Қымбатты Нұрсұлтан Әбішұлы!
Қазақстан Республикасы астанасының 20 жылдығы мен Сіздің туған күніңізге байланысты жүрекжарды және ыстық құттықтауымды қабыл алыңыз!
Сіздің есіміңіз тәуелсіз Қазақстанның 20 жылдығы тойланып жатқан Астана қаласының авторы-архитекторы ретінде тарих беттеріне алтын әріптермен жазылды. Астана Қазақстанның ұлттық құндылығына, ал оның дамуы тұтас ел дамуының үлгісіне, тәуелсіздігінің символына және Сіздің бастамаларыңыздың табысты жүзеге асырылуының көрінісіне айналғанын батыл айтуға болады. Бүгінде Астана – Шығыстың озық дәстүрлері мен Батыстың серпінді үдерістерін бойына сіңірген қала.
Сіздің жоғары мемлекеттік лауазымдағы ұзақ жылғы қызметіңіз, өмірлік және кәсіби тәжірибеңіз өз халқыңыз бен елдің дамуына байланысты қабылданған салмақты, салиқалы шешімдерге негіз болды. Сіз Қазақстан мен Ресейдің достық қарым-қатынастарының дамуына және ТМД мемлекеттерімен арадағы байланысты нығайтуға зор үлес қостыңыз.
Сіз экономика және гуманитарлық салада қарым-қатынастарды тереңдете түсу мақсатында Еуразиялық экономикалық одақтың құрылуы мен қалыптасуының бастауында тұрдыңыз.
Мен Өзіңізбен арамыздағы ұзақ жылдардан бері қалыптасқан терең байланыстарды жоғары бағалаймын. Біздің бірлескен жұмыстарымыздың ұмытылмас жылдарын асқан жылылықпен еске алып отырамын.
Сізге, құрметті Нұрсұлтан Әбішұлы, бақыт, зор денсаулық, жауапты мемлекеттік қызметте табыс тілеймін және Қазақстанның әрі қарайғы өркендеуіне тілектестік білдіремін.
Николай РЫЖКОВ,
Ресей Федералдық
жиналысы Федерация кеңесінің мүшесі, КСРО Министрлер Кеңесінің 1985-1991 жылдардағы төрағасы