1 қаңтар – Жаңа жылдың алғашқы күні елорда перзентханаларында 146 сәби өмірге келді.
7 қаңтар – елордада өмір сүріп жатқан мүгедек-зағип жандар үшін «Инватакси» қызметі пайда болып, оған қала бюджетінен 8 млн теңге қаржы бөлінді.
10 қаңтар – Астана тұрғындары Қазақстан әскерлерилерінің жауынгерлік дайындық жоспарына сәйкес өткізілген автокөліктер шеруін тамашалады.
11 қаңтар – елордада «Дөңгелек алаң» атты көпшілік демалыс орны ашылды.
4 ақпан – бір жыл бұрын тұсауы кесілген «Астана Опера» театры алғашқы гастролін Алматы қаласынан бастады.
7 ақпан – елордадағы Тұңғыш Президент музейінде қылқалам шебері Жеңіс Кәкенұлының «Сәйгүлік серенадасы-4» атты жеке көрмесі ашылды.
22 ақпан – астаналық боксшы Мерей Ақшалов Азия бокс конфедерациясының шешімімен «Жылдың үздік боксшысы» атанды.
28 сәуір – «Тұран – Астана» университетінде Лондон Олимпиадасының қола жүлдегері Марина Вольновамен кездесу болды.
12 мамыр – Астанадан Қарағанды бағытына қатынайтын «Сарыарқа» электропойызының жаңартылған құрамы жолға шықты.
17 мамыр – Санкт-Петербург қаласында Астананың мәдени күндері басталып, Нева өзені жағалауына қазақтың этноауылы жасақталды.
24 мамыр – елорданың жаңа Оқушылар сарайында дарынды балаларға арналған «Триумф» балы өткізілді. Оған 200-ден астам әртүрлі ғылыми жобалар жеңімпаздары қатысты.
29 мамыр – Астанада Қазақстан, Беларусь, Ресей президенттері – Нұрсұлтан Назарбаев, Александр Лукашенко және Владимир Путин Еуразиялық экономикалық одақ құру туралы шартқа қол қойды.
2 маусым – «Астана – Шымкент» бағыты бойынша діттеген жеріне 15 сағат 35 минутта жететін жүрдек «Тальго» қатынай бастады.
4 маусым – Ресей Федерациясы Саратов облысының Астанадағы күндері «Пекин палас» мейманханасында салтанатты жағдайда ашылды.
9 маусым – «Астана Опера» театрында ресейлік балетмейстер Юрий Григорович дайындаған «Спартак» балетінің премьерасы болды.
30 маусым – Президент Н.Назарбаев жылдағы дәстүр бойынша Астана маңындағы орман алқаптарын аралап, «Жасыл белдеу» бағдарламасымен танысты.
3 шілде – елордада Ұлттық қорғаныс университетінің жаңа ғимараты пайдалануға беріліп, ашылу рәсіміне Елбасы Н.Назарбаев қатысты.
4 шілде – Елбасы Н.Назарбаев Астана күнін мерекелеудің басы Мемлекеттік туды көтеру рәсіміне қатысты.
6 шілде – қала мерекесіне орай елордада «Астана-алау» атты түркі музыкасының фестивалі басталды. Оған 14 елдің өнер шеберлері қатысты.
5 қыркүйек – Қазақстан халқы тілдерінің XVI фестивалі басталды. Ол қыркүйектің 19-ына дейін созылып, бірнеше атаулы бағдарлама бойынша конкурстар өткізді.
17 қыркүйек – «Астана Опера» театрының ұйымдастыруымен басталған «Жібек жолы» халықаралық фестивалі итальян композиторы Джакомо Пуччинидің «Тоска» операсымен ашылды.
20 қазан – елорда төрінде ұлтымыздың біртуар композиторы Шәмші Қалдаяқовтың әндерін насихаттауға арналған «Менің Қазақстаным» фестивалі шымылдығын түрді. Ол 5 күнге созылды.
11 қараша – Мемлекет басшысы Н.Назарбаев «Нұрлы жол – болашаққа бастар жол» атты Қазақстан халқына арнаған Жолдауын жариялады.
15 желтоқсан – елордадағы «Астана Опера» театрында еліміздің қастерлі мерекесі – Тәуелсіздік күніне орай салтанатты шара өтті. Оған Мемлекет басшысы Н.Назарбаев қатысып, сөз сөйледі.
Бекен Қайратұлы,
«Егемен Қазақстан»
