Еуропалық балеттің жарқын жұлдыздары қазақстандық көрерменге Gala de Paris атты бағдарлама ұсынады. «Астана Опера» симфониялық оркестріне маэстро Владимир Ланде (Ресей – АҚШ) жетекшілік етеді.
Гастроль Мәдениет және спорт министрлігінің қолдауымен Астананың 20 жылдығы аясында өтпек. Сондай-ақ Париж ұлттық операсының 350 жылдығына орайластырылған.
Айта кетейік, Paris Opéra Ballet – XIV Людовик патшаның 1661 жылы Корольдік би академиясы ретінде негізін қалаған Париж операсының ресми ұлттық балет труппасы. Бүгінде ұжымның құрамында 150-ден астам әртіс бар, Париж ұлттық опера театрының көркемдік жетекшісі – Орели Дюпон. Бір жылда труппа 180-нен астам өнер көрсетеді.
