Мәжіліс депутаттары «Атамекен» ұлттық кәсіпкерлер палатасының басшылығымен кездесті

Мәжіліс Төрағасы Нұрлан Нығматулиннің қатысуымен депутаттар «Атамекен» ұлттық кәсіпкерлер палатасының басшылығымен кездесті. Отырыстың негізгі тақы­рыбы кәсіпкерлер палатасы қызметінің 5 жыл ішіндегі нәтижелері, сондай-ақ Қазақстанда бизнесті дамыту мәселе­леріне арналды.

Егемен Қазақстан
08.06.2018 1878
2

Жиын барысында елдегі бизнес саласындағы маңызды мәселелер талқыланып, оларды шешуге қатысты нақты ұсы­ныстар айтылды. Сондай-ақ «Атамекен» ҰКП мен депу­таттық корпус арасындағы әріп­тес­тікті дамытудың негізгі басым­дықтары айқындалды. 

Іс-шараны жүргізген Мәжі­ліс Төрағасы Н.Нығматулин кәсіпкерлікті дамыту үшін бес жылда маңызды заңдардың қабылданғанын атап өтті. 
«Атамекен» ұлттық пала­тасы құрылып қана қоймай, бес жылдың ішінде үлкен нәти­желерге қол жеткізді. Бұл ең алдымен, Елбасымыз Нұрсұлтан Әбішұлы Назарбаевтың қамқор­лығының, қолдауы­ның және көреген саяса­ты­ның нәти­же­сі. Сонымен бірге «Атамекен» пала­та­сы басшы­ларының, қыз­мет­кер­лерінің де еңбегінің жемісі деп айтуға болады. Соның нәтижесінде «Атамекен» өзі­нің еліміз үшін, халқымыз үшін пайдалы, қажетті ұйым екенін дәлелдеді. Ең бастысы – Қазақстандағы барлық кәсіп­керлердің сенімді тірегіне айналды», деді Н.Нығматулин. 

Мәжіліс Төрағасы отырыс барысында Елбасының бес әлеуметтік бастамасын орындауда депутаттар «Атамекен» ҰКП-мен белсенді жұмыс жүр­гізетінін, бүгінгі күні бұл мәселе өзекті болып табы­л­аты­нын, бас­та­малардың азамат­тары­мыз­дың өмірін жақсар­туға ба­ғыт­талғанын және бір саласы кәсіп­керлікті дамыту мәселелерін шешуге мүмкіндік беретінін айтты.

Мәжіліс Төрағасы депутат­тық корпус, партия фракция­лары және «Атамекен» арасын­дағы конструктивті әріптестік­тің маңызын атап көрсетті. Өзара тиімді байланыстың орнауына 2015 жылы қабылданған Кәсіп­керлік кодексі септігін тигізіп, аталған құжатқа алғаш рет кәсіп­керлік қызметті реттей­тін барлық құқықтық нормалар біріктірілді. Депутаттар мен «Атамекен» палатасы бір­лесіп әзірлеген Салық кодексі, «Жер қойнауын пайдалану туралы» кодекс және Кеден кодексі елдегі бизнес ахуалдың жақсаруына әсер етті. 

«Мемлекет басшысы екі апта бұрын кәсіпкерлік қызметті реттеуді жетілдіру мәселе­лері жөніндегі заңға қол қойды. Осы орайда, Президенттің тап­­сыр­­масын орындау бары­сын­­да депутаттық корпустың «Ата­мекен» палатасымен бір­лесе отырып әзірлеген заң жобасы мемлекеттік бақылау қызметін 30 пайызға дейін азайтуға жағдай жасағанына куә болдық», деді Н.Нығматулин. 

Мәжіліс Төрағасы әріптес­тік­­тің нәтижесінде елдегі кәсіп­кер­­лік саласындағы өзекті мәсе­ле­­лер анықталғанына да тоқ­тал­ды. Олардың қатарында шағын және орта бизнес өкіл­деріне бері­летін несиенің қолже­тім­сіз­дігі, кадрлар біліктілігінің тө­мен­дігі мен сыртқы нарыққа шығу бар. 

«Аталған мәселелерді шешу арқылы Елбасының 2050 жыл­ға қарай елдің ішкі жалпы өніміндегі шағын және орта бизнес үлесі 50% -дан кем болмауы жөніндегі тапсырмасын орын­дауға қол жеткізе аламыз», деді Н.Нығматулин. 

Сөз соңында Мәжіліс Төраға­сы белсенді азаматтық ұста­ны­мы мен депутаттық корпуспен ынтымақтастыққа дайын­дығы үшін «Атамекен» ҰКП басшылығына алғысын айтып, отандық бизнесті дамыту мен қолдау бағытындағы жұмыстарына сәттілік тіледі.

Бұдан кейін сөз алған «Атамекен» ҰКП төралқа төр­ағасы Тимур Құлыбаев Ұлттық кәсіпкерлер палатасы қызмет атқарған уақыттан бастап өзін бизнес пен билік органдары үшін барлық деңгейде тиімді диа­лог алаңы ретінде таныт­қанын атап өтті.

«Атамекен» ұлттық кәсіп­кер­­лер палатасы осы бағытта Пар­ла­мент және Үкіметпен тиімді жұмыс атқарып келеді. Мемлекет басшысының күн сайынғы қолдауы кәсіпкерлікке қолайлы жағдай қалыптастыруға мүмкіндік берді. Елде бизнеске деген көзқарас түзеліп, мемле­кеттік органдардың қарым-қатынасы өзгерді. Ең бастысы – кәсіпкерлердің билікке сенімі оянды. Қазіргі таңда өзара байланыс жаңа деңгейге көтерілді. Бұл – ел үшін тиімді», деді Т.Құлыбаев.

Сонымен қатар «Атамекен» палатасының басшысы шағын және орта бизнеске несие беру жүйесін қайта қосу шараларына тоқталды. Оның айтуын­ша, осы салаға несие бөлінбесе, кәсіп­керліктің дамуы мүмкін емес.

«Ірі банктерге сауықтыру жүргіздік. Бұған шамамен 3 трил­лион теңге салынды. Алай­да несиелеу мәселесі әзірге то­лық­­қанды шешілген жоқ. Өйт­­кені банктер ұзақ мер­зімге қар­жыландыру мәсе­лесін қарас­тырмаған әрі оларда мұн­дай мүм­кіндік бола бермей­ді. Ал шет­елдік несиелеуді қолданбағанымызға біраз уақыт өтті. Ұзақ мерзімге қаражат алу­дың екі жолы бар. Біріншісі – ха­лық­тың депозиті. Бұл мәсе­ле­де депозиттердің жартысы дол­лармен сақталғанын, ұлт­тық валютаға сенімді арт­­тыру қажет екенін ескеру керек. Екіншісі – заңды тұлға­лар­дың, ква­зи­мемлекеттік сек­тор­дың депо­зиті. Бұл депозит шама­­мен 6 триллион теңгеге жетеді. Олардың бәрі қысқа мер­зімді және экономиканы модер­ни­за­циялаудың негізгі қор жинақтауына жарамайды», деді Т.Құлыбаев.

Ұлттық палата басшысы депо­з­иттердің пайызынан да пайда тауып отырған квази­мемлекеттік сектордағы қаржы саясатының тиімділігіне күмән­мен қарайтынын жеткізді. Т.Құлыбаев тұрақты қоры бар квазимемлекеттік сектордың қа­ржы­лық жағдайын тексеруді, депо­зиттерін ұзақ мерзімді өтім­ділік ретінде қолдану мүм­кін­дігін зерттеуді ұсынды. 

Сонымен қатар Ұлттық палата мен «Самұрық-Қазына» қоры Үкімет жанынан жобалық кеңсе құру жоспарда бар екенін мәлімдеді. Аталған кеңсе экономиканы модернизациялаудың жүйелі мәселелерімен айналысады. 

«Қазіргі таңда жұмысты үй­лестіру мәселелерімен айна­лы­сып жатырмыз. Үкіметке ұсы­ныс береміз. Көптеген компа­ния­­ның қызметтері ұқсас. Мысалы, «ҚазАгроның» еншілес 5 ком­па­ниясы бар, бірақ олар бір ғана қызмет атқарады», деді Т.Құлыбаев.

Ұлттық палата төралқа төр­аға­сы агроөнеркәсіп кеше­ніне несие берудегі мәселелерге тоқ­талды. Оның айтуынша, ком­мерциялық банктер агроөнер­кәсіп кешені үшін амалдың жоқтығынан несие беретін көрінеді. Т.Құлыбаев осы орайда «Бастау» жобасының тиімді жұмыс істеп отырғанын атап өтті. Аталған жоба арқылы жұ­мыс­сыз және өзін-өзі жұмыс­пен қамтыған азаматтар жеке кәсіп­терін аша алды. 

Отырыс барысында бизнес климатты жақсарту жөнін­дегі шаралар туралы «Атамекен» ғылыми-өндірістік кәсіп­орны­ның басқарма төр­ағасы Абы­лай Мырзахметов, адами капи­талдың дамуы және бизнестің жауапкершілігін арттыру туралы «Атамекен» ҰКП басқарма төрағасының орынбасарлары Эльдар Жұмағазиев пен Рустам Жүрсінов баяндады. 

Абай АСАНКЕЛДІҰЛЫ,
«Егемен Қазақстан» 

СОҢҒЫ ЖАҢАЛЫҚТАР

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу