Наталья Назарова, ГИТИС ұстазы: Дворцевой бізге оны алып келгенде, Самалды қабылдайтын орын болмаған

Қазақ қызы Самал Еслямованың 71 халықаралық Канн кинофестивалінде «ең үздік әйел рөлі» аталымында жеңімпаз атануы – күллі Қазақстанға қуаныш сыйлады. Бұқаралық ақпарат құралдарында ол туралы ақпараттар мен материалдар легі де қаптады. Осы орайда Самалдың ұстазы, Наталья Назаровамен хабарласып, сұхбат құрдық. Театрда және бірнеше көркем фильмде ойнаған Назарова қазіргі кезде Ресейдегі ГИТИС-те тәлім береді. Самал жүлде алған күні Назарова Фейсбуктегі парақшасында алақайлап сүйінші сұраған.   

Егемен Қазақстан
24.05.2018 4770
2

- Сіз бірнеше жыл Самалдың ұстазы болдыңыз ғой, оның актерлік қабілетін қалай бағалайсыз?

– Самалдың өзіне тән нәзік сүйкімділігі бар. Және оның бойында ерекше актерлік қабілет бар. Ол сырт көзге байқала бермейді. Бірақ образға кіріп, рөлін ойнай бастаған сәтте сіз Самалды емес, нағыз кейіпкерді көресіз. Ол мүлде фальш жасай алмайды. Дворцевой жетістігі мен еңбегінің құпиясы – Самалдың табиғаты мен қабілетін дөп тани алуында жатыр.

- Самалмен алғаш рет қашан кездестіңіз және қандай әсерде қалдыңыз?

– Сергей бізге оны алып келіп, маман ретінде қарап көруімізді сұрады. Бірақ біз ол кезде курсты толықтай жинап қойғанбыз, сондықтан қосымша адам алу мүмкін емес еді. Ол өте сабырлы, салмақты болды. Мен біздің білікті режиссеріміз Евгений Каменьковичке өтініш жасап, Самалдың қабілетін байқап көруін сұрадым. Ол қыз сахнаға шықты да, Татьянаның хатын оқи жөнелді. Самалдың ол хатты нәзік иірімдермен тебірене, жүрекке жеткізе оқығаны соншалықты артқы тұстан «Мен оған үйленгім келеді» деген Фоменко театрының белді әртістерінің бірінің даусы естілді. Біз бұл жағдайға рахаттана күліп алдық. Содан кейін Каменькович «біздің Қазақстанмен арнайы келісіміміз бар. Ол елдің студенттері арнаулы квотамен оқиды. Тиісінше, ешқандай артық орын алмайды» деді. Осылайша, Самал біздің курсқа түсіп кетті.

- Фильмдегі әйел образының қазылар алқасын тәнті еткенінің себебі неде деп ойлайсыз?

– Әзірге «Айка» туындысын көріп шықпадым. Сол себепті, ешқандай пікір айта алмаспын.

– Сергей неге осы рөлге Самалды таңдады? Бұл тұрғыдағы сіздің жеке пікіріңіз қандай?

– Сергейдің бұл таңдауының себебі оның өзіне ғана аян деп ойлаймын. Дегенмен «Тюльпан» картинасынан кейін екеуінің шығармашылық бірлестігі дами түсті. Әрі Самалдың қабілеті, таланты режиссерге анық көрінді. «Тюльпаннан» кейін режиссер Самалда үлкен потенциал бар екенін айқын түсінсе керек.

- Канн халықаралық фестивалінде мұндай биікті бағындыру – үлкен жетістік. Талайлар армандап өтетін шың. Дәл осындай табыстан кейін Самалдың кәсіби карьерасы қалай өрбуі мүмкін?

– Мұндай жетістікке жеткеннен кейінгі әртістің тағдыры болжап болмайтын дүние. Әлдеқандай болжам айтып, бал ашу өте қиын. Қалай болған күнде де тек көптеген рөлдерді сәтті орындап, жұртшылыққа одан әрі таныла түседі деп үміттенемін. Біздің Самалмен қарым-қатынасымыз өте жақсы деңгейде. Ол жаны жайсаң, керемет адам. Сабақты да аса мұқият, жоғарғы бағаға оқыды. Айтпақшы, ол өзін өжет мінезді актриса ретінде де көрсете алды. Батылдық, өжеттік адамға, оның ішінде актерге керек қасиет. Сондықтан оның жолы – даңғыл деп үлкен сеніммен айта аламын.

- Самал білім алған, өзіңіз қызмет ететін оқу ордасы туралы айта кетсеңіз?

– Самал бұл білім ордасында 2007-2011 жылдары оқып, тәлім алды. ГИТИС (Театр өнері мемлекеттік институты) – Ресейдегі ең үздік театр өнерін дәріптейтін, үйрететін жоғары оқу орындарының бірегейі. Қазіргі таңда елдегі үздік театр оқу орындарының төрттігіне кіреді. Ал Самал оқыған режиссура факультеті – тіпті аңызға айналған орта десе де болғандай. Аталған факультет қабырғасынан талай мықты актерлер мен режиссерлер түлеп ұшқан.

Мен «Тюльпан» фильмін өте қатты ұнаттым. Оған дейін Дворцевойды білмейтін едім. Бірінші фильмдегі Самалдың жұмысы менің көңіліме ғажайып әсер сыйлады. Оны ауызбен сипаттап жеткізе салу қиын. Жалпы, мен Сергейді біртуар режиссер деп есептеймін. Мен үшін ол – Ресейдегі нөмірі бірінші маман. Самалдың осындай шебердің қолына тап болуы да – үлкен бақыт. Дегенмен актердің өзі ынтасыз, қабілетсіз болса, режиссердің ойындағы дүниені алып шыға алмайды. Бұл жерде тандем мықты болып тұр. Самал – өте еңбекқор және шынайы талант. Бұл тұрғыда ол көптеген әртістерден көш ілгері алда тұр. Осы жетістіктен кейін оның рөлдердегі болмысы одан әрі ашыла түседі, жұлдызы жарқырай түседі деп сенемін. Өзім Самалдың ұстазы болғанымды мақтан етемін.

- Сұхбатыңызға рахмет!

Әңгімелескен Абай Аймағамбет

СОҢҒЫ ЖАҢАЛЫҚТАР

18.09.2018

Головкин мен Альварестің үшінші жекпе-жегі болуы мүмкін бе? (ВИДЕО)

18.09.2018

11 жылдан кейін қайталанған тарихи кездесу

18.09.2018

Мемлекет басшысы қосарланған салықты болдырмайтын Өзбекстанмен арадағы келісімге өзгерістер енгізді

18.09.2018

Елбасы Байқоңыр тұрғындарына медициналық көмек көрсету заңына енгізілген өзгерістерге қол қойды

18.09.2018

Студент жастардың жатақхана мәселесі шешілуде

18.09.2018

Батыс Қазақстан облысында Мемлекеттік қызмет мектебі ашылды

18.09.2018

Жеңімпаздар әлем чемпионатына барады

18.09.2018

«Астана» 4 қазан күні өз алаңында Францияның «Ренн» клубымен ойнайды

18.09.2018

Атырауға алғаш рет Елбасының көшпелі көрмесі келді

18.09.2018

Қостанай облысының оңтүстік өңірі егін орағын аяқтап келеді

18.09.2018

Бауыржан Қарағызұлы Мәдениет және спорт министрінің кеңесшісі болып тағайындалды

18.09.2018

Ақмола облысында 61 ІТ сыныбы ашылды

18.09.2018

Әлихан Смайылов Қаржы министрі болып тағайындалды

18.09.2018

«Адырна» республикалық әдеби-көркем ұлттық журналы аламан бәйге жариялады

18.09.2018

Статусты сәйкестендіру керек

18.09.2018

Қостанай облысында адасқан тырна аңшылық шаруашылығына тапсырылды

18.09.2018

Ақмола облысында 2870 орынды қамтитын 11 жатақхана салу жоспарлануда

18.09.2018

Әулиеата аймағында туризмді дамытудың нақты жоспары жасалды

18.09.2018

Құрылыс компаниялары қызығушылық танытуда

18.09.2018

Елімізде жұмыспен қамтылған жастардың саны - 2,1 млн адамды құрайды

ТАҒЫ ЖҮКТЕУ
КОЛУМНИСТЕР

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

Александр ТАСБОЛАТОВ, «Егемен Қазақстан»

Tо́relik qyzmetke tо́r qashan beriledi?

Abaı atamyz: «Burynǵy qazaq jaıyn jaqsy bilgen adamdar: «bı ekeý bolsa, daý tórteý bolady» dep aıtypty», deıdi. Rasynda, bul sózdiń ómir tájirıbesinen alynǵanyna esh kúmán joq. О́ıtkeni bul arada hakim bıdiń sany emes, sapasy daýdy azaıtatynyna mán bergeni anyq. Al endi bul búgingi kúni de elimiz aýmaǵyndaǵy tórelik qyzmet prosesinde týyndaıtyn qoǵamdyq qatynastardy sheshýde eń basty eskerer jaıt bolyp tur. Sebebi azamattyq daýlardy qaraýda qara qyldy qaq jaratyn ádil sheshimge qol jetkizý áli de arman.

Бақытгүл САЛЫХОВА, педагогика ғылымдарының кандидаты

О́mir súrý salty

BUU aqparatyna saı, áıelder arasynda eń joǵary ortasha ómir súrý uzaqtyǵy boıynsha 86,8 jaspen Japonıa aldyńǵy qatarda tursa, er adamdar arasynda 81,3 jaspen Shveısarıa birinshi orynda. Al keıbir elderde ortasha ómir súrý uzaqtyǵy tipti 60 jasqa da jetpeıdi. «Nege?» degen suraqqa túrli faktorlardy keltire otyryp jaýap berýge bolady.

Қорғанбек АМАНЖОЛ, «Егемен Қазақстан»

Búgingi qazaq áıeli

Qazaq áıeli qaı zamanda da qatparly taqyryp bolǵan. Epostyq jyrlar men ertegilerde, jyraýlar poezııasynda qazaq áıeliniń, qazaq qyzynyń asqaq beınesi áspetteldi, sulýlyǵy jyrlandy, jan dúnıesiniń izgilikti qasıetteri pash etildi. Baǵzydaǵy Tumar hanym men Umaı anadan bastap qazaq tarıhy da Domalaq ana, Aıpara ana, Qyzaı ana, beridegi Bopaı hansha men uly Abaıdyń ájesi Zere syndy ardaqty esimderge kenen bolyp kelgeni belgili. Qashannan-aq halyq qasıetiniń qormaly, ulttyń uıaty áıel bolǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу