Үкімет отырысында көтерілген мәселелерге шолу

Премьер-Министр Бақытжан Сағынтаевтың төрағалығымен өткен Үкімет отырысында көктемгі егіс жұмыстарын жүргізу жайы,  орман және дала өрттерінің алдын алу мен сөндіруге даярлық, сондай-ақ ҰБТ өткізуге дайындық барысы және еңбек және әлеумет саласын цифрландыру мәселелері қаралды.

Егемен Қазақстан
22.05.2018 4066
2

Көктемгі егіс науқаны қалай жүргізілуде?

Көктемгі егін жұмыстарын жүргізу барысы туралы Ауыл шаруашылығы бірінші вице-министрі Арман Евниев баяндады. Вице-министрдің мәлімдеуінше, биыл жалпы егістік алқабы 21,8 млн гектарды құрамақ, бұл іс жүзінде өткен жылғы деңгеймен шамалас. Дәнді дақылдарды 14,7 млн гектарға, оның ішінде бидайды 11,4 млн гектарға себу жоспарланған, бұл 2017 жылғыдан 544 мың гектарға аз. Бұл ретте жемшөп дақылдары осы көлемге көбейетін болады, жемдік дәнді дақылдар 2,5 млн гектарға себіледі, бұл өткен жылғыдан 49 мың гектарға артық. Майлы дақылдар 2,6 млн гектарды құрайды. Картоп алқабы да оң өсу динамикасын көрсетіп, 210 мың гектарды құрады, бұл өткен жылғы деңгейден 15 пайызға артық.

«Қазіргі таңда көктемгі егіс барлық жерде толық қарқынмен жүріп жатыр. 21 мамырдағы жағдай бойынша жаздық дәнді дақылдар жоспарланған алқаптың 31 пайызға, майлы дақылдар – 50 пайызға, көкөніс-бақша дақылдары – 77 пайызға, картоп – 55 пайызға егілді. Қант қызылшасы мен мақта егу жұмыстары аяқталды», деді А.Евниев.

Дегенмен, ауа райының салқындығынан және топырақтың кеш қызуына байланысты егіс жұмыстарының қарқыны өткен жылдағыдан біршама төмен деңгейде орындалып жатыр екен. Осыған байланысты егіс жұмыстарын оңтайлы мерзімде аяқтау үшін техниканы жоғарғы өнімділікпен пайдалануды қамтамасыз ету шараларын қабылдау қажет. Ауыл шаруашылығының бірінші вице-министрі биылғы астық өніміне 2,6 млн тонна тұқым дайындалғанын атап өтті.

Айтқандай, биыл шаруалардың көктемгі дала жұмыстары үшін дизель отынына қажеттілігі 375 мың тоннаны құрады. Энергетика министрлігімен бірлесіп, биыл ақпан-маусым айларында Өңірлерге дизель отынын жеткізу кестесі бекітілген. Энергетика министрлігі сәуір-мамыр айларына МӨЗ шығару бағасын литріне 134 теңгеден белгіледі, бұл ретте операторлардың жеткізу шығынын ескере отырып, өңірлердегі орташа баға литріне 150 теңгені құрайды, бұл нарықтағы бағадан 9 пайызға арзан.

Жиын барысында өңірлердегі көктемгі егін жұмыстарын жүргізу барысы туралы Қостанай облысының әкімі А.Мұхамбетов, Солтүстік Қазақстан облысының әкімі Қ.Ақсақалов, Ақмола. Солтүстік Қазақстан облысының әкімі Қ.Ақсақалов, Ақмола облысының әкімі М.Мырзалин баяндады. Ал өз кезегінде Премьер-Министрдің орынбасары – ауыл шаруашылығы министрі Өмірзақ Шөкеев егін егу науқаны барлық өңірлерде кестеге сәйкес жүргізіліп жатқанын, облыс әкімдері көктемгі егістікті уақытылы аяқтау үшін барлық күш-жігерлерін жұмсау керектігін айтып өтті.

Орман өртінің өршу себебі не?

Үкімет отырысында орман және дала өрттерінің алдын алу және оларды жоюға даярлық мәселелері жөнінде Ішкі істер министрі Қ.Қасымов пен Ауыл шаруашылығының бірінші вице-министрі А.Евниев есеп берді. ІІМ басшысы атап өткендей, жыл сайын табиғи өрт деңгейі айтарлықтай артып келеді. Сонымен қатар бүгінде өңірлерде орман және дала өрттерінің алдын-алу шаралары басталды. «Мамыр айының соңына дейін Төтенше жағдайлар комитетінің өрт сөндіру инспекциясы Ауыл шаруашылығы министрлігі мен әкімдіктерге қарайтын ұлттық парктерді, табиғи қорықтарды тексеруді аяқтайды. Балалар лагерлерін тексеруге де ерекше назар аударып отырмыз»,  деді Қ. Қасымов.

Орман-дала алқаптары мен демалыс орындарын күн сайын патрульдеу қолға алынған. Осы мақсатта мемлекеттік өрт бақылау, орман шаруашылығы мекемелері мен жергілікті полиция қызметкерлерінен тұратын мобильді топтар құрылуда.

Жиында Осы жылдың өрт қаупі бар маусымында мемлекеттік орман иеленушілердің орман өрттерін жоюға дайындығы туралы Ауыл шаруашылығы бірінші вице-министрі А.Евниев баяндады. Мәлім болғандай, бүгінде еліміздің мемлекеттік орман қорының жалпы көлемі 29,8 млн гектарды құрайды. Ал өрт таралуының негізгі себебі – орман мекемелерінің әлсіз материалдық-техникалық базасы, сондай-ақ өрт бақылау мұнараларының жоқтығы.

Ішкі істер және Ауыл шаруашылығы министрліктерінің есептерін қарағаннан кейін, Премьер-Министр Б.Сағынтаев, биыл Қазгидромет болжамына сәйкес республиканың кейбір өңірлерінде жаз мезгілінде ауа температурасы нормадан жоғары болатынын атап өтті. Бұл жағдайлар еліміздің орман және дала аймақтарында өрт қауіпсіздігін қамтамасыз ету мәселелеріне көбірек назар аударуды талап етеді.

Биылғы ҰБТ-да қандай өзгеріс бар?

Биыл ҰБТ 15-ші рет өткізіледі. Осы жылдар ішінде ҰБТ-ға 1,5 млн астам мектеп бітіруші қатысқан. Бұл барлық мектеп бітірушілердің 80 пайызын құрайды. Бұл туралы Үкімет отырысында Білім және ғылым министрі Ерлан Сағадиев хабарлады. Министрдің айтуынша, 2017 жылға дейін ҰБТ үш функцияны атқарды: 11 жылдық оқуды аяқтау қорытындысы ретіндегі бітіру емтиханы, жоғары оқу орындарына түсу емтиханы және түлектерге мемлекеттік гранттарды тағайындау механизмі.

«Өздеріңіз білетіндей, тестілеудің бұл форматы 2017 жылы өзгерді. Енді қорытынды аттестаттау немесе бітіру емтихандары мектептерде өткізіледі, ал ҰБТ – жоғары оқу орнына түсу және мемлекеттік гранттарды тағайындау емтиханы болып қалып отыр», деді Е. Сағадиев.

2018 жылы ҰБТ форматы өзгермейді, яғни былтырғы жылғы форматқа сәйкес өткізіледі. ҰБТ-ның өткізілу мерзімі және берілетін тест сұрақтарының саны да өзгермейді. Бүгінгі күні барлық ҰБТ пәндері бойынша тест сұрақтарының базасы құрылған. 2018 жылы тест сұрақтарының базасы 50 пайызға жаңартылған.  Осы жылғы ҰБТ-ға қатысуға өтініш берген мектеп бітірушілердің саны 102 442 немесе жалпы бітірушілер санының 70 пайызын құрайды. Оның ішінде 77 мың немесе 76 пайызы қазақ тілінде, 25 мыңы немесе 24 пайызы орыс тілінде тапсырады. Былтырғы жылмен салыстырғанда ҰБТ тапсыруға өтініш берген жалпы бітірушілердің саны 10 мыңға өсіп отыр. ҰБТ-ға қатысатын балалардың үлесі 70 пайызды құрап, қазақ тілінде тапсыратын балалардың саны 5 пайызға өткен. Биыл бітірушілерге алғаш рет ҰБТ-ны ағылшын тілінде тапсыру мүмкіндігі берілмек.

Тест тапсырушыларға арналған жағдайды жақсарту мақсатында биыл бірқатар жаңалықтар енгізілген. Мәселен, әр түлекке ҰБТ сертификатымен бірге, бейіндік пәндердің комбинациясы бар ақпараттық парақшаны беру; қандай мамандықтарға баруға болатыны туралы мамандықтар тізімі; ҰБТ-ға дәлелді себеппен қатыса алмаған жағдайда ҰБТ-ны келесі лекте тапсыру немесе КТ тапсыру мүмкіндігін беру; ерекше білім алу қажеттілігі бар балаларды жеке көмекшімен, сондай-ақ сурдоаудармашы мамандарымен қамтамасыз ету; Қазақстан бойынша тегін қоңырау жасауға болатын бірыңғай call-орталықты іске қосу.

Биылдан бастап «Алтын белгіге» ие болған түлектер білім беру гранттарын тағайындау кезінде тек балдары тең болған жағдайда ғана басым құқыққа ие болады. Осы жылдың тамыз және келесі жылдың қаңтар айларында ЖОО-ның ақылы бөліміне түсу мүмкіндігі бұрынғысында сақталады. Осы норманың арқасында 30 мыңнан астам жасқа жоғары білім алу құқығы берілген.

Мәселені қарау қорытындысы бойынша Премьер-Министр ҰБТ әрқашан да әлеуметтік маңызды мәселе екенін атап өтті.Осыған байланысты Білім және ғылым министрлігіне әкімдермен бірлесіп, барлық ықтимал сын-тегеуріндерді ескере отырып, талдау жүргізу және ҰБТ-ны тиісті деңгейде өткізуді қамтамасыз ету тапсырылды. Ішкі істер, денсаулық сақтау министрліктері мен Ұлттық қауіпсіздік комитетіне ҰБТ қатысушыларының қауіпсіздігін қамтамасыз ету бойынша кешенді шаралар қабылдау қажет. Әкімдерге мектептерде қорытынды емтихандарды ұйымдастыру және ҰБТ өткізу мәселелерін жеке бақылауға алу тапсырылды.

Цифрландыру жайы қалай?

Үкімет отысында еңбек және әлеумет саласын цифрландыру барысы туралы Еңбек және халықты әлеуметтік қорғау министрі М.Әбілқасымова, Ақпарат және коммуникациялар министрі Д.Абаев баяндады.

Мәдина Әбілқасымованың айтуынша, бүгінгі таңда еңбек, жұмыспен қамту, әлеуметтік сақтандыру, зейнетақымен және әлеуметтік қамсыздандыру, әлеуметтік қолдау көрсету, арнаулы әлеуметтік қызметтер және көші-қон секілді ведомство қызметінің барлық бағыттары бойынша 11 кіші ақпараттық жүйені қамтитын Әлеуметтік-еңбек саласының бірыңғай ақпараттық жүйесі жұмыс істейді. Бұл жүйе туғаннан бастап өмір бойы 15 млн-нан астам қазақстандықтың дербес есебін жүргізеді және өмірдің барлық кезеңдерінде автоматтандырылған қызметтерді көрсетеді. Министрліктің 34 қызметінің 17-сі автоматтандырылды, бала тууға байланысты 2 қызмет проактивті көрсетіледі, 3 қызмет ішінара автоматтандырылған, 7 қызметті тағайындау бойынша ақпаратты электрондық түрде алуға болады.

Ақпарат және коммуникациялар министрі Д.Абаев та саланы цифрландыру барысы туралы баяндады. «Еңбек кітапшаларын және еңбек шарттарын цифрландыру қағаз түріндегі құжаттарды қысқартуға алып келеді, сондай-ақ сақтауды және мұрағат деректеріне қолжетімділікті қамтамасыз етеді. Бұдан былай электрондық еңбек шарттары еңбек өтілін растау үшін талап етілетін зейнетақыны, жәрдемақыны тағайындауға мүмкіндік береді», деді АКМ басшысы.

Министрлердің баяндамаларын тыңдағаннан кейін Үкімет басшысы электронды еңбек биржасы – Мемлекет басшысының тапсырмасы бойынша өнеркәсіптік пайдалануға берілген «Цифрлы Қазақстан» бағдарламасының алғашқы өнімі екенін атап өтті. Жобаның табысты болуы тек Еңбек министрлігіне ғана емес, сондай-ақ, барлық ұлттық компанияларға, холдингтерге, орталық мемлекеттік органдардың ведомствоға бағынысты ұйымдарына және жергілікті әкімдерге де байланысты.

Динара БІТІК,
«Егемен Қазақстан»

СОҢҒЫ ЖАҢАЛЫҚТАР

18.01.2019

ҰБТ-дан жоғары балл жинаған түлек «Болашақ» арқылы шетелдерде оқи алады

18.01.2019

Батыс Қазақстан облысы әкімінің бірінші орынбасары болып Ғали Исқалиев тағайындалды

18.01.2019

Ақтөбе облысының шаруалары былтыр 228 млрд теңгенің өнімін өндірді

18.01.2019

Полиция департаменті айыппұлды уақытылы төлеуге шақырды

18.01.2019

Елордалық аурухана тұңғыш рет неврологиялық асқынуды азайтатын құрылғыны қолданды 

18.01.2019

Елордалық құтқарушылар жанып жатқан үйден 6 адамды шығарды

18.01.2019

Колумбиядағы жарылыс салдарынан 21 адам қайтыс болған

18.01.2019

Тимур Қожаоғлы: «Егемен Қазақстан» – Еуропа құрлығындағы маңдайалды басылым

18.01.2019

Алматыдағы тікұшақ апатынан кейін «Sky Service» рейстері тоқтатылды

18.01.2019

Геннадий Головкин ұлды болды

18.01.2019

Солтүстік Қазақстанда «Қайырымдылық керуені» акциясы жалғасты

18.01.2019

Головкиннің қарсыластары бір-бірімен жұдырықтасады

18.01.2019

Петропавлда ресейлік бас киімдер көрмесі ашылды

18.01.2019

Ақтөбеде жұмысшылардың еңбек құқықтарын қамтамасыз ету меморандумына қол қойылды

18.01.2019

Алматыда газбен жүретін жаңа автобустар іске қосылады

18.01.2019

СДУ-да IT технологиялары саласында білім беру жобасы басталды

18.01.2019

Мемлекет басшысы «Smart Aqkol» ахуалдық орталығына барды

18.01.2019

Елбасы кітапханасының Ақтөбеде өткен көшпелі көрмесін 120 мыңнан аса адам тамашалады

18.01.2019

Атырауда қазақтың үш биіне ескерткіш орнатылды

18.01.2019

Әліпби де, еміле-ереже де сараптаудан өте түсуі керек - Әлімхан Жүнісбек

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

ҰҚСАС ЖАҢАЛЫҚТАР

Тағы да оқу

Пікір қосу