Депутаттар – ел ішінде

Егемен Қазақстан
12.07.2018 4952
2

Мәжіліс депутаттары Абзал Ералиев, Бақытбек Смағұл, Генадий Шиповскихтің Сыр өңіріне сапары Жаңақорған ауданынан басталды. Олар аудандағы СКЗ-U күкірт қышқылы зауытының жұмысымен танысып, жұмысшы ұжыммен кездесті.

«СКЗ-U» зауыты – күкірт қыш­қылын дайындайтын Сыр бо­йындағы ауқымды өндіріс орын­дарының бірі. Шетелдік озық әрі тиімді, қоршаған орта үшін қауіпсіз технологияларды қол­данатын зауыт мемлекеттің үде­мелі – индустриялды иннова­циялық даму бағдарламасы аясын­да 2007 жылы құрылысы баста­лып, 2011 жылы пайдалануға бе­ріл­ген. Мұнда тәулігіне 1500, жы­лына 500 000 тонна күкірт қыш­қылы өндіріледі. Бүгінде зауыт­та 277 адам жұмыс істейді. Оның 65 пайызы – жергілікті тұр­ғын­дар.

 – Мемлекет басшысы Үкімет­ке энергия үнемдеу саласында ішкі жалпы өнімді үнемдеуді 2020 жылға қарай 25 пайызға төмендету бойынша міндет жүк­теген болатын. Бұл бағытта біздің кә­сіпорынның қосып отырған үле­сі қомақты. Яғни зауыт қыш­қыл­ды өндіру барысында шығатын будан сағатына 18 мВт электр энергиясын өндіріп отыр, – деді зауыт басшысының орынбасары Сәулебек Дүйсенбеков.

Мәжілісмендер, сондай-ақ тұр­ғындардың өтініштерін тың­дап, Парламентте атқарылған жұ­мыс­тарды, сонымен бірге Елбасы Жол­дауы мен «Пре­зи­денттің бес әлеуметтік баста­масынан» туындайтын міндет­тердің жүзеге асырылуына ке­ңінен тоқталды. 

***

Аймақтарға сапар аясында бір топ Мәжіліс депутаты Ба­­тыс Қазақстан облысына кел­ді. Ев­гений Козлов, Глеб Щегельс­кий, Сергей Симонов және Снежанна Има­шева мамандандырылған ха­лық­қа қызмет көрсету орталы­ғының жұмысымен танысты.

Биыл 31 мамырда ашылған бұл ХҚО күніне шамамен 500-600 тұрғынға қызмет көр­сетіп, айына 8 мыңға жуық өті­нішті қабылдайды. Бұл ретте Мәжіліс депутаты Снежанна Има­шева орталықтың жұмысы­на жоғары бағасын берді. Оның айтуынша, бұл сапарлар Пар­ламенттің кезекті сессиясы­ның қорытындысы бойынша Пар­ламент жұмысы және Мемлекет басшысының бастамаларының қалай жүзеге асырылып жатқанын түсіндіру мақсатында өткізілуде. «Осы мақ­сатта біз облыстағы маман­дан­дырылған халыққа қызмет көрсету орталығын араладық. Орталықтың жұмысы көңілімізден шықты. Әсіресе элек­тронды қызмет барлық жерде көрсетіліп стандарттарға сай жұмыс істеуде», деді ол.

Кездесу барысында депу­тат­тар Парламенттің заң шы­ға­­ру­шылық жұмысымен және Мем­лекет басшысының әлеу­меттік бастамаларының жүзеге асырылу барысы туралы айтып берді.

***

Мәжіліс депутаттары Павел Казанцев, Бақытжан Ертаев және Жанат Омарбекова Астана қаласындағы «Еврокоптер Қазақстан инжиниринг» ЖШС-не барып, жұмыс барысымен танысты.

Астанадағы ең ірі кәсіпорын саналатын «Еврокоптер Қазақ­стан инжиниринг» тікұшақ құрас­тырумен айналысады. Кәсіп­орынның жұмыс барысымен та­нысқан депутат П.Казанцев зауыттың өзге елдердің нарығына жол табуда ілгері дамып келе жат­қан кәсіпорындардың бірі еке­нін айта келіп, кәсіпорын құрастыратын тікұшақтарға деген сұра­ныс көршілес қырғыз елінен көп түсетініне тоқталды.

Сонымен қатар зауыт шең­­берінде Орталық Азия мен елі­міз­дің аймақ­тарына қажетті маман­дарды даярлайтын авиация­лық білім беру орталығы жұмыс істейді. Бұл әлем бойын­ша В1 техникалық дәріс пен ЕС145 тік­ұшағын басқаратын ұшқыш­тарды даярлайтын жалғыз орталық болып саналады. Қазіргі таңда орталықта 8 адам білім алуда.

Зауыт орналасқан аймақта сервис орталығы да бар. Бұл жер­де кәсіби маман иелері жаңа тік­ұшақтардың ұшуға дайын­дығын тексеріп, жөндеу жұмыс­тарын жүргізеді. Өз кезегінде «Ев­рокоптер Қазақстан инжиниринг» ЖШС коммерциялық директоры Тимур Тилинин орталықта ұшқыштар даярлаумен ғана айналыспайтынын, мұнда мамандыққа қажетті техника қызметкерлері мен авиониктерді оқытатынын жеткізді.

***

Парламент Сенатының депутаттары Серік Жақсыбеков пен Еділ Мамытбеков жұмыс бабындағы сапар аясында «Астана – жаңа қала» еркін экономикалық аймағындағы №1 индустриялық парктің нысандарын аралады.

Сенаторлар сапар барысында қағаз өнімдерін өндіретін «Ipek Kagit Asia» кәсіпорнында, «Тау-Кен Алтын» аффинаж зауытында, «GLB» үй құрылысы комбинаты мекемелерінде болды. Кездесу қорытындысы бойынша еркін экономикалық аймақтың одан әрі дамуына кедергі келтіретін заң шығару сипатындағы бірқатар өзекті мәселелер айқындалды.

Парламентшілер Сенаттың бұдан кейінгі жұмыстары барысында мүдделі тараптармен бірлесе отырып өзекті мә­се­лелерді шешу және инвес­торлардың ұсыныстарын жүзеге асыру жөніндегі іс-қимылды жал­ғастыруға ниеттеніп отыр.

***

Қарағанды облысына сапарлап келген Мәжіліс депутаттары Гүлнар Бижанова мен Серік Сәпиев өңір халқымен кездесті.

Депутаттар Бұқар жырау ау­данындағы Қушоқы ауылына барып, «Ботақара Жылу» кәсіп­орнының еңбек ұжымымен кез­десті. Мұнда 120-ға жуық адам жұмыс істейді. Кәсіпорын сумен, жылумен жабдықтау және су­ды бұру желілері жұмысын жүзеге асырады. Орталық жылыту жүйесіне аудан орталығындағы 316 үй, оның ішінде 16 көпқабатты тұрғын үй, 5 бюджеттік ұйым мен жекеменшік кәсіпорындар да қосылған. Кездесудің бас­ты та­қы­рыбы Мемлекет басшы­сының бес әлеуметтік бастамасы туралы болды.

Кездесуде бұдан өзге тұр­ғын­дар көкейінде жүрген өзекті мәселелер көтерілді. Тұрғындар Мәжіліс депутаттарына Қушоқы ауылына газ құбырын тарту, «7 – 20 – 25» бағдарламасы бойынша тұрғын үй алудың тетіктері және басқа да маңызды сұрақтарын қойды. Сондай-ақ 60 жылдардың басында салынған жергілікті су желілерін қалпына келтіру мен жедел жәрдем бөлімшесінің жа­былуы сияқты проблемаларын назарға алуды сұрады.  Өз кезе­гінде  Мәжіліс депутаттары бұл мәселелерді дербес бақы­лау­ларына алды.

***

Мәжіліс депутаты Наталья Жұмаділдаева аймақтарға жұмыс сапарын Шымкенттегі облыстық Ассамблея жанындағы құрылымдардың жетекшілерімен, этномәдени бірлестіктердің төрағаларымен және өңір тұрғындарымен кездесуден бастады.

Кездесуде депутат Елба­сы­­ның Қазақстан халқына ар­наған биылғы Жолдауында ай­тыл­ған басымдықтардың іске асы­рылу барысымен танысып, «Пре­зиденттің бес әлеуметтік бас­­тамасы» шеңберінде атқа­ры­лып жатқан жұмыстарды талқы­лады.

Сондай-ақ Н.Жұмаділдаева Шымкент қаласындағы С.Ерубаев атындағы №24 мектеп-лицейінің және қалалық оқушылар са­райының жұмысымен танысып, ұстаздармен кездесті. Ұстаз­дармен әңгіме барысында еліміз­дегі білім беру саласындағы реформалар мен мұғалімдерді әлеуметтік қорғау мәселелеріне назар аударылды.

Мәжіліс депутаты бұдан әрі Түркістан облысындағы Сайрам, Төлеби, Ордабасы, Мақтаарал, Сарыағаш аудандарындағы бір­қатар әлеуметтік және өндіріс­тік нысандарды аралап, еңбек ұжым­дарымен, жергілікті тұрғын­дармен кездесулер мен жеке қа­былдаулар өткізбек.

Дайындаған Венера ТҮГЕЛБАЙ,

«Егемен Қазақстан»

СОҢҒЫ ЖАҢАЛЫҚТАР

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

16.11.2018

Қ. Тоқаев халықаралық кездесулер өткізді

16.11.2018

​Тегеранда Қазақстан-Иран консулдық консультациялары өтті

16.11.2018

Үнді бизнесмендеріне Қазақстандағы инвестициялық жобалар ұсынылды

16.11.2018

Д.Кәлетаев Батыс Қазақстан облысында өтіп жатқан Азаматтық Форумның жұмысына қатысты

16.11.2018

Қазпошта 111 франчайзинг нүктесін ашты

16.11.2018

Елбасы Владимир Путинмен телефон арқылы сөйлесті

16.11.2018

Астанада жасөспірімдер олимпиадасының жеңімпаздарына құрмет көрсетті

16.11.2018

Шымкенттен Дубайға ұшатын рейс ашылады

16.11.2018

Шымкентте Қазақстан – Өзбекстан бірінші аймақаралық форумы өтті

16.11.2018

Қостанайлық полицейлер жедел-профилактикалық шара кезінде мал ұрлығын ашты

16.11.2018

Соңғы 10 айдағы салықтық түсімдер бойынша жұмыс қорытындыланды

16.11.2018

Мемлекет басшысы Қазақстанның халық жазушысы Әбдіжәміл Нұрпейісовті қабылдады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу