Сонымен қатар осы кеште «Астана Опера» жетекші солисі, Арменияның Халық әртісі Барсег Туманян, Түркиядан шақырылған тенор Мұрат Қарахан және Германиядан Родриго Поррас Гаруло өнер көрсетеді. Концертке «Астана Опера» симфониялық оркестрі мен хор қатысады. Дирижер италиялық әйгілі маэстро Франческо Иван Чампа болса, бас хормейстер – Қазақстанның еңбек сңірген қайраткері Ержан Дәуітов.
Кеште халық әндерімен қоса отандық және шетелдік опера классикасының жауһарлары орындалады.
Айта кетейік, Майра Мұхамедқызы Париж ұлттық операсы, Лотарингия ұлттық операсы (Нанси қ.), Кан театры, Ренна опера театры, Бордо театры, Вашингтон ұлттық операсы және т.б. әлемнің ең үздік театрларындағы опера классикасының жауһар туындыларындағы басты партияларды табысты орындады. Бұдан бөлек, ол лондондық Кадоган-холлда, берлиндік Концертхаусте, Венадағы Хофбург сарайында, Париждегі ЮНЕСКО залында, пекиндік «Жон Шань Ли Тан» залында және т.б. Еуропа мен Азияның, Американың беделді залдарында жеке концерттерімен үнемі өнер көрсетеді. Сахнадағы серіктестерінің қатарында – Мирелла Френи, Роберто Аланья, Марсело Альварес, Сергей Лейферкус, Кристина Гайардо-Домес, Стивен Костелло, Бюлент Бэздуз сияқты көптеген опера жұлдыздары бар.
