Өскеменде Азия чемпионаты аяқталды

Өскеменде 11-18 шілде аралығында Астана қаласының 20 жыл­дығына орай волейболдан қыздар командалары арасындағы клубтық Азия чемпионаты өтті. Осымен екінші жыл қатарынан Шығыс Қазақстанда жалауын желбіреткен дүбірлі додаға сары құрлықтың кіл мықты командалары жиналды. 

 
Егемен Қазақстан
23.07.2018 4572
2

Ала доп аламанының ашылу салтанатына Азия волейбол кон­федерациясының өкіл­дерімен бірге Қазақстан волей­бол федерациясының президенті Нұртай Әбіқаев та арнайы қа­ты­­сып: «Баршаңызды осынау спорт мерекесінің баста­луы­мен шын жүректен құттық­тай­мын. Жапония, Қытай Халық Рес­­публикасы, Тайланд, қы­тай­­лық Тайбэй, Иран, Вьетнам, Шри-Ланка, Индонезия елдерінің спорт­­шыларына, қонақжай қазақ еліне, шұғылалы Шығыс жеріне қош келдіңіздер дейміз. Сондай-ақ бізге осындай ауқымды шараны тағы бір мәрте өткізу міндетін сеніп тапсырған Азия волейбол конфедерациясы басшылығына рахмет айтамыз. Құрлықтың мық­тылары қатысатын жарыс тар­тысты да қызықты ойындарға толы болады деп сенеміз», деп өз құт­тықтауын жеткізді.

Жарыс алдында өткен баспасөз мәслихатында өскемендік «Ал­тай» командасының бас бапкері Юрий Панченко ойын оңай бол­майтынын, негізгі бәсеке бір жыл бұрынғыдай Тайланд, Жапо­ния, Қытай және Қазақстан коман­далары арасында өрбитінін айт­қан-ды. «Мұндай байрақты бәсекенің екі жыл қатарынан бір елде, бір қалада өткізілуі көп нәрсені аң­ғартса керек. Өз басым былтырғы біріншілікті көрмесем де биылғы дода ұйымдастырылуы жағынан одан асып түсетініне сенемін.

Облыс басшылығы ал­дымызға кем дегенде финалға шығу міндетін қойып отыр. Өйткені Өскемен қаласы Әлем біріншілігін де өт­кізуге қамданып жатыр. Демек, біз биылғы додада жоғары нәтиже көрсетіп, сол жаһандық сайысқа жолдама алуымыз керек. Қалай дегенде де, жанкүйерлеріміздің сенімін ақтағымыз келеді», деген еді бас бапкер. «Алтайдың» капитаны Сана Анарқұлова: «Былтырғы жарысқа дайындығымыз нашарлау болғаны рас. Алайда биыл бәрі керісінше, Түркияға барып, нәтижелі оқу-жаттығу жиындарын өткізіп қайттық. Сонымен қатар командаға бірқатар белді ойын­шы келіп қосылды», деп биыл был­тырғыдай емес, сайысқа са­қадай сай екендіктерін жеткізген-ді.

Баспасөз мәслихатында чем­пионаттың былтырғы жеңімпазы, Тай елінің атынан сынға түсетін «Суприм» командасының бас бапкері Натапхон Срисамутнак бірдеңе сезгендей «былтырғы жетістігімізді қайталауға тырысамыз. Өз командамның жеңіске жететініне шамамен 80 пайызға сенемін» деп өздеріне сенімділігін аңғартқан еді.

Сонымен, 8 күнге созылған сайыс аяқталып, жеңімпаздар анықталды. Өкінішке қарай, «Ал­тай» қыздары былтырғы қар­сыластарын айналып өте алмады. Төртінші орынды иеленді. Былтырғы сценарий биыл да тұп-тура қайталанды деуге болады. Тайландтық «Суприм» – 1, жапониялық «НЕК Ред Рокетс» 2-орынды қанжығаларына байласа, үздік үштікті Қытай елінің «Цзянсу» командасы түйіндеді.

Дүбірлі доданың жабылу сал­танатына аймақ басшысы Да­ниал Ахметов арнайы қатысып, ойыншыларға жылы лебізін біл­дірді. «Бүгін әйелдер командалары арасындағы клубтық Азия чемпионаты аяқталып отыр. Бір апта бұрын спортшыларымыз өз елінің намысы үшін айқасуға дайын еді. Енді олар досқа айналды. Аптаға созылған волейбол мерекесіне қатысқан баршаңызды шын жүректен құттықтаймын. Спортшыларға демеу болған жан­­күйерлерге де ерекше ал­ғы­сымд­ы айтамын», деді облыс әкімі.

Доп додасының жабылу салтанатында жекелей есепте жоғары деңгейлі ойын көрсеткен спортшылар арнайы марапатқа ие болды. Чемпионатқа арнайы дайын­далған медальдар ең үздік ұжым­дарға табысталды. Оның ішінде «Суприм» волейболшылары «Бай­­терек» үлгісіндегі Кубокке ие­лік етті. Сонымен қатар «Су­прим» командасының ойыншысы Коньот Айчарапорн – «Үздік ойыншы», Ольга Дробышевская («Ал­тай»), Коньот Айчарапорн («Су­прим»), Хироши Нанами («НЕК Ред Рокетс») – «Үздік ша­буылшы», Наталья Шар­ша­кова («Алтай»), Ченью Ванг («Цзян­су») – «Үздік орталық тос­қауылшы», Ванкианбай Ронг («Цзянсу») «Үздік байланыстырушы» және Саяка Ивасаки («НЕК Ред Рокетс») «Үздік либеро» но­ми­на­цияларымен марапатталды.

Азамат ҚАСЫМ,

«Егемен Қазақстан»

ӨСКЕМЕН

СОҢҒЫ ЖАҢАЛЫҚТАР

12.11.2018

Аустрияның Санкт-Пёлтен қаласында Қазақстанның Құрметті консулдығы ашылды

12.11.2018

Алматыда Батырхан Шүкенов атындағы музыкалық байқау өтеді

12.11.2018

Атырау облысында жыл соңына дейін 30 әлеуметтік нысан іске қосылады

12.11.2018

«Түркілердің атасына» көрсетілген құрмет

12.11.2018

Өскемен қаласының көшелеріне Әміре Қашаубаев пен Қалихан Ысқақтың аты беріледі

12.11.2018

Румынияда қазақ киносының фестивалі өтті

12.11.2018

Атырау облысында 1720 кәсіпорын қызметкерлерінің жалақысын көтереді

12.11.2018

Атырауда «1st Grand Ball Atyrau» қайырымдылық балы өтті

12.11.2018

Парижде үш жылға созылған төрелік дау Қазақстанның пайдасына шешілді

12.11.2018

Ақтөбелік қыз Димаш Құдайбергеннің Лондондағы концертіне қатысады

12.11.2018

Ыстамбұлда Д.Кәлетаев шетелдік қазақ ұйымдарының басшыларымен кездесу өткізді

12.11.2018

Ақтөбе мен Челябі ынтымақтастық туралы келісімге келді

12.11.2018

Алматы әкімі қаланың қыс маусымына дайындығын тексерді

12.11.2018

Парижде Трамп, Путин, Макрон және Меркель бірқатар мәселелерді талқылады

12.11.2018

Қазақстан Ауғанстан жөніндегі отырысқа қатысты

12.11.2018

Америкалықтар Қостанай облысына инвестиция салғысы келеді

12.11.2018

Қазақстандық ару Miss Asia Global титулын жеңіп алды

12.11.2018

«Астана LRT» ЖШС орталық кассасы бүгіннен бастап жаңа мекен-жай бойынша жұмыс істейді

12.11.2018

Денис Никиша шорт-тректен әлем кубогінде үздік төрттікке енді

12.11.2018

Калифорниядағы орман өрті: Парадайс қаласы жанып кетті

ТАҒЫ ЖҮКТЕУ
КОЛУМНИСТЕР

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

Дидар Амантай,

Sóz shyǵyny

Qazir sóz aldyǵa shyqty. Rolan Bart kótergen konnotasıa men denotasıa qaıshylyǵy, demek, sózdiń nársege emes, sózge nemese belginiń zatqa emes, belgige silteıtindigi jalǵan sana qalyptastyratyny jaǵdaıdy kúrdelendire tústi. 

Сүлеймен МӘМЕТ, «Егемен Қазақстан»

Qazaq otbasy

Otbasy uǵymy – qazaq úshin qasıetti de qadirli. Túbiri − ot, ot jylý beredi, ómir syılaıdy, tirshiliktiń kózi, úıdiń ishindegi «ýildegen» jeldi, «azynaǵan» aıazdy toıtaryp, otbasy ıesine sanalatyn adamǵa baq-dáýlet darytady. Otanasy, otaǵasy degen eki sózdiń arǵy jaǵyna oı jiberseń – qazaqtyń kemeldigine, bárin qysqa baılammen uǵyndyratyn kemeńgerligine kóz jetkizesiń. Sondyqtan da shyǵar, otbasy qaǵıdasynyń qashan da bıik turatyny. Qazaq otbasyn qurǵanda jetesizdikten jerip, kórgensizdikten boıyn aýlaq salǵan. Ata-ana úlgisin alǵa ozdyrǵan.

Сұңғат ӘЛІПБАЙ, «Егемен Қазақстан»

Zaman talqysyndaǵy qazaq

Feısbýktegi paraqshamdy ashyp qaraımyn da oılanamyn. Feısbýkti men ádette merzimdik buqaralyq aqparat quraldarynyń nazarynan tys qalǵan oqıǵalar men jańalyqtardy jáne oǵan degen qoǵamnyń kózqarasyn bilý úshin ashamyn. Meniń paraqshamda úsh jarym myńnan astam jazylýshym bar. Olardyń 95 paıyzdan astamy – qazaqtar.

Сайын БОРБАСОВ, саяси ғылымдар докторы

Halyqaralyq bedel jáne syrtqy saıasat

Álemdik úrdister jyldamdap, halyqaralyq qatynastar shıeleniske túsken zamanda tıimdi syrtqy saıasatty iske asyra alǵan memleketter tabysty damıdy.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу