Ойласу: «Есті қыз етегін қымтар» деген

Мүгілсімнің қалаға келгеніне жылдан асқан. Әке-шешесі қайтыс болған ол аға-жеңгесінің қолында өсті. Жетімнің күні белгілі емес пе, жеңгесі жайсыз болды. Жұмысқа салып қойды, оқуы да мәз емес-тін. Өйтіп-бүйтіп мектепті де бітірді. Енді не істемек? Әрі ойлап, бері ойлап өз күнімді өзім көрейін деп қалаға тартып кетті. 

Егемен Қазақстан
03.08.2018 15941
2

Сәті түсіп кондитер фабрикасына жұмысқа орналасты. Жасынан еңбекке бейім Мүгілсім бірер жылдан кейін мамандығына төселіп алды. Пәтерде екі қыз тұрады. Табысы бәлендей емес, дегенмен соған да шүкіршілік етеді. Мүгілсім сұңғақ бойлы, қыр мұрынды, аққұба қыз. Бірде құрбысы екеуі киноға бармақ болып аялдамаға келді. Автобус келе қоймай алаңдап тұрғанда шетелдік машина қастарына келіп тоқтай қалды. 

– Бикештер, отырыңдар, баратын жерлеріңе жеткізіп салайын. 

Қыз­дар машинаға жайғасты. Келбеті келіс­кен жігіт жолда қыз­дар­мен танысып та үлгерді. Қош­тасар сәтте ұсынған ақ­шаны алмады.

 – Сіздерді қалаған жерлеріңізге апа­рып салуға әркез әзірмін,– деп әзілдеген ол Мүгілсімге күлімсірей көз тастады.

Жұмағұл есімді бұл жігіт Мүгіл­сім­нің алдын орап, жанынан табылатын болды. Бірде кешке қарай орталық паркте тыныстап отырған-тын. Терең ойға берілген қыз қасына келген жігітті аңғармай да қалған еді.

«Кеш жарық, Мүгілсім», дегенде селк етті. Есен-сау жүріп жатырсың ба? Күтпеген жерде кездесу деп осы­ны айтар, деп мәз-мейрам болды жігіт. Мына жігіт менің досым. Қаладағы шетелдік фирманың қожа­сы, яғни президенті деп таныс­тырды қасындағы жолдасын. Ол қыз­ға қолын ұсынып, есімін атады. Бойшаңдау келген жігіт шынымен де көрікті еді. Үстіндегі киімі жарасып-ақ тұр өзіне.Қазақ­шаға тілі жатық. Бұл өңірге келгеніне үш жылдан асыпты. Кәсібі жолға қойылған.

Тағы бірде Жұмағұлмен ойда жоқ жерде кездесіп қалсын. Әзіл-қалжыңға басып, сымбатты да сүйкімді ажарыңмен салт бас жүр­генің қалай? Өзіңді қадір тұтып, алақанына салып аялайтын жігіттің етегінен ұстамайсың ба, деп қызға ой тастай сөйледі. Қыз үлкен ойға бері­ліп кеткен сияқты болды. Сірә, дұрыс айтады, менікі осы не жү­ріс? Бетіңнің шырайы барында біреу­дің етегінен ұстаған да жөн-ау. Урултай тәуір жігіт сияқты. Ор­нық­ты, көрік десең көркі бар. Кү­лім­сіреген жанары адамды бау­рап алатынын айтсаңшы. Білдей бір фирманың қожасы. Осы жігітті ұнатып қалғаным ба деп іштей өз өзінен мырс етті. 

Сөйтіп жүргенде бірде Жұмағұл мереке қарсаңында Мүгілсімнің үйі­не келді. Ананы-мынаны әңгіме­лей келіп, «Урултай саған ғашық болып қалыпты. Екі сөзінің бірі сен. Қан­дай келісті, көрікті қыз, алма мойын, сүмбіл шаштың нақ өзі. Мені осы қызбен жақынырақ таныстыр, деп қолқа салады. Меніңше, тәуір жігіт, жұлдызы алдынан туып тұрған кәсіп­кер. Бүгінде жиырманың сегі­зінде, нағыз дер шағы. Қандас бауы­рымыз, қазақшасы да тәп-тәуір, салт-дәстүрімізден де хабар­дар. Ана жолы да сол жігіттің өті­нішімен келгенмін. Міне, тағы келіп тұрмын» деді. 

Жұмағұлдың айтқандарын ой елегінен өткізіп, таразыға салған Мү­гіл­сім жарайды, сөзіңді жерде қал­дырмайын, деп орнынан тұрды. 

«Ақбоз үй» аталатын қаладағы сән-салтанатымен ерекшеленетін айту­лы мейрамхана. Мұны ізетпен қар­сы алып, ілтипат көрсетіп жатыр. Төрден өтіп оңаша бөлмеге ке­ліп жайғасты бұлар. Дастарқан үсті тағамға самсап тұр. Әсем әшекей­ленген шарап шөлмектері көздің жауын алғандай. Жұмағұл шамалыдан кейін бір шаруам бар еді деп рұқсат сұрап кетті. 

Бұл кеште бұлар біраз әңгіменің басын қайтарды. Алдағы жарқын болашақтарын көз алдарына елесте­тіп, тәтті қиялға берілді.

Жігіт түрлі мерекеге орай сүйген қызына бағалы сый-сияпат жасауды ұмытқан емес. Ақыры, қоймай жүріп қыздың жүрегін жаулап, ама­лын тауып қақпанына түсірді. Қаланың орта тұсынан жиһазымен екі бөлмелі кең пәтер әперді, уақыт осылай өтіп жатты. Әйеліндей қала­ған кезінде келіп-кетіп жүреді...

Бірде жігіттің ата-анасынан хат кел­ді. Олар келінді елге әкел, тойды осында жасаймыз депті. Жігіт Мүгілсімге тойға құрбыларыңды ша­қыр, барып-қайту жол шығынын өзім көтеремін, тек құжаттарын тезірек дайындасын дегенді айтты. Шетелге бару біздің арулардың арманы ғой. Олар бұл хабарды қуана қабылдады. Мүгілсімнің туыстары жағынан екі қыз, өзімен бірге істейтін үш құрбысы жолға жинала бастады. Аңқылдаған қыздар болып жатқан оқиғаның астарынан бейхабар-тын. Ұшаққа билет аларда бәрінің құжатын жігіт жинап алған болатын. 

Әуежайдан бикештер ... жезөкше­лер үйінен бір-ақ шықты. Күзет мықты, ешқайда шығармайды, алдап-арбау, қорқыту-үркіту, күш көр­сету. Небір азапты бастан кеш­ті бейбақтар. Амалы құрыған қыз­дар ақыры айдағанына жүріп, айт­қандарына көнуге мәжбүр болды. Мүгілсімнің де махаббаты баян­ды болмады. Елінде екі әйелі бар екен. Баяғы күйдім-жандым деген бос сөз болып шықты. Екі әйе­лі екі жақтан мүйіздеп күн көрсет­педі. Қапаста қамалып, көз жасына ерік беріп, жылаумен күн кеш­ті. Өзі түгіл көлеңкесін көруден қал­ды. Ақыры жігіттің үйінен кетуге мәжбүр болған Мүгілсім де жезөк­шелер үйінен бір-ақ шықты... Азап пен кемсітушілікті бастан кешкен қыздар арада екі жыл өткенде өл­дім-талдым деп, онда да біздің елші­ліктің белсенді қимыл-әрекеті нәти­жесінде, елге оралды. Міне, аңдамай басып, опық жеді деген осы.

«Отырған қыз орнын табады» деген мәтел бар қазақта. Бүгінде осы қанатты сөз бекерге айтылған сияқ­ты. Оң жақта отырып қалған қыздарымыздың қатары жыл өткен сайын арта түсуде. Елімізде 160 мың­нан астам кәрі қыз бар деген деректі газет-журналдан көз шалып қалады. Бұлар қазақы тілмен айт­сақ, кезінде «көк етікті кезік­пей, көн етіктіні менсінбей» жүріп қалған, сөйтіп жар құшағы, сәби сүю бақыты бұйыр­маған, яғни өз бақыттарын өз­дері байлағандар. «Қыз өссе – ел­дің көркі» деп мақтан тұтатын қазақ әлеуметтік індетке қалай тап бол­ға­нын аңғармай да қалғандай. Ажар­лы, ақылды, білім десең білімі бар, менің жарым болсын дейтін кейбір бойжеткендер әркімге көзін сүзіп, жалғыздықтың зардабын тартып жүр. «Итің ұры десе» намыстанатын қазақ қыздарының оң жақта оты­рып жүкті болғандары қаншама. Амал­сыздан көнеді ата-ана байғұс. Көп­теген бойжеткендер «Есті қыз етегін қымтап отырады» деген мақалды ұмыт­қан. 

Осындайда тағдыр тәлкегіне тап болған қыздарымызға «Арыңды жас­­тан сақта» деген бағалы сөзді ес­тен шығармаңыздар дегіміз келеді. 

Қанапия МЫРЗАҒОЖИН,

Қазақстан Журналистер одағының мүшесі
 

СОҢҒЫ ЖАҢАЛЫҚТАР

17.01.2019

Жаңа әліпби негізіндегі қазақ тілі емлесінің ережелері

17.01.2019

Тікұшақ апатынан қайтыс болған ұшқыштың кім екені анықталды

17.01.2019

СІМ мен Ауылшаруашылық министрлігі инвестициялар мен экспорт бағытындағы үйлестіру жұмыстарын нығайтуда

17.01.2019

Жүзге жуық оқушы Wiki Camp акциясына қатысты

17.01.2019

Қорықшыларға қастандық жасағандар анықталды (видео)

17.01.2019

Үшінші мегаполистің төрт ауданында әкімдер тұрғындар алдында есеп берді

17.01.2019

4 мешітті ҚМДБ меншігіне өткізуде кедергілер бар

17.01.2019

Ақтөбелік жастар тұрғын үймен қамтамасыз етіледі

17.01.2019

Нұрлан Сейтімов Сыртқы істер министрлігінің Жауапты хатшысы болып тағайындалды

17.01.2019

Қостанайда тергеуші кісі тонаушыны қылмысы үстінде ұстады

17.01.2019

Алматыда Денис Теннің өліміне қатысты сот үкімі шықты

17.01.2019

Алматыда тікұшақ апатқа ұшырады

17.01.2019

Алғашқы медициналық санитарлық көмек қызметіне қатысты мәселелер талқыланды

17.01.2019

Сенат бірқатар үкіметаралық келісімді ратификациялады

17.01.2019

Алматыда Жүрсін Ерманның бес томдық шығармалар жинағының тұсаукесері өтеді

17.01.2019

2250 әскери қызметші жеңілдікпен пәтер сатып алды

17.01.2019

Жамбылда экономиканың барлық саласында 4-5 пайыз өсім бар

17.01.2019

Станимир Стоилов ұлттық құрамадан кетті

17.01.2019

Оралдықтар 19 қаңтарда суық суға шомылады

17.01.2019

Маңғыстауда «Қошқар-Ата» қалдық қоймасына қатысты жұмыстар тұрақты жүргізіліп келеді

ТАҒЫ ЖҮКТЕУ
КОЛУМНИСТЕР

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

Арнұр АСҚАР, «Егемен Қазақстан»

Oıynshyq týraly oı

«Bárimiz balalyqtyń aýylynan kelgen­biz», oıynshyqpen oınaıtyn jastan áldeqas­han asyp ketsek te, keı-keıde balalarymyzdyń qolyndaǵyǵa qyzyǵa qarap qoıamyz. Qyńqyldap qandaı oıyn­s­hyq suraǵanyn, dúken sórelerinen kóz ala almaı turatynyn baqylaı júrip, búgingi balalardyń talǵamyn da birshama túsinip qalǵan sıaqtymyz. 

ҰҚСАС ЖАҢАЛЫҚТАР

Тағы да оқу

Пікір қосу