Сенім грамоталарын қабылдады

Елбасы Нұрсұлтан Назар­баев бірқатар мемлекеттің елшілерінен Сенім грамотасын қабылдады. Президент өз сөзінде дипломаттардың қызметіне ресми кірісуімен құт­тықтап, бұл әр дипло­мат­тың өміріндегі жауапты да қуанышты сәт екенін атап өтті.

Егемен Қазақстан
23.08.2018 3026
2

Рәсім барысында Нұрсұлтан Назарбаевқа Ливанның Төтенше және өкілетті елшісі Жискар Әл-Хури, Украинаның Төтенше жә­не өкілетті елшісі Иван Кулеба, Бра­зи­лияның Төтенше және өкілет­ті елшісі Марсия Доннер Абреу, Германияның Төтенше және өкілетті елшісі Тило Клин­нер, Пәкістанның Төтенше және өкі­летті елшісі Имтиаз Ахмад Ка­зи сенім грамотасын тапсырды.

Мемлекет басшысы Аста­на­ның 20 жылдық мерейтойы атап өтілгенін айтып, қысқа уа­қыт ішінде Қазақстан елорда­сы көп ұлтты халқымызды бірік­тіргенін, сондай-ақ тың идеялар мен инновацияларға жол аш­қанын жеткізді.

«Астана бейбітшілік пен ке­лісімнің жаңа платформасы ре­тінде танылды. Мұнда Еуразия­лық экономикалық одақ, Шан­хай ынтымақтастық ұйымы, Еу­ропадағы қауіпсіздік және ын­тымақтастық ұйымы, Азия­дағы өзара іс-қимыл және сенім шаралары жөніндегі кеңес, Ис­лам Ынтымақтастығы Ұйымы, ЭКСПО көрмесі аясында ма­ңыз­ды құжаттар қабылданды», деді Елбасы.

Сонымен қатар Әлемдік және дәстүрлі діндер көш­бас­шы­лары­ның VI съезін өткізу мә­селе­леріне ерекше тоқталып, ел­дердің делегацияларын осы шараға белсенді атсалысуға шақырды.

«Жуырда біз үздік тәжі­ри­белерге негізделген жаңа «Астана» халықаралық қаржы орталығын аштық. Елдеріңізді осы орталықтың жұмысына атсалысуға шақырамын», деді Президент.

Бұдан бөлек, Қазақстанның жа­һандық дағдарысқа қара­мас­тан тұрақты дамып келе жат­қа­нын мәлімдеп, елімізде эконо­миканың өсіміне қолайлы жағдай жасалғанын атап көрсетті.

«Қазақстан жаңа жағдайға бейімделіп, дәйекті реформаларды жүргізуді жалғастырып келеді. Заманауи талаптарға сай болу үшін цифрландыру және адами капиталдың сапасын арттыруға бағытталған мемлекеттік жобалар жүзеге асырылып жатыр. Елімізде қолайлы инвестициялық ахуал қалыптасып, шетелдік озық технологиялар мен капиталды тарту көзделіп отыр», деді Мемлекет басшысы.

Елбасы Қазақстанның көр­шілес елдермен экономикалық ынтымақтастықты нығайту мақ­сатымен заманауи инфра­құ­ры­лымды белсенді дамыта түске­нін, «Батыс Қытай – Батыс Еуро­па» халықаралық көлік дәлізі­нің 2,7 мың шақырымға созыла­тын қазақстандық бөлігінің құ­ры­лы­сы толық аяқталғанын атап өтті.

«Осы айда Ақтау қаласында өткен Бесінші Каспий саммитінде Әзербайжан, Иран, Қазақстан, Ресей және Түрікменстан басшылары Каспий теңізінің құқықтық мәртебесі туралы конвенцияға қол қойды. Онда қауіпсіздік және эко­логия мәселелерімен қатар, Кас­пий маңы елдерінің инфрақұры­лы­мын одан әрі дамыту, көлік желісінің әлеуетін арттыру қарас­тырылған. Құ­рық порты­ның іске қосылуы Транскаспий бағыты бойынша жүк тасымалдауды қамтамасыз етті. Соның арқасында, 2020 жылға қарай бюджетке жылына 5 миллиард доллардан астам қосымша кіріс түседі, ал Қазақстан өнімдері әлемнің 120-дан астам елінің нарығына жеткізіледі», деді Н.Назарбаев.

Сондай-ақ Қазақстанның сыртқы саясаты сындарлы ынты­мақ­тастық пен прагматизм қағи­даттарына негізделгенін атап өтіп, Астана екіжақты және көпжақты байланыстарды одан әрі дамытуға баса көңіл бөлетінін айтты.

Н.Назарбаев Германиямен бү­гінгі екіжақты қарым-қаты­на­сымыз стратегиялық деңгейге көте­­рілгенін атап өтіп, ел прези­денті Франк-Вальтер Штайн­майердің Астанаға алғашқы ресми сапары және ЭКСПО-2017 көр­месіне қатысуы екі ел арасындағы ынтымақтастыққа тың серпін бергеніне тоқталды.

«Біз германиялық әріптес­тері­мізбен бірлесіп, Қазақстанға төр­тінші өнеркәсіптік революция элементтерін енгізуге, озық технологиялар мен инвестиция тарту жөніндегі жұмысты жалғастыруға ниеттіміз. Қазақстандағы неміс диаспорасы елдеріміз арасындағы «алтын көпір» деп білеміз», деді Елбасы.

Мемлекет басшысы өткен жыл­дар ішінде Қазақстан мен Ук­раина едәуір жетістіктерге қол жеткізгенін айтып, екі елді достық пен ынтымақтастыққа негізделген тарихи байланыстар біріктіретінін атап өтті.

«Былтыр елдеріміздің өзара сауда айналымы 19 процентке өсті. Қазақстанда Украинаның қа­ты­суы­мен жұмыс істейтін кә­сіп­орын­дар­дың саны да артып келеді. Біз экономикалық ынты­мақ­тас­ты­ғымызды, әсіресе өн­ді­ріс пен ауыл шаруашылығын­дағы бай­ланыстарымызды одан әрі өр­кендете түсуіміз қажет», деді Пре­зидент.

Н.Назарбаев Пәкістан Қазақ­станның Оңтүстік Азиядағы ма­ңызды әрі перспективалы серік­тесі саналатынын атап өтіп, Пәкістан Шанхай ынтымақтастық ұйымының толық мүшесі ретінде оның жұмысына тың серпін беретініне сенім білдірді.

«Сауда-экономика сала­сын­дағы байланысты нығайту мақ­сатымен бірлескен Үкіметаралық комиссия мен Іскерлік кеңестің жұмысын жандандырып, тиісті «Жол картасын» қабылдау қа­жет», деді Мемлекет басшысы.

Президент биыл Бразилиямен арадағы дипломатиялық қарым-қатынастардың орнағанына 25 жыл болғанын айтып, бұл елдің Латын Америкасындағы рөлі зор екенін атап өтті.

«Мен 2016 жылғы қыркүйекте «Үлкен жиырмалық» форумы аясында Бразилия Президенті Мишел Темермен кездестім. Онда біз екіжақты қатынастарды жаңа сапалы деңгейге көтеру жолдарын талқыладық. Осыған орай, технология, ауыл шаруашылығы, машина жасау, жеңіл өнеркәсіп салаларында бірлескен жобаларды іске асыруды жандандыру қажет. Орнатылған визасыз режім елдеріміздің мәдени-гуманитарлық ынтымақтастығын ілгерілетуге септігін тигізеді деп ойлаймын», деді Н.Назарбаев.

Елбасы ширек ғасыр ішінде Ливанмен достық байланыстарымыз өзара түсіністік пен әріптестік рухында қалыптасқанын айтты.

«Бүгінде Қазақстанда Ливан­ның бірқатар компаниялары табысты жұмыс істеуде. Бірлескен Үкіметаралық комиссия құру, іскер топтар өкілдерінің өзара сапарларын ұйымдастыру екі жақты байланысқа тың серпін беретініне сенімдімін. Біз Бейруттің Таяу Шығыс аймағында тұрақтылық пен қауіпсіздікті орнатуға бағыт­талған күш-жігерін жоғары баға­лаймыз», деді Президент.

Соңында Нұрсұлтан Назарбаев рәсімге қатысушыларды Қазақ­стан­дағы дипломатиялық мис­сия­ларының басталуымен тағы да құттықтап, олардың қызметтері ел­деріміз арасындағы достық пен сенімді одан әрі нығайта түсетініне сенім білдірді.

Салтанатты рәсімнен кейін елшілер журналистерге сұхбат беріп, алдағы жұмыс жоспары­мен бөлісті. Ливан елшісі Жискар Әл-Хури өз елінде Қазақстанның жетістіктерін жіті қадағалап отыратынын жеткізіп, Қазақстанның ядролық қарудан азат әлем құру идеясын, БҰҰ Қауіпсіздік Кеңе­сінде көтерген бастамаларын қол­дайтынын мәлімдеді. «Ли­ванда да көпұлтты саясат ба­сым­дыққа ие. Екі мемлекет ара­сындағы достық ынтымақтас­тық­ты күшейтіп, Таяу Шығыс пен Ор­та­лық Азияда қауіпсіздікті сақтау­ға мүмкіндік беріп отыр», деді елші.

Журналистермен қазақша амандасқан Бразилия елшісі Марсия Доннер Абреу екі ел арасындағы ұқсастықты тілге тиек етті. Оның айтуынша, Бразилия Еура­зия­лық экономикалық одақ­пен тиімді әріптестік орнатуға мүд­делі. Әсіресе, Латын Амери­ка­сын­дағы беделді ұйым саналатын, құрамында Аргентина, Брази­лия, Уругвай секілді мемлекет­тер бар МЕРКОСУР ұйымы да ЕЭО-мен байланыс жасауды қолдайды.

Германия елшісі Тило Клиннер екіжақты сауда-экономикалық байланыстың жоғары деңгейде екенін атап өтті. Оның айтуынша, тауар айналымының құны 6 миллиардтан асқан. Т.Клиннер мұны 10 миллиардқа жеткізуге мүм­кін­дік бар екенін жеткізді. Соны­мен қатар елші неміс компания­ларының Қазақстанда жұмыс істеуге мүдделі екенін жеткізді.

Украинаның Төтенше және өкілетті елшісі Иван Кулеба өз елінде Президент Н.Назарбаевтың есімі зор құрметке ие екенін мәлімдеді. Оның айтуынша, биыл Украинада Елбасына арнап кітап шығару жоспарланған.

«Нұрсұлтан Назарбаевтың Украинада тау-кен саласы бо­йынша білім алғаны белгілі. Содан бері 60 жыл өтіпті. Осы тарихи датаға құрмет ретінде Н.Назарбаевқа арналған кітап әзірленіп жатыр. Онда Нұрсұлтан Әбішұлының Украинада өткізген уақыты жайында баяндалады. Жалпы, оның Мемлекет басшысы ретіндегі әрі бітімгерлік қызметі жан-жақты көрсетіледі. Сондай-ақ бұрынғы Днепродзержинск, қазіргі Каменский қаласында арнайы мұражай бар», деді И.Кулеба.

Абай АСАНКЕЛДІҰЛЫ,

«Егемен Қазақстан»

СОҢҒЫ ЖАҢАЛЫҚТАР

18.01.2019

ҰБТ-дан жоғары балл жинаған түлек «Болашақ» арқылы шетелдерде оқи алады

18.01.2019

Батыс Қазақстан облысы әкімінің бірінші орынбасары болып Ғали Исқалиев тағайындалды

18.01.2019

Ақтөбе облысының шаруалары былтыр 228 млрд теңгенің өнімін өндірді

18.01.2019

Полиция департаменті айыппұлды уақытылы төлеуге шақырды

18.01.2019

Елордалық аурухана тұңғыш рет неврологиялық асқынуды азайтатын құрылғыны қолданды 

18.01.2019

Елордалық құтқарушылар жанып жатқан үйден 6 адамды шығарды

18.01.2019

Колумбиядағы жарылыс салдарынан 21 адам қайтыс болған

18.01.2019

Тимур Қожаоғлы: «Егемен Қазақстан» – Еуропа құрлығындағы маңдайалды басылым

18.01.2019

Алматыдағы тікұшақ апатынан кейін «Sky Service» рейстері тоқтатылды

18.01.2019

Геннадий Головкин ұлды болды

18.01.2019

Солтүстік Қазақстанда «Қайырымдылық керуені» акциясы жалғасты

18.01.2019

Головкиннің қарсыластары бір-бірімен жұдырықтасады

18.01.2019

Петропавлда ресейлік бас киімдер көрмесі ашылды

18.01.2019

Ақтөбеде жұмысшылардың еңбек құқықтарын қамтамасыз ету меморандумына қол қойылды

18.01.2019

Алматыда газбен жүретін жаңа автобустар іске қосылады

18.01.2019

СДУ-да IT технологиялары саласында білім беру жобасы басталды

18.01.2019

Мемлекет басшысы «Smart Aqkol» ахуалдық орталығына барды

18.01.2019

Елбасы кітапханасының Ақтөбеде өткен көшпелі көрмесін 120 мыңнан аса адам тамашалады

18.01.2019

Атырауда қазақтың үш биіне ескерткіш орнатылды

18.01.2019

Әліпби де, еміле-ереже де сараптаудан өте түсуі керек - Әлімхан Жүнісбек

ТАҒЫ ЖҮКТЕУ
КОЛУМНИСТЕР

Серік НЕГИМОВ, Қазақстанның еңбек сіңірген қайраткері

Durystyq joly

Jaqsy kisi ataný, tirshilik-turmys, ómir qubylystaryna oı júgirtý, saralap zerdeleý, fılosofıalyq mádenıet qalyptastyrý, tájirıbe jınaqtaý, durystyq, adamshylyq, izgilik, ádildik, degdarlyq jolynda meıirlenip, berekeli qyzmet jasaý, ulttyń ádebi men qaǵıdattaryn jan-tánińmen qabyldaý – naǵyz tabıǵı abzal qasıet.

Жақсыбай САМРАТ, «Егемен Қазақстан»

Bızneske ıkemdilik qaıdan shyǵady?

Adamnyń bızneske ıkemdiligi qaıdan týady degen suraq kóp adamdy oılandyrady. Árıne, motıvasıa kúshti, ol − aqshany kóp tabý. Isker adamdar eshkimniń aldynda ıilmeıdi, «malyń bolsa syılamaı tura almas el» dep Abaı aıtpaqshy, jurtqa da syıly bolady.

Сұңғат ӘЛІПБАЙ, «Егемен Қазақстан»

Bas paıda algorıtmi

Bas paıdany oılaý – búkil adam balasyna tán dúnıe. Ár adam balasynyń «ózim degende ógiz qara kúshim bar» degen qaǵıdat boıynsha tirshilik quratyny túsinikti. Biraq adam balasy qoǵam ishinde ómir súretindikten ár adamǵa tán osy qasıetti shektep ustaýǵa, ony qoǵamdyq múddege nemese qoǵamdyq ortada qalyptasqan tártipke baǵyndyrýǵa týra keledi. О́ıtkeni munsyz qoǵam damı almaıdy.

Сүлеймен МӘМЕТ, «Егемен Қазақстан»

Ońtaılandyrý ońalta ma, omalta ma?

Orta bilim salasyna qatysty taǵy bir ońtaılandyrýdyń qulaǵy qyltıyp, «bul qalaı bastalyp, qalaı aıaqtalady?» degen sansyz suraq kóptiń kókeıin búlkildetip otyr. «Qundylyqtar aýysatyn, shyndyqtar shatysatyn uly ózgerister týysynda ómirdiń ózi karnavalǵa uqsap ketedi», dep Mıhaıl Bahtın aıtpaqshy, bilim salasyndaǵy mundaı reformalardan jurttyń júıkesi juqarý bylaı tursyn, karnavalǵa aınalyp bara ma degen kúdik joq emes. Qabyldanǵan, tolyqtyrylǵan zańdar, ár mınıstrdiń tusynda túzilgen baǵdarlamalar, oǵan bólingen qarjy – «óıtemiz de, búıtemiz» dep keletin jarnamaǵa bergisiz jıyndar, konferensıalar, onda sóılenetin sózder qısapsyz desek, artyq aıtqandyq bolmas.

Сейфолла ШАЙЫНҒАЗЫ, «Егемен Қазақстан»

Úılený men úı bolýdyń arasy

Statıstıka komıtetiniń ótken jylǵy máli­me­tine qaraǵanda, elimizde sońǵy on jylda 1,5 mıllıon jup otaý qursa, osy kezeńde 1 mıl­lıonnan astam jup ajyrasqan. Bul – árbir úshinshi neke buzyldy degen sóz.

ҰҚСАС ЖАҢАЛЫҚТАР

Тағы да оқу

Пікір қосу