Жаңаарқада – жаңа зауыт

Жаңаарқа ауданының орталығы, тоғыз жолдың торабында орналасқан Атасу кентінде Сингапурдан келген инвестор шағын (аз тонналы) мұнай өңдеу зауытын салатын болды. Ауқымды жоба туралы келісімшартқа «Абылайхан» компаниялар тобы мен «R Way Solution PTE Ltd» фирмасының басшылары қол қойды. 

Егемен Қазақстан
16.05.2018 974

Бұл жөнінде «Атасу кентінде аз тонналы мұнай өңдеу зауытының құрылысы» және «Юрта» жанар-жағармай бекеттерінің құрылыс жобалары жөнінде өңір басшысы Ерлан Қошанов өткізген кеңес барысында белгілі болды.

300 млрд теңгенің жобасы

Жалпы, бұл жоба сәтімен іске асқанда, мұнай өндіруден бас­тап дайын өнімді сатуға де­йін­гі аралықты қамтитын өн­ді­ріс­тік толық цикл салтанат құрады. Атасу кентінде зауыт құрылысы және қажет­ті инфра­құрылым жасау жұмыс­тары жүргізіліп жатқанда онымен бір мезгілде Қостанай облысындағы «Новонежинское» кен орнында геологиялық бар­лау қолға алынып, мұнай өн­діру қоса жүргізілмек. Бұ­дан бөлек, дәл осы кезеңде бү­кіл Қазақстан бойынша 260 «Юрта» жанар-жағармай құю бе­кетінің құрылысы бастала­ды. Айта кету керек, бұл автомай құю стансаларының 26-сы Қарағанды облысының аумағында салынбақшы. Инвес­торлардың айтуынша, жанар-жағармай құю бекеттерін жобалау барысында дамыған елдердің озық тәжірибелері ескерілген екен. Мұның өзі жол бойындағы сервистің жоғары деңгейге көтеріле бастауына және елдегі туризмнің дамуына игі әсерін тигізері сөзсіз деп есептейді инвесторлар.

«Новонежинское» мұнай кен орнында 25 ұңғыма бұр­ғы­ланады. Жаңа зауытқа Қос­танайдан темір жол арқылы жет­кізілетін мұнайдың 1 миллион тоннасы өңделетін болады. Бұл – бір жылдағы мөлшер. Осының өзі еліміздегі ішкі нарықтың 10 пайызға жуығын жабуға мүмкіндік береді.

Жалпы құны 300 миллиард теңге болатын ірі жобаны аяғы­на дейін жеткізуге үш жылдай уақыт кетеді екен. Яғни жос­пар бойынша, құрылыс биыл бас­та­лып, 2021 жылы мәресіне жетуі тиіс.

Еуро-5 бензинін өндіреді

 «Абылайхан» компаниялар тобының басқарма төраға­сы Әмір Ысмағұлов зауыттың мұнай өңдеуде гидрокрекинг деп аталатын технологияға арқа сүйейтінін атап өтті. «Атасу мұнай өңдеу зауытының өнім­дері халықаралық стандарттар талабына сай болады», деді ол сенімді түрде.

Гидрокрекинг технологиясы еуро-5 стандартты бензин мен Jet-А1 маркалы авиация­лық отын алуға мүмкіндік бере­тін кө­рінеді. Сондай-ақ мұнай өнім­дері Қостанайдан зауыт­қа жеткізілгенде, шикізат оил-танкер технологиясына сәйкес арнайы сыйымдылық ыдыстарына құйылып, мөр басылып, содан кейін ғана жанар-жағармай бекеттеріне жеткізіледі. Маман­дардың айтуынша, мұндай тәсіл тұтынушыны сапалы және мол өніммен қамтамасыз етуге мүм­кіндік береді және мұнай қой­масына деген тәуелділіктен арылтады екен.

 Өз кезегінде «R Way Solution PTE Ltd» компаниясының басшысы Рагунандан Баласубра­ма­ниан инвестиция салардан бұрын аталған жобаның өңір экологиясына, әлеуметтік жағ­дайына қаншалықты әсер ете­тініне барынша назар аудара­тын­дықтарын жеткізді. «Біз стратегиялық инвестормыз. Қан­­дай да бір елге инвес­тиция құй­­мас бұрын әуелі сол жер хал­қы­ның жағдайына, оның эко­ло­гиясына әсер ететін жайттарды жан-жақты зерттейміз. Сөйтіп келеңсіздік  тудыратын жағдайларды мейлінше азайтуға тырысамыз. Сонымен қатар біз соңғы технологияларды әке­леміз. Әлеуметтік жобаларды да назар­дан тыс қалдырмай, инф­ра­құрылымға да көңіл бөле­міз. Жалпы, энергетикалық жоба­лар­дың маңызы зор», деді сингапурлық инвестор.

800 адамға үй салады

 «Абылайхан» ЖШС басшысы инвестор қарастырған кезде қалталы компанияның экология мен әлеуметтік жағдайға деген көзқарасына баса мән бергендіктерін айтты. «Мысалы, – деді ол, – «R Way Solution PTE Ltd» компаниясының табыстың қомақты бөлігін түрлі елдерде әлеуметтік жағдайы төмен жандарға арнап емханалар салуға жұмсайтынынан жақсы хабардармыз. Сонымен қатар олар күн және жел энергиясын дамытуды қолдайды екен. Ал бізде күн мен жел дегеніңіз жетіп артылады».

Айтса айтқандай, шетелдік инвестор Атасу кентінде зауыт­тың 800 жұмыскеріне  арнап тұрғын үй қалашығын, меди­ци­на орталығы мен спорт кеше­нін және балабақша сынды әлеу­меттік маңызы зор нысандар салмақшы. Сонымен қатар зауытта жұмыс істейтін мамандарды оқыту үшін кентте колледж ашу да жоспарларында бар екен.

«R Way Solution PTE Ltd» ком­­па­ниясы басшысының ай­туын­­ша, біздің елге деген қы­зы­ғу­­шылықтың тууына мұн­дағы  инвестициялық ахуал­дың қо­лайлылығы себепші болған екен. Сонымен қатар ол Қазақ­стан­да жаңа технологияларды ен­­­д­ірудің зор мүмкіндіктері бар­лығын және мұндағы «жасыл» эконо­миканы дамытуға деген құлшы­ныстың жоғарылығын атап өтті.

Сәтін салып жаңа зауыт пайдалануға берілгенде 800 адам тұрақты жұмыспен қамтамасыз етіледі. Ал облысқа тиесілі 26 жанар-жағармай бекеті іске қо­сылғанда, бұл салада барлығы 1200 адам адал нанын тауып жейтін болады. Жалпы, мұнай өңдеу зауытының құрылысына мердігер компаниялардан 3 мың­ға жуық құрылыс маманы тар­тылмақшы.

Жаңаарқа жерінің ендігіде инвестицияның игілігін көріп, өңірдегі индустриялық өлкеге айналарына деген сенім мол.

Қайрат ӘБІЛДА,

«Егемен Қазақстан»

Қарағанды облысы

СОҢҒЫ ЖАҢАЛЫҚТАР

14.08.2018

Дзюдошы қыздар үш жүлде алуды көздеуде

14.08.2018

Делдалшылар көмір бағасын қолдан жасап отыр

14.08.2018

Астанада «Сергек» камераларының көмегімен 2 мыңға жуық әкімшілік құқық бұзушылық анықталған

14.08.2018

Құқықтық талапты сақтаса шетел телеарналарына шектеу жоқ - Дәурен Абаев

14.08.2018

БҰҰ Бас хатшысы Каспий теңізінің құқықтық мәртебесі туралы конвенцияға қол қоюын құптайды

14.08.2018

Қорытынды көрсеткіштер көңілге қонымды

14.08.2018

Қара жолдың қасиеті

14.08.2018

Бұқар жырау Қалқаманұлының 350 жылдығына арналған көрме-байқауы өтті

14.08.2018

Қажымұқан көтерген тас

14.08.2018

Арал аумағында атқарылар шаруа көп

14.08.2018

«Хрущевкалардан» құтылудың тиімді тетігі

14.08.2018

Оқулық шығаруда олқылықтарға жол берілмеуі қажет

14.08.2018

Байзақ батыр кесенесі

14.08.2018

Жеті айдың қорытындысы бойынша экономикалық өсім 4% құрады — ҚР ҰЭМ

14.08.2018

Ұлы Абайдың туған күні тұңғыш рет Ташкентте тойланды

14.08.2018

Шәкәрімнің үш анығы

14.08.2018

Қолма-қол ақшасыз есеп айырысулар саны өсуде

14.08.2018

Цифрлы қаржы: тез, арзан, тиімді

14.08.2018

Дулат Исабековтің кітапханасы ашылды

14.08.2018

Бекболат Әдетов шыққан белестер

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

«Арбамен қоянға жетер» күн қайда?

1998 жылы Kodak фирмасында 170 мың адам жұмыс істеген екен және әлем бойынша саудаланған фотоқағаздың 85 проценті дәл осы фирманың үлесіне тиген. Небәрі бірнеше жылдың ішінде олардың бизнес-моделі жойылып, фирма банкрот болған. Бұл нені білдіреді?

Сұңғат ӘЛІПБАЙ, «Егемен Қазақстан»

Аграрлық саладағы болашақ мамандықтар

Сарапшылардың болжамдарына қарағанда, әлемдік аграрлық салада 15-20 жылдың ішінде революциялық өз­герістер жүзеге асырылады. Жаңа тех­нологиялардың шапшаң қарқынмен дамуы, ғарыш кеңістігін игеруге көптеген елдердің құлшыныс танытуы, гендік инженерия ықпалының күшеюі, азық-түлікке сұраныстың артуы, бос жатқан жерлердің азаюы секілді факторлар әлем бойынша жаңа технологиялармен қаруланған жаңа тұрпатты ауыл ша­руашылығын қалыптастырады. Сөйтіп ауыл шаруашылығы өзгерістерге барынша баяу бейімделетін ең консервативті сала деген бұрынғы түсініктің көбесі сөгіледі.

Әлисұлтан ҚҰЛАНБАЙ, «Егемен Қазақстан»

Бесінші саммит және Каспий «бестігі»

Кеше Ақтау қаласында Каспий маңы мем­лекеттері басшыларының Бесінші саммиті өтті. Аса маңызды халықаралық жиынға Қазақ­станның, Ресейдің, Әзербайжанның, Иранның және Түрікменстанның президенттері қатыс­ты. Тараптар Каспий теңізінің құқықтық мәрте­бесі, теңізде экономика, көлік-транзит, эколо­гия, қауіпсіздік және басқа да салалар бойын­ша ынтымақтастық орнату мәселелерін талқылады. 

Қорғанбек АМАНЖОЛ, «Егемен Қазақстан»

Шалдың баласы

Қазақ менталитетінің өзіне тән тағы бір ерекшелігін айқындап, бекзат болмысын ажарлап әмбе сақтап келе жатқан әдет-ғұрыптарының бірі отбасындағы үлкен баланы, әсіресе ұлдың тұңғышын ата-әжесінің бауырына салу дер едік. Ол атасының баласы болып өседі. Шалдың баласы құдайдың еркесі, оны ешкім бетінен қақпайды. 

Жақсыбай САМРАТ, «Егемен Қазақстан»

Халық санының артуы – елге құт

Халық санының артуы Қазақстан сияқты жер көлемі үлкен, халық саны аз мем­лекеттерге ежелден маңызды мәселе­лердің бірі болып келеді. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу