Мәулен Әшімбаев Ақтөбе облысына жұмыс сапарымен келді

Кеше «Нұр Отан» партиясы Төрағасы­ның бірінші орынбасары Мәулен Әшімбаев Ақтөбе облысына жұмыс сапарымен келді. Ол ең алдымен Ақтөбе қаласындағы № 56 жалпы білім беретін орта мектепте болып, мұнда ашылған IT-сыныптың негізінде тұтастай облыстағы осы істің жай-күйімен танысты.

Егемен Қазақстан
14.06.2018 1266
2

Бұл мәселе бүгінде «Нұр Отан» пар­тиясының бастамасына орай ел өңірлерінде қанат жая бастағаны белгілі. Соның алдыңғы легінде Ақтөбе облысы тұр. Тегін оқытылатын IT-сыныптардың көк­жиегін кеңейту үшін материалдық базаға қоса тиісті маман-педагогтер әзірлеу ісінің маңызы жоғары. Осыған орай қазірдің өзінде 21 педагог арнайы дайындықтан өткізіл­ген. Бұған қоса, 35 оқытушы осы салаға мамандану үстінде. Қазір­гі күні облыста IT-сынып­тар жасақтау ісі бел ортадан асып келеді. Оның бәрі бюджеттен тыс көздер есебінен қаржы­лан­дырылған. 

– Бұл – «Нұр Отан» партиясы­ның қызметін жаңғырту аясын­да бел­гіленген басты жобалар­дың бірі. Оқушыларға бағдарла­малық бағыт­тар мен робот техникасымен құрас­тырудың басты негіздерін үйрететін оқытудың заманауи тәсілі бұған дейінгі информатика пәні атқарып келген міндеттерден өзгешелеу. Екеуінің атқаратын қызметі екі бөлек. Біз оны жүргізуді шетел­дің озық әдіс-тәсілдері негі­зінде одан әрі жетіл­діре түсуді ойластырып отырмыз. Әрине дәл көшіріл­ген күйінде емес, оның бәрі өз мем­лекетіміздің мен­та­литетін ескере отырып енгізіледі, – деді М.Әшімбаев. 

Сондай-ақ облыс мектеп­теріндегі асханалар жүйесін жаңғырту ісімен танысу сәтінде ол бұл істе тиісті стандарттық жүйе жасақтау қажеттігіне тоқ­талды. Соған сай балалардың тойып тамақ ішуі шарт бола қой­май­ды. Ең бастысы, мектептің асха­налар мәзірінде дәруменнің құнары мол тағам түрлері мол болуы тиіс. Сонымен бірге жас өскіндерді тамақ ішу мәдениеті­не дағдыландыру ісі де артық­тық етпейді. Осы ретте Мәулен Сағат­ханұлы Ақтөбе облысы­ның мектептерінде мемлекет-жеке­меншік әріптестігі негізінде құрылған мектеп асханалары жүйесіне оң баға берді.

«Нұр Отан» партиясы қол­ға алған бағдарламалардың басты бір бағыты «Рухани жаң­ғыру» деп аталады. Қазіргі кезде партияның бастамасына сәйкес отандық кітапханалар­ды жаңғыртудың және оны қазіргі заманғы білім орталықтары­на айналдырудың кең ауқым­ды бағдарламасы белгіленген. Мұндағы басты ерекшелік, аталған істің тек қалалар мен облыс орталықтарында ғана емес, сонымен бірге ауылдық жерлерде де жоғары стандарттарға сәйкес болуы басты назарға алынуында. Осындай биік талаптарға жауап бере алатын рухани орталықтың бірі Алға ауданына қарасты Бестамақ ауылдық кітапханасы болып отыр.

Партия Төрағасының бірін­ші орынбасары еліміздің шалғай аудандарының бірінде орналасқан осы ауылдық кі­тап­­хананың қызметімен танысып, мұндағы оң тәжірибе­лерді еліміздің барлық ауылдық кітапханаларына үлгі ретінде ұсынуға болатынын мәлімдеді. Аталған елді мекендегі кітапхана «Нұр Отан» партиясы жоба­сының игілігі мен тигізген шапа­ғаты негізінде жаңғыртылғанын айтты. 

Сонымен бірге Бестамақ ауылын­дағы орта мектептердің жанынан «Мектептердің спорт алаңдарын түбірімен қайта жасақтау» атты партиялық жоба шеңберінде құрылған білім ордасының әмбебап спорт алаңы да алыстан менмұндалайды. «Міне, тағы бір үлгі, тағы бір өнеге осы спорт алаңынан көрі­неді», деп жоғары баға берді партия басшысының бірінші орынбасары. Аталған спорт кешені облыста іске асырылып жатқан «Бақытты бала» жобасы аясында тұрғызылған. Мұнда оқушылардың футбол, волейбол, баскетбол, гандбол және теннис­пен емін-еркін шұғылдануы­на барлық жағдай жасалған. Кешен­нің тағы бір ерекшелігі, аталған спорт түрлері бойынша үйірмелер жұмыс істейді. 

«Нұр Отан» партиясының бүгінгі күні жаңғырту аясында қолға алған жобаларынан бөлек мұның алдындағы бұрын­ғы жобалар да қазіргі күнге дейін сабақтастығын үзбей келеді. Соның бірі – «Кедер­гісіз келешек» жобасы. Бұл жоба мүм­кіндігі шектеулі бала­лар мен ересектерге қолдау көр­сетуге бағытталған. Партия белгі­леген осындай талаптар мен міндет­терге толық жауап бере алатын Ақтөбе облысындағы «Күншуақ» атауын иеленген балаларды сауықтыру лагері болып отыр. 

Тек елімізде ғана емес, сонымен бірге ТМД аумағында баламасы жоқ әлеуметтік мекеме туабітті әртүрлі дерттерге, аутизмге және Даун синдромына шалдыққан балалардың демалуына және емдік гимнастикамен шұғылдануына арналған. Тіпті мұнда мүгедек балалардың ана­лары бірге болуы үшін де тиісті жағдайлар қарастырыл­ған. М.Әшім­баев облыстағы «Күншуақ» арнайы лагері респуб­ли­каның өзге өңірлері үшін бас­ты базалық құрылым ретін­де әдістеме­лік тәжірибені бөлісе алатынын айтты.

Ақтөбе облысына сапары аяқтал­ған соң Мәулен Сағат­ханұлына өңірге жасаған сапар қорытындысы бойын­ша сауал қоюдың сәті түсті.

– Ақтөбе облысына жасаған сапары­мыздың аясында біз Ақтөбе облысының әкімі, партия облыстық филиалының төрағасы Бердібек Сапарбаев жетекшілік жасайтын филиалдың жұмысымен танысып, олар Елбасы тапсырмаларын орындауда нәтижелі жұмыстар тындырғанына көз жеткіздік. Өңірде цифрландыру деңгейі де жоғары. Бір сөзбен айтқанда, «Нұр Отан» партиясы Саяси кеңесінің отырысында Мемлекет басшысы қолдау білдірген партиялық жоба­лардың бәрі Ақтөбе облысында ойдағыдай іске асырылып жатыр деп айтуға болады. Сондай-ақ бірқатар бағыттар бойынша аймақта іске асырылған оң тәжірибелерді өзге өңір­лерге де енгізудің берері мол деп есептеймін, – деді М.Әшім­баев.

Сапарының соңында М.Әшім­баев «Нұр Отан» партиясы­ның Ақтөбе облыс­тық активімен кездесіп, партия­лық жобаларды жүзеге асырудың тиім­ді тетіктерін жан-жақты саралап берді. Сондай-ақ ақтөбелік нұр­отан­­­дық­тарға бірқатар тың міндет жүктеді.

Темір ҚҰСАЙЫН, 

«Егемен Қазақстан»

АҚТӨБЕ 

СОҢҒЫ ЖАҢАЛЫҚТАР

25.09.2018

Сенат комитетінде діни қызмет және діни бірлестіктер мәселелері туралы заң жобасы қаралды

25.09.2018

Игорь Чжан: Велосипедтің кесірінен жүлде алмадым

25.09.2018

Әл-Фараби атындағы ҚазҰУ QS рейтингінде тағы да алға жылжыды

25.09.2018

142 үміткерге «Болашақ» стипендиясы тағайындалды

25.09.2018

Жақсы өсім - нәтижелі жұмыстың кепілі

25.09.2018

Инвесторлармен ортақ келісімге келді

25.09.2018

«Egemen Qazaqstan» газетінің журналисі марапатталды

25.09.2018

Қазақстан Экономикалық ынтымақтастық ұйымын нығайтуға және реформалауға шақырды

25.09.2018

Қазақстан Нельсон Мандела Бейбітшілік саммитіне қатысты

25.09.2018

Астана тұрғыны 10-қабаттан құлаған баланы тосып алды

25.09.2018

Қ. Қасымов ұялы телефондар ұрлығының жолын кесу шаралары туралы айтып берді

25.09.2018

Назарбаев Университетінде тың жобалар таныстырылды

25.09.2018

Нәубәт Қалиев қайтыс болды

25.09.2018

Үкіметте өңірлерді дамытудың 2020 жылға дейінгі мемлекеттік бағдарламасының жобасы мақұлданды

25.09.2018

АӨК цифрландыру аясында 20 цифрлық және 4000 дамыған ферма құрылады

25.09.2018

Жағажай волейболынан әлем чемпионатының іріктеу турнирі өтеді

25.09.2018

«Барыс» Мәскеуде «Динамоны» ұтты

25.09.2018

Бүгін Бакуде белдескен қос балуанымыз ұтылды

25.09.2018

«Хат қоржын» (25.09.2018)

25.09.2018

Солтүстік Қазақстан полицейлері Тілдер фестивалін өткізді

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу