Роналду мен Месси мундиальмен қоштасты

Әлем чемпионатының топтық кезеңі аяқталып, плэй-офф сатысы да басталып кетті. Біріншілік біткенше ойналатын 16 ойын бірінен бірі өткен тартысты болары хақ. Ал сол өтпелі ойындардың алғашқылары аяқталып, күллі әлемнің аузында жүрген аңыз ойыншылар мундиальмен қоштасып та үлгерді. 

Егемен Қазақстан
02.07.2018 3385
2

Алғашқы жұптың жарнамасы жарқырап, аладопқа аңсары ауған адамдардың делебесін қоздырды. Енді ше, Франция мен Аргентина осы күні Жер шарындағы ең таң­даулы футболшылардан жасақ­талған. Соңғы Еуропа чем­пионатының финалисі мен соңғы әлем чемпионатының финалисі арасындағы ойын қызықсыз өтпесі белгілі. Қос команданың соңғы өткен 2 ірі додада жолы болмаған. Кубокқа қолы сынық сүйем қалғанда жетпей қалып еді. Бұл жолғы ойын күткеннен де тартысты өтіп, көрерменнің көзайымына айналды.

Франция құрамасы салған жерден басымдығын көрсетіп, Еуропа футболының анағұрлым мықты екенін байқатты. Бірақ, 5 мәрте «Алтын допты» иеленген Леонель Месси қайта-қай­та пас бе­ріп, Аргентинаға үміт отын сыйлады. Ди Мария Гриз­ман соқ­қан пенальтиге 27 метр қашық­тықтан гол соғып, жауап қатты. Бұл осы әлем чемпио­натындағы ең алыс қа­шықтықтан салынған гол болып тіркелді. Әйтпесе, фут­бол­шылар алыстан соққы жа­сауды қойған еді. Биылғы чем­пионаттың да ерекшелігі сонда болып тұр. Күллі команда ком­бинациялық ойын көрсетіп, шабуылдарды да есеппен жасайтындай болыпты. Бұрындары мұндай жағдайды көп байқай бермейтінбіз.

Франция сапындағы Оливье Жиру мен Антуан Гризман секілді жұлдыздарға көз тігіп, солардың аяғына қарап отырғанымызда тасадан шыққан жас жұлдыз Килиан Мбаппе жарқ ете түсті. 2 гол салып, бір пенальти жасаған жас пері Францияның жеңіске жетуіне сүбелі еңбек сіңірді. 19 жасында әлем чемпионатында 3 гол салып үлгерген шабуылшыны тарихи рекордтар күтіп тұрған сыңайлы. Мундиальдар тарихында 16 гол соққан сұрмерген Мирослав Клозенің жетістігін қайталауы мүмкін шабуылшы дәл қазір осы Мбаппе.

Дидье Дешам шәкірттері Аргентинаны 4:3 есебімен жеңіп, ширек финалға жолдама алды. Ал олардың келесі кезеңдегі қарсыласы Уругвай – Португалия арасындағы ойында анықталды. Бұл матчта да бір футболшының жеке-дара ерекшеленіп, көзге түскенін байқадық. Сымдай тартылған, бойында артық еті жоқ арғымақтай шабуылшы Эдинсон Кавани екі гол соғып, Уругвайға жеңіс сыйлады. Ал Португалия қорғаушы Пепенің бұрыштама кезінде соққан жалғыз голымен ғана жауап қатты. Криштиану Роналду бастаған жігіттердің одан арғыға шамасы жетпеді. Сонымен ширек финалда Франция мен Уругвай құрамалары кездеседі.

Осы орайда жанкүйерлер олардың келесі кезеңге өткенінен гөрі Криш­тиану Роналду мен Лионель Мессидің мундиальмен қош айтысқанын жар салып айтуда. Соңғы 10 жылда «Алтын допты» кезек-кезек алып, өзгелерден оқ бойы озық тұрған қос футболшы құрамаларымен бірге 1/8 финалдан әрі аса алмады. Роналдудың Испания қақпасына соққан хет-тригі болмаса, Лео екеуінің тындырғаны шамалы бол­ды. Енді шамасы биылғы «Алтын доптың» таласы қыза тү­сетін секілді. Себебі Бразилия құрамасындағы Неймардың да күллі аяқдопшының көз жауына айналған сыйлыққа таласы бар. Ол үшін Неймар Бразилияны алға сүйреп, чемпиондыққа же­телеуі тиіс.

Айтпақшы, Бразилия бүгін Мексикамен кездеседі. Ал екінші ойында Бельгия мен Жапония ұшырасады. Аталған жұптардың жеңімпаздары ширек финалда бір-біріне қарсылас атанады.

Ермұхамед МӘУЛЕН,

«Егемен Қазақстан»

СОҢҒЫ ЖАҢАЛЫҚТАР

14.11.2018

Ардақ Әшімбекұлы Мемлекеттік күзет қызметінің бастығы қызметіне тағайындалды

14.11.2018

Б.Сағынтаев Жамбыл облысының білім беру саласының мамандарымен кездесті

14.11.2018

Сыбайлас жемқорлыққа қарсы іс-қимыл мәселелері жөніндегі комиссия отырысы өтті

14.11.2018

Елбасы «Астана Бас жоспары» ғылыми-зерттеу жобалық институтында болды

14.11.2018

Үкімет басшысы Жамбыл облысында болды

14.11.2018

Атыраулықтар жалпыұлттық диктант жазуға қатысты

14.11.2018

Қазақстанның бірқатар өңірлерінде Азаматтарға арналған қоғамдық қабылдаулар өтті

14.11.2018

Қ.Тоқаев: Бюджетті қарау кезінде тек мемлекеттік мүдде үстем болуы тиіс

14.11.2018

Африканың Батыс Сахарасында күрделі тапсырмаларды орындады

14.11.2018

Батыс Қазақстан облысында тағы бірнеше кәсіпорын жалақы өсірді

14.11.2018

Халықаралық балалар шығармашылығы Фестивалінің жеңімпаздары марапатталды

14.11.2018

Батыс Қазақстан облысының Жәнібек ауылында 40 пәтер пайдалануға берілді

14.11.2018

Елбасы кітапханасы ақтөбелік жоғары оқу орнына 350-ден аса кітап тарту етті

14.11.2018

Алматыда мұғалімнің кәсіби құзыреттілігін қалыптастыру мәселесі талқыланды

14.11.2018

Алматы жұртшылығы жалпыхалықтық диктант жазуға қатысты

14.11.2018

Алматыда «Көшпенділер әуені» атты дәстүрлі орындаушылардың ІІ Республикалық байқауы өтті

14.11.2018

Алматыда дәстүрлі «Болат Тұрлыханов кубогі» өтеді

14.11.2018

Бақытжан Сағынтаев Таразда Халықты жұмыспен қамту орталығына барды

14.11.2018

Асқар Мамин өңіраралық семинар-кеңеске қатысты

14.11.2018

Премьер-Министрге «Смарт-Тараз» және Тараз-Хаб жобалары таныстырылды

ТАҒЫ ЖҮКТЕУ
КОЛУМНИСТЕР

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу