Бұра тартудың бұралаңы көп

Нашақорлық ұлт қауіпсіздігіне зор қатер төндіретін індет екенін түсіндіріп жатудың қажеті жоқ. Оған мысалды алыстан іздемей-ақ іргеден келтірсек те жеткілікті. 

Егемен Қазақстан
23.08.2018 3144
2

Құрам түгелімен қызметтен қуылды

Жыл басынан бері облыста 15 мың дана экстаз түймедақтарының, жарты тоннаға жуық марихуана мен гашиштың заңсыз айналымнан алынуы мәселенің күрделі күйінде тұрғанын аңғартса керек. Алайда есірткі заттарын тасымалдау, нашақорлықтың алдын алу секілді міндеттерді адал әрі мүлтіксіз атқарудың орнына осы іске жауаптылардың өздері қылмысқа ұрынып жатса, не үміт, не қайыр? Прокуратура қызметкерлері есірткі бизнесіне қарсы күрес басқармасына қатысты жаға ұстатарлық фактілерді әшкере етті. Атап айтқанда, сесі басым, атағынан ат үркетін құрылымда есірткі заттарын өндіру және сату бо­йынша 35 жалған құжат толтырылып, дәлелдемелер ойдан құрастырылған. Тіпті бақилық болып кеткен мар­құм­дар «куәлікке» тартылып, «жауап» алынған. Араларында А.Винокуров секілді танымал тұлғалар да жүр.

Облыстық ішкі істер департаменті бастығының бұйрығымен жағымды сипаттағы көрсеткіштерді қолдан өсіру мақсатымен қасақана көз­бояу­шылыққа жол берген басқарма бас­шысынан бастап қосшысына дейін түгелімен қызметтен аластатылды. 13 қылмыстық іс бойынша тергеу жүргізіліп, екі іс сотқа жіберілді.

Адам ағзасына тигізер зардабы мен зияны ұшан-теңіз екенін біле тұра есірткі бизнесінің тамыр жаюына көз жұма қараушылардың күштік құрылымдар арасынан табылуы қас­қырға қой бақтырғанмен бірдей-ау!

Тегін дәрінің машақаты

Емханаларда тегін дәрі-дәрмекке мұқтаж жандардың ұзын-сонар кезегі қалыптасып отырған жайы бар.

Зинаида Кузнецова қант диа­бе­тімен көптен бері ауырады. Ем қонуы қиын кеселдің бірден-бір шипасы – тегін дәрі-дәрмек. Инсультты бас­тан кешірген кейуана кезекте төрт сағаттан аса тұрыпты. Өзін нашар сезінгеннен кейін келген ізімен кері қайтуға мәжбүр болған. «№2 емханаға келіп-кетіп жүргеніме бірнеше күн. Ұзын-сонар кезек таусылар емес. Қасқалдақтың қанындай препараттың қолыма қашан тиері белгісіз. Бір келгенімде дәрі бітіп қалыпты», дейді ол таусыла сөйлеп. Қан қысымынан аяғын әзер басып жүрген Антонина Спивакованың айтуынша, кезегі әупірімдеп жеткенімен қажетті дәрі жоқ болып шыққан. Амалсыз сатып алуына тура келген. №1 емханада да дәл осындай жағдай қалыптасқан.

Тегін дәрі-дәрмектер бұған дейін әлеуметтік дәріханаларда босаты­лып келсе, енді бұл міндет емдеу мекемелеріне жүктелгеннен бері проб­лемалардың туындағаны байқалады. Екі емхананың әрқайсысында 11 мыңға жуық науқастың тегін дәрі­ге мұқтаж екенін ескерсек, басшы­лық қызметтің сылбырлығы, маман­дардың жетіспеушілігі, терезелердің толыққанды жұмыс істемеуі секілді олқылықтардан арылып, медициналық қызметтің сапасын жақсартуға барынша күш салмай болмайды.

Батпаққа айналған көше

Қаланың қақ ортасында орналас­қан Ы.Алтынсарин көшесі тұрғын­дарының «Петропавл жылу желілері» ЖШС-не деген өкпелері қара қа­зан­дай. Барар жерлері, басар таулары қалмағаннан кейін жіпсіз байланып отырғанға ұқсайды. Өйтпегенде ше...көшенің астымен өтетін жылу құбырлары былтыр жазда төселсе де, қалпына келтіру сағыздай созылып барады.

Бастапқыда бұл мақсат үшін 40 миллион теңге бөлінді, абаттандыру шаралары көп ұзамай басталады деп сендіргенмен жұбатулары жай алдарқату болып шыққан. Содан бері ұшы-қиыры жоқ уәделер бе­рілгенімен, істің алға жылжитын түрі байқалмайды. Биыл қар еріп, қарғын су сай-саланы қуалай аққанда бәрінен бұрын есту қабілеті төмен балалар­ға арналған мектеп-интернаттың тәрбиеленушілері мен «Айгөлек» балабақшасының бүлдіршіндері үлкен мехнат көрді.

Мәселе тіпті облыстық әкімдіктің аппарат отырысында көтеріліп, аймақ басшысының тікелей тапсырмасымен қала әкімдігі өзара келісімшарт міндеттемесін бұзатындығы жөнінде ескертпе жасаған. Сонда да компания басшылары «біздікі заң, біздікі жөн» дегендей міз бағар емес.

Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімі ма­мандарының айтуынша, көше мен жолдарды жөндеуге берілген кепіл­деме уақыт белгілі-белгісіз себептермен үш рет кейінге шегеріліпті. Енді соңғы мәрте ескертпе жасалып, орын­далмаған жағдайда сотқа жүгінбек.

Батыр Баян көшесінде де апаттық жағдай орын алып, «Қызылжар су» кәсіпорны 80 метрлік құбырды ауыс­тырғанмен, қазылып қалған жерлер әлі күнге дейін үңірейіп тұр. Олқы­лықтың орнын кім толтырады деген сұрақтың басы ашық күйінде қалған.

Соған қарағанда «мен» деп шірене сөйлейтін монополистерге «әй дер әже, қой дер қожа» дейтін ие табылмай тұрған сықылды.

Өмір ЕСҚАЛИ,

«Егемен Қазақстан»

Солтүстік Қазақстан облысы

СОҢҒЫ ЖАҢАЛЫҚТАР

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

17.02.2019

Дәрігерлер балаларды көңілді бимен оятты

17.02.2019

Алакөл ауданында көпбалалы отбасыларға пәтер берілді

17.02.2019

Қазақстан дзюдошылары Еуропа кубогінен екі медаль жеңіп алды

17.02.2019

Жансель Дениз Turkish Open турнирінде жеңімпаз атанды

17.02.2019

Елена Круглыхина могулшылар алдындағы басты міндетті атады

17.02.2019

17 ақпанға арналған ауа райы болжамы

16.02.2019

ҚХЛ: «Барыс» биыл «Авангардтан» төртінші мәрте жеңілді

16.02.2019

Сапарбаев: Бірде бір бала назарсыз әрі қамқорсыз қалмауы керек

16.02.2019

Головкин былғары қолғабын шегеге іле ме?

16.02.2019

Астана қаласы мен үш облыста ауа райына байланысты ескерту жарияланды

16.02.2019

Қарағандыда NASА кездесу өткізді

16.02.2019

БҚО-да көп балалы отбасылар мәселесін шешуге қосымша 500 млн теңге бөлінеді

16.02.2019

Қарағандыда полицияның 200 қызметкері волейбол ойнады

16.02.2019

Қарағанды облысында мектеп жабылып қалды

16.02.2019

Демалыс күндері боран соғып, жауын-шашын болады

16.02.2019

Оралда радиатор зауыты ашылады

16.02.2019

Баянауылда аудандық қысқы спартакиада өтті

16.02.2019

Биыл Батыс Қазақстан облысында 5 жатақхана құрылысы басталады

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу