Маңғыстауда облыстық сот пен нотариус, банк арасында меморандумға қол қойылды

Елбасының істі қарау тараптар үшін қолайлы әрі татуластыруға бағытталып және жаңа технологияларды қолдана отырып, сот төрелігін жүзеге асыру қажеттілігі туралы тапсырмасына сәйкес, республика соттарында татуластыру шараларын кеңінен қолдануға, яғни әрбір азаматқа сотқа дейін де, сотта да татуласу үшін жан-жақты жағдай жасалуда. 

Егемен Қазақстан
16.05.2018 3559
2

Осы орайда Маңғыстау облыстық сотының төрағасы Жақсылық Аланов жергілікті екінші деңгейлі банк басшыларын дауларды шешуде медиацияны қолдануды кеңейту жұмысына атсалысуға шақырып келеді.

Маңғыстау облыстық сотының ұйымдастыруымен осы мақсатта облыстық сот төрағасы Жақсылық Аланов бастаған судьялар қауымдастығы Маңғыстау облысы аумақтық Нотариаттық палатасының төрағасы Рахат Туребаевамен және «Fortebank» АҚ-ның Маңғыстау облысы бойынша филиалының директоры, екінші деңгейлі банктер қауымдастығының төрағасы Аббат Урисбаевпен кездесті.

Басқосудың негізгі мәні – қоғамда саны артып отырған банктік дауларды сотқа дейін реттеудің тетіктерін қарастыруға, банктердің даусыз талаптар бойынша сотқа дейін нотариусқа жүгінуін жолға қою мәселелерін талқылауға арналды.

Азаматтық істер жөніндегі сот алқасының төрағасы Нұрсапа Примашев Маңғыстау облысында азаматтық істер саны соңғы уақытта екі есеге көбейіп кеткенін, соның ішінде істердің 60 пайызы банктік келісім шарттарға байланысты екенін атап айтты. Осы орайда дау мәні жоқ істердің де сот арқылы шешілетіні статистиканы ұлғайтып отырғанын тілге тиек етті.

«Нотариат туралы» ҚР Заңы талабына сай нотариустерге дауды сотқа дейін реттеу құқығы, оның ішінде атқарушылық жазба жасақтау құқығы берілген. Нотариус саласында ұзақ жылғы жұмыс тәжірибесі бар Рахат Туребаева даусыз талаптар бойынша атқарушылық жазба арқылы дауды шешудің тез әрі ұтымды екенін атап айтты. Өз кезегінде сөз алған Аббат Урисбаев: «Азаматтардың құқықтық-қаржылық сауаттылығы жылдан жылға артып келеді. Соның арқасында банктік келісім шарттар бойынша сотқа жүгінуші азаматтар қатары артуда. Қазіргі жағдайда соттармен бірге екінші деңгейлі банктер де көптеген шығын мен жүктемеге тап болуда. Осы орайда облыстық сот төрағасы Жақсылық Рзабекұлының бірқатар банктік дауларды сотқа жеткізбей, медиация арқылы шешу туралы тиімді ұсынысын қуана қолдаймыз», - деді.

Қатысушылар жиын соңында дауларды сотқа дейінгі және соттан тыс реттеу институтын қолдану аясын кеңейтіп, қоғамда дауды азайту мақсатында, халықаралық қауымдастықта бәсекеге қабілеттілік көрсеткішін жақсарту, заңның әділ төрелігін, ашықтық пен жариялылықты қамтамасыз ету негізінде өз ұстанымдарын сақтай отырып, өзара ынтымақтастық жөніндегі үшжақты меморандумға қол қойды. Қатысушылар меморандум аясында тиімді жұмыс жүргізуге жол ашқандарын, алдағы уақытта клиенттермен көп жұмыс жасайтын өзге де екінші деңгейлі банктерге үлгі көрсететіндерін айтты.

Аталған меморандум аясында азаматтық даулардың саны азайып, соттардың жүктемесі төмендер болса, дауласушы тараптар сотқа жүгінбестен бұрын, бітімгерлік келісіммен өз дауларын шешіп жатса, ынтымақты жұмыстың басты жемісі сол болмақ.

Іс-шара барысында азаматтық және қылмыстық-құқықтық дауларды шешуге бітімгерлік рәсімдерін белсенді енгізуге, дауларды баламалы шешу жүйесін нығайтуға, соттан тыс медиация институтын жетілдіруге байланысты оң пікірлер айтылды, жаңа құқықтық институтты одан әрі дамыту жөнінде тиімді ұсыныстар берілді.

Бекітілген келісім ынтымақтастық аясында туындайтын мәселелерді бірлесіп шешуге, судьялардың аса күрделі істерді зерделеуіне, соттардың күрделі емес істер бойынша жүктемесін төмендетуге септігін тигізеді деп күтілуде.

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы

СОҢҒЫ ЖАҢАЛЫҚТАР

21.01.2019

Мектеп түлегі «Болашақпен» оқи алады

21.01.2019

Шағын фермалардағы жоғарғы технология

21.01.2019

Қостанай облысы өткен жылы алғаш рет экспортқа мол ет шығарды

21.01.2019

Тереза Мэй Еуроодақтан шығуға байланысты қосымша жоспарын таныстырады

21.01.2019

Нұрсұлтан Назарбаев Зимбабве Республикасы Президентінің ресми сапары бойынша брифинг өткізді

21.01.2019

Қазақстанда соңғы 10 жылда нәрестелер өлімі-жітімі екі есе төмендеді

21.01.2019

Қарағандыда мамандандырылған фронт-офис ашылды

21.01.2019

Нұрлан НҰРҒАЛИЕВ: Ағам – мен үшін нағыз қаһарман!

21.01.2019

Әулиеатада денсаулық сақтау деңгейі жақсарып келеді

21.01.2019

Сыр өңірінің «Өлкетану» оқулығы әзірленді

21.01.2019

Қызылорда облысында экспорт көлемі артады

21.01.2019

Жылқының сүйек құрылымы

21.01.2019

Сәби өлімі неге көп?

21.01.2019

Алматылық студенттердің ішімдікті қаншалықты тұтынатыны зерттелді

21.01.2019

Б.Сағынтаев «Франция–Қазақстан» сауда-өнеркәсіптік палатасының өкілдерімен кездесу өткізді

21.01.2019

Ақтөбеде сегіз өзеннің арнасы тазаланып, тереңдетіледі

21.01.2019

Маңғыстауда шетелдіктер тастап кеткен кемелерді сатып алып жүр

21.01.2019

Әл-Фараби ауданына спорттық сауықтыру орталықтары қажет

21.01.2019

Қазақстанда қара және түрлі-түсті металды шетелге шығаруға тыйым салынды

21.01.2019

Қызылорда облысында 283 шетел азаматы әкімшілік жауапкершілікке тартылды

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

ҰҚСАС ЖАҢАЛЫҚТАР

Тағы да оқу

Пікір қосу