Музейде елімізде тұрып жатқан орыс, бурят, белорус, украин, түркімен, татар, корей, т.б. ұлт өкілдері мәдени орталықтарының көрмелері тұрақты өткізіліп келеді.
«Ақыска» түрік мәдени орталығының мақсаты рухани-мәдени құндылықтарды, ұлтаралық татулықты сақтау болып табылады. Бүгінгі таңда елімізде шамамен екі жүз мыңға жуық түрік халқының өкілдері тұрады.
Аталған көрмеде ахыска түріктерінің ұлттық киімдері, зергерлік және тұрмыстық бұйымдары қойылған. Екі айға созылатын көрмені алматылықтар мен қала қонақтары тамашалай алады.
Эльвира Серікқызы,
«Егемен Қазақстан»
АЛМАТЫ
