Әлем чемпионаты-2018. «Неміс машинасы» сыр берді

Әлем чемпионы Германия өз тобынан шыға алмай қалды. Бұл футбол тарихында бірінші рет болып тұрған оқиға. төрт дүркін жеңімпаз Оңтүстік Корея футболшыларынан жеңіліп, үйлеріне қайтты. Мұндай жағдайды осының алдында Франция, Италия, Испания құрамалары да бастан өткеріп еді. 

Егемен Қазақстан
29.06.2018 3669
2

2002 жылы әлем чемпионы деген атағы бар Франция өз тобынан шыға алмай, ұятты болды. Сәтсіздік Италияны 2010 жы­лы аяқтан шалды. Оңтүстік Афри­каға чемпион атағымен келген «скуадра адзурра» ата­ғын қорғай алмады. Ал сол жы­лы чемпион болған Испания араға төрт жыл салып Бразилия жерін­де күйреді. Енді міне, кезек Гер­манияға келді. Алғашқыда Мек­сикадан жеңілген кезде неміс­тер аса қатты шу көтере қой­мады. Уақытша сәтсіздік өтеді де кетеді деді. Йоахим Лев те сабыр сақтады. Келесі ойын Шве­цияға қарсы болып, немістер соңғы секундта жеңісті жұлып кетті. Әйтпегенде екі турдан кейін-ақ үміт үзілгелі тұрған. Тони Кросстың соққан ғаламат голы бундес команданы бір ажал­дан құтқарды. Бірақ одан кейінгі ойын мүлде бөлек өтті. Оңтүстік Кореяны қалпақпен ұрып аламыз деп асылық сөйлеп шыққан алманиялықтар опық жеп қалды. 90 минут бойы бір гол соға алмай, 3 ұпайға зәру болды. Амал қалмаған соң, тайлы тұяғымен шабуылға шықты да, өз қақпасына 2 доп жіберіп алды. Тіпті Мануэль Нойердің өзі қақпаны бос қалдырып, шабуылға дем берді. 

Ал қатар өтіп жатқан ойында Швеция Мексика қақпасына 3 гол соғып, немістердің жағдайын жақсартқанымен Месүт Өзіл бастаған жігіттер мүмкіндіктерін пайдалана алмады. Нәтижесінде, бірінші орынды Швеция, екінші орынды Мексика иемденді. Енді плей-офф сатысында Мек­сика Бразилиямен, Швеция Швейцариямен кездеседі. Бір қызығы, биыл, 2018 жылы осы екі мемлекеттің хоккейден ұлттық құрамалары әлем чем­пио­натының финалында ұшырасып еді. Ол ойында скан­динавиялықтар чемпиондық атағын қорғап қалды. 

Әлем чемпионатынан Герма­ния кеткенімен, одан өзге фавориттер дін аман. Жарысты одан әрі жалғастырып, плей-офф сатысына шығып алды. 1/8 финалдың басты ойыны Франция мен Аргентина арасында өтетіні анық. Ал сондай-ақ Уругвай мен Португалияның да кездесуі тартысқа толы болатынына сенім мол. Егер Португалия ширек финалға өтсе, ал Аргентина франциялықтарды тізерлетсе, онда Леонель Месси бастаған команда Криштиану Роналдудың ұжымына қарсылас атанады. Жанкүйер қауымының күтіп отырғаны да осы. Екі жүйріктің қайсысы мықты екеніне сол ойында жауап аламыз дейді. Бірақ бір айта кетерлігі Португалия да, Аргентина да 1/8 ойындарында фавориттер қатарына жатпайды. Қақпасына әлі гол жіберіп көрмеген Уругвай Португалияны Кавани мен Суарестердің арқасында әбігерге салары сөзсіз. Ал Мбаппе, Жиру, Гризман бастаған франция­лық­тар қор­ға­нысы осал Аргентинаны қыс­пақтап көреді. Топтық кезең аяқ­талып, командалар өз ойындарына дайындалуы үшін бүгін ФИФА күнтізбеге ешқандай ойынды жоспарлаған жоқ. 

Биылғы біріншілік голдарға бай болып тұр. Күні кеше ғана Швейцария – Коста-Рика ара­сындағы ойында Солтүстік Америкадан келген қонақтар гол соқты да, мундиаль есеп-қисабына ерекше өзгеріс енгізді. Бұрындары чемпионатқа келген командалардың бірнешеуі гол соқпай қайтып кетуші еді. Бұл жолы Ресейге ат терлетіп келген 32 команданың барлығы да голдан құралақан емес. Айтпақшы гол дегеннен шығады, биылғы чемпионат осы кезге дейінгі біріншіліктер тарихында ең көп ав­тогол соғылған жарыс болып тұр. Мексика-Швеция ойы­нында Эдсон Альварес өз қақ­пасына гол соғып алды да, биыл­ғы додадағы 7-автоголды тіркеді. 

Тартысқа толы аладоп аламаны алдағы күндері қалың көрерменді қайтадан қызыққа батырғалы тұр.

Ермұхамед МӘУЛЕН,
«Егемен Қазақстан»

СОҢҒЫ ЖАҢАЛЫҚТАР

18.02.2019

Донецк қаласында бірқатар жарылыс болды

18.02.2019

Үндістан үкіметі  Эверестің биіктігін өлшемек

18.02.2019

Қазақстанда қанша қасқыр бар?

18.02.2019

Әсем Орынбай: Стенд атудан Азия чемпионатында Олимпиада жолдамасын иеленгім келеді

18.02.2019

Осы аптада қандай мәдени және спорттық іс-шаралар өтеді?

18.02.2019

Кәсіпкерлікті дамыту бойынша қабылданған шаралар талқыланды

18.02.2019

Қостанайлық кәсіпкер ханым араб миллионер әйелге сәукеле сыйлады

18.02.2019

Түркістанда газдандыру жұмысы күшейтілді

18.02.2019

«Болашақ» бағдарламасының түлегi Тимирязев ауданының әкiмi болып тағайындалды

18.02.2019

Жұмыс істемейтін аналар үшін берілетін мемлекеттік жәрдемақы қанша?

18.02.2019

Тілекенова мен Абитова көркем гимнастикадан халықаралық сында жүлдегер атанды

18.02.2019

Нысана көздеуден Қазақстан командасы Нью-Делидегі әлем кубогіне аттанды

18.02.2019

Баланың төлемақысы қанша?

18.02.2019

Нұрсұлтан Назарбаев: Жастық шағыңды босқа өткізбе

18.02.2019

Қанша ақша сыртқа кетті?

18.02.2019

Үкімет «Ақжолдың» кәсіпкерлікке қатысты сауалына жауап берді

18.02.2019

Мәжілісте мемлекеттік жастар саясатын іске асыру барысы туралы талқыланды

18.02.2019

Құмшық ата жерасты мешіті мен Жәудір ана мешіт-медресесі қайта қалпына келтірілетін болады

18.02.2019

Алматыда АИТВ инфекциясы бар шетелдіктерді тегін емдеу басталды

18.02.2019

ШҚО-да 74 елді мекенді су басу қаупі бар

ТАҒЫ ЖҮКТЕУ
КОЛУМНИСТЕР

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

ҰҚСАС ЖАҢАЛЫҚТАР

Тағы да оқу

Пікір қосу