. 23 жастағы Кидд кәсіпқой бокстың әліппесін осыдан екі жыл бұрын бастаған. Соңғы айқасын өткен жылдың желтоқсан айында өткізіп, қарсыласын техникалық нокаутпен жеңген.

Сонымен қатар RingTV ба­сылы­мының журналисі Райан Сонгалия Данияр Елеусінов жекпе-жегін осылай жалғастыра берсе, аз уақыттың ішінде ТОП боксшылардың қатарына ене­тінін айтты. «Ол кәсіпқой бокстағы қадамын сәтті бастады. Мен осы күннен бастап оның әр қадамын бақылап отырамын. Ол тез арада үздік боксшылардың қатарына енетініне сенімдімін. Оның жылдамдығы мен рингте еркін қимылдауы мені қатты риза етті», деді ол.

Әли БИТӨРЕ,

«Егемен Қазақстан»

СОҢҒЫ ЖАҢАЛЫҚТАР

21.11.2018

Қазақстанның ірі электр стансалары жылыту маусымына толық дайын

21.11.2018

Táýelsizdiktiń tánti bolar tusy kóp

21.11.2018

«Хат қоржын»

21.11.2018

Адам құқықтары жөніндегі уәкіл үкімет басшысына жүгінді

21.11.2018

Нұрсұлтан Назарбаев: Ұлы даланың жеті қыры

21.11.2018

Орта білім беруді жаңғыртудың жаңа жобасы

21.11.2018

Елімізде жол-көлік апаттарынан болатын адам шығыны көп

21.11.2018

Ынтымақтастық арта түседі

21.11.2018

Жастарды қолдауға арналған бастама

21.11.2018

НУ ма­гис­трант­та­ры «Қазцинк» компаниясында тәжірибеден өтпек

21.11.2018

Денешынықтыру пәні пән емес пе?!.

21.11.2018

Байқау жеңімпаздары анықталды

21.11.2018

Тараздықтар халық қаһар­маны Ғазиз Байтасовты еске алды

21.11.2018

Аян беріп шақырған ағам еді...Баққожа Мұқай туралы естелік

21.11.2018

Аймауытов мұрасы жаңартылған білім мазмұны бағдарламасында басшылыққа алынды

20.11.2018

Елбасы Ұлттық банк төрағасы Данияр Ақышевті қабылдады

20.11.2018

Қайырымды қала тұрғындары тегін дүкен ашты

20.11.2018

Гүлшара Әбдіқалықова Албания Республикасының Еуропа істері және сыртқы істер министрімен кездесті

20.11.2018

Қ.Тоқаев Албанияның Еуропа және сыртқы істер министрі Д.Бушатиді қабылдады

20.11.2018

Павлодардағы электр қуаты 4 процентке төмендеді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Táýelsizdiktiń tánti bolar tusy kóp

Jylda, Táýelsizdik kúni jaqyndaǵan saıyn osy ýaqyt ishinde elimiz qandaı jetistikterge jetti degen saýaldy ózimizge qoıyp, ony saralaýǵa tyrysamyz. Biraq mundaıda jappaı aıtylyp júrgen jetistikterdi emes, ózimiz baıqaǵan jeke kózqarastaǵy tabystardy taldaýǵa tyrysamyz. Sonyń ishinde kózge túsetin bir ǵanıbetti jańalyq – halqymyzdyń burynǵydaı eshkimnen qysylmaı, kimmen bolsa da ómirdiń barlyq salasynda ıyq teńestire túskeni.

Анар ТӨЛЕУХАНҚЫЗЫ, «Егемен Қазақстан»

Stokgolm sındromy

Jumyr jerdiń betinde sany jaǵynan bizden áldeqaıda kóp, alaıda táýelsiz el atanýdy mańdaılaryna jazbaǵan, ol oryndalmas armandaı kórinetin halyqtar az emes jeterlik. Jaratqannyń qalaýymen qolǵa tıgen táýelsizdik qazaq balasynyń eń bir asyl muraty edi.

Талғат БАТЫРХАН, Егемен Қазақстан

«Baı bolsań halqyńa paıdań tısin»

«Batyr bolsań jaýyńa naızań tısin, Baı bolsań halqyńa paıdań tısin». Kezinde aıyr tildi Áıteke bı aıtqan aqyldy sóz. Keler ǵasyrlarǵa da keter ǵaqlıa.

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу