Құрық мультимодальды хабы іске қосылды

Мемлекет басшысы Нұрсұлтан Назарбаев Маңғыстау облысына жұмыс сапары аясында 11 тамызда Құрық портындағы паром кешені мультимодальдық көлік хабының таныстырылымына қатысты. Елбасы аталған шара аясында телекөпір режімінде «Құрық порты – «Тажен» шекаралық кеден бекеті», «Құрық порты – «Қорғас – Шығыс қақпасы» арнайы экономикалық аймағындағы құрғақ порты» мультимодальды бағыттар бойынша қатынайтын автомобиль және темір жолдарын іске қосты.

Егемен Қазақстан
13.08.2018 2604
2

Елбасы мультимодальды хабтың Бесінші Каспий саммитінің қарсаңында іске қосылуының символдық мәніне тоқталып, бұл жобаның тек Қазақстан үшін ғана емес, сондай-ақ бүкіл Еуразия құрлығы үшін маңызы зор екенін айтты.

Мемлекет басшысына таныстырылған Құрық порты Ақтау қаласынан 70 шақы­рым, Қарақия ауданының Құрық ауылынан 17 шақырым қашықтықта орналасқан. Тасымал жұмыстарына ың­ғайлы шы­ға­нақта орналасқан Құрық тәуел­сіз­дік­тен бері ашылған қазақстандық алғаш­қы порт болуымен де ерекше. Астық, тыңайтқыштар, мұнай өнімдері, химия­лық заттар, халық тұтынатын тауарлар, машиналар мен түрлі жабдықтар және өзге де жүк түрлерін тиеп-түсіруге негіз­делген нысан географиялық орналасуы жағынан Ақтау және Баутин порттарынан да қолайлы.

67,4 гектар аумақты алып жатқан аумақта екі айлақ, автомобиль өтпе жолы, темір жол металдық өту көпірі, кеден және шекаралық бақы­лау қызметтері бар диспетчерлік, кедендік ресімдеу ғимараты, уақытша сақтау қоймасы, әкімшілік және өндіріс­тік ғимараттар, сұрыптау стансасы, автомобильдерді және жолаушыларды бақылау-өткізу пункті бар. 2016 жылы сыйымдылығы 4 миллион тонна Құрық портындағы темір жол паромы кешенінің бірінші фазасы іске қосылып, 2017 жылдан бастап коммерциялық қызметі бас­талды. Өткен жылы порттың темір жол паромындағы терминалда алғашқы миллион тонна жүк тиеп-түсірілсе, жыл соңына дейін бұл көрсеткіш 1,5 миллион тоннаға, қатынаған кемелер саны 320-ға жетті.

Сондай-ақ өткен жылдың соңында Құрық портынан «Әзербайжан Каспий теңізінің кеме шаруашылығы» ЖАҚ «Бястякар Гара Гараев» кемесімен алғашқы жеңіл және жүк көліктері жөнелтілді. Ұзындығы 125,25 метр, ені 16,22 метр, 3463 тонна жүк көтеру мүмкіндігі бар алып кемеге 27 жүк көлігі, 1 жеңіл көлік тиеліп, 30 жолаушы отырған болатын. Ал 2018 жылдың жеті айы ішінде тиеп-түсірілген жүк көлемі 1,2 миллион тоннадан асып түсті.

Мультимодальды көлік хабының таныстырылымында Нұрсұлтан Назарбаев еліміздің көлік-транзит әлеуетін дамы­тудың маңыздылығына назар аударып, оның Еуразиялық құрлықаралық көлік жүйесіне қосылуы мемлекетіміз үшін стратегиялық міндет болып саналатынын атап өтті.

– Соңғы жылдары 2,5 мың шақы­рымнан астам темір жол салынып, 12 мың шақырым автомобиль жолы қайта жөнделді. Логистикалық инфрақұрылым дамып келеді. Жүк тасымалдайтын вагондар жаңартылуда. «Батыс Еуропа – Батыс Қытай» автомобиль транзиттік дәлізі іске қосылды. Ақтау порты жаңартылды. Қытаймен шекарада Қорғас құрғақ порты құрылды, – деді Қазақстан Президенті.

Мемлекет басшысы соңғы он жылда Қазақстанның көлік-логистика жүйесін дамыту үшін тартылған инвестиция көлемі 30 миллиард долларға жеткенін және Құрық мультимодальды кешені осы ауқымды жұмыстың маңызды бөлігі болып саналатынын айтты.

– Бүгін іске қосылған Құрық портының автожол инфрақұрылымы көлік тран­зитін дамыту үшін жаңа мүмкіндіктерге жол ашады. Құрық арқылы өтетін Транскаспий бағыты Қытайдан, Орталық Азия елдері – Өзбекстан, Қырғызстан, Тәжікстан, сондай-ақ Ресейдің Орал-Сібір өңірлерінен Түркия мен Еуропаға және кері қарай жүк тасымалдау­дың тиімді логистикасын қамтамасыз етеді. Сонымен қатар 2020 жылға қарай Қазақ­станның транзиттік тасымалдан түсетін кірісін жылына 5 миллиард долларға арттыруға мүмкіндік береді, – деді Нұрсұлтан Назарбаев

Көлік және логистика туралы сөз қозғағанда, ірі көлік-логистикалық хаб болуға қажетті барлық мүмкіндік­терге ие Маңғыстау өңірі мен халқы­мыз еліміздегі жалғыз теңіз деп қастерлей­тін Каспий айрықша аталады. Ақтау және Құрық порттарының ел эко­номикасындағы ғана емес, сыртпен байланыстағы әлеуеті жыл санап артып келеді.

Қазақстан Президенті көлік инфрақұ­рылымын дамыту экономиканың бәсе­кеге қабілеттілігінің артуына муль­тип­ликативті ықпал ететінін және қайта қалпына келген Жібек жолы арқылы өтетін сауда легіне тың серпін беретінін, сондай-ақ өңірдегі ынтымақтастықты кеңейтуге және экономиканың ілгері­леуіне септігін тигізетінін атап өтті.

– Бүгінде Маңғыстау облысы әуе, автомобиль жолдары, темір жол және теңіз көліктері желісі тоғысқан ірі көлік-логистика орталығына айналып отыр. Каспийдегі екі заманауи порт өзара бірін-бірі толықтыратын болады. Бұл өңір үшін жаңа мүмкіндіктер береді. Қызмет көрсету секторын ілгерілетіп, трансұлттық компанияларды тарту керек, сондай-ақ жаңа технологияларды пайдалана отырып, қайта өңдейтін өндірісті дамытқан жөн. Бұлардың бәрі туристік индустрияны дамытуға жол ашады. Бұл аймақ экономикасын диверсификациялау үшін аса маңызды. Бізге осы мүмкіндіктерді тиімді пайдалану керек, – деді Мемлекет басшысы.

Салтанатты шарада Мемлекет басшысына «Қазақстан темір жолы» ҰК» АҚ басқарма төрағасы Қ.Алпысбаев «Нұрлы жол» бағдарламасы аясын­дағы Құрық порты паром кешені құрылысын жүзеге асыру барысы туралы баяндады. Айта кетуіміз керек, өңірде аталған бағдарлама аясын­да стратегиялық маңызға ие бірқатар ин­ф­рақұрылымдық жоба жүзеге асы­рылды. Өзен – Түрік­менстан­мен мемлекеттік шекара, Шал­қар – Бейнеу, Боржақты – Ерсай жаңа те­мір­жолдары салынған болатын.

Жал­пы алғанда, соңғы он жылда Еурази­я­лық көлік дәлізін дамыту мақсатында көлік-логистика саласына 30 млрд доллар шамасында инвестиция құйылған. Жаңа инфрақұрылым жасақтау құрылысы мен жаңғырту жұмыстары және IТ-инфрақұрылым жасалуда. 2020 жылдары бұған 8,4 млрд доллар жұмсалатын болады. Бұл «Ұлы Жібек жолының» жаңғыруына серпін бермек.

Салтанатты шарада сөз алған Өзбекстан Премьер-министрінің бірінші орынбасары А.Раматов «Ұлы Жібек жолының» жаңғырғанын, Транскаспий бағдарында тасымалдың өскен­дігін жеткізсе, COSCO компаниясының бас­қарушы директорының орынбасары Суйт Цзюн «Нұрлы жол» бағдар­ламасы мен «Бір белдеу – бір жол» бас­тамашылығының тоғысып, екі мемлекет басшыларының тапсырмаларымен орындалғандығын атап өтті.

«Әзербайжан темір жолы» ЖАҚ басшысы Д.Гурбановтың айтуынша, Құрық порты Қазақстан мен Әзербайжан арасында темір жолды дамытудағы технологиялық көпір болып саналады. Әзербайжан теміржолшылары қазақ­стандық әріптестерінің логистикалық іс-тәжірибесімен бөлісіп, темір жол мен теңіз көлігіндегі мултимодальдық шешім­дерді бірге шығарады.

Соңында Елбасы Үкіметке облыс әкімдігімен бірлесіп мультимодальды хабтардың – Ақтау және Құрық порт­тарының базасында қосымша өндірістер мен қызмет көрсету секторын дамыту жөніндегі кешенді жоспар әзірлеуді тапсырды.

– Жергілікті атқарушы органдар индус­триялық және сервистік өндіріс­терді жаңа жағдайларға бейімдеу үшін қажетті шараларды қабылдауы керек. Сонымен қатар жаңа жұмыс орын­дарын ашып, кадрларды жаңа маман­дықтар бойынша оқытуға және қайта даярлауға, сондай-ақ өңірде шағын және орта бизнесті дамытуға жағдай жасау қажет, – деді Нұрсұлтан Назарбаев.

Қазақстан Президенті еліміз үшін маңызы зор жобаларға атсалыс­қан­дардың бәріне ризашылық білдіріп, көлік саласының еңбеккерлерін кәсіби мере­келерімен құттықтады.

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы

СОҢҒЫ ЖАҢАЛЫҚТАР

24.09.2018

FIFA-2018 марапаттау рәсімінде Роналду болмайды

24.09.2018

Ұлы Дала Еліне саяхат — «Жаңа Жібек жолы» бағыты бойынша экспедиция Таразға келді

24.09.2018

«Егемен академиясының» жаңа маусымына тіркелу басталды

24.09.2018

Мақтаарал құрылыс саласымен де танымал болмақ

24.09.2018

Атырауда «Тау тұлғалы Таумыш» республикалық ғылыми-тәжірибелік конференциясы өтті

24.09.2018

Ақмола облысында мемлекеттік қызмет мектебін ашылды

24.09.2018

Алматыда III Baikonyr Short Film Festivalдің жабылу салтанаты өтті

24.09.2018

Ақтөбелік полицейлер Агенттіктің «Пара алма!» үндеуіне құлақ асуда

24.09.2018

Қыздар Университетінің студенттері республикалық турнирдің жеңімпазы атанды

24.09.2018

Талдықорған қаласы әкімінің жаңа орынбасары тағайындалды

24.09.2018

25 қыркүйекте Үкімет үйінде Қазақстан Үкіметінің отырысы өтеді

24.09.2018

Ақтауға үлкен футбол оралды

24.09.2018

Үш дзюдошымыз да алғашқы айналымда ұтылды

24.09.2018

Оралда бокстан халықаралық турнирдің жеңімпаздары анықталды

24.09.2018

Қазақстанда ұшақ билеттері арзандауы мүмкін

24.09.2018

Қазақстанда 14 миллион тоннаға жуық астық жиналды

24.09.2018

«Түн құдайы» фильмі Парижде өткен ретроспектива барысында көрсетілді

24.09.2018

Универсиада алауы Алматы арқылы өтті

24.09.2018

Бүгін Бакуде үш дзюдошымыз белдесуде

24.09.2018

Бизнес салымдар үшін қай қаржы ұйымы тиімді?

ТАҒЫ ЖҮКТЕУ
КОЛУМНИСТЕР

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

Ермухамед Мәулен, «Егемен Қазақстан»

Boljam aıtyp baıyǵandar

Sport bızneske aınalǵaly qashan. Árıne bul sózben qazir eshkim daýlasa almaıdy. Álemdegi eń baı adamdar sportshylar ekeni anyq. Alaıda osy sport bıznesi salasynda alaıaqtyq ta joq emes. Ásirese bás tigip aqsha tabatyndar men qandaı báske qoıý kerektigin usynatyndardan aıaq alyp júre almaısyz. Keńes beretin keń­seler men aqyl aıtyp otyratyn saıttar qap­tady. Aldaǵy ýaqytta alaıaqtardyń arbaýyna túspes úshin bul júıeniń qalaı áreket etetinin aıtyp óteıin. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу