Тобыл-Торғай өңіріндегі туризм логистикаға тәуелді болып тұр

Қостанай қаласындағы «Best.kz» туристік компания­сы­ның жетекшісі Гүлмира Қапе­нованың Торғай өңірінен оралған беті екен. Соңғы жылдары туристердің Торғайға аңсары ауып тұрады. Өйткені жер­гілікті тұрғындар немесе шет­елдіктер болсын, дақпырт шық­қан жерді көрсе де, көр­ме­се де арманда жүретін әдеті. Тор­­­ғай өңірінде соңғы жылда­ры табылған геоглифтер тек өзі­міздің ғана емес, жер жүзін­де­гі танымдық дүниеге құмар жандарды ынтықтырып отыр.

Егемен Қазақстан
12.07.2018 4516
2

Археологтар мен тарихшы ға­лым­дардың да «бас ауруына» айналған геоглифтер тек Амангелді ауданындағы бір жерде ғана емес, сол өңірдің әр жерінен табылған, оны көрем деген кісі бірнеше күн Ұлы даланы армансыз аралайтын болады. Оның сыртында қазақстандықтар үшін Торғай – тұнып тұрған тарих. Жангелдин ауданының орталығы Торғай кентінде төрт-бес музейдің ба­сын қосқан тұтас кешенді ара­лап, әр жәдігердің тарихын ты­ңдау үшін туриске бір күн керек. Күні бойы аралаған музей танымдығымен ешкімді де жалықтырмайды. Сонымен қатар Торғайдың табиғат ту­ризмі де керемет деуге болады. Ахмет Байтұрсыновтың ту­ған жеріндегі тұзды көл мен сол жерден атқылап жатқан 57 гра­дус ыстық су көп ауруларға ем. Алайда оған қазір қолы жет­кен­дер ғана барады. Себебі Қос­та­най мен Торғайдың арасы 7-8 сағаттық жол болса, Ақ­көл аудан орталығынан 100 ша­қы­рым­да жатыр. Бұл екі арада тас жол да жоқ, күн жауса көлік тұрып қа­латыны тағы бар.

– Біз Жангелдин ауданы әкім­дігімен туризмді дамыту үшін ынтымақтаса жұмыс істеу жөнінде меморандумға қол қой­дық. Ауданда екі туристік ба­ғыт бойынша жұмысты жан­­дандыруға келістік. Бірі – Ақкөл­дегі ыстық су, балшықпен ем­делу, екіншісі – музейлер ке­шені. Ыстық судың басына бар­ған жандар көлеңкелейтін, дема­латын, тамақтанатын үй салса оның тиімділігі бірден артқалы тұр. Сол жердегі ауыл адамдарына жұмыс та болады. Аудан басшылары осы іс­ті қолға алуға талаптанып отыр екен. Ал музейлер кешені ке­ре­мет. Бірақ ол да жөндеу жұ­мыстарын қажет етеді, ол ал­да­ғы уақыттың еншісінде, – дей­ді Гүлмира Қапенова.

Қостанай-Торғай өңірі хал­қы­мыздың Шоқан, Ыбы­рай, Ахмет, Міржақып, Ел­дес, Ілияс секілді көптеген марқа­с­қа­ларын, рухани тіректерін бер­ген құнарлы топырақ. Сон­дықтан жастар, мектеп оқу­шы­лары сол тұлғалар туып-өс­кен өңірді аралап көруге Қазақ­стан­ның әр шалғайынан жиі сұ­раныс жасайды. Жақында ға­на Астанадан бір топ мектеп оқу­шылары Шоқанның туған жері Құсмұрынға келіп қайтты. Бұл Шоқанмен де қымбат және табиғаты да тамаша жер. екі күн бойы Құсмұрын мен Қостанай қаласын армансыз аралаған балалар өте риза болып кеткенін айтады туристік компанияның мамандары.

Наурзым қорығы соңғы жыл­дары жергілікті туризмнің ны­шанына айналды. Мамыр айын­да даланы қызғалдақ қап­та­ғаннан Наурзымға сұран­ғандардың қатары көбейеді. Даланың дүре тимеген дүрия табиғаты үлкенді де, кішіні де таңғалдырады. Табиғат аясында, селеулі далада дастарқан жайған да қызықтың бірі. Жаз ай­ларында Наурзымның құ­мын­да жалаңаяқ жүрген, мың жылдық қарағайларды құшақтау да онда барған туристің көпке дейін есінен шықпайтыны анық. Аудан орталығындағы шат­хана туристерді қазақтың тіл үйірген ұлттық тағамымен таңғалдырады. Алайда Наурзымға да облыс орталығынан 5-6 сағат жүру керек. Жолдың нашарлығы туристерді іркіп қала беретіні өкінішті.

– Облыс өңірінде жергілікті туризм өте қарқын алып кетпесе де мимырт қозғалыспен дамып келеді. Туризмнің қар­қыны тек логистиканың жөн­де­луіне ғана тәуелді болып отыр. Қостанайдың қысы ұзақ, ай­налдырған 3-4 ай жылы уақытты туристер де, туристік фир­ма да тиімді пайдаланып қал­ғысы келеді, – дейді Гүлмира Қапенова.

Қостанай-Торғай өңіріндегі туризмнің тағы бір кең тарайтын түрі сакральды орындар дер едік. Көптеген киелі орындарға жұртшылық бұрыннан барады, зия­рат етеді. Бірақ олардың айна­ласында дәретхана, тамақ­та­натын, түнейтін орындар аты­мен жоқ. Алдағы уақытта жер­­гілікті атқару органдары осы­ны ескерсе, бұл бір жа­ғы­нан туризмнің дамуына, адам­дардың ішкі рухани тәр­бие­сіне де оң ықпал етер еді.

«Best.kz» туристік ком­па­ния­сында жергілікті қыс­қы туризмді дамытуға деген де талап бар. Қостанай өңі­рі­нің табиғаты қолайлы, қары мол болса да шаңғы туризмі жоқтың қасы. Қыс айларында сауықтыру туризмі де сұранып тұрған секілді. Мұның барлығы да алдымен туризм түрлерін насихаттауға және оған қолай­лы­лық пен логистиканы түзеуге байланысты. Облыс өңірінде ту­ризмді дамытуға бағыт пен ниет бар, тек оны жүзеге асыруға уақыт төреші болып тұр.

Нәзира ЖӘРІМБЕТ,

«Егемен Қазақстан»

ҚОСТАНАЙ

СОҢҒЫ ЖАҢАЛЫҚТАР

13.11.2018

Egemen Qazaqstan алғашқылардың бірі болып Chartbeat құралын пайдаланады

13.11.2018

Жаңақорған ауданында 116 бас қой белгісіз аурудан қырылып қалды

13.11.2018

Қызылордада қауіпті аймақтар анықталып, даярлық мәселелері күшейтілді

13.11.2018

Ақтөбеде жоғары жылдамдықтағы интернет желісі ұлғаяды

13.11.2018

Елбасы Астана клубының төртінші отырысына қатысты

13.11.2018

Нұрсұлтан Назарбаев Ауғанстан Республикасының бұрынғы президенті Хамид Карзаймен кездесті

13.11.2018

«Айша бибі» мен «Ақыртас» әлемдегі ерекше туристік нысандардың тізіміне енді

13.11.2018

Павлодарда Португалиялық профессор студенттерге дәріс беріп жүр

13.11.2018

Т.Сүлейменов ел өңірлеріндегі жылу бағасының әртүрлілігін түсіндірді

13.11.2018

Тайваньда таеквондодан Президент кубогі додасы аяқталды

13.11.2018

Елордалықтар 14 қарашада жалпыхалықтық диктант жазуға қатысады

13.11.2018

Үкіметте 10 айдағы әлеуметтік-экономикалық даму қорытындылары қаралды

13.11.2018

Б.Сағынтаев өңірлердегі халықтың нақты табысының көрсеткіштеріне ерекше көңіл бөлуді тапсырды

13.11.2018

Тұрмыстық қатты қалдықтар адамдардың қажетіне жарай бастады

13.11.2018

Шымкентте 5 000 000 теңгеге бағаланған көгершін көрмеге қойылды

13.11.2018

Қызылорда облысында газ құбыры құрылысы басталады

13.11.2018

Елбасы Еуропалық комиссияның бұрынғы төрағасы Жозе Мануэль Баррозумен кездесті

13.11.2018

Венгрияда синхронды жүзуден жасөспірімдер құрамасы бірінші орынды иеленді

13.11.2018

Тарифтерді көтерген монополистер заң алдында жауап береді

13.11.2018

Алматыда мектеп оқушылары арасында шешендік өнер байқауы өтті

ТАҒЫ ЖҮКТЕУ
КОЛУМНИСТЕР

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

Сұңғат ӘЛІПБАЙ, «Егемен Қазақстан»

Zaman talqysyndaǵy qazaq

Feısbýktegi paraqshamdy ashyp qaraımyn da oılanamyn. Feısbýkti men ádette merzimdik buqaralyq aqparat quraldarynyń nazarynan tys qalǵan oqıǵalar men jańalyqtardy jáne oǵan degen qoǵamnyń kózqarasyn bilý úshin ashamyn. Meniń paraqshamda úsh jarym myńnan astam jazylýshym bar. Olardyń 95 paıyzdan astamy – qazaqtar.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу