Қазақстан • 27 Маусым, 2018

Астанаға келген сайын бір жаңалықты көремін - Олег Сосковец

339 рет
көрсетілді
3 мин
оқу үшін

Астанаға – 20 жыл. Осы мерейлі күн қарсаңында уақыттың жүй­рік­тігіне – онжылдықтардың көз ілес­пес жылдамдықпен зымырап өт­кен­­дігіне, оған қоса осы уақытта Нұр­сұлтан Назарбаевтың еңбегімен, күш-қуатымен және ерекше дарыны ар­­қы­лы қыруар жұмыстың істелгеніне таң­данысымды жасырмаймын.

Астанаға келген сайын бір жаңалықты көремін - Олег Сосковец

Тарих өлшемімен қарағанда азған­тай ғана уақытта алғашқыда мүм­кін еместей көрінген ойлар жүзеге асты. Әрине бұл жерде тек ғаламат құ­ры­лыс­тың қарқынын ғана емес, онымен қапталдаса жүретін инженерлік, әлеуметтік, қаржылық саяси мақсаттар мен кешенді өзге де проблемаларды айтып отырмын. 

Әдетте маған заманауи Қазақ­стан­ның рухы мен мазмұнын ашатын айрықша белгісі не деген сауал берілген кезде, ойланбастан ай­та­тын жауабым біреу – Астана! Жа­ңа мыңжылдық қарсаңында сайын даланың төсінде пайда болған Қазақ­станның астанасы бүгінде әлемдік қала құрылысының озық үлгілерінің бірі болып танылды. Ол қазақ жерінің ежелгі рухы мен халық дәстүрінің терең­дігіне бойлай отырып, қала құ­ры­лысында, қаланы жоспарлауда ал­дың­ғы қатарлы сәулет идеяларын сіңіре білді. 

Бүгінгі Астана – өте сәулетті, жайлы және достарына құшағы ашық, кел­ген сайын ынтықтырып, қуантып тұ­ра­тын қала. 

Астананың іскерлік ырғағына түсіп, кең көшелерінде, өзен жағалауында, сая­бақтарында қыдырыстап, музейіне жә­не өзім көргендердің ішіндегі ең ға­жа­йып театрына барудың өзі бір ға­нибет. 

Астанаға келген сайын бір тың жа­ңа­лықтың куәсі болатыным рас – Қазақстанның астанасы өсіп-өркен­деп, дамып қана қоймай, қаржы, іскер­лік, саяси салаларда әлемдік беделі жоғарылап келеді. 

Дәл осы жерде ауқымды халық­ара­лық форумдар өтеді және бұған Еуропа мен Азияның, оңтүстік пен сол­түс­тіктің түйісетін тұсында орна­лас­қан географиялық қолайлы орналасуы да себеп болса керек. 

Астана кез келген қалыптағы, бар­лық деңгейдегі ауқымды шараларды шебер ұйымдастырып, күн тәр­тібіне халықаралық саясаттың күр­делі мә­се­­лелерін және негізгі са­ла­лардың бо­­лашағы, жаңа цифрлы технологиялар, «жасыл экономика» тәрізді өзекті тақырыптарды шығарып келеді. 

Мен Нұрсұлтан Әбішұлының үзең­гілестерінің ортасында болған сәт­­терімде жаңа астананы салу жос­па­рын жүзеге асыруда көптеген қиын­дық­тардың қалай еңсерілгендігін талай естідім. 

Сол ауқымды мақсаттарға жету тек саяси жігерлі, басшылық қызметте тәжі­рибесі мол, мемлекет құрылысын те­­рең түсінетін және ұғынатын, алда­ғы онжылдықтарды дәл болжай бі­ле­тін нағыз көшбасшының ғана қолы­нан келеді. 

Осы сәтті пайдалана отырып, Астанаға, ел Президентіне, осынау тама­ша қаланың тұрғындарына, барша қазақстандықтардың гүлденуіне, жа­ңа табыстарға жетуіне, Нұрсұлтан Әбішұлы Назарбаевтың осыдан бір­неше жыл бұрын жобасын өз қолымен сызған «болашақтың қаласы» сияқты өзге де батыл шешімдері мен армандары орындала беруіне тілектестік білдіремін. 

Олег СОСКОВЕЦ,

Ресей тауар өндірушілер одағының президенті 

Соңғы жаңалықтар

Су үнемдейтін қондырғы

Технология • Кеше