Астана төрін күй тербеген күн

1 мамыр – Қазақстан халқының бірлігі күні 500 домбырашыдан құралған оркестр «Бәйтерек» монументінің алдындағы алаңда Құрманғазының әйгілі «Сарыарқа» күйін орындайды деген дүбірлі ақпарат естіген құлақты елеңдетіп тастаған.

Егемен Қазақстан
03.05.2018 5281
2

Оған арнайы Қазақ Ұлт­тық өнер университетінің, Л.Гу­милев атындағы ЕҰУ-дың, С.Сейфуллин атындағы Аг­рар­лық университеттің сту­де­нттері, Оқушылар сарайы мен №3 музыкалық мектептің оқу­шылары және dombyra-flashmob.kz сайтында тіркелу арқылы күй тарта алатын қала тұрғындары мен қонақтары да қатыса алатындығы айтылған болатын.

Сонымен мамыражай май­дың алғашқы күні Астана жұр­ты «Бәйтерек» мону­ме­нтінің ал­дын­да жиналды. Тайға мінген ба­ладан бастап таяққа сүйенген қа­рияға дейін жиналды дегенді қазақ «тайлы-таяғы қалмай» дей­ді ғой, бұл домбыра-флеш­моб­қа дәл солай жиналды. Бұл сөзді көрермендер ғана емес, қатысушыларға да қарата ай­туға болады. Күйшілердің алды 74 жастағы ақсақал болса, кішісі 10 жастағы жеткіншек. Ал бастаушысы Астана қала­сы Мәдениет және спорт бас­қар­масының бастығы Болат Ма­жағұлов. Мұндайда қаланың мә­дениет басқармасының басшысы қолына домбыра алып, қал­а тұрғындарының қақ ортасында отырғаны көзге де, көңілге де жарасымды-ақ екен.

Домбыра-флешмобқа домбыралы ақындардың арнау жырымен басталды. «Бес жүз күйші қолына домбыра алса, Бес жүз жылқы шапқандай дүбірлетіп» деп бастады Серікзат Дүйсенғазы, «Ұлдарға Құрманғазы атамыздың, Қыздарға Дина апамның жолын берсін» деп қостады Мейірбек Сұлтанхан, «Тұлпарлары тықыршып тоқтамай тұр, Болат ағам жәйменен бастай берсін» деген Мұхтар Ниязовтың жырынан кейін күй ағыны бөгеуді бұзған тасқындай ағытылып кете барды.

Мәдениет қайраткері Нұрлан Бекенов дирижерлік жасаған оркестр Құрманғазының «Са­ры­­­арқа» күйін дүркірете жө­­нел­­ді. Әр жақтан шашырай ке­ліп жайғасқан әр адам бір сәтте бір күйді төгілте жөнелгенде шынымен де бойыңды белгісіз бір­ ыстық ағын кернеп кетеді екен. Бұл әсер – бөлек әсер! Бұл – қазақтың бір деммен соққан жү­регіндей, бір жүректен шық­қан тілегіндей елес берген ерекше сәт!..

Тегінде, елімізде талай фле­ш-моб өтіп жүр ғой, бірақ бұл флеш­мобтың орны ерекше бол­­ды. Өйткені қазақтың тұла бой­­ында домбыраның үні бар! Дом­быраның үні қа­нын­­дағы қыл пер­нені басып өткенде жан-жү­регі тебіренбейтін қазақ кем­де-кем. Сөйтіп арғымақтай алағызып алған домбырашылар бір күймен тоқтай алмады. Ке­зек-кезегімен «Балбырауын», «Ер­ке сылқым» күйлерін төгіл­тіп-төгілтіп келіп, әрі қарай ауыз­ды­ғын шайнап алып қашқан ат­тың басын «Адай» күйіне жі­бе­ре салды!..

Домбыраның пернесімен ша­нағында ойнақтаған он сау­сақ шынымен де ұлы дала төс­інде дүбірлеген мың сан тұл­пар­дың тұяғындай дүркіреп тарт­ты дегейсің! Тартты! «Адай­ды» тартпай күйшілердің де, тыңдаушы жұрттың да арыны басылар емес. Айқайлап, шу­лап ашық аспан астында те­ңселіп тұр!

Бұрын да мереке күндері 10-15 күйшінің басын қосып «домбыра-думан» өткізіп жұртқа қазақы һәм мерекелік көңіл күй сыйлап жүрген «Байтақ» қоғамдық қозғалысының төрағасы Жаңарған Қарабала: «Астана қаласы мәдениет және спорт басқармасының қолдауымен «Байтақ» қоғамдық қозғалысының ұйымдастыруымен өткізіп жатқан бұл шараны «Ұлы Дала үні» деп атадық. Мақсатымыз – мәдени мұрамыз бен ұлттық рухани құндылықтарымызды кең көлемде насихаттау. Алдағы уақытта мұндай флешмобты бұдан да ауқымды етіп өткізу жоспарда бар. Өзгелердің де қызығушылығын тудырып жатқан секілді. Алматыда, басқа қалаларда  өткізуге қабарласып жатқандар бар», - дейді.

Ұлттық рухани құнды­лық­та­рымызды кең көлемде наси­хат­тау деген осындай-ақ болар. Керемет күй, керемет күн! Ма­мыр десе дегендей, көңілді жұрт­қа күннің көзі де ерекше елжіреп, шуағын төкті! Қыр арқасын қыс қажаған ас­та­на­лықтар арқасын күнге, кеу­де­сін күйге төсеп ғажайып бір әсерге бөленді.

Ұларбек НҰРҒАЛЫМҰЛЫ,

«Егемен Қазақстан»

СОҢҒЫ ЖАҢАЛЫҚТАР

13.12.2018

Зейнетақы активтерін инвестициялық басқаруды Ұлттық Банк жүзеге асырады

13.12.2018

Түркістан облысында мақта қалдықтарынан электр қуатын өндіретін зауыт салу жоспарлануда   

13.12.2018

«Мұрагер ханзада» компаниясының өкілдері Екібастұзда болды

13.12.2018

Елбасы Беларусь Республикасы Қауіпсіздік кеңесінің Мемлекеттік хатшысы Станислав Засьпен кездесті

13.12.2018

Қыздар университетінде Нұртас Оңдасыновқа ескерткіш тақта орнатылды

13.12.2018

Тағы төрт спортшы допингпен ұсталды

13.12.2018

Ұлағатты ұстазбен кездесу өтті

13.12.2018

Түрікменстанның вице-премьері: екі ел арасындағы әрекеттестіктің деңгейі жоғары

13.12.2018

«БҰҰ Адам құқықтары Жалпыға ортақ Декларациясына» 70 жыл» шарасы өтті

13.12.2018

Жинақтаушы зейнетақы жүйесіне 20 жыл толуына орай дөңгелек үстел өтті

13.12.2018

«Qazaq Banki» АҚ салымшылары кепілдік берілген депозиттері бойынша өтемді ВТБ-дан алатын болды

13.12.2018

Атырауда сыбайлас жемқорлыққа қарсы жобалық кеңсе ашылды

13.12.2018

Алматыда қаланың үздік мұғалімдері марапатталды

13.12.2018

Джиу-джитсудің хас шеберлерінің жүлдесі үшін жарыс өтеді

13.12.2018

Қ.Тоқаев қытайлық Genertec холдингінің басшысын қабылдады

13.12.2018

«Нұр Отан» партиясының депутаттары Алматының 2019 жылғы бюджетіне ұсыныстар енгізді

13.12.2018

Алматыда АИТВ-мен өмір сүретіндерге көмектесетін мобильді қосымша таныстырылды

13.12.2018

Үш ардагерге «Қарағанды облысының құрметті азаматы» атағы берілді

13.12.2018

Левандовски мергендер көшін бастады

13.12.2018

Қазақфильм «Қызғалдақтар атамекені» деректі фильмін жарыққа шығарды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Baılyq jasaýshy sala

Árbir adam óz úıiniń ishinde qandaı zattar bar ekendigin jáne onyń qaı jerde turǵandyǵyn, qaı shkaftyń ishinde qandaı zattyń jatqandyǵyn, jertólesinde qandaı azyq túrleriniń saqtalyp turǵandyǵyn jaqsy biledi. Sondyqtan eshnársesin shashaý qaldyrmaıdy. Qajetine qaraı paıdalanyp otyrady. Al ózimizdiń ortaq úıimiz – Qazaqstanda qandaı zattar bar ekendigin, ásirese, jerimizdiń astynda qandaı mıneraldyq shıkizat kózderiniń shoǵyrlanǵanyn jáne olardyń qory qandaı ekendigin bilemiz be?

Анар ТӨЛЕУХАНҚЫЗЫ, «Егемен Қазақстан»

Nápaqa qaıdan tabylar?

  «Qul bazar» tek qazaqqa arnalǵan sıaqty, 100 paıyz qazaq, qazaqtan basqa ult joq qul bazarda jaldanyp turǵan», dep kújingen jazba oqydym áleýmettik jeliden. Nege? Onyń sebebiniń biri – qazaqtyń kásip ıgerýge kerenaýlyǵynda tárizdi.

Бекен ҚАЙРАТҰЛЫ, «Егемен Қазақстан»

Qazaqtyń jylqytaný ilimi

Memleket basshysy Nursultan Nazarbaevtyń «Uly da­­lanyń jeti qyry» atty maqalasynda, «Atqa miný mádenıeti men jylqy sharýashylyǵy jer júzine Uly daladan taraǵan» degen toqtamdy pikir aıtylypty. Rasynda da, Elbasy atap ótkendeı jylqy mádenıeti men atty miniske úıretýdiń dara tehnologıasy uly dalada qalyptasqany anyq. Iаǵnı, jylqy mádenıetiniń san ǵasyrlyq qalyptasý, damý kezeńderi bıologıalyq jolmen júrgizilgen. Qazirgi tilmen aıtsaq, jylqytaný kóshpeli qoǵamnyń álmısaqtan qanyna sińgen tól óneri hám genetıkalyq jadysynyń keremet týyndysy.

Жақсыбай САМРАТ, «Егемен Қазақстан»

Táýelsizdiktiń tańǵajaıyptary

О́tken joly jazǵan baǵanymyzda («EQ», 21.11.18) Táýelsizdiktiń arqasynda qazaq jastarynyń sporttyń elıtalyq túrlerinen álemdik dodalarda tek sońǵy jyldary ǵana top jaryp jatqan birneshe mysaldaryn keltirgen edik. Sonymen birge qazaq ánderimen, ulttyq áýenmen álemdi aýzyna qaratyp júrgen ánshilerimiz týraly da jazǵanbyz. 

Қарашаш ТОҚСАНБАЙ, «Егемен Қазақстан»

Jekemenshik teatrlar jaıy

Jalpy, kez kelgen halyqtyń mádenıeti men rýhanı damý deńgeıi teatr salasyndaǵy jetistikterimen ólshenetini tarıhtan málim. О́rkenıetti memleketterdegi bir ǵana qalanyń ózinde teatr sany 200-den asyp jyǵylatyndyǵy sonyń buljymas dáleli bolsa kerek-ti.

ҰҚСАС ЖАҢАЛЫҚТАР

Тағы да оқу

Пікір қосу