Алты құлаш әулие қорымы имандылық орнына айналады

Егемен Қазақстан
28.08.2018 2642
2

«Егемен Қазақстан» газетінің 2018 жылғы 30 шілде күнгі санында «Алты құлаш әулие кесенесі – Ақтаудың Тәж-Махалы болса...» деген мақала жарық көрген болатын. Бұл «тырнақ астынан кір іздеп» мінеу мен сынау емес, болса деген ізгі тілек, ел мен жер берекелі, дала мен қала көрікті болса деген перзенттік-азаматтық пейіл және «өлі жебемей, тірі байымайды» дегендей, өткендер рухы алдындағы айтылуға тиісті парыз болатын. Оның үстіне, жуырда ғана, яғни тамыз айының 11-12-де алқалы жиын өткізіп, республика қалалары арасында алғаш рет бес мемлекеттің президенттерін төріне тоғыстырып, әлемге тараған маңызды жаңалықтың тұғырына айналған Ақтау – болашағы зор қала. Кешегі «түбек», бүгінгі дәліз – Маңғыстаудың бас қаласы, облыс орталығы, кемелер қалқыған көк теңіз жағасындағы Қазақстанның портты қаласының ажарлы болуы – баршамыз үшін мақтаныш.

Арада ай өткенде Маңғыстау облысы әкімдігінің баспасөз қызметінен жан жадыратар қуанышты хабар келіп жетті.

«Ақтау қаласының 17 шағын ауданында орналасқан «Алты құлаш әулие» қорымының маңынан жаңа заманауи үлгідегі мешіт салынады. Облыс әкімі Ералы Тоғжанов өңірдің зиялы қауым өкілдері, ауыл ақсақалдары және бір топ ғалымдармен бірге аталмыш тарихи-мәдени нысанның басына барып, құрылыс жұмыстарымен таныс­ты. Жаңадан бой көтеретін ғибадат үйінің жобасы талқыланып, мамандар жан-жақты ұсыныстарын ортаға салды» делінген хабарламада.

Мамандармен қорым маңын барып көрген Маңғыстау облысының әкімі Ералы Тоғжанов:

– Тарихы тереңде жатқан қорымның айналасы алдағы уақытта көпшілік зиярат етіп, рухани-имандылық азық алатын ортаға айналуы тиіс. Сондай-ақ қала қонақтары үшін қолайлы жағ­­дай жасалып, негізгі туристік нысан ретінде қызмет ететін болады. Ол үшін жамағаттың дем алуына ыңғай­ластырылып, мешіттің айналасы абаттандырылуы тиіс, деп тапсырма берген.

Алты құлаш әулие мазары сол қалпында сақталып, айналасындағы қоршаулары жаңартылып, халқымыздың тарихы мен тағылымын танытатын кесенеге айналмақ.

«Белгілі археолог Андрей Аста­фьевтің­ дерегіне сүйенсек, Алты құлаш әулие ескерткіші Х-ХI ғасырға жатады. 2006 жылы «Мәдени мұра» бағдар­ламасы бойын­ша облыстық мәслихат шешімімен әулие ­мазарын мәдени орын қатарына кіргіз­ген. 1996 жылы Алты құлаш әулиенің сырты қоршалып, кейін ескерткіш-кесене салу ісі көтерілді. Бірақ аяқсыз қалған. Осылайша, Алты құлаш әулие мазарының мәселесі 20 жылдан астам уақыт шешімін таппай, қаланың қақ ортасында қараусыз қалған қоңыр­қай күйде болды. Талай рет ақсақалдар қауымы құзырлы мекемелерге хат жазып, қорымды қалпына келтіру туралы өтініш берген. Бүгіннен бастап аталған алаңда жылдар бойы жатқан күл-қоқыстар мен құрылыс қалдықтарынан тазарту жұмыстары жүргізілуде. Киелі қорым басына арнайы барған зиялы қауым өкілдері мен ауыл ақсақалдары батасын беріп, ақ тілектерін жеткізді» делінген одан әрі хабарламада.

Бұл маңғыстаулықтар көптен күткен жаңалық және талайдан бері айтып жүрген мәселе болатын.

Қазіргі таңда Ақтауда 1989 жылы ашылған шағын қалалық мешіт пен 2000 жылы салынған Бекет ата атындағы Маңғыстау облыстық мешіті бар. Ақтау қаласы тұрғындары санының артуы мешіттердің сыйымдылығы мәселесін туындататыны белгілі. Осы орайда, Алты құлаш әулие қорымы маңынан бой көтеретін мешіт және қала қонақтары мен тұрғындары барып зиярат ететін рухани-имандылық орнына айналатын әулие кесенесі – уақыт талабы.

Зиярат үшін барған жекелеген тұрғындар болмаса, қаланың ортасында қараусыз қалып келген қорым енді қайта жаңғырған кесене болып қала сәулетін асырып, сондай-ақ халыққа қызмет етіп, ұрпақ санасы мен тәрбиесіне имандылық сәулесін шашып, сіңіретін орынға айналса қандай қуаныш! «Егемен Қазақстан» газетінде көтерілген мәселе шешімін тауып жатса, ол да басылымның оқырманның көкейіндегі мәселені орынды қозғағаны деп айтуға болады.

Гүлайым ШЫНТЕМІРҚЫЗЫ,

«Егемен Қазақстан»

Маңғыстау облысы

СОҢҒЫ ЖАҢАЛЫҚТАР

24.02.2019

UFC: Дамир Исмағұлов жеңіске жетті

24.02.2019

Михаил Кукушкин финалға шықты

24.02.2019

Дюсельдорфта әзірге жүлде жоқ

23.02.2019

Гагарин кубогындағы қарсыластар анықталды

23.02.2019

«Алматы марафонының» жүгіру маусымы ашылды

23.02.2019

Түркістанда «Балдәурен-2019» байқауы өтті

23.02.2019

Түркістан: Түлкібас ауданында 6 әлеуметтік дүкен жұмыс істейді

23.02.2019

Атырауда көпбалалы үйлерге улы газды анықтайтын детекторлар тегін орнатылып жатыр

23.02.2019

Бейбіт Атамқұлов Еуропалық Одақтың Орталық Азия бойынша арнайы өкілімен кездесті

23.02.2019

Бектас Бекназаров Молдовадағы сайлауды бақылауға қатысты

23.02.2019

Елшілер институты Қазақстанға отандық жұлдыздардың жанкүйерлерін тартуға жол ашады

23.02.2019

Бүгін еліміздің басым бөлігінде тұман түсіп, көктайғақ болады

23.02.2019

Бадминтоннан әлем кубогі: қазақстандықтар жұптық сында келесі кезеңге өтті

23.02.2019

Юлия Галышева Жапониядағы әлем кубогі кезеңінде қола жүлдегер атанды

23.02.2019

Елордада ашық құдықтар мәселесі қалай шешілуде?

23.02.2019

Астанада әскерге шақырылушыларды медициналық куәландыру мәселелері талқыланды

23.02.2019

Қоғамдық қабылдауда ақтөбеліктердің мыңнан астам мәселесі шешілді

23.02.2019

ТМД құрылысшылары баға белгілеу саласында тәжірибе алмасты

23.02.2019

Жас теміржолшылар республикалық «Jas qanattar»  форумына қатысты

23.02.2019

Қостанай облысында өткен жылы өңдеу өнеркәсібінің өсімі 5,8 процентке артты

ТАҒЫ ЖҮКТЕУ
КОЛУМНИСТЕР

Александр ТАСБОЛАТОВ, «Егемен Қазақстан»

Jol erejesinen buryn, saqtyq kerek

Jasyratyny joq, ózimizdiń bir áriptesimiz, Qaraǵandy tas jolynan Astanaǵa kirer tusta keshqurym, ıaǵnı alageýim shaqta kóligimen bir adamdy basyp ketti. Ol jaıaý júrginshi jolaǵymen júgire basqan jandy kórmeı qalǵan. Qansha jerden kinásin moıyndasa da, ol – jaýapker. Sebebi jaıaý júrginshige arnalǵan jolaqta ereje buzdy. Toqtamady. Al toqtar edi, biraq adamdy kórgen joq. Mine, endi mundaı jaǵdaıda kimge kiná artasyz? Jaıaý júrginshi de opat boldy, júrgizýshi de qamalady.

Қарашаш ТОҚСАНБАЙ, «Егемен Қазақстан»

Tyıym men tıyn

Toı-toımalaqta tún jamylyp óner kórsetetin kámelettik jasqa tolmaǵan, ómirleri aq paraqtaı taza, kóńilderi aq bulaqtaı móldir kishkentaılarymyzdy jasyna laıyqsyz kıindirip, boıandyryp kópshiliktiń aldynda shyǵarý, án saldyrý – qý aqshaǵa qunyqtyryp qoıǵan ata-analarynyń kinásinen. 

Бақытгүл САЛЫХОВА, педагогика ғылымдарының кандидаты

Qorqynyshty mıkroplastık

О́tken aptada Eýropalyq odaq úkimeti óndirýshilerge mıkroplastıktiń barlyq túrin óz ónimderinde qoldanýǵa tyıym salǵanyn estigen bolarsyzdar. Mıkroplastıktiń ne ekenin bilesiz be? Osyǵan deıin kóp mán bermeppiz. Sóıtse mıkroplastık − sıntetıkalyq polımerlerdiń kishkentaı bólikteri, bul kóptegen zattyń quramyna kiredi: kúndelikti kıetin kıimimizde de, kir jýatyn untaqta da, saǵyzda da bar eken.

Анар ТӨЛЕУХАНҚЫЗЫ, «Егемен Қазақстан»

«Jeti jarǵy» jıen jaıly ne deıdi?

Qarǵa tamyrly qazaqta jıenmin dese qolq etpes jan joq shyǵar, sirá. Tipti, naǵashyǵa aıtar oıyn «tuzdyqtap» jiberse de, basynan sóz asyrmas nebir adýyn minezdiniń ózi jıen ǵoı, aıta beredi» dep kúlip, bas shaıqaǵannan artyqqa barmaıdy.

Бекен ҚАЙРАТҰЛЫ, «Егемен Қазақстан»

Rýh jaıly áńgime

Marqum alashshyl tulǵa Aqseleý Seıdimbektiń «Rýhy azat halyq qana uly ister atqara alady» deıtin myzǵymas ustanymy boldy. Osy uǵymdy Ahań ári qaraı tápsirlep: «Rýhsyz halyqty altynǵa bólep qoısań da báribir, rýhy myqty qaýymnyń aldynda eńkish tartyp turady. Rýh degenimiz ol kózge kórinbeıdi, halyqtyń gendik bıosferasynda bolatyn úreıdi jeńý qýaty. Úreı qan arqyly urpaqtan urpaq jalǵasyp kete beretin asa qaterli qubylys. Qandaı bir qaýymnyń rýhanı erkindigi (táýelsizdigi) halyqtyń boıyndaǵy úreıdiń az-kóptigimen ólshendi» deıtin edi jaryqtyq.

ҰҚСАС ЖАҢАЛЫҚТАР

Тағы да оқу

Пікір қосу