Семейде «Алаштың нар жігіті» атты ер азаматтар сайысы өтті

Олардың ішінде атап айтсақ, «Ақшың» сауда орта­лығының атқарушы дирек­торы Ерлан Жа­қыпов, Артиллериялық диви­зия­ның әскери қызметшісі Ермек Теңізбаев, №42 ор­­та мек­тептің мұғалімі Аман Қоныс­беков, Р.Бай­се­йітов атын­дағы қар­жы-экономикалық кол­лед­­жінің ұстазы Самат Кәріп­жа­нов, «Нұрдәулет» балалар бақ­­шасының тәрбиешісі Ернұр Ақ­паров, Семейдегі об­лыстық тарихи-өлкетану музейінің экс­кур­совод же­тек­шісі Ми­рас Құ­­са­йы­нов, Шақаман ауыл­дық округінің бас маманы Да­нияр Айдарбаев, Абай­дың мем­лекеттік қо­рық му­зейінің ғы­лы­ми қыз­мет­кері Мейіржан Нұр­ла­нов­тар бар. 

– Біз сайысқа түрлі ма­ман­­дықта қызмет істеп жүр­ген сай­дың тасындай өр жігіттерімізді ша­қы­рып отырмыз, – деді Се­мей қалалық мәдениет және тілдерді дамыту бөлі­мінің басшысы Наз­ерке Ақ­қожина. – Алаштың ізба­сарлары тек өздерінің ғана мамандықтары емес, басқа да таланттары бар екен­діктерін халық алдын­да көрсете біліп, келер ұр­пақ­қа үлгі-өнеге болсын деген мақсатты ұстандық. 

Нар жігіттер әуелі өлең­­­­­мен өзін таныстырудан сынға түс­ті. Сол кезден бас­тап Ерлан Жа­­қыпов ал­ды­ға оза шабатын­ды­­ғын бір­ден көрсетті. Кең да­уысы, сахнада өзін-өзі ұс­тау мә­дениетімен ерекшеленіп, сайысқа қатысып отыр­ған­­дардан бірден алға шық­­ты. Жеті қазынаның бі­ріне жататын ер қаруын қол­дануда тағы да Ерлан Жақыповтың бәсі жоға­ры болды. Ең мерген ретінде таныл­ған Ерлан Жақыпов бірден 44 ұпай жинады. Одан кейін 41 ұпай­ды Ме­йір­жан Нұрланов, 38 ұпай­ды Самат Кәріпжанов еншіледі. 

Ұлттық киім киіп шық­қан кезде де сайысқа қаты­сушылардың талғамы кеңі­нен бағаланды. Гир тасын көтеру, ән салып, ұлт­тық нақышта би билеу, салт-дәстүр­лерді, тарихты жатқа айтып бе­ріп, түсіндіруден «Алаштың нар жігіті» бас бәйгесін Ерлан Жа­қы­пов иеленіп, беліне жеңіс­тің белбеуін тақты. 

Раушан НҰҒМАНБЕК,
журналист

СЕМЕЙ