Инклюзивті білім – мүмкіндіктер алаңы

Кеше Астанада Білім және ғылым министрлігінің ұйым­дас­тыруымен республикалық Тамыз кеңесі шеңберінде «Білім беру процесін психологиялық-педагогикалық қолдау инклюзивті білім беруді дамытудың басты шарты ретінде: стратегиялық жоспарлау, нәтиже, перспективті шешімдер» атты секциялық отырыс өтті.

Егемен Қазақстан
14.08.2018 2969
2

Елордадағы Оқушылар сарайында өткен білім беру саласы мамандарының басқосуы мұғалімдер үшін жаңа оқу жылының басталуына тың серпін және жұмыс жоспарын озық идея­лармен толықтыратын дәстүрлі кездесу десе болады.

Биылғы басқосудың негізгі мақсаты − ғылыми коммуникация мен халықаралық деңгейдегі практиктердің технологиялық шешімдерінің тиімділігін талдау негізінде инклюзивті білім берудегі ұлттық тәсілдеменің белсенділігін арттыру екенін атап өткеніміз жөн.

Жиында сонымен қатар әр білім беру ұйымында білім алушы тұлғасын табысты әлеуметтендіру және тең білім алу мүмкіндіктерін қамтамасыз етуге ықпал ететін мультимәдени білім беру ортасын қалыптастыру жайы сөз болды. Жиынды Білім және ғылым вице-министрі Асхат Аймағамбетов ашып, іс-шараға министрліктің Мектепке дейінгі және орта білім беру департаментінің директоры Шолпан Каринова модераторлық етті. 

Бүгінде елімізде инклюзивті білім беру мәселесіндегі ұғымды кеңейту және білім беру ұйымында инклюзияны тиімді енгізу бойынша нақты модель әзірлеу өзекті. Кеңесте сөз болғандай, инклюзивті білім беруді іске асыру мәселесіндегі қиындықтар балалардан бұрын педагог-психологтар мен ата-аналарда туындайды.

Сонымен қатар арнайы психолог мамандардың тапшылығы да ерекше білім беру қажеттілігі бар балаларды жалпы білім беру кеңістігіне қосуға кедергі келтіріп отыр. Өз кезегінде Отбасылық білім беру институтының директоры Софья Евдокимова министрліктің инклюзивті білім беруге дер кезінде мән беріп отырғандығын айтып өтті. Бірақ осы ретте елімізде инклюзивті білім беруді отбасы тәрбиесімен ұштастыратын мамандардың тапшылығын ескермеуге болмайды.

С.Евдокимованың айтуынша, әрбір мектептегі психолог маман отбасылық білім беру институтында тәжірибелерін тереңдетуі қажет. Бұл бағытта еліміздің түкпір-түкпірінен келген 500-дей психолог аталған институтта арнайы дәріс алуда. Алайда ондай курстарды жылда өткізуге институт қауқарсыз. «Осы күнге дейін біз 1400-дей психолог маман дайындадық. Бірақ елімізде ерекше білім беруді қажет ететін 147 мыңнан астам балаға ол мамандардың өте аз екені айтпаса да түсінікті», дейді Софья Львовна.

Биылғы іс-шараға 300-ге тарта мұғалімдер қатысып, оларға Ресейден арнайы шақыртылған психология ғылымдарының профессорлары дәріс оқыды. Шетелдік ғалымдардың айтуынша, болашақта ерекше оқытуды қажет ететін балалар жалпы білім беретін мектептерде дәріс алуы керек. Себебі оларды қалыптастыратын негізгі институт ең бірінші ата-анасы және оның өз қатары мен ұстаздары. «Бұл бағытта ең алдымен баладан бұрын олардың ата-аналарын оқыту маңызды екенін ескерген жөн.

Сәйкесінше аутизм сияқты белгілері бар балаларды оқытатын педагогтерді көптеп дайындау бүгіннің басты міндеті екенін айтқым келеді. Бұл психологтардың аутистік спектр бұзылысы бар балаларды одан əрі оқыту үшін олардың тірегі мен қолдаушысы болуы үшін қажет. Мұндай жағдай Ресейде де маңызды болып отыр. Кей өңірлер бұл саланы еркін дамытып жатса, кей облыстарда маман тапшылығы өзекті», дейді Ресей Білім министрлігі сараптау кеңесінің мүшесі Альбина Нестерова.

Сондай-ақ Тамыз кеңесіне келген басқа да шетелдік сарапшылар Қазақстанда инклюзияны қолдану бойынша мектептің психологиялық қызметінде нейропедагогика әдістерін енгізуді ұсынады. Одан бөлек инклюзивті білім беру жағдайында оқушылардың отбасыларымен өзара әрекеттестік нәтижелерін арттыру жайы да әңгімеге өзек болды. 

Астанада басталған инклюзивті білім беру тақырыбындағы психологтердің кездесуінде Абай атындағы ҚазҰПУ-дің Психология институтының директоры Жәмила Намазбаева мұндай идеологиялық негіздерді жүзеге асыруда Елбасы ұсынған «Рухани жаңғыру» бағдарламасының маңызы зор екендігін атап өтті. 

«Бүгінгі көтеріліп жатқан мәселе ерекше балаларға ғана емес, оқу үлгерімдері төмен, сондай-ақ мінез-құлқы бұзылған балалар үшін де аса маңызды. Олардың барлығы жалпы білім беру кеңістігіне біріктірілуі керек», дейді Ж.Намазбаева.

Мирас АСАН,
«Егемен Қазақстан»

СОҢҒЫ ЖАҢАЛЫҚТАР

15.02.2019

Бірге барайық: Интеллектуал дос тапқыңыз келе ме?

15.02.2019

Назгүлдің фото нысанасында – бейкүнә сәбилер қасіреті

15.02.2019

Е.Біртанов медицина саласындағы сапасыз қызметтерді атады

15.02.2019

Смартфоныңыз денсаулығыңыздың көмекшісіне айналады

15.02.2019

Мұхтар Тайжан ауылшарушылығы жерлерін жалға беру туралы пікір білдірді

15.02.2019

Өскемен көшелері  жаңғырып жатыр

15.02.2019

Батырхан Шүкеновтің естелік медалін анасына табыстау рәсімі өтті

15.02.2019

Бердібек Сапарбаев халық алдында есеп берді

15.02.2019

Абайдың латын графикасындағы кітаптары көрмеге қойылды

15.02.2019

Тағам өндірушілерінің І халықаралық форумы өтті

15.02.2019

Адамзат тарихында ең қымбатқа бағаланған картина

15.02.2019

Әлемге әйгілі болған қазақ қызы алдағы уақытта Америкаға аттанады  

15.02.2019

Дипломатиялық қатынастар орнату туралы бірлескен коммюникеге қол қойылды

15.02.2019

Сенатор Ә.Құртаев Азия елдері парламентшілерінің кездесуіне қатысты

15.02.2019

Қолжетімді баспанамен қамтуда қозғалыс бар

15.02.2019

Астана әкімі Бақыт Сұлтанов көпбалалы аналармен кездесті

15.02.2019

Семейде өлкетану оқулары өтті

15.02.2019

Испанияда кезектен тыс сайлау болады

15.02.2019

Киногерлер Шәкен Аймановтың ескерткішіне гүл шоқтарын қойды

15.02.2019

Зауыттар көбейсе, жұмыссыздық азаяр еді

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу