Жеті айдың қорытындысы бойынша экономикалық өсім 4% құрады — ҚР ҰЭМ

2018 жылдың қаңтар–шілде айларының қорытындысы бойынша ЖІӨ өсімі 4%-ды құрады. 2018 жылғы 7 айдағы әлеуметтік-экономикалық даму мен республикалық бюджеттің атқарылуының қорытындылары туралы Премьер-Министр Б.Сағынтаевтың төрағалығымен өткен Үкімет отырысында ұлттық экономика министрі Т.Сүлейменов, қаржы министрі Б.Сұлтанов және Ұлттық банк төрағасының бірінші орынбасары О.Смоляков баяндады, деп хабарлайды Премьер-Министрдің баспасөз қызметі.

Егемен Қазақстан
14.08.2018 3261
2

Тимур Сүлейменов экономиканың өсуіне инфляциялық қысымның төмендеуі, жоғары инвестициялық белсенділік және экономиканың негізгі салаларында оң қарқынның сақталуы негізгі серпін бергенін айтты.

Инфляция ең төменгі үш жылдық деңгейде сақталуда. Жыл басынан бері ол 2,7% құрады, бұл ретте жылдық инфляция – 5,9%.

1 тамыздағы жағдай бойынша елдің халықаралық қоры $87,7 млрд құрады, оның ішінде Ұлттық қордың активтері — $56,8 млрд, алтын валюталық қорлар — $30,9 млрд құрады.

Өнеркәсіптік өндіріс 5,1%-ға ұлғайды. Өнеркәсіп белсенділігінің өсіміне ең көп үлесті өндіру салалары қосты. Тау-кен өндіру өнеркәсібінің шығарылымы 5,4%-ға өсті. Мұнайды (6,1%), газды (6,4%) және темір кенін (7,4%) өндіру бойынша салалалар қозғаушы күш болды.

Өңдеу өнеркәсібінің өсу серпіні 4,9% деңгейінде тіркелді. Өңдеу салаларының бөлінісінде ең жоғарғы өсімді машина жасау саласы көрсетіп тұр. Осы саладағы шығарылым 16% құрады. Өсім барынша күрделі өндірістік құрамдауыштары бар салалардың есебінен қамтамасыз етілді. Бұл автокөлік жасау (58,5%), электр жабдықтарын өндіру (47,2%) және электрондық, оптикалық өнімдер (45,7%) өндірісі.

Химия өнеркәсібінде (10,9%), мұнай өңдеуде (4,4%), металлургияда (3,6%) және қағаз өнімдері өндірісінде (10,1%) орнықты өсім жалғасуда.

Ауыл шаруашылығы өнімдерінің шығарылымы 3,5%-ға ұлғайды. Көрсетілетін қызметтер саласының өсуі 3,8%-ды құрады. Көрсетілетін қызметтер сегментіне инфляцияның баяулауы мен экономиканың нақты секторындағы жоғары іскерлік белсенділік оң әсерін тигізуде. Төмен инфляция аясында сауда өткен айға қарағанда 6,1%-ға дейін ұлғайды. Бұл ретте, өндірістік белсенділік көліктің 4,9% өсім денгейінде сақталуына ықпал етеді.

«Негізгі капиталға салынатын инвестициялар кеңеюде. Олар 23,7%-ға өсті. Инвестициялардың ең үлкен өсімі — 32,7% өнеркәсіп саласында тіркелген. Бұл Шымкент мұнай өңдеу зауытын жаңғыртуға және Теңіз кен орнында болашақ кеңейту жобасын іске асыруға байланысты. Жалпы тікелей шетелдік инвестициялардың $6,7 млрд тартылды. Бұл 2017 жылдың сәйкес кезеңімен салыстырғанда 24,4% жоғары», — деді Т.Сүлейменов.

Экспорт көлемі 21,8%-ға, импорт — 7,8% өсті. Экспорттың импорттан едәуір өсуі төлем балансының ағымдағы шотының тапшылығын төмендетуге негіз болды. Ол екі есеге $1,4 млрд дейін қысқарды.

Ұлттық экономика министрінің айтуынша, жоғары өндірістік белсенділік еңбек нарығының көрсеткіштеріне жағымды әсер етті. Осы жылдың басынан бері 297,1 мың адам жұмысқа орналастырылды. Жұмыссыздық деңгейі 4,9% құрады.

«Жалақы бір қалыпты қарқынмен өсуде. Биыл қаңтар–шілде айларында орташа айлық жалақы 157,7 мың теңгені құрады және нақты мәнінде 2,3% өсті. Осы жылдың қаңтар–маусым айларында нақты ақшалай кірістер 1% өсті», — деп түйіндеді ұлттық экономика министрі.

Ұлттық банк төрағасының бірінші орынбасары Олег Смоляков 2018 жылғы 1 шілдедегі жағдай бойынша заңды және жеке тұлғалардың депозиттері өткен жылдың сәйкес кезеңімен салыстырғанда 0,2%-ға ұлғайып, 17,8 трлн теңгені құрағанын жеткізді. Екінші деңгейлі банктер берген несиелер 1 шілдедегі жағдай бойынша 1%-ға өскен (12,8 трлн тг дейін).

Алдын ала берілген деректер бойынша, 2018 жылдың қаңтар–мамыр айларында сыртқы сауда айналымы $35,6 млрд құрады және 2017 жылғы тиісті кезеңмен салыстырғанда 18%-ға өсті, оның ішінде экспорт — $23,3 млрд (22,3% -ға өсті), импорт — $12,3 млрд (10,7%-ға артық) артты.

О. Смоляковтың айтуынша, шілде айында «7–20–25» президенттік бағдарламасы ойдағыдай іске қосылды. Қазірдің өзінде 1330 өтінім келіп түсті, 6 млрд теңгеден астам сомаға несие берілді.

Қаржы министрі Бақыт Сұлтанов республикалық бюджеттің атқарылуы туралы баяндады. Мәселен, осы жылдың жеті айының қорытындысы бойынша мемлекеттік бюджеттің негізгі параметрлері өткен жылдың сәйкес кезеңімен салыстырғанда жақсы орындалды.

Түсім 6,264 трлн теңгені немесе есепті кезең жоспарының 101,9% құрады. Шығындар 6,466 трлн тг немесе 98% орындалды. Мемлекеттік бюджет тапшылығы 203 млрд тг сомасында қалыптасты. Бұл жоспардан екі есеге төмен.

Мемлекеттік бюджетке 4,351 трлн теңге кірістер (трансферттерді есепке алусыз) түсті немесе жоспардың 104,4%. Республикалық бюджет кірістері 104,2%-ға орындалып, бюджетке 3053 млрд теңге түсті. Өткен жылдың осындай кезеңімен салыстырғанда өсу қарқыны 116,2%-ды құрады.

Бір жыл бұрынғы кезеңмен салыстырғанда бюджетке салықтар 432 млрд теңгеге артығымен түсті. Мұндай өсім негізінен қосылған құн салығы — 207 млрд теңге, экспорттық кеден бажы — 107 млрд теңге есебінен қамтамасыз етілді.

Алдағы кезеңге арналған бірінші кезекті міндеттер қатарында Б.Сұлтанов «Кірістер жиналымын арттыру» жобасының мақсатты көрсеткіштеріне қол жеткізуді және оның теңгерімді орындалуы үшін бюджеттің кірістер мен шығыстар бөлігіне мониторинг жасауды атады.

Мәселені қарау барысында Түркістан облысының әкімі Ж.Түймебаев, Павлодар облысының әкімі Б.Бақауов, Атырау облысының әкімі Н.Ноғаев, Астана әкімі Ә.Исекешев, Шымкент қаласының әкімі Ғ.Әбдірахымов, сондай-ақ Қызылорда облысы әкімінің орынбасары Қ.Ысқақов өңірлердің әлеуметтік-экономикалық дамуы туралы баяндады.

СОҢҒЫ ЖАҢАЛЫҚТАР

22.02.2019

Қарағанды облысында көпбалалы отбасыларды қолдаудың 10 қадамы жасалды

22.02.2019

Қостанайда әкім есебі жаңа ғимаратта өтті

22.02.2019

Қарағанды облысының тумасы Қазбек Нұржановтың құрметіне арналған 41-ші жеңіл атлетика жарысы өтті

22.02.2019

Қарағанды облысында 479 жоба іске асады

22.02.2019

Ұлттық валютадағы мәтін тек қазақ тілінде болады

22.02.2019

Sanofi - күдіктен ада компания

22.02.2019

Сенатор С.Айтпаева Германиядан келген делегациямен кездесті

22.02.2019

Қарағанды облысында көпбалалы отбасыларға тұрғын үй сертификаттары беріледі

22.02.2019

Ақтөбе облысында су тасқынына дайындық шаралары қабылданып жатыр

22.02.2019

Құралай Ахмет: Шет елде оқуға ынтасы бар кез келген адам «болашақтық» бола алады

22.02.2019

Жастар кәсіпкерлігіне арналған «Jas Business» семинары өтті

22.02.2019

Халықтың әл-ауқатын жақсарту – басты мақсат

22.02.2019

Жоғарғы сот жемқор судьяларды анықтауды күшейтеді

22.02.2019

Шаңғымен тұғырдан секіруден Қазақстан командасы әлем чемпионатында бақ сынайды

22.02.2019

Ерлан Қошанов көпбалалы отбасылар тұрғын үймен қалай қамтамасыз етілетінін айтты

22.02.2019

Мамандар: Денсаулық туралы жаңа Кодексті қабылдау бизнес үшін кедергілер туғызуы мүмкін

22.02.2019

Семейде «Нәджип Әмір» атындағы аудитория ашылды

22.02.2019

«Әбу-Даби Плаза» елордада жаңа жұмыс орындарын құруға мүмкіндік береді

22.02.2019

Милад Карими мен Аким Мусаев Мельбурндегі Әлем кубогінің финалына өтті

22.02.2019

Юлия Галышева бастаған Қазақстан командасы Жапониядағы әлем кубогіне қатысады

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу