Жамбыл облысында Жауынгерлік парад өтті (ФОТО)

Бүгінгі таңда Қазақстан әскерінің әлеуеті әлемге әйгілі. Қазақстан армиясының қуаты бүгінде әрбір қазақстандық азаматтың мақтаныш сезімін оятып, зор жауапкершілік жүктейді. Егемен еліміздің ерекшелік белгісі қорғаныс саласы қарқын алып, әскери қызметшілерге мемлекет тарапынан барлық жағдай жасалып отыр. Азаттықтың ақ таңын арман еткен бабалар аманаты ұрпақ санасынан берік орын алды.

Егемен Қазақстан
07.05.2018 12420

7 мамыр Отан қорғаушылар күніне орай бүгін «Отар» 40-шы әскери базасында Елбасы – Қазақстан Республикасы Қарулы Күштерінің Жоғарғы Бас қолбасшысы Нұрсұлтан Назарбаевтың қатысуымен Жауынгерлік парад өтті. Жауынгерлік парад  –  бұл әскери парадтың жауынгерлік оқу-жаттығулар және жауынгерлік даярлық элементтерімен үйлесуі. Еліміз үшін айрықша маңызы бар Жауынгерлік парадқа қатысқан Нұрсұлтан Әбішұлы барша қазақстандықтарды 7 мамыр Отан қорғаушылар күнімен құттықтап, бұл күннің егемен еліміз үшін ерекше маңызды екенін айтты.

– Қымбатты қазақстандықтар, сардарлар мен сарбаздар! Қадірлі ардагерлер! Баршаңызды Отан қорғаушылар күнімен шын жүректен құттықтаймын. Баһадүр бабалар Ұлы даламызды ақ білектің күшімен, ақ найзаның ұшымен қорғап, бізге аманат етіп қалдырды. «Ұранды елдің ұрпағы айбарлы келеді» деген дана халқымыз. Бүгінгі айбынды армиямыз үшін елдің тыныштығын сақтап, Тәуелсіздіктің қорғаны болу мәртебелі зор міндет. Жаужүрек жауынгерлердің көтеретін жүгі ауыр. Бірақ ол абыройлы борыш, қастерлі парыз. Қарулы Күштеріміз халқымыздың сенімді тірегі, мемлекеттің берік қалқаны, – деді Елбасы.

Сонымен қатар, бұл Жауынгерлік парад қазақстандық армияның кәсіби ептілігін, жинақылығы мен есептоптардың әскери мүмкіндіктерін тәжірибеде көрсетіп, еліміздің әскери әлеуетін жаһанға әйгіледі. Жауынгерлік парадқа 3 мыңға жуық әскери қызметші, 300 бірлік қару-жарақ пен әскери техника және 40 бірлік ұшу аппараты қатысты.

Жауынгерлік парад екі бөлімнен тұрды. Бірінші бөлімде Елбасы – Қазақстан Республикасы Қарулы Күштерінің Жоғарғы Бас қолбасшысы Нұрсұлтан Назарбаевтың атынан аймақтық қорғаныс бригадалары Астана мен Алматы қалаларының және облыстардың әкімдеріне жауынгерлік Туды табыс етті. Туды табыс ету рәсімінен соң дәстүр бойынша көрермендер парадтың салтанатты шеруін, оның ішінде Қазақстан Республикасы Қарулы Күштері Арнайы операциялар күштерінің, Мемлекеттік күзет қызметінің, Қазақстан Республикасы Ішкі істер министрлігі Ұлттық гвардиясының, сондай-ақ аймақтық қорғаныс әскери қызметшілерінің және парадтың 19 жаяу есептобының шеруін тамашалады.

Парадтың екінші бөлімінде заманауи қару жарақ пен әскери техниканы ұрыста қолдана отырып, барлау әскери бөлімшелерінің шынайы тактикалық іс қимылы көрсетілді. Жауынгерлік парадтың соңында ұшқыштар тобы жоғары деңгейде «Жетісу барысы» жоғары пилотажды орындады.

Қазақстан Республикасы Қарулы Күштерінің Жоғарғы Бас қолбасшысы Нұрсұлтан Назарбаев парадқа қатысушыларға далалық жағдайда көрсеткен шеберлігі, атыс пен әскери ептіліктегі дәлдігі үшін алғысын білдірді.

Сонымен қатар, ел азаматтары Қазақстан Республикасы армиясының жауынгерлік қуатын, әскери қызметшілердің кәсіби жұмысы мен бөлімшелердің түрлі іс-қимылдағы жинақылығын республикалық телеарналар мен Қазақстан Республикасы Қорғаныс министрлігінің ресми сайтының тікелей эфирі арқылы тамашалады.

Хамит ЕСАМАН

«Егемен Қазақстан»

Жамбыл облысы, 

Қордай ауданы

Суреттер Қорғаныс министрлігінің баспасөз қызметінен алынды

СОҢҒЫ ЖАҢАЛЫҚТАР

16.08.2018

Азиада-2018: су добынан Қазақстан қыздар командасы қытайлықтардан ұтылды

16.08.2018

Футболдан УЕФА суперкубогының финалы Ыстамбұлда өтеді

16.08.2018

Партия өкілдері «Ақтау теңіз портының» жұмысымен танысты

16.08.2018

Нұрлан Ноғаев: «Мектеп сауда орны емес»

16.08.2018

Мәулен Әшімбаев Астанада партиялық жобалардың жүзеге асырылу барысын тексерді

16.08.2018

Астанада «Таңғажайып Қытай» атты фотокөрме ашылды (ФОТО)

16.08.2018

АҚШ-тың әйгілі кәсіпқой боксшысы Рой Джонс Рудныйда рэп оқыды

16.08.2018

«II Абай оқулары» жеңімпаздарын марапаттау рәсімі өтеді

16.08.2018

4 қыркүйекте Пәкістанда президенттік сайлау өтеді

16.08.2018

Нұрғали ОРАЗ. «Соавтордың» соры

16.08.2018

Түркістан облысында «Бұ­л – біздің таулар!» фес­­тивалі өтті

16.08.2018

Илья Ильиннің бала күнінен естелік

16.08.2018

«Қызыл сызықтан» асқандар қадағалана ма?

16.08.2018

Футболдан Қазақстан құрамасы ФИФА рейтингінде бір сатыға жоғарылады

16.08.2018

Абай ауылы алған асулар

16.08.2018

Ажал аузынан аман қалған

16.08.2018

«Қазақфильмнің» жүзден астам кинокартинасы ТМД мен Шығыс Еуропаның ірі видеосервисіне шықты

16.08.2018

Үстел теннисшілерінің әлемдік рейтингі жаңартылды

16.08.2018

Қостанайда Қытай тракторлары құрастырылады

16.08.2018

Головкин мен «Канело» 26 тамыз күні Лос-Анджелесте ашық жаттығу өткізеді

ТАҒЫ ЖҮКТЕУ
КОЛУМНИСТЕР

Жылқыбай ЖАҒЫПАРҰЛЫ, «Егемен Қазақстан»

Ертеңгі ұрпақтың да еншісі бар

Қойнауы құт қазақ жері тәуел­сіз­дігі­міздің ширек ғасырдан асқан шежіресінде ел экономикасын тұралап қалу қасіретінен сақтап келеді. 

Қарашаш ТОҚСАНБАЙ, «Егемен Қазақстан»

Мәдениетке мән берсек...

Үйіміздің жанындағы азық-түлік сататын дүңгіршекке соңғы кезде сатушы құтаймай-ақ қойды, жиі-жиі ауысады. Бұрын тіпті мұнда сатушы қыздардың Павлодардан қатынап істейтінін естіп-біліп жүретінбіз. «Екі апта Астанада сауда жасасақ, екі апта бала-шағамыздың қасында болғанға мәзбіз. Ауылдан қалаға қатынап істеудің азабы мен машақаты мұндайды бастан өткізген адамға ғана мәлім. 

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу