Қаланың сол жақ бөлігіндегі кәріз тазарту ғимаратының кешені Атыраудың оңтүстік, оңтүстік-шығыс бөлігінде орналасады.
Кешен жұмысын бастағаннан кейін қазіргі қолданыстағы "Сасықсай" жабылады, жергілікті тұрғындар бірнеше жыл бойы осы мәселе бойынша шағымданып жүрген еді. Кешенде бас кәріз стансасы алаңы, кәріз тазарту ғимараты алаңы, биологиялық тоған алаңы мен булану алаңы бар. Кешен қуаты тәулігіне 70 000 куб метр пайдаланылған су.
Құрылыс 2019 жылы аяқталады. Айта кетейік, 14 ақпан 2018 жылы Атырау қаласы әкімі Серік Шапкенов тұрғындармен кездесуінде КТЖ ғимараты 1978 жылы қолданысқа берілгенін, содан бері күрделі жөндеу жасалмағанын айтқан еді. Пайдаланылған су булану алаңына жеткенге дейін тазартудың толық сатысынан өтпейді. Бұл тұрғындардың наразылығын тудырып келді: апат болған жағдайда қаланы лас су басатын еді.
