Ғайнолла Есенғалиев: Ендігі белес – Олимпиада

Мамыр айында дзюдодан жасөспірімдер мен жастар арасында жылдың ең маңызды додасы саналатын құрлықтық чемпио­наттар өтіп, еліміздің жалауы көкте бірнеше рет желбіреді. Ел абыройын асқақтатқан жампоздар арасында жас татами шеберлері де бар.

Егемен Қазақстан
11.06.2018 1275
2

Осы орайда Азия чемпио­натын қорытындылап, дзюдошы­ларымыздың алдағы қазан айында Буэнос-Айресте (Аргентина) өтетін жасөспірімдердің ІІІ Жаз­ғы Олимпия ойындары­на дайындығы туралы дзю­додан Қазақстан жасөспі­рім­дер құрамасының аға жат­тық­тырушысы Ғайнолла ЕСЕН­ҒАЛИЕВПЕН аз-кем әңгімелескен едік.

– Бейрутта өткен Азия чем­пионатындағы нәтижеге қан­дай баға бересіз? Әу бастағы жоспарыңыз орындалды ма?

– Жоспар толық орындалды деп айта аламын. 2017 жылы өткен Азия чемпионатында 2 алтын, 6 күміс және 7 қола медаль алған болатынбыз. Биыл спортшыларымыз 6 алтын, 5 күміс және 4 қола жүлдемен елімізге абыроймен оралды. Бұл біздің дзюдошыларымыздың ең үздік нәтижелерінің бірі деп толық сеніммен айта аламын. 

– Биылғы көрсеткіш был­тырғыға қарағанда әжеп­тә­уір кө­­те­рілгенін байқауға болады. Бұл қазақстандық дзюдо­­шы­лар­дың бабында екенін біл­діре ме? 

– Мұндай ірі додаларға осал спортшылар келмейді. Өз елінің кілең «сен тұр, мен атайын» деген сайдың тасындай іріктелген үздіктері жиналды. Өзіңіз айтып отырғандай, жылдың ең маңызды додасы болғандықтан, барлық ел негізгі құрамдағы спортшыларын қатыстырды. Сонымен қатар басқа турнирлерге қарағанда Азия чемпио­натының жеңімпаздары мен жүлдегерлеріне ұпай бері­леді. Ал ұпай алдағы жасөс­пі­рімдер арасында өтетін Олим­пия ойындары үшін ауа­дай қажет. Бұл көрсеткіш – спорт­шыларымыздың жыл басынан бергі еңбектерінің жемісі. 

– Олимпия ойындары деп қалдық қой, бұл додаға елі­міздің атынан кімдер қаты­сады? Нақты лицензия алған дзюдошылар бар ма?

 – Ең көп ұпай берілетін жарыс – Азия чемпионаты. Азия чемпионатында чемпион атанған дзюдошыларға 200 ұпайдан беріледі. Дәл қазір Олимпиадаға  мына спортшы барады деп айта алмаймыз. Десе де, халықаралық дзюдо федерациясының жасөс­пірімдерді іріктеуге арналған Олимпиада рейтин­гіндегі орындарына сәйкес ұлдардан Шерзод Давлатов пен Бека­рыс Сәдуақас, қыздардан Маргарита Гриценко мен Крис­тина Сотникова үмітті. Қазіргі таңда Шерзод Давлатов 55 кило салмақта үшінші орында тұрса, 90 килоға дейінгі салмақ­тағы дзюдошымыз Бекарыс Сә­дуа­қас бірінші орында тұр. Ал қыздардан Маргарита Гриценко (70 кг) әлемдік рейтингте үшінші, ал Кристина Сотникова екінші орында тұр. 

Халықаралық дзюдо федера­циясының ережесі бойынша жасөспірімдер арасындағы жазғы Олимпия ойындарына дзюдо бойынша әр елден екі дзюдошыға  (1 ер, 1 қыз) жолдама беріледі. Ал төрт жылдықтың басты додасына 2001 және 2003 жылы туған жасөспірімдер қатыса алады. 2018 жылдың 1 қаңтарында басталған іріктеу кезеңі шілденің 23-іне дейін жалғасады. Олим­пиадаға нақты кімдер баратыны тамыздың 1-інде белгілі болады. Оған дейін жас дзюдошылар жарыстарға қатысып, ұпай жинай береді. Алдымызда ұпай берілетін Қырғызстанда және Гонконгта өтетін Азия кубоктары бар. 

– Жасөспірімдер құра­масында кімнен үміт кү­тесіз? Шәкірттеріңіздің ара­сы­нан Елдос Сметовтің ізба­са­ры бола­­ды деп кімді айта аласыз?

– Шерзод Давлатов пен Бекарыс Сә­дуа­қас екеуі де қата­рынан екі рет Азия чемпионы атанып жатыр. Егер Шерзод пен Сәдуақас жасөспірімдерден жастар командасына ауысқанда дәл қазіргі баптарын жоғалтпаса, үлкен биіктерді бағындырады деп ойлаймын. Жалпы, өз басым осы екі өреннен көп үміт күтемін.

– Қазір Қазақстанда ауыр салмаққа қарағанда жеңіл сал­мақтағы балуандардың ба­бы келісіп-ақ тұр. Жас­өспі­рімдер құрамасынан Максим Раков, Ислам Бозбаев және Ержан Шынкеевтердің орнын басатын ауыр салмақтағы дзюдошылар шыға ма?

– Әрине. Кешегі өткен құр­лықтық біріншілікте 6 ал­тынның екеуін ауыр салмақ­тағы дзюдошылар жеңіп алды. Ара­сында күміспен күптелгендер де бар. Жоғарыда атап өткенімдей, 90 килоға дейінгі салмақта Бекарыс Сәдуақас биыл екі дүр­кін Азия чемпионы атанып, ауыр салмақта ел намысын абыроймен қорғап жүр. 90 килодан жоғары салмақтағы Мұханбет Зұлқарнаев та Ливан татамиінде қарсылас шақ келтірмей, жарыс жеңімпазы атанды. 81 кило­да Аян Байғазы да өзін жақсы көрсете білді. Аталған жас дзюдошылар бір орында тоқ­тамай, дайындықтарын пы­сық­тап, жастар мен ересектер сапына ауысқанда да баптарын жоғалт­паса, қазіргі құрамадағы ауыр салмақтағы балуандардың орнын жоқтатпайтынына сенім­дімін.

Әңгімелескен

Әйгерім ТОҚСАНБЕК,

журналист

СОҢҒЫ ЖАҢАЛЫҚТАР

21.02.2019

Сенаторлар халықаралық келісімдерді ратификациялады

21.02.2019

Индустрияландыру бағдарламасы аясында 20 мың тұрақты жұмыс орны ашылады

21.02.2019

Қызылордалық полицейлер заңсыз аң аулаушыларды ұстады

21.02.2019

Түркістан облысының өз футбол командасы құрылады

21.02.2019

Жайық өзені бойында ауқымды рейд өткізілді

21.02.2019

Биыл 65 мың ірі қара сатып алуға ақша бөлінеді

21.02.2019

Бас прокуратура өтемақы қорына өндіру тәртібін түсіндірді

21.02.2019

Қоғамға көмектесетін инклюзивті инновациялар

21.02.2019

Дариға Назарбаева Еуропалық Одақтың Орталық Азия жөніндегі арнайы өкілімен кездесті

21.02.2019

Airastana 1 сәуірден бастап Қазақстан арқылы Ташкентке рейстерді ұлғайтады

21.02.2019

Қазақстан Ұлттық Банкінің төрағасы неміс бизнес-қоғамдастығының өкілдерімен кездесті

21.02.2019

Қазақстан мен ЕҚДБ арасындағы ынтымақтастық мәселесі талқыланды

21.02.2019

Семейлік оқушы-кәсіпкер Нәдір Сәбитов жиһаз шығаратын цех ашты

21.02.2019

Алексей Луценко «Оман турының» жеңімпазы

21.02.2019

Қызылорда облысында электронды кітапханалар жұмыс істейді

21.02.2019

Шымкентте «Шымкентплан» құрылды

21.02.2019

Қарағанды облысында биыл дәрігерлерге 63 пәтер беріледі

21.02.2019

Ғалымбек Кенжебаев қазақ боксшыларының финалдағы жеңілісін түсіндірді

21.02.2019

Бангладеште өрт салдарынан 81 адам қаза тапты

21.02.2019

Мәжілісте Арал өңірінің өзекті мәселелері талқыланды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

ҰҚСАС ЖАҢАЛЫҚТАР

Тағы да оқу

Пікір қосу