Айбынды әскер – ел тірегі

Мемлекет басшысы Н.Назарбаевтың Жарлығына сәйкес азаматтарды көктемгі әскерге шақыру жұмыстары қарқынды жүргізілуде. 

Егемен Қазақстан
04.05.2018 736
2

Қорғаныс министрлігінің мәлі­мет­теріне қарағанда, биыл көктемгі және күзгі шақыр­туларда елімізде 35 мыңдай жас жігіт әскер қатарына қабыл­данады. Осы жұмыстар аясында Астананың өзінен маусым айына дейін 800-ге жуық адам Отан алдындағы борышын өтеуге барады. Елордалық жас­тар Қарулы Күштерге, Шекара қызметіне, Мемлекеттік күзет қызметіне және Ұлттық ұланға теңдей бөлінеді. Ал 7 мамыр – Отан қорғаушы күні қарсаңында болашақ 40 сарбазды ата-аналары, Астана қаласы әкімдігі, Қорғаныс министрлігі, Ардагерлер ұйымы, Қорғаныс істері департаментінің басшылығы салтанатты жағдайда шығарып салады. 

Әскерге бару – азаматтық борыш

Мойындау керек, қазір қазақ­стандық сарбаздардың қары­дары-тоқ, көйлектері-көк. Әскери доктрина талаптары қазақ әскерилерінің бүгіні мен болашағын айқындап берді. Ал Отан қорғаудың азаматтық парыз, абыройлы міндет екендігін Елбасы – Қарулы Күштердің Жоғарғы Бас Қолбасшысы Н.Назарбаев үнемі еске салып отырады. «Отан үшін отқа түс – күймейсің», деген Бауыржан батырдың ұлағатты сөзі әрбір жастың жүрегінен орын тапқан. 

Қазақстан Республикасы Қа­рулы Күштері Бас штабы ұйым­дастыру – жұмылдыру де­пар­таментінің басшысы Мүсі­лім Дайыровтың айтуынша, Ел­ба­сының тапсырмасына сәйкес әскердің 30 пайызы қысқа мер­зімді міндетін өтеушілерден құ­ралуы тиіс. Оның үстіне әлем­дік геосаяси жағдайлардың өзге­рісінен туындаған мәселелер көптеген мемлекеттердің ішкі мүмкіндігін айшықтап берді. 

– Әлемдегі соңғы оқиғалар, әсіресе Сириядағы соғыс ер-аза­маттардың барлығының әске­ри дағдыларды жетік білуге тиіс­тілігін көрсетті. Соғыстың бетін аулақ қылсын, бірақ біз кез келген жағдайға дайын болуымыз ке­рек. Біз ешбір мемлекетпен соғы­суға мүдделі емеспіз, соғыс біз­дің саясатымызға қайшы. Бірақ қорғанысты ұмытпауымыз қажет, – деді М.Дайыров. 

Оның айтуынша, ер-аза­мат­тың толыққанды қалыптасуына әскери тәрбие ауадай қажет. Әрбір үйдің еркесі тәртіпке көндігіп, оң мен солын танитын жер де – әскер. Осы орайда, әскерге қабылдауда дене бітімі келісті, денсаулығы мығым, ойы ұшқыр, арнаулы білімі бар жастарға басымдық беріліп отыр. 

«Соңғы жылдары әскери техникалар жетілдірілді, электронды басқару құралдары көбейді. Қазір әскерге IT-технология да жат емес. Енді бізге сол заманауи қару мен құрылғыларды басқара алатын сауатты сарбаздар қажет. Жастардың бастапқы білімі мен ынтасы болса, қат мамандықтар бойынша үйретіп аламыз», дейді министрлік өкілі. 

Қазір әскери борышын өтеу­шілердің әлеуметтік жеңілдігі жоқ болғанымен, қолына қару ұстап, тәртіптің қыр-сырына көн­діккен жастарға жұмыс беру­ші­лердің қызығушылығы жоға­ры болатыны талас тудыр­май­ды. Оның үстіне Қорғаныс ми­нис­трлігі бұрынғы сарбаздарының жоғары оқу орындарына түсуге қан­дай да бір жеңілдіктерге ие бол­ған­дығын қалайды. Бұған қатыс­ты тиісті ұсыныстар да әзірленуде. 

М.Дайыровтың мәлімдеуінше, бүгінде Отан қорғаушылардың сегізден бірі қыз-келіншектер. Ер азаматтармен қатар сапта тұратын олардың басым бөлігі әйел затына тән ұқыптылық, тиянақтылықты қажет ететін қаржы, есеп-қисап, медицина салаларында борыштарын өтеуде. 
Ал орта мектептерде алғашқы әскери даярлық пәндері жаңа оқу-әдістемелік құралдар арқылы оқытылуда. 

Жалпы, генерал М.Дайыровтың өзі әскери училищеден бастап, Ауғанстандағы қан майданның ортасында 2,5 жыл борышын өтеген кәсіби әскери қызметкер. Сондықтан оның бүгінгі әскердің жайлы жағдайына байланысты бағасы ақиқаттан алшақ жатпағандығына сенуге болады. 

