5G белесі: Қазақстан жаңа интернет жылдамдығына дайын ба?

Алдағы жылы елімізге 5G интернеті енгі­зілмек. Әрине, сүйіншілеуге лайық хабар. Себебі, бұл Қазақстанның әлемдік трендтен тыс қалмай, жетістіктер жетегіне ілесіп келе жатқандығының тағы бір дәлелі.

Егемен Қазақстан
16.08.2018 1646
2

Айшылық алыс жерлерден жылдам хабар алғызған» қазіргі заманда еңбектеген баладан, еңкейген қарияға дейін интернеттің игілігін көріп отырғаны рас. Адамзат баласы бүгінде түрлі құрылғылардың көмегімен сан сипаттағы байла­ныстың, сан қырлы қарым-қатынастың, мол мүмкіндіктердің жемісін көріп жүр. Иә, қарыштап дамыған ақпараттық технология ғасырының ғажайыбы көп-ақ. Ал сол ғажайыптарды қолданудың амалдары интернет арқылы жүзеге асатын болса, ендігісі сол интернеттің де түрлі деңгейдегі сатысы заман қуып жоғарылай түсуі тиіс.

Себебі қазіргі технологиялардың тың, заманауи жетістіктерін игеріп, мүмкіндігін жүзеге асыру үшін ескі стандарттың әлі жете бермейді. Қарапайым ғана мысал, ұялы телефондар алғаш шыққан кездері оны тек сөйлесу құралы ретінде ғана пайдаландық, ешбір сымға қосылмай-ақ әлгі құрылғының көмегімен сан мыңдаған қашықта тұрған адамның дауысын есту керемет жаңалық еді. Одан соң суретті хабарламалар, яғни sms-тің орнын ммs-хабарламалар басты.

Бұдан әрі жетістік тізбегі жыл санап жылдамдай берді. Ұялы телефондардың орнын смартфондар алмастырды. Сурет түгілі, бейне байланысқа дейін шығуға мүмкіндік туды. Осылайша ұялы байланыс желісі пайда болғаннан бас­тап қазіргі күнге дейін жедел даму жолынан өткен бұл салада, пайдаланушы құрылғылардың жаңа түрлері – смартфондар мен планшеттер пайда болды. Ал оның жетілуі оған қосылатын интернеттің де жылдамдық мүмкіндігін арттыруды талап етеді.

Бұл ретте, әлемдік тәжірибе көр­сет­кен­дей, ұялы байланыс стандарт­тарының жаңа буыны әр 10 жыл сайын әзірленіп отырады. Мысалы, 1981 жылы бірінші стандарт – 1G пайда болып, әлемді тамсандырса, 1992 жылы  2G желісі іске қосылып, адамзат ақылының одан әрі артқандығын көрсетті. Ал 2001 жылы ол да ескіріп, 3G форматына көшті. 2010 жылдың аяғында сол кез үшін үлкен мүмкіндіктерді жүзеге асыратын 4G стандарты енгізілді. Ал қазір қолданыстағы 3G/4G шеше алмайтын жаңа технологиялар пайда бола бастады. Ендеше 5G стандартының да ауылы алыс емес. Бұл 2020 жылға қарай енгізіледі деп күтілуде.

Негізінен аталған трендтерден тыс қалмауға талпыну – әр елдің мақсаты, алға ілгерілеуінің көрсеткіші. Сондықтан осы бастан сол деңгейді уақтылы игеруді ой­лап, жүйелі жұмыстар жүргізілуі тиіс. Бұл тұрғыда еліміз «Цифрлы Қазақ­стан» бағдарламасы жүзеге асырылып жатқаны белгілі. 

Бүгіннің өзінде 4G форматын иге­ріп отырған еліміз келесі сатыға да уақы­тын­да көшуге дайын. Мұны Үкімет отыры­сында Ақпарат және коммуникациялар министрі Дәурен Абаев мәлімдеді. Ми­нистрдің айтуынша, 5G ұялы байланысын Қазақстан Республикасының аумағына енгізу Халықаралық электр байланысы одағы 5G стандартын қабылдағаннан кейін мүмкін болмақ. Ал бұл шешімді 2019 жылы Египеттің Шарм-эш-Шейх қала­сында өтетін Дүниежүзілік радиобайланыс конференциясында қабылдау жоспарланған. 

Ағымдағы жылы министрлік Оңтүстік Африка Республикасының Дурбан қаласында өтетін ITU Telecom-2018 Дүниежүзілік шарасына, сондай-ақ биыл Біріккен Араб Әмірліктерінің Дубай қаласында өтетін Халықаралық электр байланысы одағының конференциясына қатысуды жоспарлап отыр. Аталған шараларда әлем бойынша ақпараттық коммуникациялық саласындағы инновациялық шешімдер, соның ішінде 5G технологиясын жеделдетуге бағытталған ықпалды платформа қамтылады. Халықаралық электробайланысы одағы 5G стандартын қабылдағаннан кейін ғана телекоммуникациялық жаб­дық­тарды өндірушілер қабылданған стандарт бойынша жұмыс істейтін тиісті құрылғыларды жаппай өндіруді бастайды.

Еліміздің Ақпарат және коммуникациялар министрлігі 2019 жылдың 2 тоқсанында 5G ұялы бай­ланыс технологиясын қанатқақты тестілеуден өткізуді жоспарлап отыр. 5G ұялы байланысын тестілеу үшін министрлік жиіліктерді іріктеу жұмы­сын Астана, Алматы  қалаларында және Ақмола, Алматы облыстарында жүргізуде. Сонымен бірге Қорғаныс министрлігімен келісілген жиілік ресурс­та­ры операторлардың біреуінде ғана 5G технология­сын тестілеуден өткізу жеткілікті. Яғни министрлік жуық арада 5G мобильді байланыс технологиясын тестілеуден өткізу үшін байланыс операторын анықтамақ.

«Халық ертең бізге 5G стандарты не үшін қажет деп сұрауы мүмкін. Бұл ең алдымен жылдамдығы жоғары интернетпен қамтамасыз етеді. Кейбір сарапшылар 5G қосылған жағдайда пилотсыз көлік жүргізуге мүмкіндік пайда болатынын айтып отыр. Мысалы, бұл 4G мобильді байланыс технологиясымен салыстырғанда жылдамдығы 40 есеге артық технологияны ұсынады. Интернет еш кедергісіз жұмыс істеген жағдайда көптеген артықшылыққа қол жеткіземіз. Денсаулық сақтау саласында нақты уақыт режімінде қашықтықтан күрделі операциялар жүргізуге қолдануға болады. Қауіпті аймақтарда (кен орнында немесе құрылыс барысында) экскаваторды, кранды кабинетте немесе орталық басқару бөлмесінде отырып-ақ  белгілі қашықтықтан басқаруға мүмкіндік туады», дейді 5G стандартының артықшылықтары жайлы Д.Абаев.

Шындығында, «Цифрлы Қазақстан» бағдарла­масы аясындағы осы бағыттар жүйелі жүзеге асатын болса ел халқына мемлекеттік қызмет көрсетудің сапасы артады. Медицина, білім беру, онлайн сау­да мен тағы басқа да бағыттар дамиды. Еліміздің экономикасын нығайтып, әлеуметтік бағыттардың өркендеуіне үлкен мүмкіндік береді. Сапалы интернет ауыл мен қала арасындағы теңсіздікті жоюға да ықпал етуге тиіс. 

Динара БІТІК,

«Егемен Қазақстан»

СОҢҒЫ ЖАҢАЛЫҚТАР

25.09.2018

Сенат комитетінде діни қызмет және діни бірлестіктер мәселелері туралы заң жобасы қаралды

25.09.2018

Игорь Чжан: Велосипедтің кесірінен жүлде алмадым

25.09.2018

Әл-Фараби атындағы ҚазҰУ QS рейтингінде тағы да алға жылжыды

25.09.2018

142 үміткерге «Болашақ» стипендиясы тағайындалды

25.09.2018

Жақсы өсім - нәтижелі жұмыстың кепілі

25.09.2018

Инвесторлармен ортақ келісімге келді

25.09.2018

«Egemen Qazaqstan» газетінің журналисі марапатталды

25.09.2018

Қазақстан Экономикалық ынтымақтастық ұйымын нығайтуға және реформалауға шақырды

25.09.2018

Қазақстан Нельсон Мандела Бейбітшілік саммитіне қатысты

25.09.2018

Астана тұрғыны 10-қабаттан құлаған баланы тосып алды

25.09.2018

Қ. Қасымов ұялы телефондар ұрлығының жолын кесу шаралары туралы айтып берді

25.09.2018

Назарбаев Университетінде тың жобалар таныстырылды

25.09.2018

Нәубәт Қалиев қайтыс болды

25.09.2018

Үкіметте өңірлерді дамытудың 2020 жылға дейінгі мемлекеттік бағдарламасының жобасы мақұлданды

25.09.2018

Астаналық журналистің өліміне қатысты күдіктіні іздеу шаралары басталды

25.09.2018

АӨК цифрландыру аясында 20 цифрлық және 4000 дамыған ферма құрылады

25.09.2018

Жағажай волейболынан әлем чемпионатының іріктеу турнирі өтеді

25.09.2018

«Барыс» Мәскеуде «Динамоны» ұтты

25.09.2018

Бүгін Бакуде белдескен қос балуанымыз ұтылды

25.09.2018

«Хат қоржын» (25.09.2018)

ТАҒЫ ЖҮКТЕУ
КОЛУМНИСТЕР

Сұңғат ӘЛІПБАЙ, «Егемен Қазақстан»

Tirshilikti mádenıet bıleıtin qoǵam

Osy ýaqytqa deıin jeke adamnyń tirshiligin, turmys jaǵdaıyn onyń bilimi men eńbekqorlyq qasıetiniń bılep kelgendigi belgili. Adamdar kóp jaǵdaıda qoǵamnan bilimine saı oryn alyp otyrdy. 

Асан Мирас,

Ulaǵat pen muraǵat

Qaıǵyly ólimi qalyń jurttyń qabyrǵasyn qaıystyryp, qyrshyn ǵumyry qıylǵan óner, mádenıet, sport sańlaqtary qaı ultta bolsyn az emes. Ondaı has talanttardy halyq eshqashan umytpaıdy. Talanttardyń fánıdegi taǵdyry kelte bolǵanymen, halyqtyń júregi men jadyndaǵy ǵumyryn myńjyldyqtarmen ólsheýge bolady. Aıtalyq, áıgili grek ańyzyndaǵy aıbyndy batyrlar Ahılles pen Gektordyń esimderi dáýirlerden dáýirlerge kóshe júrip, ult sanasynda jarqyrap ǵumyr keshýde. Ańyzdyń epıloginde aıtylǵandaı, keıingi urpaq tıtandardy máńgi eske tutatyn bolady. Tipti, grektiń búkil tarıhy áli kúnge deıin ataqty Gektor men Ahıll shaıqasyna baılanysty óriledi. Biz muny nege aıtyp otyrmyz? Qaı ult bolmasyn, esimi elge eleýli tulǵalaryn este qaldyrýdyń esti joldaryn ustanady. Qazaq tarıhyn aqtarsaq ta, ádebıet betterin paraqtasaq ta túrli klassıkalyq joqtaý úlgilerine jolyǵatynymyz sózsiz. Joǵarydaǵy dańqty grek batyry Ahıllestiń de atyn aqıqatqa bergisiz asqaqtatqan áıgili Gomer abyz. 

Қарашаш ТОҚСАНБАЙ, «Егемен Қазақстан»

Qasiet pen qasiret

«Dánikkennen qunyqqan jaman» degen sózge mán bersek, munda úlken fılosofııalyq maǵyna bar. Táýba, bireý bireýden nan surap jeıtin zaman emes qazir. Toqshylyq zaman. О́zimizdi qoı ústine boztorǵaı jumyrtqalaǵan barshylyqta, etek-jeńniń keń kezinde dúnıege kelgen, zárýlik kúıin sezinbeı ósken urpaqqa balaımyz. Dastarqannan nan, maı, qant, sút, qaımaq eshqashan úzilgen emes. Sonymyzben baı sanalmasaq ta, bardyń sanatynan bolatynbyz... Qudaı saqtaı gór, taǵamǵa talǵam-talabymyzdyń sharyqtap ósip ketkeni sonshalyq keıde dastarqannan búginde nan qoıylatyn bos oryn tappaı qınalatynymyz ras. Sóıte tura, toqshylyq zamanda ómir súrip jatqanymyzdy sezinbeıtinimiz jaman. Moıyndaǵymyz kelmeıtini qorqynyshty. 

Сұңғат ӘЛІПБАЙ, «Егемен Қазақстан»

Minez adamnyń taǵdyry ma?

Qazir Elbasynyń «Bolashaqqa baǵdar: rýhanı jańǵyrý» baǵdarlamasy týraly jıi áńgime qozǵalýda. Jańa turpatty jańǵyrýdyń eń basty sharty – ulttyq kodyńdy saqtaı bilý, ıaǵnı zaman jańalyqtaryn qabyldaı, oǵan ún qosa otyryp, basqa ulttardan árdaıym erekshelendirip turatyn ózińniń ulttyq bolmysyńdy, qazaqy qalybyńdy damyta bilý ekendigi aıtylýda.

Жұмабай ШАШТАЙҰЛЫ, «Егемен Қазақстан»

Esti men eski

Elektrondy aqparat quraldaryn qosa qalsań-aq jarq etip shyǵa keletin ánshilerdiń bitim-bolmystarynan syr aýlaı uzaq qadalatynyń bar. Qyz-jigitterdiń arasynda burynnan biletiniń ıa qatarǵa jańa-jańa ilingenderiniń oryndaǵan ánderine qulaı elikpeseń de – beker obaldary káne, beıjaı tyńdap otyrǵyzbaıtyn izdenisteriniń qýaty barshylyq. Bul salanyń jetik bilgiri sanalmasań da, tańdaǵan repertýaryna ózińshe kóńil aýdaryp, naqyshyn ishki tarazyńmen ólshep, órnek ıirimin oısha saraptaısyń ǵoı, baıaǵy. 

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу