Ақтөбеге Қарағанды облысынан мектеп оқушылары мен жетек­шілерден құрылған топ келді

Халқымыздың тамаша ақыны, сөз зергері, Мемлекеттік Әнұран автор­ларының бірі Жұмекен Нәжімеденовтің анасына арнаған өлеңінің бір шумағы: Туған жер деп, туған жер, Үй маңынан кетпедің. «Туған жерді бір ғана, Қошалақ құм деп пе едің!»,  деп өріледі. Сәл ой жүгірте қара­саңыз осы бір ауыз шумақта терең мән мен мағына жатқандай көрінеді. Яғни мұнда туған жер төркінін туған елге ұластыра білу ұғымы бар. Екінші бір ой тұрғысынан қарағанда бұл өлең жолдары Елбасы ұсынған «Туған жер» бағдарламасымен үндес. Оның ауқымы ізінше оп-оңай кеңейіп туған елге айналады деп түйін жасайды Мемлекет басшысы.

Егемен Қазақстан
20.08.2018 2232
2

− «Рухани жаңғыру» бағ­дар­ламасын басқару бойын­ша рес­пуб­ликалық кеңсе бас­­­тамашы болып отырған оқу­шылардың өлкетану акция­сы да Президент алға қойған міндеттер мен «Туған жер» арнайы жобасы аясындағы облысаралық сан алуан іс-шаралардан тамыр тартады. Бұл білім мен тәрбие беру ісінде өлкетану жұмыстарының ауқымын мейлінше кеңейте түсуге мүмкіндік береді. Орта мектепте туған жердің тарихы мен оның киелі жерлерінің құ­пиясы мен тылсым сырын жан-жақты түсіндіру – па­трио­тизмнің ең жақсы үлгісі. Осы орайда еліміздің әр ай­мағындағы жас өрендердің өзге облыстардағы көрнекті орын­­дармен танысуының, бұл­ үшін бір апталық арнайы бағыт­­тар белгіленуінің берері мол. Ақтөбеге Қарағанды облысынан мектеп оқушылары мен жетек­шілерден құрылған 67 адамның келуі осындай мақ­сатты көздейді, − деді Ақтөбе об­лыстық білім ба­с­қар­­­­­ма­сының басшысы Ляззат Оразбаева.

Қарағанды облыстық бі­лім басқармасының өкілі Әлі­бек Бисенбаевтің сөзіне сүйенсек, өткен шілде айында 60 ақтөбелік жасөспірім Сарыарқаның сары даласына туристік-экс­курсиялық сапармен барып қайтыпты. Жас­ қонақтарды қарсы алу және оларды өңірдегі киелі нысан­дар­мен таныс­тыру ке­зегі мен эстафетасы енді­гі кезекте ақтө­беліктерге келіп­ті. Атап өтерлік мәселе, 60 қа­рағандылық оқушы­­ның бас­ты құрамын арнайы­ мек­теп-интернаттардың тәрбие­ленушілері мен тұрмысы төмен аз қамтылған отбасылардың балалары құрайды.

Үш күннің ішінде экскур­сиялық бағыт бойын­ша жас­ қо­нақтар танысатын өңір ға­жайып­тары мол. Қа­рағандылық оқушылар ал­ғашқ­ы танысқан нысандардың бірі − облыс орталығында өткен жылы ашылған «Жекпе-жек сарайы». Мұнда спорттың жекпе-жек түрлері бойынша­ республика чемпионаты мен ха­лықаралық турнирлер өт­кі­зіліп келеді. Сондай-ақ сары­арқалық ұл-қыздар өңірлерде баламасы жоқ Шығармашылық академия ғимаратында өздерінің тұрғыластары шұғылданатын студияда болған кезде қызы­ғушылығын жасыра алмады. Ал «Жұбановтар әлемі» мұражай үйі өзінше бір әлем, өзінше бір сырлы дүние десе де болады. Қайталанбас таланттардан тұратын музыкалық  әулеттен өр­біген нағыз академиктердің өмір жолы мен қызметі әрі қа­зақ өнері мен мәдениетіне және ғылы­мына қосқан сүбелі үлес­і жас­өспірімдерге мол әсер қал­дырды.

Кеңес одағының екі дүркін батыры Талғат Бигелдинов атын­дағы әуе қорғанысы күштері әскери институтындағы әуе тех­­никасы музейі де еліміздегі айрықша нысандар қатарына кіреді. Бұл арада алған әсерін 11 жастағы қарағандылық жас қыран Кирилл Чикалов былайша білдірді.

– Ұшқыш отырған кабинаға кіріп, оның штурвалын көрген кезде мені айрықша сезім биледі. Оны қалай басқаруға болатынын тыңдаған сәтімде қиялым тағы да көкке өрлеп кетті. Осы кезде туған жер мен Отанымды кез келген уа­қыт­­та қорғауға әзір болуым керектігін терең түйсінгендей болдым.

Ал 13 жасар Мөлдір Есен­жол­ға шығыстың батыр қызы Әлия Молдағұлова мұра­жа­йы үл­кен әсер қалдырыпты. − Мер­гендікпен нысанаға дәл көздеу қасиеті ата-анамыздың қанымен беріле ме екен, жоқ әлде бұл үзбей жаттығудың нәтижесі ме, қайткенде де Әлия апама ұқсағым келеді. Майданнан жазылған хаттар мен әскери киімдер де кө­­ңілімді босатумен бірге, ерік-­жігерімді ұштағандай күй кеш­тім. Ақтөбе көрікті қа­ла екен. Маған мұндағы көр­некті орындардың бәрі де ұна­ды, − дейді батылдығы мен өжет­тігі көзінен көрініп тұрған қар­шадай қыз.

Өз кезегінде Қарағанды облы­сының жетекші өкілі Ха­мит Ибрагимов танымдық тұр­ғыдан  жан-жақты әрі терең ойлас­тырылған экскурсия бағ­дар­ламасы оқушылармен бірге ересектер үшін де аса тартымды болғанын айтып берді. Ақтөбе аймағындағы сакралды нысандардың, соның ішінде ХVII-XVIII ғасырлардан сыр аңғартатын Абат Байтақ және Қыз Әулие кесенелерімен және Қобыланды мен Есет батыр мемориалдық кешенімен танысу сәтінде үлкеніміз бар, кішіміз бар − бәріміз бірдей ғасырлар қойнауымен қауыш­қандай күй кештік. Өткенсіз бүгін жоқ. Өткен тарихымыз бен салт-дәстүр­лерімізді қастерлеу арқылы ғана өр­кениет көшіне бет түзей алатынымыз анық. Ақтөбе сапары бізге осы ақиқатты тағы бір дәлелдеп берді, деді ол одан әрі. Қобда топырағында және Алға ауданындағы «Күншуақ» сауықтыру лагерінде болған кезінде еліміздің орталығы мен батысындағы балғын жастар бір-бірімен етене жақындасып, емен-жарқын ой-пікір алмасып, спорт түрлерінен жолдастық кездесулер өткізді. Қалай дегенде де, балдырғандардың ойлау қабілеті мен дүние­та­ным шеңберінің өсуі экскур­сия­ның ең басты олжасы мен құн­дылығы болып қала бермек. Олар арайлы Ақтөбе ай­ма­ғынан елімізде осындай қызықты да тартымды экскурсиялар мен жорықтар жиірек бола түссе екен деген тілекпен тарқасты.

Темір Құсайын,

«Егемен Қазақстан»

Ақтөбе

Суретте: қарағандылық жас қырандарды қарсы алу сәтінен көрініс

СОҢҒЫ ЖАҢАЛЫҚТАР

17.11.2018

Павлодарда 524 полиция қызметкері пәтерге мұқтаж

17.11.2018

Дулат Қажанов: Оңтүстік тұрғындарын Күршімге шақырамыз

17.11.2018

Таразда Ауыл шаруашылығы қызметкерлерінің күні аталып өтті

17.11.2018

Қызылордадағы ЖКО: 29 адам ауруханада, 45-і үйіне оралды

17.11.2018

Қызылордада жолаушылар автобусы соқтығысты

17.11.2018

Атырауда балық шаруашылығы басқармасының басшысы тағайындалды

17.11.2018

Астанада дзюдодан Қазақстан Чемпионаты өтті

17.11.2018

Таразда «Туған жерге туыңды тік!» форумы өтті

17.11.2018

Ақ Жайықтың жастарында жігер көп

17.11.2018

Оралда қоғамдық ұйымдардың VIII форумы өтті

17.11.2018

17 қарашаға арналған ауа райы болжамы

16.11.2018

Қазақстан туризмін дамытудағы кезекті қадам

16.11.2018

Абылай ханның Галдан Цереннің тұтқынында болған жері табылды

16.11.2018

Қазақстан қор биржасы 25 жылдығын қорытындылады

16.11.2018

Әйелдер істері және отбасылық-демографиялық саясат жөніндегі ұлттық комиссия отырысы өтті

16.11.2018

Атыраулық Қаһарман Қисметов  Әлем чемпионатының қола жүлдегері атанды

16.11.2018

Қазақ жігіті америкалық хоккей командасының капитаны атанды

16.11.2018

​Қазақстан БҰҰ Қауіпсіздік Кеңесінің Эритреяға қарсы санкцияларды жою туралы қарарын қолдады

16.11.2018

Алматыда белгілі сахна суретшісі Мұрат Сапаровтың көрмесі өтті

16.11.2018

ШҚО Зайсан ауданында Баймұрат батырға ескерткіш қойылды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Esi ketken eskini alady

Búginde avtomobıl degen burynǵydaı baılyqtyń, sol kólikti satyp alǵan adamnyń áleýmettik jaǵdaıynyń jaqsy ekendiginiń kórsetkishi bolýdan qalyp barady. Bir úıde eki, keıde úsh avtokóliktiń bolýyn, tipti keıbir jumyssyz júrgenderdiń de avtokólik satyp alýyn oǵan mysal retinde keltirýge bolady. Osy oraıda avtomashınalardyń sonshalyq kóbeıip ketýiniń syry nede degen saýaldyń týyndaýy da zańdy. 

Сұңғат ӘЛІПБАЙ, «Егемен Қазақстан»

Qala jáne qazaq

Astana – jastar qalasy. Qala kóshelerinde kele jatyp aınalańa qarasań kóbinese jastardy kóresiń. Demek, Astana – bolashaqtyń qalasy. Osy Astana arqyly qazaqtardyń qala halqyna aınalyp kele jatqandyǵyn jáne aınala alatyndyǵyn anyq baıqaýǵa bolady.

Қарашаш ТОҚСАНБАЙ, «Егемен Қазақстан»

Mádenıetti adam. Ol kim?

Osy keıde on ekide bir gúli ashylmaǵan kókórim jastarǵa albyrttyqtyń saldarynan jibergen aǵattyǵy men qateligin túzeý maqsatynda apalyq qamqorlyqpen azǵantaı bir aqyl-keńes aıta bastasań, munyńdy muqatý, tuqyrtý dep oılaıtyndaryna túsinbeısiń.  Olardyń bári syndy solaı qabyldaıdy degen pikirden aýlaqpyz árıne, biraq kúndelikti ómirde mundaı jaıtqa jıi tap bolyp jatatynymyz ras endi. Munan soń aldyńǵy tolqyn apalarymyz ben aǵalarymyzdyń aldarynan kese-kóldeneń ótpeı, jumsaǵan jaqtaryna quldyrańdaı usha jóneletin baıaǵy bizdiń kezimizdegi jastardyń eleýsiz ǵana eskertilgen úlkenderdiń áńgimesinen keıin endigári sol kemshilikti qaıtalamaýǵa tyrysatyn elgezektigi, qarapaıymdylyǵy, kishipeıildigi, ıbalylyǵy sanamyzǵa saǵynysh sazyndaı sarqyla oralady. 

Арнұр АСҚАР, «Егемен Қазақстан»

Sheraǵań shertken sher

Qazaq jýrnalıstıkasynyń qara narlary Sherhan Murtaza men Kamal Smaıylovtyń «Egemendegi» hattary kezinde qoǵamdyq sanaǵa serpilis ákelgeni málim. «Qadirli Kamal Dos!», «Qadirmendi Sherhan!» dep bastap, el ómiriniń qaltarys-bultarystaǵy búkil problemasyn jipke tizip kórsetken, odan shyǵatyn jol izdegen eki tulǵanyń hattaryn qazir oqysań, alysty boljaı bilgen kóregendigine eriksiz tańǵalasyń. 

Сүлеймен МӘМЕТ, «Егемен Қазақстан»

Sotqa silteı salý sán be?

Qara qyldy qaq jaryp, ádildikti aıtqan qazaq bıleriniń bılik qaǵıdasy: «Týra bıde týǵan joq, týǵandy bıde ıman joqqa» negiz­delgeni málim. Qasqaıyp turyp qamshysyn aldyna tastap: «Baı bolsań halqyńa paıdań tisin, batyr bolsań dushpanǵa naızań tısin. Baı bolyp paıdań tımese, batyr bolyp naızań tımese jurttan ala bóten úıiń kúısin» dep Áıteke bıdiń shamyrqanǵany, judyryqtaı jumylǵan Qazybek bıdiń Qońtajyny bılik aıtý kezegi tıgende: «Sózdi óńmenime suǵyp aıtqan kezde, eki ıyǵynan eki aıý aýzynan ot shashyp «typyr»» etshi, «kóreıin» dep turdy. Kórdińiz be, bılik aıtqan adam sózimen de kózimen de, susymen de yqtyra alady eken. Qazaq bıleri dala zańynyń oryndaýshylary bolǵan. Tek ádildikti tý etip kótergen onyń aldynda han da qara da birdeı jaýap bergen.

ҰҚСАС ЖАҢАЛЫҚТАР

Тағы да оқу

Пікірлер(0)

Пікір қосу