Тегін дәрі-дәрмекті сатып алу жұмысы басталды

Ата Заңымызда мемлекеттің басты құндылығы адам екені нақты көрсетілген. Осы орайда адам денсаулығы мемлекеттің басты байлығы саналады. Елімізде денсаулықты қорғау саласында кешенді жұмыс атқарылуда. Соның бірі – халықтың белгілі бөлігін тегін дәрі-дәрмекпен қамтамасыз ету шаралары.  

Егемен Қазақстан
28.08.2018 3974
2

Мемлекет басшысы Нұрсұлтан Назарбаев  биылғы Жолдауында «Мемлекеттің міндеттерін нақ­ты белгілей отырып, Тегін меди­циналық көмектің кепілдік беріл­ген көлемінің жаңа моделін әзір­леу қажет» деген болатын. Дә­рі-дәрмекпен қамтамасыз ету­ді жетілдіру бойынша сатып алуды орталықтандыру ісі оның ашықтығын, айтарлықтай үнем­делуін, сол арқылы басқа да нау­қасқа қолжетімділігін, әр па­циенттің қамтылуы арқылы ақпараттық есептілікті қалыптас­тырады. Және электронды сатып алу жемқорлықты жояды. Бүгінде елімізде 3,5 млн адам тегін дәрі-дәрмекпен қамтылған. Жуырда 2019 жылға тегін медициналық көмектің кепілдік берілген көлемін қамтамасыз ету үшін дәрілерді сатып алу басталды.

Үкімет қаулысымен бекі­тілетін Тегін медициналық кө­мек­тің кепілдік берілген көлемінің (ТМККК) қазіргі форматы 2004 жылы жасалды. Жыл сайын жа­ңарып отыратын құжатта тегін медициналық көмектің барлық түрі мен формасы, қызмет көр­сету тәртібі және ақысы, мемле­кет тарапынан төленбейтін қызмет­тердің кейбір түрлері көрсетіледі. Осыған сәйкес биыл дәрілік заттар мен медициналық мақсаттағы бұйымдарды сатып алу тұңғыш рет электронды форматта жүргізіліп отыр. Атап айтқанда Денсаулық сақтау министрі Е.Біртановтың 2018 жылғы 5 шілдедегі №420 «Сатып алу веб-порталын қолдану арқылы дәрілік заттар мен медициналық мақсаттағы бұйымдарды сатып алу бойынша қанатқақты жобаны енгізу туралы» бұйрығына сай Бірыңғай дистрибьютермен осы жылдың соңына дейін сатып алу веб-порталын қолдану арқылы тегін медициналық көмектің кепілдік берілген көлемі шеңберінде және әлеуметтік медициналық сақтандыру жүйесінде дәрілік заттар және медициналық мақ­сат­тағы бұйымдарды сатып алудың қанатқақты жобасы енгізілген болатын. Сондай-ақ биылдан бастап препараттарды алуға жіберілген өтініштер бірден бекітілмейді,  ауруханалар дистрибьютермен келісім жасау кезінде өтініштерге түзетулер енгізе алады.

Дәрі-дәрмек сатып алу жө­нін­дегі бірыңғай дистрибьютер «СҚ-Фармация» ЖШС жақында 2019 жылға ТМККК қамтамасыз ету үшін дәрілерді сатып алу жұ­мы­сы басталғанын хабарлады. Осыған дейін ТМККК және Мін­детті әлеуметтік медициналық сақ­тан­дыру (МӘМС) шеңберін­дегі тегін берілетін препараттардың тізімі Денсаулық сақтау министрінің бұйрығымен бекі­тілген еді.

Әлеуметтік медициналық сақтан­дыру қоры 2018 жылдың 1 қаңтарынан бастап медициналық қызметтерді төлеу бойын­ша қаржы операторы ретінде жұмыс атқарып келеді.

Дәрі-дәрмектер диспансерлік есепте тұрған және стационарларда тегін ем қабылдайтын пациенттерге арнап сатып алынады. Тізімге 1144 препарат кіреді, оның 829-ы дәрілік заттар болса, 315-і – басқа да емдік бұйымдар. Өткен жылға қарағанда биыл амбулаторлық деңгейде қамтамасыз етілетін дәрі-дәрмектердің тізімі артқан. Аурудың 45 түрі бойынша диспансерлік есепте тұрған пациенттер үшін дәрілік заттардың 550-ден астам атауы сатып алынады. Өткен жылы дәл осындай мақсатта 482 атаумен дәрі-дәрмектер сатып алынған болатын.

– «Халық денсаулығы және денсау­лық сақтау жүйесі туралы» Кодекстің 88-бабы бойынша еліміздің азаматтары Денсаулық сақтау министрінің бұй­рығымен бекітілген тізбеге сәйкес ТМККК шеңберінде амбулаторлық дең­гей­дегі азаматтардың жекелеген са­наттары дәрілік заттар мен медици­н­а­­лық мақсаттағы бұйымдармен қам­та­­­масыз етілуге құқылы, – дейді Әлеу­мет­тік медициналық сақтандыру қоры Астана қаласы бойынша филиа­лы ди­рек­­то­рының орынбасары А.Амангелдиев.

Тегін дәрі-дәрмектерді алуға арнал­ған рецепт учаскелік немесе маман­дандырылған дәрігердің нұсқаулығымен белгіленген дәріханадан ғана беріледі. Науқасқа дәріхананың тізімі мен мекенжайын тіркелген емханада береді. Егер тегін берілетін препаратты аталған дәріханалар беруден бас тартса немесе ақы төлеуді талап етсе, пациент өзі тіркелген емхананың басшылығына, тұрғылықты мекенжайы бойынша жергілікті уәкілетті мемлекеттік ор­гандарға немесе Денсаулық сақтау министрлігінің Фармация комитетінің департаментіне шағымдана алады.

Әлеуметтік медициналық сақтан­дыру қоры Астана қаласы бойынша филиалы тұрғындарға ТМККК шеңберінде медициналық қызмет көрсететін 79 медициналық мекемемен келісімшарт бекітті. Оның 36-сы мемлекеттік, 43-і жеке меншік мекеме.

Бұл жұмыстардың барлығы жыл басында тегін препараттар тапшылығының алдын алу мақсатында атқарылып жатыр. Сондай-ақ сатып алудың ерте басталуы ағымдағы жылдың соңын­да барлық препараттар бірыңғай дис­трибьютордың қоймаларына келіп түсуі үшін де қажет. Тендер рәсімдері шамамен екі айға созылады. Тендер нәтижелері бойынша шарттар жасалып, дәрі-дәрмектер жылдың соңында дейін қоймаларға жеткізілмек.

Майгүл СҰЛТАН,
«Егемен Қазақстан»

СОҢҒЫ ЖАҢАЛЫҚТАР

17.02.2019

Биатлоннан әлем кубогі: Роман Еремин із кесушілер сынында 48-ші орын алды

17.02.2019

Ғылыми жобалардың үздіктері анықталды

17.02.2019

Қыздар бесік жырын айтудан жарысқа түсті

17.02.2019

Үндістанда орын алған террористік әрекетке байланысты СІМ мәлімдеме жасады

17.02.2019

​Иранда орын алған террористік әрекеттерге байланысты СІМ мәлімдеме жасады

17.02.2019

Көркем гимнастикадан төрт дүркін әлем чемпионы Гран-приде Димаштың әніне биледі

17.02.2019

Қазақстандық футболшы голландиялық клубқа 6:0 есебімен жеңіске жетуге көмектесті

17.02.2019

Болгариядағы "Странджа" турнирінде алты боксшымыз ширек финалға өтті

17.02.2019

Қазақстанның көрікті жерлері туралы бағдарлама халықаралық сыйлыққа ие болды

17.02.2019

Димаш пен Данэлияның The World's Best шоуындағы қарсыластары анықталды 

17.02.2019

Қ.Тоқаев Мюнхен конференциясына қатысты

17.02.2019

Көркем гимнастикадан Мәскеудегі Гран-при: Әділханова 19-шы орында

17.02.2019

Қарағанды облыстық соты республикалық байқауда жүлдегер атанды

17.02.2019

Қанат ТІЛЕУХАН. Қайтқан қыз (Әңгіме)

17.02.2019

«Батыс» өңірлік қолбасшылығында ауқымды шара өтті

17.02.2019

Берни Сандерс АҚШ президенті лауазымы үшін қайта күресуге шешім қабылдады

17.02.2019

Дәрігерлер балаларды көңілді бимен оятты

17.02.2019

Алакөл ауданында көпбалалы отбасыларға пәтер берілді

17.02.2019

Қазақстан дзюдошылары Еуропа кубогінен екі медаль жеңіп алды

17.02.2019

Жансель Дениз Turkish Open турнирінде жеңімпаз атанды

ТАҒЫ ЖҮКТЕУ
КОЛУМНИСТЕР

Сейфолла ШАЙЫНҒАЗЫ, «Егемен Қазақстан»

Elorda: kósheler, avtobýstar, aıaldamalar

Astana jyl sanap ósip keledi. Bir kezderi oblys ortalyǵy bolǵan shaǵyn ǵana qala az ýaqyttyń ishinde elimizdegi iri shaharlardyń qataryna qosyldy. Munyń bári qarqyndy júrgizilgen qurylys jumystarynyń nátıjesinde júzege asyp otyr. Ras, qazir 2000 jyldardyń basyndaǵydaı ekpin joq. Degenmen áli de bolsa jańa ǵımarattar men turǵyn úıler turǵyzý isinde alǵa basý bar. Bas qala, jańadan turǵyzylyp jatqan elorda bolǵandyqtan, qurylys jumystarynyń jalǵasa beretinine kúmán joq.

Жақсыбай САМРАТ, «Егемен Қазақстан»

Oqıǵalar uǵymdy bolsa ıgi

Tildiń túıtkili qansha aıtsaq ta tarqamaıtyn boldy. Burynǵydaı eshkim zorlamasa da, eshkim tizege salmasa da, ana tilimizde sóıleıik dep urandap jatsaq ta, halqymyzdyń qalada turatyn negizgi bóligi únemi orys tilin qoldanýǵa beıil turatyny qynjyltady. Úlkender túgili qazaqsha oqıtyn balalarymyzdyń ózi orysshany tez qabyldaıdy. Qazaqsha oılanǵansha oryssha jyp etkizip jaýap bere qoıady. Eshkimdi kinálamaı, eshkimdi qaralamaı osynyń sebebin taǵy bir izdep kórelikshi...

Сүлеймен МӘМЕТ, «Егемен Қазақстан»

Qatygezdikke bala ǵana kináli me?

Sońǵy kezderi mektep oqýshylarynyń arasynda sotqarlyq órship barady. Teledıdardan kórip, áleýmettik jeliden oqyp otyrǵanda, olar mundaı qatygezdikke qalaı bardy degen saýal kókeıdi tebendeı tesip, oıdy oıran etedi. 

Александр ТАСБОЛАТОВ, «Егемен Қазақстан»

Keleli istiń paidasy

Búginde ár kólikke tirkelip beriletin memlekettik nómirlerdiń deni jappaı satylymǵa shyǵaryldy. Olar birkelki sandar men úılesimdi áripter tizbeginen quralǵandyqtan birden kóz tartady. Ony halyq arasynda «ádemi nómirler» deıdi. Atalǵan nómirlerdi alýǵa júrgizýshiler de yntyq. Ásirese qymbat kólik ıeleri úshin sándi nómirdi taǵý, ózine bir artyqshylyqty beretindeı kóredi. Endeshe bul nómirlerdi satylymǵa shyǵarǵannan kim utyp jatyr dep oılaımyz?

Мирас Асан, «Егемен Қазақстан»

Qumar oıynnyń quryǵy uzyn

«Aıdalada altyn bar» dese, soǵan birinshi qandastarymyz baratyn shyǵar dep oılaıtyn halge jettik. Bulaı deýimizge qoǵamda qordalanyp qalǵan, ordalanyp alǵan máseleler mysal bola alady. Sonyń biri – báske aqsha tigý, ıaǵnı býkmekerlik keńselerdiń keleńsiz kásibi bolyp tur. Jalpy, ózi jarymaı otyrǵan jannyń «úıde otyryp ońaı aqsha tabý jolyn úıretemin» degenine erip kete beretin ańqaý bolatynyna ekenine búginde kózimiz ábden jetti. 

ҰҚСАС ЖАҢАЛЫҚТАР

Тағы да оқу

Пікір қосу