Қарағандыда ақын Ғалым Жайлыбайдың кеші өтті

Қазіргі қазақ поэзиясының көрнекті өкілі, ардакүрең ақын Ғалым Жайлыбай есімі жырсүйер қауымға жақсы таныс. Сонымен бірге түркі дүниесіне де, алыс-жақын шетелдердің де бірсыпырасына танымал деп айта аламыз. Ол – елшіл ақын, сыршыл ақын, сырбаз ақын. Алпыстың асқар белесіне жеткен шайырды туған ел-жұрты ардақтап, құрмет көрсетіп өткізген «Ақын ғалым Жайлыбай Қарағандыға шақырады» атты халықаралық поэзия мерекесі қазақ жырының мерейін асқақтатты десек, артық айтқандық емес.

Егемен Қазақстан
25.05.2018 3111
2

Туған халқының, заман­дас­тарының жан сарайын ашып, жүрек лүпілін, ізгі қа­сиет­терін, үкілі үміттерін, мөл­дір сезім­дерін, мұң-шері мен қуа­ныш-шаттығын егілтіп-төгілтіп жырлай алсаң ғана нағыз ақын­сың. Осы тұрғыдан келгенде Ғалым ақынның азаматтық болмысы шынайы, перзенттік парызы кірпік қақпайды. Кезінде академик Серік Қирабаев, Тұ­манбай Молдағалиев, Фариза Оңғарсынова сияқты әдебиет абыздарынан жоғары бағасын алған оның лиро-пәлсапалық поэзиясы айрықша ардақ тұ­ту­ға лайық, ұлттың рухани қа­зынасына қосылған олжа екендігі сөзсіз. Арқа төсін арда емген Ғ.Жайлыбайдың сыршыл өлеңдері ағылшын, орыс, украин, түрік, қырғыз, татар, өзбек, баш­құрт, тағы басқа халықтардың тіл­деріне аударылған. Оннан астам жыр жинағы шықты. Алғаш оқырманға «Егемен Қазақстан» газетінің беттерінен жол тарт­қан «Ақ сиса», «Қара орамал», «Тамакөшкен» поэмала­ры дас­таншылдық дәстүрін да­мытқан әрі жаңашылдығымен құнды. Осылардың ішінде 14 тілге аударылған «Қара орамал» поэмасы өткен жылы Швецияның Стокгольм қаласында Еура­зия­лық Шығармашылық Гиль­диясы және Herdforshire Press баспасы ұйымдастырған VІ Еу­разиялық ашық байқауында поэ­зия номинациясы бойынша қара үзіп, жүлдегер атануы ақын­­­ның өзінің ғана емес, жалпы әдебиетіміздің құт-қуанышы бол­ған-ды.

Сонымен Қазақстанның ең­бек сіңірген қайраткері, «Құр­мет» орденінің иегері, Халық­аралық «Алаш» әдеби сыйлы­ғының лауреа­ты, Ресей Жазушы­лар одағының С. Есенин алтын медалінің иегері Ғалым Жай­­лы­байдың жыр мерекесі қазақтың ақиық ақыны Қасым Аманжоловтың ескерткішіне гүл шоқтарын қойып, рухына тағзым етумен басталды. Еліміздің әр тарабынан келген саңлақ ақындар осы арада жүрекжарды лебіздері мен жыр шумақтарынан шашу шашты. 

Одан әрі халықаралық жыр мерекесі К.Станиславский атындағы орыс драма театрының ғимаратында жалғасты. Мұнда жиылған жұрт С.Қожамқұлов атындағы Жезқазған музыкалы-драма театры Ғ.Жайлыбайдың «Қара орамал» поэмасы бойынша дайындаған қойылымын тамашалады. 

«Рухани жаңғыру» мұратымен сабақтасқан мерейтой иесінің «Аққулардың жыр жаздым қа­натына» атты шығармашылық кеші кеншілердің мәдениет сарайында өтті. 

Қарағанды облысының әкімі Ерлан Қошанов Қаздауысты Қазыбек би, Бұқар жыраудай ұлылар шыққан топырақтың өнерге кен, талантқа бай екендігін айта келе, Ғалым ақынның кешегі сұңқар Сәкендер мен дауылпаз Қасымдардың лайықты жалғасы екендігін атап көрсетті. Қасиетті Қарағанды елі даусыз дарындарын ардақтайды дей келе, Ерлан Жақанұлы Үкімет басшысы Бақытжан Сағынтаевтың мерейтой иесіне жолдаған құттықтауын оқып беріп, ақынға алда үлкен шығармашылық табыстар тіледі. Қазақтың үлкен қайраткер ақыны, Мемлекеттік сыйлықтың лауреаты Нұрлан Оразалин қаламдас, сыйлас інісі Ғалым Жайлыбайдың шығармашылығы, азаматтың болмыс-келбеті жайлы кеңінен, көсіле толғап, оның қазақ жырының бүгінгі үлкен тұлғасына айналғандығын қадап айтты. Осы тойға Анкарадан ат терлетіп жеткен «Түрксой» ұйымының бас хатшысы Дүйсен Қасейінов Ғ.Жайлыбайдың түркі дүниесіне сіңіріп жүрген ерен еңбегіне баса тоқталды. 

Ал «Егемен Қазақстан» га­зетінің басшысы Дархан Қы­дыр­әлі ақынға деген өзінің ізгі тілегі мен Отанымыздың бас газетінің сәлемін жеткізді. Сон­дай-ақ жазушы қауымның тілек­тестігін Қазақстан Жа­зу­шы­лар одағы басқарма төрағасының орынбасары Бақыт Беделханұлы жеткізсе, мерейтой иесіне Мә­дениет және спорт министрі А.Мұ­ха­медиұлының құттықтауын осы министрліктің өкілі табыстады.

Алматыдан, Астанадан және басқа өңірлерден келген ақын ағалары мен замандастардың игі лебіздері, жыр шашулары мерейтой мерекесін шырайландыра түсті. Түркиядан, Өзбекстаннан, Татарстан мен Башқұртстаннан келген меймандар туыс халықтар арасындағы әдеби-мәдени байланыстар жайлы ризашылықпен айтып, Ғалым Жайлыбайдың өз тілдерінде жаңа шыққан жыр жинақтарын жарқырата сүйіншіледі. Ғалым ақынның ғаламы осылай қуандырды.

Қорғанбек АМАНЖОЛ,
«Егемен Қазақстан»

СОҢҒЫ ЖАҢАЛЫҚТАР

17.01.2019

Алматыда Денис Теннің өліміне қатысты сот үкімі шықты

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен несие беру бағдарламасы бойынша пәтер сатып алды

17.01.2019

Жамбылда экономиканың барлық саласында 4-5 пайыз өсім бар

17.01.2019

Станимир Стоилов ұлттық құрамадан кетті

17.01.2019

Оралдықтар 19 қаңтарда суық суға шомылады

17.01.2019

Маңғыстауда «Қошқар-Ата» қалдық қоймасына қатысты жұмыстар тұрақты жүргізіліп келеді

17.01.2019

Жаңадан ашылған ауданға жастар оралып жатыр

17.01.2019

«Егемен» жазған мақала сенатор сауалына арқау болды

17.01.2019

«Батыс» өңірлік қолбасшылығында сержанттар кеңесі өтті

17.01.2019

113 мыңнан астам отбасы тұрғын үй жағдайын жақсартты - Қ.Өскенбаев 

17.01.2019

Шымбұлақта фристайлдан әлем кубогі өтеді

17.01.2019

Атырау облысында екпе алмаған балалар қызылшаға шалдығып жатыр

17.01.2019

Алматыдағы Баум тоғайы түрлене түспек

17.01.2019

Бокстан Қазақстан әйелдер құрамасы Сербиядағы турнирді сәтті бастады

17.01.2019

Талдықорғанда «ақылды» аялдама салынып жатыр

17.01.2019

Қазақстандық теннисшілер жұбы екінші кезеңге шықты

17.01.2019

Галышева мен Рейхерд АҚШ-тағы әлем кубогі кезеңінде бақ сынайды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу