Әлем чемпионаты-2018. Қақпашылар бенефисі

Леонель Месси мен Криштиану Роналду бастаған бір шоғыр атақты шабуылшылар мундиальмен қош айтысқаннан кейін тойдың сәнін қақпашылар келтіріп тұр. Хорватия қақпашысы Даниель Субашич пен Дания қақпашысы Каспер Шмейхель 3 пенальтиден қайтарса, Акинфеевтің арқасында Ресей құрамасы ширек финалға жолдама алды.  

Егемен Қазақстан
03.07.2018 2828
2

Ресей-Испания арасындағы ойында анық фаворит Испания еді. «Қызыл фурия» талай қар­сыласты шаң қаптырған азулы ұжым. 2008 жылы Еуропа чемпионатында топтық кезеңде испаниялықтар Ресейді 4:1 жең­ді. Кейіннен осы турнирдің жартылай финалында 3:0 басым түсті. Бірақ одан бері де екі команда түбегейлі өзгеріп кетті. Оған кешегі ойында кө­зіміз анық жетті. Еуропа мен Әлем чем­пионатын қатар жең­ген ис­паниялықтар Ресейді жарыс қожайыны болса да, қыспаққа алды. Ойынның 12-минутында Серхио Ра­мос­тың арқасында олар есеп аш­ты. Бірақ гол Сергей Игна­ше­вичтің атына жазылды. Бұл биылғы біріншіліктегі 9-автогол. 

Алып денелі шабуылшы Артем Дзюба баспен соққы жасап жатқанда доп Жерер Пикенің қолына тиіп кетті. Тө­реші еш ойланбастан пенальти белгіледі. Дзюба 11 метрліктен мүлт кетпеді. Таразы басы теңесіп, таблодағы көрсеткіш 1:1 болды. Одан кейінгі ойын сүреңсіз өтіп, матч экстра-тайм­ға ұласты. 15 минуттан тұра­тын екі тайм Ресейге де, Ис­панияға да еш пайда әкелген жоқ. Бапкерін ауыстырған Ис­пания Лопатегидің жоқтығын анық сезінді. Тәжірибиесі жоқ Фернандо Иерро қысылтаяң сәтте ойын тактикасын өзгерте алмады. Біліктілігі жетіспеді ме, жоқ әлде шәкірттеріне дұрыс бағыт бере алмады ма, әйтеуір ойын пенальти сериясына ауысты. Құрамаға жаңадан алынған жартылай қорғаушы Коке мен шабуылшы Аспас өз мүмкіндіктерін голға айналдыра алмады. Есесіне, екі пенальти қайтарған Акинфеев құраманы келесі кезеңге алып шықты. Енді Станислав Черчесов командасы ширек финалда Хорватия құрамасымен күш сынасады. 

Екінші ойында Хорватия Даниямен кездесті. Бұл ойын алдыңғысының айна-қатесіз көшірмесіндей болды. Алдымен жылдам соғылған голдар орын алды. Небәрі 53 секундта Ма­тиас Йоргенсен бұрыштама ке­зінде есеп ашты. Араға 3 минут салып қорғаушы қателігін пайдаланған Марио Манджукич жағдайды теңестірді. Одан кейін де шақпақ жейделілердің гол соғатын бірнеше мүмкіндігі болды. Бірақ Каспер Шмей­хэль шын шебер екен­дігін дәлелдеп берді. Оның үс­тіне осы матчты трибунадан әкесі де тамашалады. Кезінде атақты қақпашы болған Петер Шмейхель ұлының өнеріне дән риза еді. Себебі Каспер 116-минутта Лука Модрич теп­кен пенальтиді қайтарды. Со­ңына дейін беріспей күрескен да­ниялықтар пенальти сериясына жеткеніне қуанды. Себебі қақ­пашысы пенальти тосудың Һас шебері еді. 

Бірақ команда капитаны Крис­тиан Эриксен күтпеген жерден мүлт кетті. Ағылшын премьер-лигасында талай пенальти мен айып доптарын голға айналдыратын Кристианға не кесір жабысқанын ешкім түсіне алмады. Алайда алаңға алмасып кірген, күш қуаты сарқыла қоймаған Милан Бадель де пенальти соқпады. Допты Каспер Шмейхэль қайтарды. Одан кейін екі команда екі-екіден гол соқты. Кезек тағы да алмасып кірген Лас­се Шөнеге келді. Дат ойын­шы­сының пенальтиін Да­ниэль Су­башич қайтарып жіберді. Хорват қақ­пашысы да Касперден еш қалыспады. Дегенмен алаңға алмасып кірген тағы бір ойыншы Пи­варич Шмейхельден айласын асыра алмады. Шынын айтқанда, пе­нальтиді алаңға алмасып кірген тың ойыншылардың ешқайсысы да соқ­пады. Міне, мұндай да болады екен. Себебі 4-соққыны жасаған Нико­лай Йоргенсеннің соққысын Суба­шич тырп еткізбей қақшып алды. Ал соңғы сөзді Иван Ракитич айтты. Ол қақпашы мен допты екі жақ­қа жіберіп, бос бұрышты дәл көз­деді. Хорватия келесі кезеңге өтті. Тартысты өткен пе­нальти се­рия­сы көпке дейін ұмы­тылмастай болды. 

Ермұхамед Мәулен,
«Егемен Қазақстан»

СОҢҒЫ ЖАҢАЛЫҚТАР

13.11.2018

Шерағаң шерткен шер

13.11.2018

Бақыршық жармалықтарды жұмыспен қамтып отыр

13.11.2018

«Абай болмаса, «Мирас» болмас еді...»

13.11.2018

Барқытбел баурайында ұлттық парк құрылды

13.11.2018

Теңдесі жоқ жобаның тегеуріні импортты ығыстырады

13.11.2018

Түйе шаруашылықтары ортақ іске жұмылады

13.11.2018

Тоқсан жыл бұрын Семейде...

13.11.2018

Балдыр жесе, балық та бағалы

13.11.2018

Бабадан қалған байрағын жырдың көтеріп

13.11.2018

Төл теңгеміз – тәуелсіздік тірегі

13.11.2018

Қызылорда тұрғындарын электронды құжатпен қамту 95,6%-ға жетті

13.11.2018

VII «Бастау» фестивалі аяқталды

13.11.2018

Жарияланбаған автономияның ақыры

13.11.2018

Микроқаржы секторы макроэкономикалық міндеттерді шешеді

13.11.2018

Алматыда «Мейірім» мүмкіндігі шектеулі балаларды оңалту орталығы есігін ашты

13.11.2018

Ар ілімін ардақтаған қойылым

13.11.2018

Жамбылда жастар форумы өтті

13.11.2018

Жастар театрының отыз күндік өнер сапары

13.11.2018

Жаңа білім форматы – жаңғырған рухтың көрінісі

13.11.2018

Көлік құрастыру үдерісі 15,7 %-ға өсті

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

Сұңғат ӘЛІПБАЙ, «Егемен Қазақстан»

Zaman talqysyndaǵy qazaq

Feısbýktegi paraqshamdy ashyp qaraımyn da oılanamyn. Feısbýkti men ádette merzimdik buqaralyq aqparat quraldarynyń nazarynan tys qalǵan oqıǵalar men jańalyqtardy jáne oǵan degen qoǵamnyń kózqarasyn bilý úshin ashamyn. Meniń paraqshamda úsh jarym myńnan astam jazylýshym bar. Olardyń 95 paıyzdan astamy – qazaqtar.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу