Тараптар Бірыңғай экономикалық кеңістік аясында шекара маңындағы ынтымақтастықты және туризмді дамыту мәселелерін талқылады. Делегация мүшелері Қазақстан мен Ресей қатынастарындағы цифрлық күн тәртібі туралы баяндама тыңдады.
Екі елдің сенаторлары екіжақты байланыстарды нығайту үшін парламентаралық өзара іс-қимылдың маңыздылығын атап өтті. Тараптар талқыланып отырған мәселелерге көзқарастардың ортақтығы туралы айта келіп, өзара іс-қимылдың барлық салалары бойынша ынтымақтастықты жалғастыру туралы айтты.
Қазақстан делегациясының басшысы, Парламент Сенаты Төрағасының орынбасары, Сенат пен Федерация Кеңесі арасындағы Ынтымақтастық жөніндегі комиссияның тең төрағасы Сергей Громов кездесудің нәтижелі болғаны туралы айта келіп, ресейлік әріптестерді Комиссияның келесі 13-ші отырысын өткізуге Қазақстанға шақырды.