Цифрландыру Павлодар өңірінде қалай өрістеуде?

2022 жылға қарай облыстағы мемлекеттік қызметтердің 85 пайызын электронды фор­матқа ауыстыру жоспар­лан­ған. «Цифрлы Қазақстан» бағ­дар­ламасы аясында қолға алынған жұмыстың барысына көз жүгіртіп көрейік. 

Егемен Қазақстан
23.05.2018 1398
2

Облыс әкімінің орынбасары Ұлан Жазылбектің айтуынша, қазір облысымызда «Цифрландыру кеңсесі» жұмыс жасайды. Таяу жылдары тұрғындар түрлі мемлекеттік қызметтерді онлайн тұтынатын деңгейге жетуі керек. Сол үшін қазірден бастап мемлекеттік ор­ган­дардың ұсынатын қызметін авто­маттандыру бағытындағы жұмыс­тар жасалуда. 

– Цифрландыру саясатын жүзе­ге асыруға өңірдегі барлық бас­қар­малардың, қала, аудан әкім­дері­нің белсене қатысуы талап етіледі. Об­лыс­тық ІІД жергілікті полиция қыз­меті әрбір аудан үшін квадрокоп­тер сатып алады. Ұшатын ап­парат жо­ғалған малды іздеуге, қа­­рақ­­шы­­лар­ды қолға түсіруге, су тас­­­қы­­­нын алдын ала бақылауға, бас­қа да жағдайға кө­мектеседі,– дейді Ұлан Жазылбек.

Облыстық индустриялық-ин­нова­циялық даму басқармасы­ның хабарлауынша, өңірде жоба­лық ке­ңес құрылып, 4 бағыт бо­йынша жұмыс жүргізетін болады. Мы­­салы, «Экономика салаларын тех­­­но­­­логиялық жаңарту және цифр­­ла­ндыру» бағыты бойынша «Қазақ­­стан электролиз зауыты» АҚ, «Қазақстан алюминийі» АҚ, «Май­қайы­ңалтын» АҚ, «Каустик» АҚ, «Павлодар мұнай-химия зауыты» ЖШС, «Богатырь Көмір» ЖШС цифр­лы жобаға қатысады. Өнім кө­лемі мен сапасын арттыруға жаңа тех­но­ло­гиялар ғана мүмкіндік бере ала­ды. Цифрландыруға бағытталған құ­рал­дарды қолданысқа енгізу үшін өндіріс орындарында биыл 17 шара өтеді. 

Жоғарыда облыс әкімінің орын­басары айтып өткендей, цифр­лан­дыруға өңірдегі барлық басқар­малардың, қала, аудан әкімдік­терінің белсене қатысуы талап етіледі. Облыс әкімі аппаратының бас­шысы Расул Оразғұловтың айтуынша, «Цифрлы Қазақстан» бағ­дар­ламасы бойынша өңірде «Мем­лекеттік қызметтердің есеп­терін цифрландыру сервисі» әзір­леніпті. Жергілікті атқарушы орган­дары реестр бойынша 191 мемле­ке­ттік қызмет көрсетеді. Қазір элект­рон­ды түрде көрсетілген мемлекеттік қызметтердің үлесі 38 пайызды құрайды. Білім беру, денсаулық сақтау, жұмыспен қам­туд­ы үйлестіру және әлеуметтік бағ­дарламалардың сапасын арттыру мақсатында «Цифрлы Қазақстан» жо­басы жүзеге асырылады. Бұл ретте көр­сетілетін барлық мемле­кет­тік қызмет түрі автоматты жүйеге көшірілмек. Қалалар мен аудан­дар­дағы жұмыспен қамту орталықтары электронды еңбек биржасына қосылды. 

– Біз қағаз құжат айналымын қысқарту үшін жұмыс істеп жатыр­мыз. Ол үшін облыстың мем­ле­кеттік органдарында технологиялық инфрақұрылым – мем­лекет­тік мекемелердің бірыңғай муль­ти­сервистік орталығы қызмет көрсете­ді. Яғни 136 жергілікті атқарушы органда 2 мыңнан астам желілік ақпараттық жүйелер қолданылады, – дейді Р.Оразғұлов. 

Бір айтар кетерлігі, облыстағы 40-қа жуық ауыл, 23 мектеп жоғары жылдамдықты интернет желісіне қосылмаған. Сол себепті облыс әкімдігі кең жолақты интернетке қосу үшін ауылдарда автономды стансалар құруды ұсынып отыр. 

Екіншіден, ауылдықтар спутник­тік телеарналарды жиі көреді, үйінің төбесінде «тәрелке» қосып алған, кейбірі «Отау ТВ» жүйесіне қосылған. Өкінішке қарай, ауылдық жерлерге іссапарға барғанда куә болып жүрген бір мәселе – ауыл халқы өзге елдің телеарналарына байлаулы. Бұл жайт та назардан тыс қалып келеді. Ауылдықтар цифрлы телетаратылым жүйесі ең алдымен шалғайдағы ауылдардың мүддесіне сай болғанын күтуде. 

Биыл облыстағы ауруханалар, емханалар жалпы медициналық ақпараттандыру жүйесіне тіркеледі. Р.Оразғұлов атап өткендей, өткен жылы өңір жұртшылығына 3,8 мил­лионға жуық көрсетілген мем­лекет­тік қызметтің 3,2 миллионы ме­ди­цина саласына қатысты екен. Де­нсаулық сақтау саласы қызмет­керлері 1 миллион 200 мың қызметті электронды түр­де көрсеткен. Биыл аурухана, ем­хан­алар­ға тағы да 321 дана компью­тер сатып алу жоспарланып отыр. Өзіміз көріп жүргендей, емха­на­лардағы дәрігерлер де компью­тер­дің құлағында ойнауға машық­танып қалған. Қалай болғанда да цифр­ландыру бағдарламасы қабыл­д­анбай тұрып-ақ елімізге IT-техноло­гия­лардың жаңалықтары келді ғой. Қазір онлайн сервистер, мемлекеттік қызметтердің бірыңғай түрлері бізге де жетіп, халықтың жұ­мысы біршама жеңілдеген. 

Әрине жаңа технологиялар өндіріске келуі үшін жергілікті жоғары оқу орындары бәсекеге қабі­летті, жоғары білікті маман­дар дайындауға мән беруі қажет. Олардың алдында IT-мек­теп­тер, технопарктер ашу мін­деті тұр. Мысалы, Павлодар мемле­кет­­­­­тік педагогикалық универси­те­­тін­­­де IT HUB зертхана ашылды. Соның арқасында студенттер сабақ үстінде және бос уақы­тын­­да 3D-модельдеумен, түр­лі қол­­дан­балы ақпараттық бағдар­ла­ма­лар­мен шұғыл­дана алады. Алда­ғы уақыт­та IT HUB базасында кәсіп­орын­­дардың жұмысын ақпараттық тех­нологияларға көшіру жобасы же­тіл­дірілмек. Университеттің про­рек­торы, ғалым Александр Сви­­дер­ский жобалар Елбасының экономи­ка­ны цифрландыру бойынша тапсыр­малары үдесінен шығады деп отыр. 

Бұл университетте жасалған жобалар оқу орнының стартап орталығындағы шағын қалыптағы өндірістер үшін қажет. Өндірістерге арналған инновациялық жобалар жасалса, облыс орталығындағы жоғары оқу орындарында бірлескен ғылыми орталық пайда болуы мүмкін. Университетте робот-техника зертханасы жұмыс істеп тұр. Кітапхана да цифрландыру жүйесіне өтуде. Өңір жастары жобаларын жетіл­діру үшін ІТ орталығында білім алады. Облыс орталығындағы «Жас­тар бастамаларын дамыту ор­та­­лығында» жастардың ақпарат­тық-технологиялық білім­дерін жетіл­діруге бағытталған кабинет те бар. 

Облыс орталығындағы №37 мектепте қазір турникеттер, мектеп асханасы мен кітапханасында смарт-жүйе, «Teacher office» жұмыс жасап тұр. Мектеп директоры Ләйлә Жүсіпованың айтуынша, «Teacher office» бөлмесінде мұғалімдер «Күнделік», «Bilim land» жобаларына сай кітаптарға тапсырыс береді. Кітапханашы автоматты жүйе арқылы қабылдайды. Ал «Смарт Павлодар» қосымшасы арқылы ата-аналар ас мәзірін онлайн режімде көреді. Асханаға келген оқушы құрылғыға саусағын тигізсе монитордан тапсырыс тізімі шыға келеді. Төлем автоматты түрде төлем картасынан алынады. 

Әрине «Цифрлы Қазақстан» бағдарламасының мақсаты цифр­лы технологияны терең меңгеруге, цифр­лы сауатты болуға бағытталған. Оны меңгерудің халық үшін игілігі көп екені де түсінікті. Павлодар өңірінде осы мақсатта атқарылып жатқан жұмыстардың бір парасы, сондай-ақ шешімін табуға тиіс мәселелердің шет жағасы осындай.

Фарида БЫҚАЙ,

«Егемен Қазақстан» 

 

Павлодар облысы

СОҢҒЫ ЖАҢАЛЫҚТАР

15.11.2018

Бекзат жаттыққан спортзал

15.11.2018

А. Майтиев тариф қалыптастырудың ашықтығын арттыру шаралары туралы айтып берді

15.11.2018

Тегеранда Қазақстан-Иран консулдық консультациялары өтті

15.11.2018

Бас прокуратурада бизнес саласындағы проблемалық сұрақтар талқыланды

15.11.2018

Қазақстан мен Швеция ынтымақтастықтың перспективалық бағыттарын анықтады

15.11.2018

Маңғыстау облысы Қазақстан халқы Ассамблеясының кезекті сессиясы өтті

15.11.2018

Алматыда композитор Әсет Бейсеуовты еске алу кеші өтті

15.11.2018

Президент Абай атындағы ҚазҰПУ ректоры Такир Балықбаевты қабылдады

15.11.2018

Жезқазған мен Сәтбаевтың арасында ірі супермаркет салынады

15.11.2018

Елбасы Словакия Республикасының Премьер-Министрі П. Пеллегринимен кездесті

15.11.2018

Қазақстан Жазушылар одағының мүшесі Нұтфолла Шәкеновты еске алу кеші өтті

15.11.2018

Алматыда Құрманғазының 200 жылдығына арналған дәстүрлі музыка фестивалі аяқталды

15.11.2018

Асқар Шәкіров ұлттық құқық қорғау мекемесімен өзара іс-қимылын оң сипаттады

15.11.2018

Алматыда «Серікбол Қондыбай. Рух жауынгері»  атты деректі фильмнің көрсетілімі болды

15.11.2018

Алматы полициясы: ірі сатып алушының үйінен ұрланған заттар иелеріне қайтарылды

15.11.2018

ШҚО-да атқа мінген ауыл әкімі қасқырдан құтқарып қалды

15.11.2018

Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

15.11.2018

Қостанайда жол-көлік оқиғасы 5,9 процентке азайды

15.11.2018

Аягөзде зағип жандарға құрмет көрсетілді

15.11.2018

Алматы полициясы: өтінім беру 15 минутқа дейін қысқартылды

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу