Министр Мәдина Әбілқасымова халық алдында есеп берді

Еліміздің Еңбек және халықты әлеуметтік қорғау министрі Мәдина Әбілқасымова халық алдында есеп берді. Кездесуді ашқан ведомство басшысы Еңбек және халықты әлеуметтік қорғау министрлігі жұмысының үш бағытқа негізделгенін атап өтті. Бұл – халықты әлеуметтік қамсыздандыруды және қорғауды жаңғырту, нәтижелі жұмыспен қамту, халықтың кірістерін және еңбек ресурстарының ұтқырлығын арттыру, азаматтардың еңбек құқықтарын қорғау және еңбек қатынастарын реттеу жұмыстары. Министр 2017 жылы халықтың әлеуметтік қорғалмаған топтарына жан-жақты қолдау көрсетілгенін атап өтті.

Егемен Қазақстан
02.07.2018 2612
2

«Жалпы есептік кезеңде жұмыссыздық деңгейі 4,9% болды. Бұл тәуелсіздік алған жылдардағы ең төменгі көрсеткіш болып отыр. Халықты әлеуметтік қолдау шараларымен 3,5 млн-нан астам адам қамтылды. 2017 жылы қазақстандықтар зейнетақысының көлемі екі есеге өсті, ана мен баланы қолдау жөніндегі шаралар кеңейтілді, тұрмыстық зорлық-зомбылық жағдайына арнайы әлеуметтік қызмет көрсетудің жаңа стандарттары енгізілді, мүгедектердің құқықтарын қамтамасыз ету және өмір сүру сапасын жақсарту жүйесінде айтарлықтай өзгерістер бар», деді М.Әбілқасымова.

Бүгінде кедергісіз ортаны қалып­тас­тыру үшін белсенді жұмыстар жүргізілуде. Мүмкіндігі шектеулі азаматтар үшін қолжетімді әлеуметтік маңызы бар нысандардың үлесі 91%-ға жетті, соның ішінде 5 мыңнан астам нысан бейімделген. Министр Нәтижелі жұмыспен қамту және жаппай кәсіпкерлікті дамыту бағдарламасы халықты жұмыспен қамту және халықтың табысын арттырудың маңызды құралы екендігін атап өтті. Жыл қорытындысы бойынша 576 мың азамат жұмыспен қамтылып, 450 мың адам тұрақты жұмысқа орналасты. Жаппай кәсіпкерлікті дамыту туралы айтқан ведомство басшысы «Атамекен» ҰҚП-мен бірлесе жүзеге асырылып жатқан «Бастау-Бизнес» жобасының аясында микрокредиттеудің жаңа форматына және кәсіпкерлік негіздерін оқытудың мүмкіндіктеріне тоқталды. Жалпы, былтыр 15 мың адам кәсіпкерлік негіздерін оқыды. Бұдан бөлек, 7,2 мың адам шағын несие алып, олардың 4 мыңнан астамы start-up жобаларға бағытталды.

Мемлекет басшысының бес әлеумет­тік бастамасын орындау мақсатында 2018 жылы микрокредит беруге қосымша 20 млрд теңге бөлініп, жалпы бюджет көлемінің 62 млрд теңгесін құрап отыр. Осылайша өзінің жеке ісін ашқысы келе­тін 14 мың адам шағын несиемен қамтыла­ды. Бағдарламаның белді шаралары­ның бірі – жастар тәжірибесі. Бұл жастар үшін бастапқы тәжірибе мен жұмыс табуға мүмкіндік береді. 2017 жылы жастар тәжірибесінен 26 мың адам өтіп, 12 мыңы тұрақты жұмыспен қамтылды. Еңбек ұтқырлығын ынталандыру үшін жұмыс күші мол аймақ тұрғындары солтүстік өңірлерге көшіріліп, 1565 отбасы қоныс аударды. Бұл көрсеткіш 2016 жылмен салыс­тыр­ғанда 8 есеге артты. Көшіп барған отба­сылар үшін адам басына 84 мың теңге мөлшерінде материалдық көмек көр­сетілді, тұрғын үй жалдау мен ком­мунал­дық төлемдерге 35 мың теңгеден 72 мың теңгеге дейін ай сайынғы субсидия берілді.

Есеп беру жиынында еңбек және көші-қон мәселелері де айтылды. Ми­нистр­ліктің қабылдаған шараларының нәти­жесінде 2017 жылы 3 млрд теңге көлеміндегі берешек өтеліп, 25 мың жұмысшының құқығы қорғалды. 2017 жылы қол жеткізген осы оң нәтижелі істің барлығы 2018 жылы халықтың әлеуметтік қорғаулуы мен азаматтардың өмір сапасын одан әрі арттыруға негіз болады. Осылайша 2018 жылдың 1 қаң­тарынан бастап ең төменгі күнкөріс деңгейі 40%-дан 50%-ға дейін көтерілді. Бұл төлемдердің орташа мөлшерін 2 есе арттыруға мүмкіндік берді.

Сондай-ақ биыл жаңа форматтағы атаулы әлеуметтік көмек енгізіліп, аз қамтылған отбасылардың еңбекке жарамды мүшелерінің жұмысқа орналасуына айтарлықтай көмек болуда. Биылдың алғашқы 5 айында шамамен 72 мың отбасына атаулы әлеуметтік көмек көрсетілді. АӘК алған еңбекке қабілеті бар азаматтардың 70%-ы жұмысқа орна­ласуға жәрдемдесу шараларымен қам­тылып, олардың 22 мыңы тұрақты жұмыс орындарында орналасты.

Сондай-ақ министр 1 шілдеден бастап зейнеткерлер жаңа мөлшерде базалық зейнетақы алатындығына назар аударды.

«Мұнда 2 млн-нан астам зейнеткердің зейнетақысы қайта есептелді. Олардың ішінде 1 млн-ға жуық адам жоғарғы мөл­шерде базалық зейнетақы алатын бола­ды, ал 930 мың адам үшін зейнетақы мөл­шері 37% -дан 81% -ға дейін өседі» деді министр.

Биыл ана мен баланы қолдау шараларына шамамен 275 млрд теңге бөлініп, бұл 2017 жылмен салыстырғанда 12 пайызға артады. 2018 жылы ерекше қажет­тілігі бар адамдарға әлеуметтік қол­дау шаралары кеңейтілетінін атап өткен жөн. 1 шілдеден бастап бала кезінен І топ­тағы ересек мүгедектерге күтім жасайтын адамдар үшін жаңа жәрдемақы енгізіледі. Бұл 14 мың отбасына айына шамамен 30 мың теңге ақшалай көмек алуға мүмкіндік береді.

Азаматтардың нәтижелі жұмысқа орналасуына және тұрақты табыс табуына арналған интернет-портал негізін­де жұмыс істейтін Электронды еңбек биржасының enbek.kz онлайн-платформасы құрылды. Онда жұмыс іздеу және жұмысқа қабылдау тетіктері көрсетілген. Бүгінде бұл интернет-порталда 42 мыңнан астам бос жұмыс орны, 85 мыңнан астам түйіндеме және 48 мыңнан астам жұмыс беруші тіркелген. Жұмыспен қамту шаралары кезінде еңбеккерлерді ресімдеу мәселесіне тоқталған министр, бүгінде 800 мың адамның мәртебесі анықталғанын атап өтті. Сондай-ақ жаңа құқықтық режім – бірыңғай жиынтық төлемінің (БЖТ) әзірленгендігі айтылды. Мұны төлейтіндер үшін салық және әлеуметтік төлемдердің төменгі мөлшерлемелері анықталды. Сондай-ақ төлем жасағандар міндетті медициналық және әлеуметтік сақтандыру, зейнетақымен қамтама­сыз ету жүйелеріне қатысуға мүмкіндік алады. Ведомствоның қазіргі бағыты – әлеуметтік-еңбек саласын цифрландыру. Бұл ретте министрлік жыл соңына дейін азаматтарға мемлекеттік органдарға, оның ішінде мүгедектер үшін өтініш бер­мей-ақ белсенді қызметтерді жүзеге асыруды көздеп отыр. Оның ішінде мүге­дек­тікке қатысты 8 қызмет белсенді режімге көшеді. Жұмыспен қамту үдерісі элект­ронды форматқа ауыстырылады. Бұл жұмыс іздеуден бастап электронды ең­бек кітапшаларын енгізуге дейін қамтиды.

Кездесуде өңірлерден де бейнеконференция арқылы және Еңбек және халықты әлеуметтік қорғау министрлігінің веб-сай­тын­да онлайн-форумда сұрақ­тар қо­йыл­ды. Базалық зейнет­ақыны қайта есеп­теу, бала кезінен І топ мүгедектігі бар адам­­­ның күтушісіне жәрдемақы төлеу, мү­ге­­­дек­тер қоғамдық бірлестіктерінің мем­ле­­кет­тік сатып алу рәсіміне қаты­суы, бір­­ың­ғай жиынтық төлем­ді енгізу, со­н­дай-ақ жұмыспен қамту мәселе­лері және жұ­­мысқа орна­ласуға жәрдем­десуге бағыт­­тал­ған белсен­­ді шаралар, аза­мат­тар­дың еңбек құқық­тар­ы­ның қорғалуы жиын­­­да жолданған негізгі сауалдар болды. Соңында Еңбек және халық­ты әлеу­меттік қорғау министрі жиын­ға келген­дерді елорданың алдағы 20 жыл­дық ме­рей­то­йымен құттықтап, министр­лік­тің рефор­­маларының әр қазақстан­дыққа қатысы барлығын және барлық отба­сы мен экономиканың әл-ауқатын жаңа деңгейге көтеруге бағытталатынын атап өтті.

Думан АНАШ,

«Егемен Қазақстан»

СОҢҒЫ ЖАҢАЛЫҚТАР

18.01.2019

Қарағандылық инспекторға оқ атқан күдіктілердің фотосы жарияланды

18.01.2019

ҰБТ-дан жоғары балл жинаған түлек «Болашақ» арқылы шетелдерде оқи алады

18.01.2019

Батыс Қазақстан облысы әкімінің бірінші орынбасары болып Ғали Исқалиев тағайындалды

18.01.2019

Ақтөбе облысының шаруалары былтыр 228 млрд теңгенің өнімін өндірді

18.01.2019

Полиция департаменті айыппұлды уақытылы төлеуге шақырды

18.01.2019

Елордалық аурухана тұңғыш рет неврологиялық асқынуды азайтатын құрылғыны қолданды 

18.01.2019

Елордалық құтқарушылар жанып жатқан үйден 6 адамды шығарды

18.01.2019

Колумбиядағы жарылыс салдарынан 21 адам қайтыс болған

18.01.2019

Тимур Қожаоғлы: «Егемен Қазақстан» – Еуропа құрлығындағы маңдайалды басылым

18.01.2019

Алматыдағы тікұшақ апатынан кейін «Sky Service» рейстері тоқтатылды

18.01.2019

Геннадий Головкин ұлды болды

18.01.2019

Солтүстік Қазақстанда «Қайырымдылық керуені» акциясы жалғасты

18.01.2019

Головкиннің қарсыластары бір-бірімен жұдырықтасады

18.01.2019

Петропавлда ресейлік бас киімдер көрмесі ашылды

18.01.2019

Ақтөбеде жұмысшылардың еңбек құқықтарын қамтамасыз ету меморандумына қол қойылды

18.01.2019

Алматыда газбен жүретін жаңа автобустар іске қосылады

18.01.2019

СДУ-да IT технологиялары саласында білім беру жобасы басталды

18.01.2019

Мемлекет басшысы «Smart Aqkol» ахуалдық орталығына барды

18.01.2019

Елбасы кітапханасының Ақтөбеде өткен көшпелі көрмесін 120 мыңнан аса адам тамашалады

18.01.2019

Атырауда қазақтың үш биіне ескерткіш орнатылды

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

ҰҚСАС ЖАҢАЛЫҚТАР

Тағы да оқу

Пікір қосу