Тәрбиенің көзі – қазақ батырларының жолы

Қазақ халқы батырлардан кенде емес. Сарбаздардың санасына Қабанбай, Бөгенбай, Есет сынды көптеген батырлардың ерлік істерін сіңіріп, патриоттық тәрбиенің қазақстандық үлгісін қалыптастыру туралы аз айтылып жүрген жоқ. Тіпті, әскери бөлімдерді қазақтың даңқты ұлдарының есімімен атау туралы да ұсыныстар болды. 

Әскердің қорғаныс қабілеттілігінің негізі патриоттық тәрбиеден бастау алатындығын «Қарулы күштер ардагерлері» Республикалық қоғамдық бірлестігі төрағасының орынбасары, генерал-майор Марат Нұғыманов жақсы біледі. Осы салада 36 жыл тер төккен қарт ардагердің тәрбие мен талапқа байланысты өз пайымы бар. 

– Патриоттық сезім отбасынан басталып, мектеп қабырғасында шыңдалып, әскер сапында толысады. Бабаларымыз осынау байтақ жерді ақ найзаның ұшымен, ақ білектің күшімен қорғап қалды. Тарихты түгендер болсақ, қазақ балаларына үлгі боларлық батырлар жеткілікті. Кешегі Ұлы Отан соғысының өзінде Қазақстаннан бес жүздей батыр шықты. Осы жастардың жарқын болашағы үшін кеуделерін оққа тосқан аталарының қай қайсысы да үлгі болуы тиіс, – дейді М.Нұғыманов. 

Оның айтуынша, әскерге бармаған немесе Отан алдындағы борышын өтеуге құлықсыз жастардың сана-сезімін сілкіп алып, өмірінің өрнекті сәттерінен құр қалғандығын сезінерлік ықпал болуы тиіс.  

М.Нұғыманов, сондай-ақ медициналық оқу орындарында педиатрия факультеттерінің жабылуының, аяқ-киімдердің мемлекеттік стандарттарының болмауының өскелең ұрпақ денсаулығына кері әсерін тигізгендігін қынжылыспен айтады. Оның үстіне ол орта білім беру ұйымдарында жалақының аздығынан ер азаматтардың тұрақтамай, балалар тәрбиесі тек әйел адамға жүктелуінің кері әсері сезіліп отырғандығын жеткізді. 

Айта кетерлігі, қарт генералдың қызы мен жиені де әскери саланы таңдаған. 

Болашақ сарбаздар сапқа тұрды

Әскери борышын өтеуге аттанатын жастарды Астана қаласы әкімінің орынбасары Ермек Аманшаев та құттықтап, сарбаздардың әскери міндетті абыроймен орындап, оралуларына тілектестік білдірді. Сонымен қатар кәсіби әскерилер нағыз ұрыс даласына тән іс-қимылдардың үлгісін көрсетіп, жас кадеттер дөңгелене билеп берді. Отаншыл сезімге бөлейтін әндер де орындалды.

Бұл салтанатты көрген болашақ сарбаздардың бірінің әкесі Мұратбек Нұрқаділ өз ұлының нағыз жігітке тән әскери салаға жеке қызығушылығымен таңдау жасағандығына ризалығын білдірді. 

«Отан қорғау – ердің парызы. Балам мұғалімдік қызметін қиып тастап, әскери борышын өтеуге аттанып барады. Оның таңдауына қарсы болмадық», деген әке тілегі сол күнгі барша жастың ата-анасына тән еді. 

Серік ӘБДІБЕК, 
«Егемен Қазақстан» 

СОҢҒЫ ЖАҢАЛЫҚТАР

22.09.2018

Жалпықалалық сенбілікте 9 мыңнан астам ағаш егілді

22.09.2018

Мақтаарал ауданында «Жасыл ел» жастардың еңбек жасақтары жұмысын бастады

22.09.2018

«Балалар Евровидениесі» байқауының жеңімпазы анықталмақ

22.09.2018

Халықаралық «Ясауитану-2018» байқауы өз мәресіне жетті

22.09.2018

Елбасы елорданың қала құрылысын игеру жоспарымен танысты

22.09.2018

Даниал Ахметов Зырян ауданын Алтай деп атау туралы ұсынысты қолдады

22.09.2018

Елбасы Чан Дай Куангтің қайтыс болуына байланысты көңіл айтты

22.09.2018

Жаңа Жібек жолы: Алматы

22.09.2018

Катонқарағай ауданы тұрғынының сібір жарасынан көз жұмғаны расталды

22.09.2018

Сенаторлар сенбілікке шықты

22.09.2018

Б.Бекназаров Әзербайжан Парламентінің 100-жылдығына арналған шараға қатысты

22.09.2018

Мұнайдың әлемдік бағасы өсті

22.09.2018

Лондонда қазақстандық өнер көрмесі ашылды

22.09.2018

Түркия «Қазақстан» журналын шығарды

22.09.2018

Ақтөбеде «Анаға тағзым» орталығы ашылды

21.09.2018

Тимур Жақсылықов Президенттің көмекшісі болып тағайындалды

21.09.2018

Маман дайындау мәселесі талқыланды

21.09.2018

Астанада тұрғын үй кешенінде шартты өртті сөндіру бойынша тактикалық оқу-жаттығу өтті

21.09.2018

Бүркітші қыз Айшолпан түскен «Көшпенділер» фильмі көрерменін қуантады

21.09.2018

Павлодарда биыл 1655 жұп қосылса, 1101-і ажырасқан

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу