Қазақстан • 03 Маусым, 2018

Денсаулық сақтау министрлігі менингит бойынша мәлімдеме жасады

261 рет
көрсетілді
1 мин
оқу үшін

Денсаулық сақтау министрлігі менингит  бойынша мәлімдеме  жариялады. 

Денсаулық сақтау министрлігі менингит бойынша мәлімдеме жасады

«Қазақстан Республикасы Денсаулық сақтау министрлігі  азаматтарды әлеуметтік желілердегі күмәнді мәліметтерге сенбеуге шақырады», -деп атап өтілген  Денсаулық сақтау министрлігі Қоғамдық денсаулық сақтау комитетінің  Facebook парақшасындағы видеомәлімдемеде.

Сондай-ақ, Қазақстанның Бас санитарлық дәрігері Жандарбек Бекшин WhatsApp-та жарияланған  хабарламаға түсініктеме берген.

«WhatsApp пайдаланушылар арасында бір әйелдің үрейлі дауыспен  мектепке дейінгі мекемелерге баратын балаларға менингитке қарсы антибиотикпен емдеуді өткізге шақырған. Бірақ ол өз есімін, сондай-ақ қандай ұйымның атынан мәлімдеме жасағанын айтпайды. Денсаулық сақтау министрлігі бұл ақпаратты растамайды және сіздерді әлеуметтік желілердегі шындыққа жанаспайтын мәліметтерге сенбеуге, тек Денсаулық сақтау министрігінің ресми ақпаратын пайдалануға шақырады»,-деді Ж.Бекшин.

Сонымен қатар ол Қазақстанда жыл сайын менингитке байланысты 62-ден 424 оқиға, кей жылдары 21 оқиға тіркелетіндігін атап өтті. Бұл дерттің алдын алу жолдарын тағы бір еске салды.

Қазақстанда ресми деректер бойынша,менингиттен 9 адамның көз жұмғаны тіркелген. Соңғы оқиға Алматыда 2 маусымға қараған түні болды.  Менингококк жұқпасынан 5 жасар бүлдіршін қайтыс болды.