«Айка» фильмінің сценарийі Самалға лайықтап жазылды - Сергей Дворцевой

Кеше Министрліктер үйінің Мәжіліс залында 71-ші Халықаралық Канн кинофестивалінде «Үздік әйел рөлі» аталымында жүлдегер атанған қазақ қызы Самал Еслямова мен актриса ойнаған «Айка» фильмінің режиссері Сергей Дворцевойдың қатысуымен баспасөз мәслихаты өтті. Айтулы іс-шараға Мә­де­ниет және спорт министрі Арыстанбек Мұха­меди­ұлы арнайы қаты­сып, журналистердің сұра­ғына жауап берді.

Егемен Қазақстан
23.05.2018 3721
2

– Әрине, бәріміз үшін бүгін ерекше сәт. Оны зор мақ­танышпен айтқымыз келе­ді. Өйткені отандасымыз Самал Еслямова 71-ші Канн кино­фестивалінде әйел бейнесін үздік сомдаған актриса ретінде кино саласындағы мәртебелі марапатты жеңіп алды. Бұл – ең алдымен, қазақ өнерінің, жалпы қазақтың жеңісі. Кеңес одағы кезінде посткеңестік елдер арасында мұндай марапат бұрын-соңды болған емес» – деп Мәдениет және спорт министрі Арыстанбек Мұхамедиұлы аталмыш кинофестивальдің әлем­дік кинонарықтағы орны мен маңызына және бұл жеңіс­тің ұлттық кино өнерінің зор жетістігі екеніне баса тоқталып, құттықтауын жеткізді.  

Иә, күні кеше Францияда өткен Канн кинофестивалі Алаш үшін үлкен өнер оқиғасына айналғаны сөзсіз. Қазақтың талантты қызы Самал Еслямова айтулы кино думанында топ жарып, «Үздік әйел рөлі» аталымында жүлдегер атанғанын естігенде, қуанбаған қазақ кемде-кем. «Ақсарбас!» деп бөркі­мізді аспанға аттық! Қалай­ша қуанбассың, Еуропа­ның басты кинофорумы қазақты үздік деп мойындады. Сөйтіп кинорежиссер Сергей Дворцевойдың «Айка» фильмі кинофестиваль сарап­шыларының бірауыздан қол­дауына ие болды. 

– Бірнеше күннен бері толассыз келіп жатқан құттықтау­лар көңілімді ерекше қуаныш­қа бөледі. Туған еліңнің ықыла­сын сезінуден асқан бақыт жоқ екенін осы санаулы күннің ішінде шын сезініп үлгердім. Әр­дайым қолдап, жеңісіңе шын қуана білетін туып-өскен өлкем, ел-жұртыма зор риза­шылығымды білдіремін», – деп Самал Еслямова жиында барша қазақ еліне өз алғысын жолдады. 

Солтүстік Қазақстан облысында өмірге келіп, Петропавл қаласындағы өнер колледжіне актер мамандығы бойынша оқуға қабылданған болашақ өнер иесі кейін білімін Мәскеудегі іргелі оқу орны – Ресейдің театр өнері университетінде (ГИТИС) жалғастырады. Оқуы мен түсі­рілім алаңындағы жұмысты қатар алып жүріп, алдына биік мақсаттар да қойып үлгереді. Ол мақсатының бірі – осы «Айка» фильмінің жетістігі болатын. Режиссер Сергей Дворцевой актрисаны алғашқы түсірі­лім процесі басталған сәттен-ақ тұрақтылыққа, сапалы нәтиже­ге жұмыс істеуге тәрбиелейді. Кәсіби маман ретіндегі кеңесін аямайды. Сол үшін де актриса «Айка» фильмі түсірілген 6 жылдың бедерінде ұсынылған талай ауқымды жобалардан бас тартып, аталмыш рөліне барынша адалдық танытыпты. Бұл шешім өнер иесін шығармашылық тұрғыда шиырықтырып, психо­логиялық драма актрисасы ретінде жан дүниесін байытып, тереңдете түскені анық. Мұ­ны фильм режиссері Сергей Двор­цевой да айрықша атап өтті.

– Мен Самалды бірінші рет «Қазақфильм» киносту­дия­сы­ның өнімі – «Тюльпан» фильмі­нің кастингінде көрдім. Ол кезде Самал небәрі 19 жаста болатын. Шығармашылық адамында ішкі сезім қатты дамыған ғой, Самалды алғаш көргенде-ақ менің фильміме дәл осы актриса керек­тігін түсініп, басты рөлге бекіт­тім. Түйсігім алдамапты. Кейін Самалға лайықтай отырып «Айка» фильмінің сцена­рийін жаздық. Мәскеуге келіп қиын тағдырды басынан кешкен эмигрант қырғыз қызы­ның тау­қы­метті тағдыры баяндалатын фильм солай өмірге келген бола­тын», – деп режиссер түсірілім жұ­мы­сының барысын баяндап өтті. 

Артхаус бағытында түсіріл­ген бұл фильмнің жалпы бюджет қоры 2.5 миллион еуроны құрайды. Актриса үшін «Айка» фильмінің салмағы да, жауапкершілігі де үлкен болды. Рөлінің шынайы шығуы үшін Самал режиссердің кеңесі­мен біршама уақыт Қырғыз­станға барып өмір сүріп, ұлт­тың менталитеті мен жалпы табиға­тын зерттейді. Бұл жерде тағы бір ерекше атап өтерлік жайт, әлі ана атанып үлгермеген бойжеткен қос фильмде де ана рөлін кескіндейді. Оның өзі де актрисадан жіті ізденісті талап етеді. Бірақ әрдайым алған бетінен қайтпайтын, мақсатына жетпей тынбайтын өжет қыз қос рөлін де өз биігінде алып шығады. Нәтижесі – міне, көз алдымызда!

2008 жылы түсірілген «Тюльпан» фильмі (режиссері – Сергей Дворцевой) өз кезегінде Канн кинофестивалінде «Ай­рық­ша көзқарас» номинациясында топ жарса, араға бірнеше жыл салып түсірілген «Айка» фильміндегі Самалдың ізденісі тағы да киносыншылардың назарынан тыс қалмады. Байқау қорытындысы бойынша қазылар алқасы бірауыздан «Үздік әйел рөлі» аталымындағы жүлдені қазақ қызының қанжығасына байлап берді. 

– Ойлап қарасам, маған үнемі аналар рөлі бұйырады екен. Ең алғаш 19 жасымда түс­­кен «Тюльпан» фильмінде 3 бала­ның анасын сомдасам, «Айка» кинотуындысында да баласын өмірге әкеле салып, одан бас тартқан жас қыздың бейнесін кейіптедім. Оңай болды демеймін. Үлкен ізденісті талап етті. Бірақ соның нәтижесінде кино өнеріне басқа, байыпты көз­қа­распен, жауапкершілікпен қарап үйрендім», – дейді актриса. 

Иә, қай кезде де маңдай тер еңбектің өтеуі болған. Халық­аралық Канн кинофестивалінде Алаш елінің абыройын асқақ­татып, әлем назары қазақ хал­қы­на бұрылып жатса – оны қар­шадай қазақ қызы Самал Еслямова­ның тынымсыз ізденісі мен өнерге деген зор сүйіспеншілігінің же­місі деп бағалау керек. Бұл же­ңіс, сөзсіз, қазақ өнерінің жеңісі!

Назерке ЖҰМАБАЙ, 

Суретті түсірген Ерлан ОМАР,

«Егемен Қазақстан»

СОҢҒЫ ЖАҢАЛЫҚТАР

22.02.2019

Қарағанды облысында көпбалалы отбасыларды қолдаудың 10 қадамы жасалды

22.02.2019

Қостанайда әкім есебі жаңа ғимаратта өтті

22.02.2019

Қарағанды облысының тумасы Қазбек Нұржановтың құрметіне арналған 41-ші жеңіл атлетика жарысы өтті

22.02.2019

Қарағанды облысында 479 жоба іске асады

22.02.2019

Ұлттық валютадағы мәтін тек қазақ тілінде болады

22.02.2019

Sanofi - күдіктен ада компания

22.02.2019

Сенатор С.Айтпаева Германиядан келген делегациямен кездесті

22.02.2019

Қарағанды облысында көпбалалы отбасыларға тұрғын үй сертификаттары беріледі

22.02.2019

Ақтөбе облысында су тасқынына дайындық шаралары қабылданып жатыр

22.02.2019

Құралай Ахмет: Шет елде оқуға ынтасы бар кез келген адам «болашақтық» бола алады

22.02.2019

Жастар кәсіпкерлігіне арналған «Jas Business» семинары өтті

22.02.2019

Халықтың әл-ауқатын жақсарту – басты мақсат

22.02.2019

Жоғарғы сот жемқор судьяларды анықтауды күшейтеді

22.02.2019

Шаңғымен тұғырдан секіруден Қазақстан командасы әлем чемпионатында бақ сынайды

22.02.2019

Ерлан Қошанов көпбалалы отбасылар тұрғын үймен қалай қамтамасыз етілетінін айтты

22.02.2019

Мамандар: Денсаулық туралы жаңа Кодексті қабылдау бизнес үшін кедергілер туғызуы мүмкін

22.02.2019

Семейде «Нәджип Әмір» атындағы аудитория ашылды

22.02.2019

«Әбу-Даби Плаза» елордада жаңа жұмыс орындарын құруға мүмкіндік береді

22.02.2019

Милад Карими мен Аким Мусаев Мельбурндегі Әлем кубогінің финалына өтті

22.02.2019

Юлия Галышева бастаған Қазақстан командасы Жапониядағы әлем кубогіне қатысады

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу