«Алтын буынның» сыналар сәті

Төрткүл дүние көз тіккен дүбірлі доданың басталғанына да бір­не­ше күн өтті. Топтық кезеңнің бірінші туры аяқталып, үздік­те­рі көшбасшы орындарға жайғасты. Солардың бірі – Бельгия ұлт­тық құрамасы алғашқы ойынын сәтті өткізгені белгілі. Ал әрі қарай жағдай қалай өрбуі мүмкін?! Эден Азар бастаған құ­раманың қауқары қандай? Біз осы туралы сөз қозғайтын боламыз.

Егемен Қазақстан
22.06.2018 5647
2

Бельгия доп додасына 13-рет қатысып отыр. Бұл құрама о баста дүйім жұртқа «Қызыл сой­қандар» деген лақап атпен таныл­ған екен. Иә, бұл атау жұрт білетін «Манчестер Юнайтедке» емес, дәл осы Бельгия ұжымына тиесілі болатын. Ресми дерек­терге жүгінсек оны 1906 жылы Бельгияның Франция мен Нидер­ландыны жеңіп, сенсация жа­са­ғанынан кейін журналист Пьер Валькьер ойлап тауыпты. Оның үстіне команданың жей­де­сі қызыл түсті болғаны да бұл атау­ға мұрындық болған көрі­не­ді.

Бельгия биылғы әлем чемпио­на­тының фавориттерінің бірі еке­ні даусыз. Құрама ойыншыла­рына көз жүгіртсек әрқайсысы қарт құрлықтың мен деген клуб­та­ры­нда өнер көрсетеді. Эден Азар, Ромелу Лукаку, Кевин Де Брюйне, Миши Батшуайи, Венсан Компани, Тибо Куртуа... Айта берсек кете береді. Бельгияның «алтын буыны» пісіп жетілген шақ.

2014 жылғы доп додасында тәжірибесінің аздығынан Аргентина құрамасына есе жі­бер­­гені белгілі. Сол тұстағы ойын­­шыларға мән берсек, Эден Азар 23 жаста, Ромелу Лу­ка­­ку 21-ден енді асқан, Кур­туа 22-де, Батшуайи тіпті әлем чемпионатына шақырту алмаған. Ал бұл жолғы «қызыл сойқандардың» жөні мүлдем бө­лек. Кемелденген шағына жеткен, әрқайсысы «сен тұр, мен атайын» деген жігіттер. Негізгі құрамдағылардың бірі жарақат алып қалса, орнын жоқтатпайтын ойыншылар жетерлік. Білікті ойыншыларының көптігі сондай, тіпті Раджа Найнгголан секілді орталық жартылай қорғаныста ойқастайтын маңызды ойыншысын әлем біріншілігіне алмай кетті. Осыған қарап-ақ Роберто Мартинес шәкірттерінің әлеуетін аңғаруға болатындай. 

«Алтын буынның» сыналар сын сағаты келіп жетті. «Қызыл сойқандар» чемпиондық атаққа бас­ты үміткерлердің бірі екенін жоққа шығару мүмкін емес, бірақ оларға Аргентина, Бразилия, Германия ұжымдары секілді үлкен қысым көрсетілмейді. Қы­сым­ның аздығын ұтымды пай­­даланып, алысқа шабуға мүм­кіндік бар. Бірақ осыған дей­­інгі әлем, Еуропа бірін­шілік­те­ріндегідей ширек финалға же­тіп тоқмейілсуге болмайды. Үз­дік­терден құралған құрамаға жан­күйер тарапы кем дегенде үз­дік үштікке енуді міндеттейтіні анық.

«Алтын буын» демекші, бір кездері Англия құрамасы да небір таланттарға толы еді. Бі­рақ Дэвид Бекхэм, Майкл Оуэн, Фрэнк Лэмпард, Стивен Джерард секіл­ді марқасқаларға толы ұжым ешбір додада жарытып нәтиже көрсете алмады. 2002 жылдан бергі әлем, Еуропа чемпионаттарында ширек финалдан асып әрі­ге бара алған емес. Бельгия да әзірге дәл осы ағылшындардың сәтсіз жолымен келеді. 2014 жылғы әлем чемпио-
натында да, 2016 жылғы құрлық додасында да ширек финалда сүрінді.

Бельгия топтық кезеңнің алғаш­қы кездесуін 18 маусым күні Панама құрамасына қар­сы өткізіп, 3:0 есебімен же­ңіс­ке жетті. Матчта Дрис Мер­тенс 47-минутта есеп ашса, «Ман­чес­тер Юнайтед» шабуылшысы Ромелу Лукаку 69, 75-минуттарда басымдықты арттырды. Енді топ­тық кезеңдегі келесі матчын осы айдың 23 күні Туниске қарсы өт­кізеді. Ал соңғы болып 29 маусым күні ағыл­шындарға қарсы кездесу күтіп тұр.

Аян ӘБДУӘЛИ,
«Егемен Қазақстан»

СОҢҒЫ ЖАҢАЛЫҚТАР

23.01.2019

Ресей 2020 жылғы Олимпиада ойындарына қатыспауы мүмкін

23.01.2019

Қытайдың ІЖӨ-нің өсу қарқыны ең төменгі деңгейге жетті

23.01.2019

Жас мамандарға пайдалы ақпарат (видео)

23.01.2019

Бокстан әйелдер арасындағы әлем чемпионатының қожайыны анықталды

23.01.2019

Футбол күнтізбесі жарияланды

23.01.2019

«Иван Ярыгин» турниріне қатысады

23.01.2019

Данияр Елеусінов шаршы алаңға наурызда шығады

23.01.2019

Маңғыстауда арнайы мониторинг тобының алғашқы отырысы өтті

23.01.2019

«Ойыншық» сабындар

23.01.2019

Мұстафа рухын іздеген қазақтар

23.01.2019

Тұранның тұғырлы тұлғасы

23.01.2019

Инновациялық идеяларды тиімді пайдаланса...

23.01.2019

Ғылым деңгейі неге төмен?

23.01.2019

Adasqandardyń aldy jón, arty soqpaq...

23.01.2019

Қайырымдылық байқауына іріктеу жалғасып жатыр

23.01.2019

Г.Әбдіқалықова Армения елшісімен кездесті

23.01.2019

Бес әлеуметтік бастама: Атқарар іс аз емес

23.01.2019

Ауылда отырып, аукционда жеңген фермер

23.01.2019

Өзгенің қаңсыған су көліктері неліктен біздің жағалауда қалуы тиіс?

23.01.2019

Нәрестелердің шетінеуі екі есеге жуық азайды

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Adasqandardyń aldy jón, arty soqpaq...

  Bıylǵy qańtarda Qazaqstan óziniń azamattaryn dúnıeniń qaı shetinde bolsa da qorǵaı alatyn irgeli el ekendigin kezekti ret kórsetti. Sırıadaǵy qandy qasapqa soqyr senimniń shyrmaýyndaǵy kúıeýimen birge baryp qalǵan áıelder men jas balalarǵa arnaıy ushaq bólip, alyp keldi. Elbasy N.Nazarbaev óziniń tapsyrmasymen 47 adamnyń, sonyń ishinde 30 balanyń qutqarylǵanyn málimdedi. Qutqarý sharalary «Jýsan» operasıasy» dep atalǵany da jarıa boldy.

Сейфолла ШАЙЫНҒАЗЫ, «Егемен Қазақстан»

Jaýapkershilik joq jerde...

Sońǵy jyldary elimizde bosaný úshin aýrýhanaǵa kelgen analardyń qaitys bolý jaǵdaıy jıilep barady. О́tken jazda medısınasy jetilgen qalalar sanatyndaǵy Astananyń ózinde tórt birdeı qaıǵyly oqıǵanyń oryn alýy osy sózimizge dálel. Al Qazaqstan boıynsha 2018 jyldyń segiz aıynda ǵana ana óliminiń 40 faktisi tirkelgen eken. Onyń sebebi nede? Bul jóninde oılanyp, belgili bir sharalar qabyldap jatqan adam bar ma? Shynyn aıtsaq, bul jaǵy óte kúmándi. Eger adamdar jumysta jibergen kemshiligi úshin jazalanbaıtyn bolsa, ondaı jaǵdaıdyń qaıtalana bermesine kim kepil?

Сүлеймен МӘМЕТ, «Егемен Қазақстан»

Sóz salmaǵy

Baıaǵynyń bıleri taý qulatyp, jer terbetpese de, eldi ıitip, teli-tentekti tıyp, kem basqandy ilgeri ozdyryp, asqynǵandy tejep, órshigendi órelep, ata ǵuryppen, ana úlgisimen bárin jónge saldy. Ul men qyzdyń eteginen tartpaı, aýzynan qaqpaı, qyrandaı túletip otyrǵan. Sodan da shyǵar, «Aýzym jetkenshe sóıleımin, qolym jetkenshe sermeımin, aıaǵym jetkenshe júremin» dep 14 jasynda aýzynan ot shashyp: «El ebelek emes, er kebenek emes, dat!» dep dara tanylǵan Qazybek bıdiń Qońtajynyń tilin baılap, qatty sastyrǵany. Jeteli sózge jetesiz ǵana des bermeıdi.

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

ҰҚСАС ЖАҢАЛЫҚТАР

Тағы да оқу

Пікір қосу