Маңызды жұмысқа жауапкершілікті көзқарас қажет

Премьер-Министр Бақытжан Сағынтаевтың төрағалығымен өткен Үкімет отырысында Денсаулық сақтау саласын дамытудың 2016-2019 жылдарға арналған «Денсаулық» мемлекеттік бағдарламасының қорытындылары, сондай-ақ жекешелендіруді жүргізу барысы және «ақылды қала» жобаларын іске асыру мәселесі қаралды.

Егемен Қазақстан
18.07.2018 2960
2

Межелі міндеттер орындалды

«Денсаулық» мемлекеттік бағдарламасының осы жылдың І жартыжылдығындағы іске асырылуы туралы Денсаулық сақтау ми­нистрі Елжан Біртанов баяндады. Е.Біртанов атап өткендей, мем­лекеттік бағдарлама жеті бағыт бойынша іске асырылып жатыр.

«Қоғамдық денсаулық сақтау саласында саламатты өмір салтын ілгерілету аясында бұқаралық ша­ралар белсене өткізілуде, осы жылдың 6 айының ішінде оған 6 млн-нан астам адам қатысты. Биыл халықты скринингпен қамту 1,5 млн астам адамды немесе жос­парланған көлемнің 91 процентін құрады. Халықты иммундау 95,2 процентке жетті», деді Е.Біртанов. Сондай-ақ министр мемлекеттік бағдарлама аясында «жедел жәрдем» қызметінің жұмысын реформалау жүргізіліп жатқанын жеткізді. Мәселен, шұғыл емес шақыртулар емханаларға беріл­ді, персоналды халықаралық стан­дарттарға кезең-кезеңмен оқыту жүргізіліп жатыр, еліміздің тоғыз аймағында Бірыңғай диспетчерлік қызмет құрылған. Биылғы алты айдың нәтижелері бойынша орташа жету уақыты 7 минутқа қыс­қарған, сәтті реанимациялау көр­сеткіші 14 процентке артқан, ауру­ханаға жатқызуға дейін өлім-жітім азайған.

Министр сонымен қатар ұлт­тық дәрі-дәрмектермен қамту сая­сатын іске асыру аясында ам­булаторлық дәрі-дәрмекпен қам­тамасыз етуді орталықтандыру жүргізілгенін, сондай-ақ бірыңғай дистрибьютер қызметінің ашық­тығы арттырылғанын атап өтті. Бұл сатып алулардың тиім­ділігін арт­тырып, бюджет қара­жатын үнемдеуге мүмкіндік берген.

Дәрі-дәрмектермен қамтылған амбулаторлық пациенттер саны 5 процентке артты. Амбулаторлық-дәрі-дәрмектік қамтамасыз етуді қаржыландыру өңірлердің 31 млрд теңге көлеміндегі қосымша өтінім науқанының қорытындылары бойынша 27 процентке артты, деді. Сондай-ақ осы жылдың тамыз айының соңына дейін емханаларда электронды құжаттар айналымын енгізуді аяқтаудың аса маңыздылығын атап өтті. «Осылайша, біз еліміздегі әр­бір пациентті жеке-жеке дәрі-дәр­мек­пен қамтамасыз етудің ашық­тығын қамтамасыз етеміз. Бұл со­нымен қатар, әрбір пациент­пен кері байланыс орна­туға мүмкіндік береді», деді министр. Е.Біртанов сонымен қатар Міндетті әлеуметтік меди­ци­налық сақтандыруды (МӘМС) енгізуге дайындық аясында Ке­пілдендірілген тегін медициналық көмек көлемінің және МӘМС-тің жаңа моделін қарастыратын заң жобасы әзірленгенін мәлім етті. Сондай-ақ салада мемлекет-жекеменшік әріптестігі (МЖӘ) түріндегі инвестициялардың саны артып келе жатқанын айтты. Осы жылдың 6 айында МЖӘ жобаларының саны 30 бірлікті құраған. Жалпы алғанда, 2016-2018 жылдар аралығында 35 млрд теңге сомасына 65 МЖӘ келісімшарты жүзеге асырылуда.

Үкімет отырысында сондай-ақ өңірлерде мемлекеттік бағ­дар­ламаны іске асыру қорытын­ды­лары және денсаулық сақтау жүйесін дамыту қорлары туралы айтылды. Бұл ретте Алматы об­лысының әкімі А.Баталов, Шы­ғыс Қазақстан облысының әкімі Д.Ахметов, Түркістан облы­сының әкімі Ж.Түймебаев, Қызыл­орда облысының әкімі Қ.Кө­шербаев, Атырау облысының әкімі Н.Ноғаев, Маңғыстау облы­сы­ның әкімі Е.Тоғжанов және Ақ­төбе облысының әкімі Б.Сапар­баев баяндама жасады. Соңында Б.Сағынтаев денсаулық сақ­тауды дамытудың «Денсаулық» мемлекеттік бағдарламасы бойынша едәуір жұмыс атқарылғанын, ілгерілеу бар екенін атап өтті. Дегенмен атқарылар жұмыс та аз емес. Соған орай денсаулық сақтау жүйесін одан әрі жаңғыртуға қатысты да бірқатар нақты тапсырма берілді.

Премьер-Министр дәрі-дәр­мек­терді мақсатты сатып алу мә­селесіне де назар аударды. Қажетті дәрі-дәрмектердің нақ­ты санын біліп, артық қаражат жұм­самау керек. Осыған байланыс­ты Денсаулық сақтау министрлігіне дәрі-дәрмектердің қажеттілігін жос­парлауды реттеу туралы тап­сырма берді. Сондай-ақ өңірлер­ге жеке инвестицияларды тартып, МЖӘ-ні дамытқан жөн. Б.Са­ғынтаев сондай-ақ шетелдерде емделу үшін квота алу мәсе­ле­леріне ерекше назар аудару керек­тігін айтты. Денсаулық сақтау министрі Е.Біртановқа квота алу тәртібін жетілдіру және оның ашықтығын арттыру тап­сырылды. Үкімет басшысы мін­детті әлеуметтік медици­на­лық сақтандыруды тиімді енгі­зу мәселесі ерекше бақылау­да екенін еске салды.

Аналар өлімі алаңдатады

Денсаулық сақтау мәселесі егжей-тегжейлі талқыланған жиында Премьер-Министр Б.Са­ғын­таев сала басшысы Е.Біртанов пен қала әкімі Ә.Исекешевтен соңғы кездері жиілеп кеткен Астанадағы ана өліміне қатысты мәселенің де мән-жайын сұрады.  Себебі алдыңғы күні ғана Астананың №2 перинаталды орталығында жас босанған келіншек көз жұмған болатын. Ал бұл – биылғы жылдың ішінде Астана перзентханаларында қайтыс болған төртінші адам.

«Қазіргі күні қажетті зерттеу жұмыстары жүргізілуде. Нақ­­ты себебі туралы ақпаратты анато­миялық, морфологиялық зерт­теу біткен соң береміз. Біз қа­зір Астана қаласындағы амбула­то­риялық деңгейдегі осы әйелдерге қандай қызмет көрсетілгенін тексеріп жатырмыз. Арнайы штаб құрылған. Астана қаласының әкімдігімен бірге жұмыс істеп жатырмыз. Үлкен мәселе бар деп айтуға болмайды. Кейбір жағдай әйелдің негізгі денсаулығына бай­ланысты. Бірақ жалпы перинаталды орталықта тексерістің бәрін жүргіздік. Санитарлық-эпи­де­миологиялық режім дұрыс. Әрі қарай жұмыс істеп жатырмыз», деді Денсаулық сақтау ми­­нистрі. Қазіргі уақытта әрбір жағ­­дай­ға қатысты Қоғамдық ден­­сау­лық сақтау комитеті тергеу жүргізіп жатыр. Ал Астана әкімі Ә.Исекешев барлық жағдайлар бойынша жетекші медициналық орталық мамандарының қатысуымен консилиум өткізілетінін айтты. «Барлық жағдайлар денсау­лық сақтау министрлігімен талқы­ланып, нақты іс-әрекет жоспары құрылды. Сондай-ақ қауіпсіз сараптама жүргізу үшін және акушерлік-гинекологиялық меди­циналық көмек үшін Еуропаның мықты деп саналатын мамандарын шақырып отырмыз. Мәселе бақылауда», деді қала әкімі.

Жалпы мәліметке сүйенсек, елімізде биыл алғашқы жарты­жыл­дықта босануға дейін және босанғаннан кейін ана өлімі көр­сеткіші былтырғы деңгейден жоғары болып отыр. Мәселен, қаңтар айынан бері республикада 31 ана көз жұмған. Жалпы, жыл сайын республикамызда 50-60 әйел көз жұмады екен.

«Ақылды қала» – цифрландыруға жол

Үкімет отырысында қаралған келесі мәселе «Ақылды қалалар» жобасы туралы Ақпарат және коммуникациялар министрі Дәурен Абаев есеп берді. Министрдің айтуынша, барлық 16 өңірдің әкімдіктерінде цифрландыру кеңселері құрылып, оған әкім орынбасарлары жетекшілікке тағайындалған. Арнайы құрылған цифрландыру штабы жобаларды үйлестірумен айналысады және апта сайын «Ақылды қала» жобасына мониторинг жүргізіліп отырады. «Қазірдің өзінде медициналық, ақпараттық жүйелер, электронды күнделіктер немесе мектепке дейінгі балалар мекемелеріне кезекке қою жүйелері барлық аймақтарда енгізілді. Павлодар облысының білім беру саласында онлайн жур­нал мен күнделіктерді іске қосу арқылы оқушылардың оқу үл­герімі 3 процентке өсті. Шығыс Қазақстан облысында ау­дан орталықтарынан тыс орна­ласқан 67 дәрігерлік амбулаторияны және фельдшерлік-акушерлік орындарды интер­нет желісіне қосу арқылы халық­қа мемлекеттік қызмет көрсету­дің үлесі 93 процентке артты», деді Д.Абаев. Батыс Қазақ­стан облысында бастапқы меди­ци­налық көмек көрсетуге кететін уақыт қысқарған. Атап айтқанда, жедел жәрдемді басқару жү­йелері енгізілген. Ал смарт-технологияларды енгізу аясында Астана көше жарығына қызмет көрсету шығындарын 30 процентке дейін, энергия қорларын 60 процентке дейін төмендеткен. Жүйенің өзі электр энергиясын қажеттілігіне байланысты автоматты түрде берілуін реттейді. Шымкент қаласында жол-көлік оқиғаларын, фото-бейне түсіру жүйесін енгізу арқылы жол жүру ережелерін бұзу жағдайлары 17 процентке азайған. Ал Алматы облысындағы Қорғас бекетінде адамның келбетін тану жүйесіне алғаш сынақ жүргізгенде, іздеу шараларына жұмсалатын уақыт 15 процентке дейін азаяды деп болжанған. «Өңірлердің барлығы «ақылды қала» жасауға негіз болатын сервистерді жасауда кең ауқымды жұмыс жасап жатыр. Мектептердің 87 процентінде интернет қолжетімді. Қала мен ауыл оқушылары арасындағы білім алшақтығы шамамен 30 процентке төмендеді. Мемлекеттік қызметтер оңтайландырылды және автоматтандырылды. Электронды медициналық кар­таны қолдану және қағаз нұсқа­сынан бас тарту аясында меди­циналық карталарды жоғалту факторы толық жойылды»,  деді министр.

Алты айда  421 нысан сатылды

Үкімет отырысында жекеше­лен­діруді жүргізу барысы да қаралды. Осыған орай баяндама жа­саған Қаржы министрі Бақыт Сұлтановтың хабар­лауынша, осы жылдың бірін­ші жар­тыжылдығының қорытын­дысы бойынша кешенді жоспардың 887 нысанынан сауда-саттыққа 502-сі шығарылып, олардың 421-і 216 млрд теңге сомасына са­тылған. 266 нысан қайта ұйым­дастыру және тарату сатысын­да тұр. Осылайша, қайта ұйымдас­ты­рылатын және таратылатын нысандарды қоса есептегенде, жекешелендірудің кешенді жоспарының орындалуы 77,4 процентті құрайды.

«Биыл бірінші жарты­жыл­дықта сауда-саттыққа 104 нысанды шығару жоспарланды. Іс жүзінде 89 нысан шығарылды және 15 нысан бойынша қайта ұйымдастыру және тарату туралы шешім қабылданды. Олар­дың ішінен 36 млрд теңгеге 39-ы сатылды», деді министр Б.Сұл­танов. Жалпы, кешенді жоспар­дың 63 нысанының бүгінгі күнге дейін 110,5 млрд теңгеге 15-і са­тылған. Осы жылы 39 нысан­ды сату жоспарланып отыр. Бірін­ші жартыжылдықта оның 8-і сауда-саттыққа шығарылып, 2-і сатылған. Қалған нысандар бо­йынша сату алдындағы дайындық және әлеуетті сатып алушылармен келіссөздер жүргізілуде.

Динара БІТІК,

«Егемен Қазақстан»

СОҢҒЫ ЖАҢАЛЫҚТАР

18.11.2018

Солтүстік Қазақстанда өткен ел біріншілігінде Н. Жарылғапов «түйе палуан» атанды

18.11.2018

Солтүстік Қазақстанда «Қозыбаев оқулары» халықаралық ғылыми-тәжірибелік конференция өтті

18.11.2018

Қор нарығы ел экономикасына серпін береді

18.11.2018

Қостанайда Батырбек Байназаровтың «Қобыз – аңыз» атты жеке концерті өтті

18.11.2018

Мәулен Әшімбаев ауыл шаруашылығы қызметкерлерін кәсіби мерекелерімен құттықтады

18.11.2018

Элизабет Тұрсынбаева Мәскеудегі турнирде үздік алтылыққа енді

18.11.2018

Қызылорда облысында МЖӘ бойынша екі спорт кешені ашылды

17.11.2018

Amazon мен Google-де жұмыс істейтін қазақстандықтарды елге шақыру керек - Атамекен ҰКП

17.11.2018

Павлодар облысында 370 жүргізуші мөлшерден артық жүк тасыған

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу