Тайвань суретшілерінің графикалық жұмыстары бұған дейін Ресейдің мұражайлары арқылы 2017 жылдың соңында Новосібірде, Иркутск көркемсурет мұражайында, содан кейін Том көркемсурет мұражайында көрмеге ұсынылған. Бұл көрмеге 12 символдан тұратын Тайвань суретшілерінің 83 графикалық жұмыстары ұсынылып отыр.
Тайвань Ұлттық бейнелеу өнері мұражайында жыл сайын жыл басы бейнеленген суреттер арасында байқау ұйымдастырылады. Шығыс күнтізбесінде 12 таңба бар: егеуқұйрық, бұқа, жолбарыс, қоян, айдаһар, жылан, жылқы, ешкі, маймыл, тауық, ит, шошқа. 12 жылдық баламалы жануарлар белгілері мен 5 түрлі түсті элемент (жер, металл, су, ағаш, өрт) алпыс жылдық циклды құрайды. Соңғы цикл 1960 жылғы 28 қаңтарда басталған.
Бұл байқау 30 жылдан бері өткізіліп келеді. Аталған байқауға ксилография, литография, шелкография графикаларын басып шығару үшін баспа графикасының әртүрлі әдістемелері бойынша жұмыс істейтін шеберлер шақырылады. Жұмыс заманауи цифрлы технологияларды қолдану арқылы жүзеге асырылады. Байқауға қатысушылардың жасына ешқандай шектеулер қойылмайды.
Соңғы 33-ші конкурс 2018 – ит жылына арналды. Ит жылы Шығыс күнтізбесінде ең қолайлы жыл болып саналады. Ал 2019 жылы 60 жылдық цикл шошқа белгісімен қорытындыланады. «Шығыс күнтізбесі» көрмесі аяқталғанда бірнеше Тайвань суретшілерінің туындылары Ұлттық музейдің қорына табысталмақ.
Бағашар ТҰРСЫНБАЙҰЛЫ,
«Егемен Қазақстан»