Әлем чемпионаты-2018. Үш құрлықтың тартысы қызып тұр

Жексенбі күні футболдан әлем чемпионатының топтық кезеңіндегі екінші тур ойындары аяқталды. Екі тур қорытындысы бойынша, Сауд Арабиясы, Египет, Марокко, Перу, Коста-Рика, Оңтүстік Корея, Панама, Тунис және Польша құрамалары мундиалмен қош айтысатыны белгілі болды. Ал «H» тобындағы үш бірдей құраманың яғни, Сенегал, Жапония және Колумбияның плей-офф сатысына жолдама алуға әлі де болса мүмкіндіктері бар.    

Егемен Қазақстан
26.06.2018 4404
2

«Самурайлардың» сәтті жорығы

Екі ойынның бірінде жеңіске жетіп, екіншісінде тең түскен Азия құрлығының өкілі Жапония үшінші тур ойындары алдында «H» тобында көш бастап тұр. Енді Жапония бейсенбі күні соңғы турда Польша құра­масымен ойнайды. Бұл мачта Күншығыс елінің футболшыларына тең нәтиже де жеткілікті. Ал Польша үшін бұл кездесудің ешқандай маңызы жоқ. Жеңсе де, жеңілсе де елдеріне қайтуға қамданады. Жапония футболшылары 2002 жылы өз елдерінде өткен біріншіліктегі және 2010 жылы ОАР-дағы нәтижесін қай­талауға жақын тұр. Сол екі чемпионатта «самурайлар» елі 1/8 финалға дейін жеткен болатын.

Жалпы, Жапония құрамасы биылғы әлем бірінші­лігіне жақсы дайындықпен келді. Наурыз айында Күншығыс елінің футболшылары екі жолдастық кездесуін өткізді. Қарсыластары әлем біріншілігіне шыға алмаған құрамалар болса да, екі ойында да жеңіске жете алмады. Мали құрамасына қарсы өткен ойында соңғы минутта жеңілістен аман қалса (1:1), Украинадан 1:2 есебі­мен жеңіліп қалды. Аталған ойындарда жапониялықтардың бірқатар негізгі футболшылары қатыспаса да, құраманы мун­­диал­ға алып шыққан бас жат­тықтырушы Вахид Халил­ходжичтің отставкаға кетуіне себеп болды. Жапония әлем чемпионатына екі ай қалғанда бапкер ауыстырып, төрт жылдықтың негізгі ойынына тың серпіліспен келді.

Қазіргі таңда құрамада доп тебетін ойыншылардың кейбіреуі Еуропа жасыл алаңдарында ойнап жүр. Мысалы, ағылшын премьер-лигасындағы Мая Есида және Шинджи Оказаки жеке таныстыруды қажет етпейтін футболшылар. Синдзи Кагава жарақатына байланысты біраз уақыт алаңға шықпаса да, «Боруссия» клу­бының жетекші футболшысы са­налады. Йошинори Муто («Майнц»), Хироки Сакаи («Мар­­сель»), Такаси Инуи («Эй­­бар») секілді футболшылар осы маусымда өздерінің жар­қын ойындарын өткізуде. Кэй­сукэ Хонда Мексикаға, Юто Нагатомо «Галатасарайға» ауысып, карьерасын аяқтайтын тұсқа жақындаса да, әлі күнге дейін құраманың негізгі тірегі саналады. Жалпы, Жапония биылғы біріншілікке тәжірибелі құрамын алып келді. Құрамындағы 10 футболшының жасы 30-дан асса, 7 футболшысы құрама сапында 80-нен аса ойын өткізген. 

Сенегал тағы да сенсация жасауға жақын

2002 жылы Оңтүстік Корея мен Жапонияда өткен XVII әлем чемпионатындағы Сене­гал құрамасының сенсация­сын футбол жанкүйерлері әлі ұмыта қоймаған болар. Азия құрлығында өткен біріншілікте Сенегал «А» тобында ұпай жағынан Данияға есе жіберіп, бір жеңіс, екі тең ойынмен доп додасының 1/8 кезеңіне жолдама алды. Плей-офф сатысында Шве­ция құрамасын 1:2 есебімен жеңіп, турнирдің ширек фина­лына шықты. Бұл Африка құр­лығынан келіп, ала доп аламанына тұңғыш рет қатысып жатқан құрама үшін сенсациялық нәтиже еді. Бірақ 1/8 финалда Түркия құрамасына тап келіп, 0:1 нәтижесімен жеңіліп қалды. 

Араға 16 жыл салып Сенегал құрамасы футболдан әлем чем­пио­­натына қайта оралды. Дәл қазір Сенегал 2002 жыл­ғы жетістігін қайталауына мүм­кіндігі туып тұр. Бір қызығы, чемпионат басталмай тұрып футбол мамандары бұл топтан Колумбия мен Польша құрамасы плей-офф сатысына еш қиындықсыз шығады деп болжаған. Алайда бірінші турда үздік саналған екі құрама да жеңіліп қалды. «H» тобында сынға түсіп жат­қан Африка құрлығының өкілі алғашқы турда Польша құрамасынан 2:1 нәтижесімен басым түссе, дәл осындай есеппен Жапония Колумбия футболшыларын жеңді. Екінші тур ойындарында Сенегал мен Жапония құрамалары тартысты өткен кездесуде 2:2 есебімен тең тарқасты. Сенегал соңғы турда Колумбия футболшыларымен жолығады. 

Сенегал сапында да өзге африкалық құрамалар сияқ­ты жұлдыз футболшыла­ры бар. Мысалы, «Ливерпуль» клубын­дағы үздік шабуылшылардың бірі Садио Мане, Мусса Соу («Бурсаспор»), Маме Диуф («Сток Сити»), Кейта Балде («Мо­нако»), Диафра Сако («Ренн»), Мбай Нянг («Торино») бар. Қорғаныстағы Калиду Кули­балиге қазір әлемнің үздік клубтары көз тігіп отыр. «Наполи» қорғаушысына Англияның барлық ТОП командалары, сондай-ақ «Барселона» клубы да «құда түсіп» отыр. «Наполи» болса футболшының бағасын 100 миллион еуродан көп деп ба­ғалауда. Жуырда Кулибали Сене­гал тарихындағы ең қымбат фут­­болшы атануы мүмкін. Ол үшін құрамасы топтық кезеңнен өтіп, плей-оффқа жолдама алу керек.

Колумбияға енді жеңіс керек

Осыдан төрт жыл бұрын Бразилияда өткен әлем чемпио­натының ширек финалына дейін жеткен Колумбия құрамасы үшін биылғы біріншілік сәтсіз басталды. Алғашқы турда-ақ Жапониядан жеңіліп, көш соңына түсіп қалды. Ал екінші турда Польша құрамасын 3:0 есебімен жеңіп, плей-офф кезе­ңіне жолдама алу үмітін қайта жақты. Енді 1/8 финалға шығу үшін Колумбия соңғы турда Сенегал құрамасын жеңу керек. 

Колумбияның шабуыл шебін­де әлі күнге дейін Фалькао мен Бакка секілді тәжірибелі футбол­шылар доп тебеді. Сонымен қатар «Севилья» сапында өзінің үздік маусымын өткізген Луис Муриэльді ерекше атап өтуге болады. Жартылай қорғаныстағы Хамес Родригес соңғы төрт жыл­­да екі команда ауыстырса да, оның тәжірибесі команданы алға сүйрейтіні анық. Мысалы, жек­сенбі күні Польшаға қарсы өткен ойында Хамес Родригес матч­тың үздік ойыншысы атанды. 

Колумбия құрамасы туралы сөз қозғалғанда бас жаттық­тырушы Хосе Пекерманды айтпай кетуге болмас. 2012 жылы құрама тізімін өз қолына алған маман 2014 жылы Колумбияны тарихта алғаш рет ширек фи­налға шығарды. Әлем чемпио­натында тәжірибесі бар бас жаттықтырушы 2006 жылы Аргентина құрамасымен келіп, ширек финалда алаң иелері Германиядан ойын соңыдағы пенальти сериясында ғана жеңілген еді. Пекерман биыл ширек финалдан өтіп, Колумбиямен финалға дейін жетуді көздеп отыр.

«Алтын буын» мундиалмен қоштасты

Биылғы әлем чемпионатына іріктеу кезеңде Қазақстан құрамасымен бір топқа түскен Польша 2002 жылдан бері жаһан­дық доп додасының топтық кезеңінен өте алмай жүр. Финал­дық кезеңдегі топтық ойынның екеуінде де жеңілген поляктар биылғы чемпионатты да ерте аяқтауға мәжбүр болды. 
Буын алмасу дәуірі Польша құрамасына да келіп жеткен сыңайлы. Өйткені екі жыл бұрын осы құраммен Еуропа чемпионатына қатысқан поляктар ширек финалдан ары аса алмаған еді. Қазіргі таңда құрамадағы 10-нан аса футболшы соңғы бес жылдан бері құрамада үздіксіз ойнап келеді.

Кезінде «Дортмунд үш­тігі» аталып кеткен футболшылар қазір басқа клубтарда ойнаға­нымен, құрамада бұл трио сақталып қалған. Қор­ғаныста Пишчек, жартылай қор­ғаныста Блашчиковски жә­не шабуылдағы Левандовски құра­маның негізін құрайды. Левандовскидің ша­буыл­дағы сенімді серігі Арка­диуш Милик Еуро-2016 тур­ниріне «Аякс» шабуылшы рет­ін­де келіп, көпшіліктің назарын өзіне аударта алған-ды. Бірақ қазіргі уақытта оның жағдайы да аса мәз емес. Осылайша Польшаның «алтын буыны» саналған бұл құрамға әлем және Еуропа чемпионатының алтыны бұйыр­май кететін түрі бар.

Әли БИТӨРЕ,
«Егемен Қазақстан»

СОҢҒЫ ЖАҢАЛЫҚТАР

18.09.2018

Головкин мен Альварестің үшінші жекпе-жегі болуы мүмкін бе? (ВИДЕО)

18.09.2018

11 жылдан кейін қайталанған тарихи кездесу

18.09.2018

Мемлекет басшысы қосарланған салықты болдырмайтын Өзбекстанмен арадағы келісімге өзгерістер енгізді

18.09.2018

Елбасы Байқоңыр тұрғындарына медициналық көмек көрсету заңына енгізілген өзгерістерге қол қойды

18.09.2018

Студент жастардың жатақхана мәселесі шешілуде

18.09.2018

Батыс Қазақстан облысында Мемлекеттік қызмет мектебі ашылды

18.09.2018

Жеңімпаздар әлем чемпионатына барады

18.09.2018

«Астана» 4 қазан күні өз алаңында Францияның «Ренн» клубымен ойнайды

18.09.2018

Атырауға алғаш рет Елбасының көшпелі көрмесі келді

18.09.2018

Қостанай облысының оңтүстік өңірі егін орағын аяқтап келеді

18.09.2018

Бауыржан Қарағызұлы Мәдениет және спорт министрінің кеңесшісі болып тағайындалды

18.09.2018

Ақмола облысында 61 ІТ сыныбы ашылды

18.09.2018

Әлихан Смайылов Қаржы министрі болып тағайындалды

18.09.2018

«Адырна» республикалық әдеби-көркем ұлттық журналы аламан бәйге жариялады

18.09.2018

Статусты сәйкестендіру керек

18.09.2018

Қостанай облысында адасқан тырна аңшылық шаруашылығына тапсырылды

18.09.2018

Ақмола облысында 2870 орынды қамтитын 11 жатақхана салу жоспарлануда

18.09.2018

Әулиеата аймағында туризмді дамытудың нақты жоспары жасалды

18.09.2018

Құрылыс компаниялары қызығушылық танытуда

18.09.2018

Елімізде жұмыспен қамтылған жастардың саны - 2,1 млн адамды құрайды

ТАҒЫ ЖҮКТЕУ
КОЛУМНИСТЕР

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

Сұңғат ӘЛІПБАЙ, «Егемен Қазақстан»

Naǵyz Báıterek

Qazirgi baspasóz betterinde, buqaralyq aqparat quraldarynda «Báıterek» degen sóz teńeý retinde kóbinese qoǵamǵa eńbegi sińgen nemese ómir jolynda jeke basy jaqsy tabystarǵa jetken, sodan halyqtyń kózine túsken adamdarǵa qatysty qoldanylyp júr. Durys-aq. Ondaı adamdardyń eńbegi halyq ıgiligine jarap jatsa, sol ıgilikten kóptegen adamdar nár alyp, turmysyn jaqsartsa nemese sol adamnan úlgi alý arqyly urpaǵyna durys tárbıe, baǵyt-baǵdar berse, tipti basqany bylaı qoıǵanda, et jaqyn týystary, aýyldastary sonyń saıasynan pana taýyp, sol arqyly ómirin durys arnada jalǵastyryp jatsa, nege qoldanbasqa. Rasynda da, mundaı adamdar «Báıterek» degen atqa ábden laıyq qoı.

Александр ТАСБОЛАТОВ, «Егемен Қазақстан»

Tо́relik qyzmetke tо́r qashan beriledi?

Abaı atamyz: «Burynǵy qazaq jaıyn jaqsy bilgen adamdar: «bı ekeý bolsa, daý tórteý bolady» dep aıtypty», deıdi. Rasynda, bul sózdiń ómir tájirıbesinen alynǵanyna esh kúmán joq. О́ıtkeni bul arada hakim bıdiń sany emes, sapasy daýdy azaıtatynyna mán bergeni anyq. Al endi bul búgingi kúni de elimiz aýmaǵyndaǵy tórelik qyzmet prosesinde týyndaıtyn qoǵamdyq qatynastardy sheshýde eń basty eskerer jaıt bolyp tur. Sebebi azamattyq daýlardy qaraýda qara qyldy qaq jaratyn ádil sheshimge qol jetkizý áli de arman.

Бақытгүл САЛЫХОВА, педагогика ғылымдарының кандидаты

О́mir súrý salty

BUU aqparatyna saı, áıelder arasynda eń joǵary ortasha ómir súrý uzaqtyǵy boıynsha 86,8 jaspen Japonıa aldyńǵy qatarda tursa, er adamdar arasynda 81,3 jaspen Shveısarıa birinshi orynda. Al keıbir elderde ortasha ómir súrý uzaqtyǵy tipti 60 jasqa da jetpeıdi. «Nege?» degen suraqqa túrli faktorlardy keltire otyryp jaýap berýge bolady.

Қорғанбек АМАНЖОЛ, «Егемен Қазақстан»

Búgingi qazaq áıeli

Qazaq áıeli qaı zamanda da qatparly taqyryp bolǵan. Epostyq jyrlar men ertegilerde, jyraýlar poezııasynda qazaq áıeliniń, qazaq qyzynyń asqaq beınesi áspetteldi, sulýlyǵy jyrlandy, jan dúnıesiniń izgilikti qasıetteri pash etildi. Baǵzydaǵy Tumar hanym men Umaı anadan bastap qazaq tarıhy da Domalaq ana, Aıpara ana, Qyzaı ana, beridegi Bopaı hansha men uly Abaıdyń ájesi Zere syndy ardaqty esimderge kenen bolyp kelgeni belgili. Qashannan-aq halyq qasıetiniń qormaly, ulttyń uıaty áıel bolǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу